影片
港鐵油塘站 A1 出口, 步行約9分鐘
繼續閱讀
營業時間
星期一至日
24小時營業
以上資料只供參考, 請與餐廳確認詳情
實不相瞞,本小姐都係一個愛好食飯糰嘅人,無論係日式定係台式,抑或係比較求其嘅便利店飯糰,我都通通照單全收,以前番工如果遇上孤獨食lunch嘅時候,飯糰永遠都係我嘅好朋友。之前呢間西龍傳香飯糰,賣點就係人手即時製造,飯餸更加係任君選擇,份量要幾多有幾多,風魔一時,但已經唔知由幾時開始佢就無聲無色咁消失咗喺我嘅世界入面...直至前排某一日收工搭𨋢我竟然見到呢度有一部西龍傳香飯糰嘅自動販賣機......
雖然口味已經冇以前實體店咁多選擇,但係見到佢哋嘅價錢比以前仲平咗,都啱嘅!又唔洗舖租又唔洗人工,而家咁樣智能化咗都幾好丫~所以我就噤咗舊杏鮑菇五穀飯糰番屋企慢慢嘆。
$16.9就有一件已經唔止係孤獨食飯嘅恩物咁簡單喇...仲係一件糧尾恩物嘅事,佢哋喺包裝方面仲增添咗唔小心思,除咗列明幾多卡路里同成份之外,本身喺販賣機買到嘅時候已經係熱架喇...連時間都可以慳埋,掂呀!!!一打開,飯糰嘅size一啲都唔算細,基於有齊哂五穀,食完仲會非常飽肚,裡面嘅餸亦夠足料,對我嚟講,呢個飯糰唔算係日式...又唔算台式,我覺得絕對係港式嘅飯糰了
繼續閱讀