影片
更多
2017-10-03
812 瀏覽
本來係冇打算要食串燒的，不過我地好可憐，因為晚飯嘅餐廳質素一般，加上食得唔係夠飽，埋單之後，就直接黎左附近呢間許願樹美食，諗住食幾串串燒補充下，再去食糖水。去到門口先知，原來我有次都經過過，聞到幾香，話要搵日黎試試。鋪仔一間，喺店外燒烤，可以堂食，有幾張枱仔，都算乾淨企理。串燒嘅選擇一般嘅都有齊，雞翼、四季豆呀、茄子、粟米、腸、韭菜、軟骨等，老實講，價錢都唔係平。當然唔少得有少量時價海鮮，同埋有十零款小炒。我地點左幾樣野，冇記錯都已經一百八十零蚊。串燒製作需時，加上見到佢地應該都有唔少外賣單，所以一路食住，傾下計，不知不覺都坐左個零鐘。茄子 30：一條茄子要30蚊，其實同好多串燒店都差唔多價位了。（當然喺國內食串燒係又平又抵食）茄子都燒得剛剛好，唔會太生，亦都冇燶哂，茄肉腍身。面頭嘅蒜蓉都幾多，油份唔重，唔會話食到滿口油，調味就唔算重手，同埋我覺得爭少少蔥粒，兼唔係好夠熱辣辣。雞軟骨 12：點左兩串雞軟骨，不過不失。四季豆 12：喺香港食嘅燒四季豆，通常比較乾身，可能唔似國內食咁，乜都掃層油先。四季豆嘅份量適中，燒得幾香脆，因為揀左少辣，就唔會有太多辣粉喺面。但我覺得佢地嘅孜然粉味道唔
串燒嘅選擇一般嘅都有齊，雞翼、四季豆呀、茄子、粟米、腸、韭菜、軟骨等，老實講，價錢都唔係平。當然唔少得有少量時價海鮮，同埋有十零款小炒。我地點左幾樣野，冇記錯都已經一百八十零蚊。串燒製作需時，加上見到佢地應該都有唔少外賣單，所以一路食住，傾下計，不知不覺都坐左個零鐘。茄子 30：一條茄子要30蚊，其實同好多串燒店都差唔多價位了。（當然喺國內食串燒係又平又抵食）
茄子都燒得剛剛好，唔會太生，亦都冇燶哂，茄肉腍身。面頭嘅蒜蓉都幾多，油份唔重，唔會話食到滿口油，調味就唔算重手，同埋我覺得爭少少蔥粒，兼唔係好夠熱辣辣。
雞軟骨 12：點左兩串雞軟骨，不過不失。
四季豆 12：喺香港食嘅燒四季豆，通常比較乾身，可能唔似國內食咁，乜都掃層油先。四季豆嘅份量適中，燒得幾香脆，因為揀左少辣，就唔會有太多辣粉喺面。但我覺得佢地嘅孜然粉味道唔係太夠。
台灣黑椒腸 12：點左台灣腸，問心真係覺得幾貴，因為份量真係好少，特別係我點黎打算自己食，因為朋友冇興趣，但店家都幫我地剪開左腸仔，食落梗係冇咁過癮啦，性價比唔高。
花枝丸 12：點左兩串花枝丸，又係唔推薦，首先平時食花枝丸都係貴少少，理解，一般我食開一串都有三粒啦，呢度睇落有四粒，但原來開左半，咁真係唔係好抵食囉。
炭燒雞皮 22：本來以為廿二蚊嘅炭燒雞皮，見價錢都唔平，仲估緊會唔會係一塊過果種，點知上枱見到得一串仔，真係幾失望。
比出面食一串雞皮貴太多喇，而且話就話炭燒，講真就唔覺得話有啲咩特別之處。
雞脾 25：雞脾又係另一樣失望之選，都明白店家見我地一行四人只係點左兩隻雞脾，以為我地想share食，不過講真就冇諗過點雞脾會幫我地拆左肉、斬左件呢。事實上因為我地已經食左一餐先過黎，唔係個個都想食雞脾先點兩隻。
雞脾始終係要成隻食先開心，拆左肉顯得雞肉特別乾鞋，冇左雞脾應有嘅嫩滑感，而且雞皮唔夠脆，調味都有點不足。
張貼
