許榮記飲食專家

營業中

休息中

唔識整炸醬撈麵的麵店見佢貼左張炸醬撈麵相片出來，都應該係推介食品，$22 ，一叫即到，都估到無好野。佢個炸醬撈麵根本就唔係炸醬麵，只不過起個麵上面加一堆豆板醬同一些肉條，個麵又有簡水味，又超咸。叫伙記來理論，佢回應係：係炸醬撈麵喎，我地師傅係咁整喎。"同張相完全唔同，而且炸醬撈麵有咁多辣椒？""係咁嫁，炸醬撈麵係咁嫁"最後加左成碗清湯都頂唔順，放棄。以後都唔會再食佢間鋪

四月五日 (星期二)老公仔前陣子看電視,介紹過這家麵店其實這個位置時常經過,但總沒有留意到這店子原來在隔離已經有一間分店,不過當日沒有開當日時間以吃晚餐來說的確早了點,所以不太多人年輕的老闆娘熱情帶位我們點了兩碗粉和炸魚皮炸魚皮炸得香脆,味道濃,偏咸值得一讚,魚脆不會一咬就”粉身碎骨”,吃得很俐落片頭魚蛋米我很喜歡吃魚片頭吃下去比較咸,較魚片有口感魚蛋也有中上的水準肉質鮮而彈牙牛什魚皮餃河牛什各式各樣都很入味,而且很爽最怕吃到太硬又咬不開的牛什魚皮餃皮薄餡靚魚皮鮮而薄,略帶一陣魚香內裡的豬肉也很煙韌大家在旺角想不到吃什麼,這裡提供了一個好選擇!

冇品旺角許榮記,近廣華醫院 2011-03-22 17:51203.198.x.x旺角許榮記是食魚蛋,牛腩麵的,我開旺角就同家人是但去呢間間食,叫做幾碗粉麵及奶油多咁,當奶油多嚟到時我咬了一小口就發現好燶,我即係吐番嗰一小舊麵包出嚟,咁我就同伙計講要求換,咁個伙計就拎去換咗佢,點知比番我的是原先嗰件,只係把燶的反轉就咁比番我食(即係我咬過嗰件),我跟手同佢理論,點知個事頭婆走出嚟大大聲話換咗比你喇,唔滿意既就唔好食囉,...咁同d客講.....我冇屈佢呀,我咬過嗰舊屍骸重可以切番隻角去塊麵包度呀,自此之後我就叫我D朋友唔好去,重有佢D嘢食一般過一般..........

為食人總愛周圍試。去完食waffle，就行去廣華街買d魚皮餃試試。要尋好食魚皮餃，絕不是易事。之前kln city 有間都幾好食，不過keep 唔到水準，一時好食，但一時層皮厚到不得了~見許榮記都多人讚，於是買咗半斤片頭 (好似係$32)同一打魚皮餃 ($24)。先講魚皮餃，好白淨，皮很彈牙，也不會太厚，皮做得不錯。餡料都好飽滿，不過就有少許肥肉。片頭大大件，又厚切，煮完之後更加脹大。魚肉很白，也很彈牙爽口鮮味，非常不錯~無奈地點唔係太就腳，唔可以成日食。

是日口淡淡的，欲吃一些"濕濕哋"的食物。一碗湯粉自不然是一個好提議...一支公走到廣華街內的"許榮記"，叫的當然是她做得最有名的魚片頭。不過習慣上在吃主食之先，必然會叫一份炸魚皮淨食來作開胃小吃。這裡的魚皮用上九棍及門鱔做成，乃吾之摯愛也。出來的製成品勝在"大大碌"，很夠厚身有咬頭亦炸得脆口。是少不免帶少許魚腥味的，但這樣才算感到像是在吃魚皮嘛....通常吃魚皮時店方都會附送一碗上湯的。眼前的這碗東西有看很重的胡椒味，但同時也感到"師傅到"。此時心生一計，將之倒進已端上枱的"全走"通菜上，這不就變成了一份"魚湯通菜"嗎？吃一口，味道還可以呢....除了魚片頭之外，聽說魚餃也是很不錯的，也就來份雙併吧。片頭樣子呈三角型，甚厚身至達差不多1cm有多。魚味甚濃郁，也見爽口彈牙，顏色亦炸得微微金黃。論色、香、味，這與其他魚蛋名店如夏銘記或是安利相比也是不遑多讓的；魚餃皮很煙韌，亦隱夠滲透出少許魚味來。豬肉餡是絕不碎濕濕的，且也有少許肥肉混進其中，咬落也就多了點油潤滑溜之感....沒想到隔了那麽長的日子沒來，味道卻是仍很出色。之前彷彿已遺忘了有這一個吃魚蛋魚片的好地方。此後還要多多再來才行呢..

好耐之前已經睇過雜誌介紹過呢間鋪但始終無機會試.但今日行過呢度終於有機會試吓..首先介紹係佢地既魚片頭做得幾好,魚片頭炸得夠金黃色,食落口夠彈牙&有魚味.但d侍應既服務態度就差少少尤其係企係麵檔個女人,講o野又大聲驚死無人聽到甘見到d客人入o黎招呼都唔打,所以下次有機會都係叫外賣好d

記中學時代,夏銘還在勝利道的時候就喜歡這裡因為前者的魚蛋冧到離譜...似魚腐多過魚蛋. 今天走過這頭,見到外賣的魚片頭要60蚊斤,幾貴下.九龍城有間賣三四十的德興己經好好食. 又死死氣買返來睇下有幾正.半斤大約有九塊片頭;拿在手熱的...咬下去夠彈密度高,有魚味但當中有細骨.邊行邊食,去到泉章居都無哂.三十蚊九粒...OK.

第2次黎呢度吃, 我個fd 話ok喎呢間, 我覺得有d o 有d 唔o 啦.呢度o既撈麵就麻麻地啦, 有簡水味, 唔夠爽.魚角,墨丸好味.呢次d 魚旦就冇上次咁好彈牙啦,唔知係咪c傅失手.值得推介o既係d 辣椒油, 小小辣, 又好香, 我加左一大斤.

呢間我都幾常去, 已經幫襯左佢十幾年, 因為佢d魚蛋同魚片頭一向都唔錯, 唔係"死彈"而係有魚味o既, 所以久唔久都會食下佢個魚片頭河, 再加一支支裝忌廉, 一條油菜, 平平地一餐食得好滿足。但今日一件事令我非常之唔愉快。話說我食完, 俾晒錢, 出到店外 見佢有o的魚片同魚片頭放左響玻璃檳入面, 炸得好靚, 我就拎左部DC 仔出黎諗住影低佢, 影埋個招牌, 諗住 POST 上自己個 blog 度推介下,; 點知我只係影左一張之嘛, 就有個操大陸口音o既阿嬸侍應走出黎大聲呼喝我：「喂！你影咩呀響度？」我答佢：「我剛剛響裡面食完野，諗住影ｄ相放上網介紹下」; 跟住個阿嬸就走番入舖, 我以為冇事喇咪唔影囉, 走囉; 點知走左唔夠幾步路, 剛才鬧我個阿嬸仲拉多兩個阿嬸出黎企響門口, 用手指住我，大聲喝我：「喂！你影ｄ相黎做咩呀？」我答佢：我頭先響你地度食左野俾左錢，唔係行過冇幫襯又影你地相架。個阿嬸又再用手指住我，好大聲嗌：「你頭先係唔係影我地ｄ魚片頭呀？你影黎做咩呀？」我心諗，之前咪答過你地我影黎po上網介紹囉，唔通我影左你地ｄ魚片頭就會識得整黎搶你生意咩？當街咁手指指指住我黎鬧，咩事呀..

早前因為胃口欠佳, 所以去了許榮記吃東西. 平日的中午人流不多, 店子只有半滿. 不想用腦之下, 選了穩陣的魚旦河. 魚旦滿有魚味, 也算彈牙, 河粉也算滑溜也算滑. 一碗吃完剛剛好, 不太飽又不餓.有質素的店子, 即使招呼一般, 也絕對可以接受的.

前幾日去開果頭, 入了去吃牛什河. 老爸老媽則選了魚旦米同片頭米. 牛腸很肥, 牛肚偏韌, 牛蒡又硬又乾, 實在一句: 好難食! 反而魚旦米和片頭米仍然不錯, 又有魚味, 米線也算滑.下次都係食番魚旦同片頭好d!

星期日同皇子去完模型街買野，又飽飽地喎；所以就走去吃碗粉麵先。要左一碗魚蛋河、一碗香菇貢丸河、一碟腐乳通菜，點知個d魚蛋既然吃落好似棉花糖咁軟，其他都係咁普通~~人地話好正架，我就可能唔識珍賞卦~~我只覺得一般啫~~~

老公說看這家餐廳的食評不錯，上個星期天便一起去試試看。我們叫了一碗魚蛋、墨丸雙拼米、一碗魚餃、貢丸湯飯，一碗淨魚片頭和一碟油菜。除了魚片頭之外，其他的其實跟一般粉麵餐廳差不多，魚蛋也不是象餐廳門口貼的宣傳報所說「很彈牙」，而且整體味道略嫌鹹了一點(因為吃完不久感覺挺口渴)。順便要稱讚一下魚片頭，口感不錯，而且魚的味道很出，可以試一試！至於服務方面，每間茶餐廳都差不多，沒有甚持別投訴或讚賞。

上星期三(13/8)專登去許榮記幫襯，兩個人叫咗個牛筋腩飯、魚片頭河、油菜同熱奶茶。牛腩似清湯腩，偏淋冇咁有質感，而牛筋好膠。不過，個汁怪怪地…(起初以為係湯？！)魚片頭唔係好彈牙，但好鬆軟，亦好入味。正喎！油菜係腐乳通菜，好舊式、味道一般，冇特別。奶茶真係意外收穫，茶味奶味齊全，絕對想像唔到係出自傳統粉麵舖…

已經很久未有幫襯這食店了,下午五點多想去肥姐食卥味,見有長龍,惟有另找別處.柯打了魚旦麵,五分鐘有得食,碗很大,湯很多,見有魚旦五粒,魚片兩件,麵很少,給淹浸在淡白色的湯內,差不多看不見.先吃魚片,炸得很香,魚味豐富,亦很多味精.魚旦不爽,而是滑,很鬆是機打的,所以像軟雪糕般充滿了空氣,沒有甚麼魚味,麵是最差的一環,份量少,很重梘水味,簡直乸口,除了爽之外,一無是處.湯底有魚味,因為腥味很重,胡椒粉雖然很多也去不了.每個項目都很多味精,有敏感症的,請自重.十八元一碗,食大量味精的話,我不會再來了.可幸收銀的小姐是相當有禮貌的.