許榮記飲食專家

營業中

休息中

尋晚師傅想搵間茶餐廳之類地方食晚飯, 咁行到呢頭, 就突然醒起呢度, 於是入去食餐飯!坐底一陣睇下食咩好, 師傅決定要個黑椒牛扒飯, 點知個伙記話冇, 佢話廚房收左工, 幾失望情況下唯有轉另一樣野食啦, 最後叫左一碗淨雲吞!淨雲吞好快就到, 先試下個湯底先, 湯底好清, 冇咩味精, 又冇鹼水味, 幾好; 淨雲吞一碗有八粒, 係八小粒, 雲吞皮都幾薄幾滑, 但個餡就一般喇, 蝦肉少而豬肉多, 加上幾實下, 一d都唔爽口, 完全唔吸引, 好勉強先食晒成碗, 差囉!總括黎講今次食物質素算唔合格, 環境都舒服, 冷氣又夠, 價錢就唔貴, 淨雲吞都係十八蚊, 不過就唔算好味! 所以師傅下次再去, 就一定唔會再食雲吞, 就呢碗雲吞黎講, 喊臉係要比, 希望佢地會改良下啦!

早一排路經此地, 忽然間見到呢間食店, 由於師傅從來都未食過, 但就知呢間食店幾出名, 心癮起, 決定入去食碗粉頂下癮!入到去地方唔算大, 不過環境就幾清潔乾淨, 坐底即刻叫碗紫菜魚蛋米!紫菜魚蛋米紫菜都幾多, 湯底即刻變成紫菜湯, 正呀; 而魚蛋一碗有五粒, 魚蛋食落非常彈牙爽口, 都幾大粒, 不過魚蛋始終都有少少骨碎入面, 都可以接受! 總括黎講食物質素幾好, 環境都舒服, 冷氣充足, 價錢相宜, 一碗紫菜魚蛋米都係賣廿蚊, 抵食呀! 今次師傅忽然心癮起, 試過後下次都會再去, 再試下佢其他野食!

上次坐係明園食煲仔飯,眼見此店人流不絕,早想找機會試一下.踫上有事出旺角,便找個藉口跑過來.午餐時已經有一碗魚蛋粉打底,又唔想食咁飽,只好叫了一碟豬手撈粗加油菜配腩汁.豬手份量不多,三小件平舖麵上,聞落幾重南乳味,撥開豬手,加幾滴辣椒油,再溝好豬手汁,然後一啖咬落去.點知........唔多對路,鹼水味開始散發出,雖不至於過重,但可以更好的為何不進一步?豬手炆得是夠火喉,味如果可以更濃烈些是較合我口味,但仍是豬腳貨色,如果要食真豬手,箇真的要去粉嶺的群記不可.油菜普通不過,不提也罷.

自小住係旺角附近,好多時陪阿媽去旺角買,就會順便當下午茶食許榮記,每次去食,一定聽阿媽話食片頭河,魚蛋河,因為佢話好食....一食落,就已經知龍與鳳,手打魚蛋食落非常彈牙,又大粒,加埋清清地既河粉係下午茶既精選!!食手打魚蛋最忌就係去唔晒d骨,有d骨碎係入面,我可以向你地保證,我食左廿年許榮記,我冇一次食到入面係有任何問題@@不過我就唔太欣賞佢地既飲品,因為都係一般茶餐廳水準,所以每次同媽咪都係飲可樂算數...依家許榮記已經擴大了,想當年,同媽咪一齊坐係後巷搭成既鋪頭食,可想而知,許榮記有一定既吸引力....

宿醉未消的早上,腳步浮浮,浮到去許榮記,早上十點多,已經有魚蛋河吃.記得十年八年前曾前來過,印像說不上有,今次"重來",來一碗魚蛋拼魚片頭河.魚蛋吃落都幾彈牙,魚味夠濃,至於魚片頭呢,四四正正,可能是早上前來之關係,外層夠香脆.湯底真的很淡,又是要加些辣油,才能送到河粉下肚.如果叫碗牛腩河,再來碗淨魚蛋,效果應會好一點.在旺角,吃牛丸就樂園,吃潮式魚蛋的話,許榮記算是旺角之選.

以前都o係呢間食過, 見剛剛病完, 唔想食肥膩o野, 於是又係叫o左魚片頭河同油菜. 油菜都仍然冇乜特別. 魚片頭仍舊炸得金黃色, 但魚味少了, 比上次已經退步! 下次再幫襯都唔會係片頭河, 要試下牛腩牛雜先!!!!

雖然呢到最出名係魚蛋，但每次去呢到都係食牛腩，因為我覺得呢到d牛腩唔"un"，而且仲好有牛味...有一次我叫左個例牌，點知上嘅時候有舊牛筋係到(因本人一向都唔鍾意食，每次係第二d地方唔係比左老公食就係唔食)，但今次正想夾比老公食之際發覺夾嘅時候同平時個d唔到，於是自己試吓啦...嘩~~食落覺得非常之好食，好"淋"，而且d牛腩汁入哂去舊牛筋到......以後食牛筋都只會去呢到食。

吃過好多地方的魚蛋，這裡的都算高質素！紫菜魚蛋米：紫菜鮮甜，魚蛋大大粒，爽得緊要！有魚鮮味，而不是僅調味料能做出來的味道。魚片肉質鬆鬆的，可是我獨愛魚蛋!魚皮餃魚蛋河：魚皮餃皮夠薄，餡好新鮮，魚皮不太油，大大隻，吃完都幾飽！河粉幼而通透，有點像炒貴刁的煙韌魚皮餃魚蛋河：魚皮餃皮夠薄，餡好新鮮，魚皮不太油，大大隻，吃完都幾飽！河粉幼而通透，有點像炒貴刁的煙韌河粉呢。p.s. 辣椒油好正...香辣得很, 好和味！魚蛋米＋辣椒油就是完美的組合。

尼過幾次都係食魚旦河(走魚片)正呀!成世人食魚旦河覺得呢間D魚旦最岩食!有魚味~彈得尼偏向較淋16蚊碗抵食又有晒魚露呀~醋呀果D野其他野未食過但店舖冷氣不夠太多人食要搭台甚至試過係後巷開張台食伙記都係呀叔呀嬸但醒過好多餐廳伙記~

睇完戲有D肚餓。清清哋食碗粉(查實之前已食咗碗粥，有幾清lei )好多好多年前係度食過一次，冇乜大印象，淨係記得D魚片頭幾得...穩穩陣陣叫魚片頭切腩河加碟芥蘭...魚片頭魚味相當濃，可惜可能製成已久，俾D湯淥到淰哂，口感盡失，相比上次係雞記食到新鮮現炸嘅似乎爭D..切腩唔算炆得入口即化，但亦相當夠淰；反而搭單嘅牛根就真係入口即溶...下次試埋佢D招牌魚蛋先...

今日中午出o左o黎呢度試下.叫o左魚片頭河同油菜.油菜冇乜特別.魚片頭炸得都幾金黃色,食落有D魚味,幾爽口!碗粉就一般大小.下次試下牛腩牛雜,好似都唔錯!

今晚路過呢度記憶中有雜誌介紹過見佢大大張雜誌訪問貼o係門口望下有咩好食時老闆已經非常熱情咁招待見佢一個飯盒只係20蚊咁平又即管試下要左一個時菜牛肚飯因為得一個師傅負責整堂食加外賣人數不少所以都要等左五分鐘先有飯凍左但加左唔油既腩汁味道唔錯牛肚份量不少炆得淋又調味適中唔會一味死鹹唔錯但時菜(白菜仔)就份量少左d無論老闆定阿姐都好有禮貌細心問我要唔要辣油又問我要唔要蔥粒或者蒜粒服務真係一流

這店的位置難找,如果不是搭美孚快線的小巴常常經過的話也不會走去試它的魚旦.一入內只是大排檔格局,全部是中小圓枱和摺櫈,待應的態度也相應如是.叫了魚旦河,十六大元,份量不少,魚旦有五粒,魚片有兩片,湯是淡白色的,先試一啖,淡淡的,沒有鮮味,只有味精味,魚片嘛,很爽滑,但沒有鮮味和很咸,至於魚旦,很淋,不算滑,沒有鮮味,只有味精味.照計,是十元店的標準,要回水六大元.這裡的炸魚皮是特貴的,要十二元一小碟,落單時講了兩次,竟然漏單,果然是大排檔作風,當時一點也不繁忙,連我也只兩枱客,我也懶得計較,一於慳返.反正也無期望,也不會再去.因為食唔過.

話說大久保之行，在吃那裡油膩膩的炸魚板時，不知何解，卻想起這裡的炸魚片。說了就要來吃，事隔幾天經過附近，自己來了。要了碗片頭河，加杯熱咖啡。這裡的片頭，其實不是炸魚片的兩頭，而是一塊四方型的炸魚旦似的。問我有沒有分別，當然有，起碼味道可以差不多，但口感是完全的兩回事。這裡的片頭，略鬆，但味道夠，都算及格。碗粉份量幾多，實食得飽。不過可惜沒有辣椒醬，只得辣油，總覺得吃河粉要下辣醬才夠味。埋單22蚊，吃粉麵的話，熱飲只加6蚊，都幾抵。

同不理由元朗出來，在波鞋街掃貨後，見肚空空，專程走入廣華街搵食，小小的一條街，似樣的店子就只得這裡，就是想試試這裡的魚蛋。問阿叔有無魚麵，佢話無就叫了碗魚蛋魚餃麵加雲吞，阿叔好似撞聾左咁又問即係魚餃定魚蛋呀，有點頂唔順，就話是但啦，打孖上餃同蛋都要再加埋雲吞！不理好簡單，只要了腩河。潮式清湯底上，魚蛋做得幾爽滑，味精唔多，有水準，如果說泉記的魚蛋是掂的話，這裡的是超掂，雲吞同魚皮餃同一餡料是豬肉，雲吞則加多了蝦，味道十足，自家製的貨仔，既有心機做，值得加分。不理的腩河亦有水準，齊輯輯的切成條狀，肥肉相間，脂肪滲在肉間，炆得唔算好腍，但肉味十足，值得一試。阿妹成日話香港無平靚正的野食，呢間絕對可以符合佢幾要求，當然食唔食得出十蚊碗同廿蚊碗的分別是後話。