許願樹美食

營業中

休息中

許願樹有幾間分店, 我都食勻.依間服務係OK的.叫咗個炒土豆絲, 燒腸仔, Asahi.土豆絲真心好味, 佢落咗唔少生粉, 所以幾多汁, 雞粉重手唔慳, 鮮味無窮.炒得唔會過火, 實實淨, 唔會太淋, 真心好食.係少咗少少川味. 不過真心OK.個燒腸仔, 用上厨師牌雞用腸, 係好味既, 有時會少少燶, 有時碎上, 有時一條上, 睇吓佢心情, 不過以燒腸仔黎講, 佢係好味既.重點黎喇, Asahi, 夠凍, 仲用冰杯, 好飲到飛起!正!

路過街口 聞到好香既燒烤味 為食既小妹當然唔會放過品嚐既機會喇 一去到鋪頭即刻開始剔食物 等左一輪 終於到手茄子 🍆 $30 茄子鋪滿蒜蓉，而且好特別，加入左肉碎不過蒜蓉比較淡味 似住家Feel 唔似其他燒烤店咁濃味 -串燒冬菇 🍄 $12 一串4粒 好鮮味 -原味燒魷魚 🦑 $28鮮魷 無乜味 要靠點醬油 職員會幫手剪好曬 方便食用-雞軟骨x2 $24 好爽口 又唔會燒得太燶 味道都唔錯 -蟶子王x2 + 珍寶蠔 $110蟶子王相對其他燒烤店既大隻D 蠔都好大隻 又係鋪滿蒜蓉 不過蒜蓉好淡味 同埋相對缺乏鮮味 感覺一般

開咗好多年嘅串燒店 都頗有名氣 有三間分店 好易搵 茄子 拆肉雞髀 同秋刀魚都係皇牌首選 🤩🤩 (但今次冇食😂) 飲品方面 汽水 烏龍茶 檸檬茶都有 種類多多怕唔飽嘅朋友仲可以嗌個🍚食😂佢有分小中大🌶 同唔辣 鍾意食辣嘅朋友可以選擇大辣 一般人建議選擇小辣 比較惹味 辣度唔高#茄子🍆原隻茄子可以一條條撕開食 醬汁好多 好重蒜蓉味 燒到軟淋淋 每次嚟到都一定叫 朋友本身唔食茄子都鍾意食👍評分:8/10#拆肉雞髀🐔唔洗自己食得咁辛苦 無晒儀態 🙈🙈啖啖肉 雞肉好滑 同朋友share食一流評分:8.5/10#金菇+娃娃菜💡#我最鍾意嘅食法之一 😋叫晒兩樣 然後一齊食 金菇好爽口 娃娃菜好甜 唔會燒到乾爭爭 好juicy 係無敵組合 鍾意可以加埋雞髀食 一流👍評分:9/10#粒粒豬手焗完再炸 外皮脆卜卜 軟骨部份好淋 唯一可惜係份量太少😣😣評分:8/10#花枝丸#雞翼#豬頸肉 三樣都唔差 但豬頸肉表面燒燶咗少少 整體嚟講係表現中上嘅串燒店 去幾多次都唔厭☺評分:9/10

One of my colleagues lives in Prince Edward. Every time when we hang out at her place or grab a drink in that area, we always walk pass this restaurant that serves seemingly delicious skewers in the hood. We decided to try it out for an ad-hoc dinner on a Saturday night.There were so many food listed on the order sheet. Although the order sheet is written in Cantonese, there is a menu with English translation on it. The translation is pretty accurate. It comes in really handy as there were quite

漫無目的地搵野食，朋友提議食串燒，其實食串燒通常都偏費，但甘樣一串串地食下，又好有風味，就去左佢提議既呢間鋪！同一般串燒店一樣，選擇吾算多，但我喜歡既都有，驚喜地發現有鵝肝，仲係＄45，抵！算幾厚，燒得剛剛好，推介！！我本身不太好香腸，但呢個台式腸好好食，夠肉味，又脆口，甜甜的！因為友人不吃辣，所以辣粉另上，仲可以揀辣度！我揀左中，都幾辣下！燒雞皮有點過火，太乾了！朋友喜歡佢既牛脷啖啖肉，我就較喜歡這個牛肉，燒到好有炭香味！甘樣食下串燒，飲下啤酒，吹下無聊水，又一個愉快晚上！

今日老媽子生日，帶佢去食串燒慶祝，搜尋附近唔貴又近屋企嘅就來了這一間，來到這一間發現都幾街坊feel，地方細細開陽，不過其實坐得唔係好舒服， 不過價錢夠平見到人哋食評介紹一定要食燒雞比，當然都唔執輸叫返一隻，果然味道不錯，燒得唔會過熟，好林好juicy, 口感好好燒魷魚，這個同我想像有啲落差，因為我以為係鮮魷魚原來係魷魚干，味道麻麻地燒韭菜，燒得都不錯燒冬菇，Size都幾大隻燒暗春蛋，其實這個冇乜味道燒茄子，這個就真係唔係好好食，茄子煮得過火了，口感軟林林，加埋太多汁一pat pat燒生蠔，雖然係新鮮生蠔但係唔夠鮮味，而且價錢都略貴，唔抵食對於阿媽少食串燒來說，他已經好滿足！但係對我來說就麻麻地，當然明白一分錢一分貨，平平哋粗粗地咁諗就OK

兩公婆諗起食串燒，泊車又方便就諗起呢一間，門口就有得泊車睇車極之方便！不過如果搭地鐵就應該要行10分鐘左右這個店舖地方細細，都好旺人這個雞髀係最好食，肉夠多汁，笑得一啲都唔會乾剛剛好，又入味，強烈推介燒生蠔，都有一隻手指咁長咁大隻, 新鮮，不過價錢就唔算平燒豆卜，燒得太乾，口感偏脆，不過冇乜味道牛舌，都係乾咗小小，遲來的東西都燒得不夠好，可能人多了太忙燒四季豆，我平時好少叫，原來都幾好食腸仔就麻麻哋燒雞腎，都係乾左少少，味道鹹咗少少其實已經唔係第一次食，今次有啲失望！下次都係人少先來

本來係冇打算要食串燒的，不過我地好可憐，因為晚飯嘅餐廳質素一般，加上食得唔係夠飽，埋單之後，就直接黎左附近呢間許願樹美食，諗住食幾串串燒補充下，再去食糖水。去到門口先知，原來我有次都經過過，聞到幾香，話要搵日黎試試。鋪仔一間，喺店外燒烤，可以堂食，有幾張枱仔，都算乾淨企理。串燒嘅選擇一般嘅都有齊，雞翼、四季豆呀、茄子、粟米、腸、韭菜、軟骨等，老實講，價錢都唔係平。當然唔少得有少量時價海鮮，同埋有十零款小炒。我地點左幾樣野，冇記錯都已經一百八十零蚊。串燒製作需時，加上見到佢地應該都有唔少外賣單，所以一路食住，傾下計，不知不覺都坐左個零鐘。茄子 30：一條茄子要30蚊，其實同好多串燒店都差唔多價位了。（當然喺國內食串燒係又平又抵食）茄子都燒得剛剛好，唔會太生，亦都冇燶哂，茄肉腍身。面頭嘅蒜蓉都幾多，油份唔重，唔會話食到滿口油，調味就唔算重手，同埋我覺得爭少少蔥粒，兼唔係好夠熱辣辣。雞軟骨 12：點左兩串雞軟骨，不過不失。四季豆 12：喺香港食嘅燒四季豆，通常比較乾身，可能唔似國內食咁，乜都掃層油先。四季豆嘅份量適中，燒得幾香脆，因為揀左少辣，就唔會有太多辣粉喺面。但我覺得佢地嘅孜然粉味道唔

不知道從什麼時候開始，在太子一帶突然多了好多燒烤的攤檔，一到晚上就熱鬧起來。這晚， 我和友人同行三人在太子附近正愁著晚上要吃什麼的時候，這家燒烤檔就及時出現在眼前。這家名叫 許願樹美食 的餐廳不大，主打燒烤，眼見燒烤師傅在賣力地燒烤着食物，周圍濃煙滾滾。由於我們來的時候時間還尚早的緣故吧，客人並不算太多，所以食物的速度還是算快的。另外，由於我和友人都不太能吃辣，只叫了微辣，後來發現微辣也真是非常輕微，若然再辣一點點便更好了。燒烤總是不能少了燒雞翼，燒的雞翼的確不錯，外脆內軟，而且肉汁豐滿，推薦給大家若然有時間一定要來嚐嚐。再來是蔬菜，這次我點的是韭菜和娃娃菜，這兩種菜都是我去吃燒烤必點的蔬菜，這家餐廳烤的這種蔬菜算是正常的水平，不過不失吧。這是芝士火腿多士，見到菜單上有用不同顏色來標註，想必是推薦的菜品，但結果卻是有一點點失望的，麵包烤的時間估計過長，有點幹了，芝士幾乎是沒有味道的呢。燒菠蘿和牛肉串，烤菠蘿也沒有好說的了，都是燒烤店正常的水準吧。不過值得一提的是，牛肉串用的是肥牛，味道出來還是蠻驚喜的呢。秋刀魚和花枝丸也是值得一試的呀。這是友人非常期待的烤魷魚，她大概是以為是新鮮的魷魚