西鐵燒烤樂園 (已結業)

** 此 食 肆 的 第 一 個 OK **尋晚(7-10-2008Tue)我同男友同一班朋友共13人o黎呢o度燒o野食.開頭我o地去攞o野食時,伯伯畀得唔多,叫佢畀多啲,佢話唔好攞咁多,始終暴露o係空氣中唔係咁好.呢o度都幾多o野燒,我覺得味道鹹o左啲,咁一定呢,唔係點可以令人買多啲o野飲?我捱介o既係咖哩肉丁,燒好後外脆內軟多汁,又好味,男友食o左雞全翼同雞膇,佢話好好味.雞扒都可以,其實o既都一般呢.而我o地覺得牛扒唔係幾得.其他:$80.00包一支水同一罐庄飲品,咁我同男友去攞,我想要忌廉,男友要維他奶,但竟然呢兩樣o野係唔包,要畀錢買.有冇攪錯?呢啲唔係貴價o野呀?竟然o係OJ,7Up同記得咩中擦揀,太孤寒啦.

我們一人18人，去了這裡，真的很不錯，不錯的地方是交通方便，我們各人分別乘西鐵、巴士和私家車來的朋友，也認為十分方便，入場後我們選擇了有蓋的燒烤爐，而取食物的姐姐都OK，我們要很多款也沒有給我們面色看，食物水準OK，因為我曾經在西貢大埔仔的自助燒烤場燒烤，食物真的是這裡好吃得多，不是得個咸字，而且有蕃薯、茄子和青椒，很新鮮，而且環境也很開揚，一邊燒烤，一邊有微風吹來，十分寫意，第二天我便不斷推介給同事們。P.S. 有人覺得服務差，我就覺得都OK，只要多說幾聲Thank you，她們便好一點。

地點的確好方便,晌正西鐵站隔離但係食物質素很差,大部份都未解凍的,石頭咁硬,拮都拮唔入一般的任食bbq都係客人拎隻碟出去凍肉櫃任夾食物的,但係呢度係佢d職員夾俾你,職員態度極不友善,我地8個人,佢只俾2隻雞翼,要求三次都只係得6隻 只提供第一輪的炭,之後的要俾錢買,每包15元,size只係平時晌百佳賣果d既一半咁上下....最奇怪係d炭燒得好快,燒完一隻雞全翼就要加一次炭 飲品方面,除了正常的支裝水和百事可樂,其餘的罐裝飲品都是不知名的牌子(相信係來自大陸的)總括而言,這是我去過最差的一間任食自助bbq,好難想像咁簡單的東西都可以辦得咁差,老細似乎食水太深了,以後唔會再去,亦唔會推薦俾其他人

Mothers Day 同埋親戚, 一行13人黎, 其實我唔係幾鍾意BBQ, 因為怕DIRTY, 又成日要洗手 .... 等等佢地兩點先開, 我地兩點就去到, 燒到夜晚十點走.會再約朋友ENCORE ... 因為有以下原因:1. 方便, 元朗西鐵站一落就係, 過條馬路就到, 不過大家留意, 係G2出口會快過J出口2. 地方環境清潔乾淨, 可能我地早到, 仲見到D姐姐洗膠椅, 差, 碗,盤, 碟 .... 嗯, 好乾淨, 令到我好放心坐同用D餐具3. 由於有老人&小朋友, 所以BOOK左間房(樓下$200, 樓上$15), 內有一大張長SOFA + 電視機, 可以帶WII OR PS3 去玩, 正 !! 房有冷氣, 燒烤爐就係房出面, 好方便. 仲有一張大長枱, 8張大膠椅. 燒烤用就坐膠圓椅, 我睇住D姐姐洗, 所以好安心坐4. 食物方面, 講真, 真係唔差, 我就覺得好好TIM .... 新鮮, 無乜味精, 多元化5. 抵玩, 假日$80一個人, UNDER 12歲 & 老人$60, 由朝燒到晚, 大把野食, 包一支大水 & 啤酒或汽水一CAN. 額外啤酒都係$6一CAN, 買4有埋

元朗燒烤場只係去過厘間, 其他都未試過, 只因厘間既食物好味, 而且又平, 交通方便, 更有電視睇添!! 食物方面, 肉丁係最好味, 真係一粒粒肉咁食落口, 又辣辣地, 好正!! 其次D辣魷魚, 雞翼, 雞膇, 雞扒都醃得唔錯~ 都係好好食... 另外D丸類同埋香腸(有雞肉腸, 司華力腸, 大紅腸)都好充足, 好多款!! 而且仲有青椒, 茄子做蔬菜, 十分唔錯!! 仲有蕃薯, 個個都話正呀~ 食物種類唔算極多, 但都已經好夠食!!醬汁又可以任斟, 真係好正~~ ^^服務方面, 雖然D人係慢左D, 但都算ok ar~!!整體黎講係好好, 好抵, 平日70蚊可以燒足全日, 任食唔嬲~ 正呀!!!

19-Mar 本想去元朗歡天喜地的, 但因裝修, 故又很想燒烤, 故轉到這裡燒烤20:30到達, 當天是HK$70/位, 4個人包一包炭及爐上有一堆炭, 一支水及沒有酒精飲品(只包一D不吸引汽水) 可口可樂或忌廉都要另外買(不可用換領劵加錢換)食物方面真係選擇小:魚蛋, 龍蝦丸, 牛丸, 墨魚丸, 燒賣豬扒沒有味道的金沙骨好肥牛扒味道一般咖喱魷魚OK蒜茸雞翼味道好淡及醉雞翼小小酒味沒有菜包, 只有青椒, 茄及, 粟米,法式牛油麵包及蕃薯拿完食物返位都未有起好個爐, 只是底的炭有D火光, 去門口問他們可有紙皮可以撥一下, 員工回覆佢等一下就OK..完全沒有服務, 反而問一D清潔的阿姐好好多.**方包及雞扒21:30就沽清沒有了總括而言在這裡最好的好處只是門口就有巴士站可直接回家, 食務及服務態度都不OK, 應該不會再來了.

自從來過這裡後,都沒去其他BBQ場了主要原因交通方便,出門口有達多個地點的巴士站,更有西鐵呢泊車既都大把位這個場既賣點不是食物,而是入面既設施,有有線電視及!!!冷氣房!!!冷氣房內有私家電視,喜歡看足球既有提供有線,又可以過冷河(尤其夏天) 再唔係既可以自己帶部Wii去打,問你死未,有家庭式FEEL,那兒又有"色宗"提供,我時常見到別人帶酒精飲品進入呢.講到食物,其實個個BBQ場大同小異,最喜歡入面的沙嗲肉打,細細粒,啖啖肉,一口一粒,充滿沙嗲味,唔似食豬扒咁大口大口咬!女仕更為喜歡.但有讚有彈啦,牛油金菇另外買十蚊包(第二推介)依個食法正服務方面...拎野食果兩個女人真係次次都黑口黑面扣分,但不影響既80蚊算係OK價錢,但真係要識門路呢冷氣房BOOK 1日150蚊

本人今日與朋友(十幾人)到元朗西鐵燒烤樂園燒烤, 十分不滿此燒烤場!!每人收費$80 , 獲派發一張飲品換領票, 上面寫著: 不限時間任食極之不滿的原因如下:1 ) 基本服務不足 我們到達的時間大約是下午3時, 烈日當空, 而工作人員分配給我們的4個燒烤位置都是--沒帳篷--的!! 作為一所燒烤場, 為客人提供帳篷是很基本的服務吧? 收費80元, 但卻沒準備帳篷?? 難道他們想客人中暑? 看見某些位置的提供帳篷, 我們便向他們索取帳篷, 他們都不情不願的, 說: 你都應該預左曬嫁啦...下午bbq係咁嫁啦, 戶外係咁架嘛! 最後他們才慢條斯理取出帳篷2 ) 工作人員態度差 正等待工作人員搭建帳篷時, 由於我們不想阻礙工作人員以及在烈日底下暴曬, 所以找了附近有帳篷的位置 站著等. 此時竟有其他工作人員走來說: 你地個位o係o個度呀, 過去o個邊坐 明明是因為有人在搭建帳篷, 我們才不可返回自己位置! 如果他們一早準備好帳篷, 我們便不需坐在其他地方了! 再者, 其他位置都是空的, 沒有其他客人, 我們也沒有阻礙他做生意呀

我第一次去呢間BBQ,諗住方便就腳.點知唔單止D野食差,服務仲差!! 下次都係去遠少少屯門吧啦.....佢地最多人收錢(比其他BBQ貴3成),冇人開爐,追左好耐先理我地.我地6個人都係得2包炭.燒多2件雞都冇半包.但見其他2人的情侣都有2包.問開爐D人又話唔知.天氣乾燥,D炭好易著,不過佢地仲用石油氣猛燒你D炭.好搞笑........D食物好乾,冇味,好似雪左好耐......我諗如果夏天可能會好熱,好煙,四面都圍住.....

情人節當日大約6pm去左呢到BBQ~~~交通好方便，對面已經係西鐵站~~因為Book左位，所以坐係室內，有人幫我地整爐加炭…個到提供燒烤叉…蜜糖…膠手套…D野食都算OK~~好過自己買多或者食唔哂浪費。本人覺得"牛油法包"~好食！食得好飽！！！有段時間有得去拎熱辣辣的"夏桑菊" 飲~~好味！坐得好舒服，又可以邊燒邊睇電視。

同過屋企人去呢度BBQ. 初時以為由葵涌過去要好耐, 點知半個鐘左右就到, 因為佢\正正響西鐵元朗站隔離, 好方便.我去過好多個BBQ場, 呢個場算好企理乾淨, 又有個大電視. 不過D野食款式唔多, 而且用晒佢\o個兩包炭之後要另外俾錢買, 攪到成日驚唔夠炭要就住用, 不過最後剛剛好唔駛買.推介辣雞搥同埋沙爹肉粒, 必食之選!

我地十幾個人去燒,等佢俾台又耐,收錢唔找錢,提佢找錢又唔俾,服務態度差.d菜又要加10蚊去拎野又話唔得,好唔方便d台d 椅又dirty, 汽水只可以飲佢個d其他又要加錢

幾經艱苦先決定到一個燒烤地點,又要交通方便又要有頂蓋又要任食又要無限時,呢度係符合到既,但食物選擇就唔多囉$70 任食包水一支,汽水/啤酒一罐,炭一包,蜜糖,指定調味料,碟叉,燒烤叉,專人開爐,手套,而食物方面,大概如下蒜頭雞翼,花雕酒雞翼,牛扒,豬扒,雞扒,肉丁,魷魚,魚旦,墨丸,龍蝦丸,燒賣,多春魚,叉燒骨,青椒,矮瓜,粟米,牛油法包,方包,雞肉腸,芝士腸,咖喱雞腿)