角落 三二 (已結業)

上次因為無時間，只食咗甜品已經好正。撞啱今日唔洗OT，就可以試下d晚飯。去到可能食飯時間，都差不多滿坐。見到個餐牌同2個月前唔同咗，聽d員工講原來加咗d新菜款，有款仲要係為咗素食者而設，細心到呢心大心細樣樣都想試下，最終揀咗呢兩樣:1。香橙燒汁烤豬肋骨配薯條及黑醋沙律個豬肋骨配上橙黎焗, 酸酸甜甜好開胃好淋，個汁好好味，而且都幾大件，不過切起黎有d困難，如果可以預先切咗一件件先焗嘅話可能會好d，方便我地呢d懶人。個薯條好脆，有跟兩個醬，但其實唔洗點醬都好好味。最鍾意沙律係配黑醋2。焗意大利飯芝士半熟蛋大啡菇配黑醋沙律一黎到即試下d飯，飯面仲有d脆嘅I like it,d意大利飯已經無敵，加上一切個大啡菇上面個芝士半熟蛋即流心，正到飛起。個菇好厚，食落好似食緊牛扒咁，而且焗完都唔乾仲好juicy, 成件事好豐富3。Corner 32我地兩個人都想試下呢度嘅特飲，所以叫咗兩杯，青檸加薄荷加蘋果西打，酸酸甜甜好醒神，令成餐飯更完滿。唯一缺點就係一入到去坐低d冷氣好勁，可能加上肚餓，所以特別凍，要即時要求換位，好彩d員工都好配合，食咗野之後就感覺好d。上次有d油煙味，今次亦大大改善咗希望不久將

舖內裝修、環境、衛生同職員態度都好好，而食物方面，味道唔錯，擺設亦好有心思，可能廚房設備比較簡陋，如果想試既話，要有心理準備等好耐（今晚試其中1個set dinner豬仔脾就等左1個鐘左右），而且只係屬於微暖，令到成親飯扣哂分。。。飲品方面嗌左杯招牌Corner 32同埋熱朱古力，個杯同隻匙羹好有心思，呃like一流👍🏼Corner 32係點題飲品，係杯檸檬薄荷葉梳打水，味道幾清新唔錯；而另外杯熱朱古力就偏甜，不過最大問題係微暖，完全唔熱😅 而今晚嗌左兩個set dinner，我個份係芝士流心蛋烤大蘑菇意大利飯配黑醋沙律，味道幾夾，只係同杯熱朱古力一樣，又係微暖，好似唔係即時整咁 最大問題係另外呢份set dinner，我地揀焗豬仔脾加蕃茄焗意大利飯配烤蒜頭，足足等左45分鐘🙈🙈但是奇怪係依然都屬於微暖，好似擺左好耐先拎出黎咁整體黎講，無論環境抑或食物味道都唔算差，份量對男生黎講可能偏少，時間上實在等太耐，會無心機食；另外每款食物都係微暖既問題實在太嚴重，所以未必會去試。

於附近上班，今日試試新嘢，行遠少少。呢間餐廳座位唔多，平時經過都滿座，今日早咗有位，就試試啦！待應都幾有禮貌，解答咗我啲問題。之後我就揀咗Pasta Set, 煙三文魚忌廉白汁闊條麵配香脆炸薯條，飲品就㨂咗熱檸蜜。59中蚊嘅價錢，有份有兩大塊煙三文魚，忌廉汁好均勻嘅闊條麵，仲加埋真係好脆嘅薯條，唔好食我都收貨，仲要味道唔差，一個字-抵！值得再去及支持！佢重可以加錢叫Dessert，下次一定會試。

收工食完飯, 超想食甜野，見呢間有我至鍾意嘅朱古力Brownie, 仲要係炸嘅，未試過即時叫個黎試下，食第一啖雲呢拿雪糕加上朱古力醬，好似一般咗d，但當夾埋炸Brownie一齊食，Brownie嘅熱加上雪糕嘅凍好過癮，而且d Brownie仲要係脆架，好好味! 不過如果個雪糕可以再凍d就更好 (相機食完已經有少少溶)炸朱古力Brownie配雪糕黄色門面好搶眼好Raw嘅牆配上簡潔嘅裝修晚餐餐牌

今日一班人去朋友屋企玩, 去之前醫咗個肚先, 知道呢條街開咗2間新嘅特色小店, 但比呢間黃色門面吸引到, 雖然地方唔大, 但入到去坐得都舒服, 入面D裝飾好有外國FEEL, 牆上掛咗D喼做DECORATION, 好想去旅行呀~  講完題外話, 重點講下D野食,  LUNCH SET$59跟果汁或熱飲, 價錢算合理, 一行5人叫咗5個SET, 各人食評如下:A) 焗香蒜牛油意粉配西班牙辣肉腸及薯條 -  意粉唔會太鹹辣辣地好醒神, 因為係即焗關係, 上枱時服務員會提醒你小心俾個兜辣親, 細心位加分!  薯條灑上紫菜碎, 同埋跟茄汁及沙津醬兩個SAUCE, 薯條亦炸得酥脆，就算凍咗食都唔會覺得淋, KEEP到脆身, 太好啦!!  B) 炸魚薯條配沙津 - 美國風FISH & CHIPS, 炸魚唔會炸到好乾身, 沙律菜亦好新鮮, 最鍾意就係配上沙津醋做SAUCE, 而唔係用沙津醬, 沙津醋感覺健康好多 C) 香辣蕃茄醬煙鴨胸意粉配魷魚圈 - 意粉酸酸辣辣, 但醬汁略少, 有待改善  炸魷魚圈炸後唔會硬，good job! D) 焗肉醬意粉配香烤蜜糖雞翼 - 呢個意粉D醬汁好夠,