許願樹美食

營業中

休息中

咩都叫下 大部份 25$ 串 好味有快 辛苦晒門口個哥哥係到燒 金菇肥牛 ，雞軟骨、雞翼 ，牛舌，粟米🌽特別表揚好好味 通宵營業 👍👍👍 夏天小熱 冬天去就好正不過串燒大汗踏細汗食突別有一番風味😆😆

一踏進這家餐廳，串燒香氣直撲鼻來，叫人垂涎😋。我們一大班朋友揀咗幾款必試嘅簽選—雞翼、牛舌、鵪鶉蛋、牛肉，同埋雞軟骨，根本停唔到口！啲雞翼烤得外皮脆口，肉汁保持得宜，真係啖啖肉嘅滿足感👍。牛舌呢，質感爽滑，半生熟嘅口感正到不得了，一啖嘴馬上知係高手烤嘅！其實，我覺得鵪鶉蛋烤得又係一絕，微辣嘅味道包裹住咗滑嫩嘅蛋白，搞到我停唔到口！牛肉串焦香嫩滑，每嚼一口都係滿滿嘅肉汁同幸福感🎉。雞軟骨咬落去啱啱好，彈牙得嚟唔硬朗，配上啲微辣醬料，簡直係夜晚解饞嘅最佳拍檔。第二輪我哋嚟咗啲清新嘅食材—蔬菜、粟米、青瓜，仲有魚。一口咬落去嘅粟米甜滋滋嘅，青瓜清爽解膩，烤魚喺香噴噴同脆彈嘅食感間達到平衡，令整個晚餐完美收尾。成個晚上都係嘻嘻哈哈，邊食邊傾計，肚仔好滿足，心情都跟住愉快晒！這家店真係我心目中嘅平民美食殿堂，下次還要再嚟試其他口味！🔥

深水埗太子交界呢邊其實開咗唔少燒嘢食嘅地方，但有啲燒得太乾，有啲就淨係識得用味粉，呢度我比較鍾意嘅地方，就係佢唔會乾爭爭，個味道岩岩好！不過我自己因為唔習慣響條街食嘢，所以就通常買外賣返屋企或者返Office食，氣氛當然會爭少少。個粟米係真心推介嘅，因為佢真係唔會燒到乾爭爭，有咬口但唔生勾勾。燒娃娃菜亦都係自己比較鍾意食嘅嘢，下次有機會嘅話會時燒冬菇燒秋葵嗰啲，因為唔係度度整燒菜到整得好食。牛柳粒就一般啦，但之前食過Siu青口係唔錯嘅，下次點返。

餐廳坐位適合男性多Ｄ，如果諗住帶女朋友去就真係要諗清楚啦今次一大班人男人，食係其次，飲酒吹水先係重點因為我地多人，所以坐左係街邊檯，認真夠曬風味講返正題先～牛舌同雞翼真心唔錯，其他各類串燒味道不過不失，價錢都算合理，值得推薦

心血來潮突然想食燒蠔，於是上網搵吓邊到有得食，原來都唔多選擇，左睇右睇，得許願樹叫做啱心水，地點方便唔洗過大島，而且上網睇見份 menu 選擇不少，於是動身落深水埗.哩類燒烤店好明顯係夜鬼食巿，唔到八九點都未有客，我地6點令鐘到，相信係第一枱客.點咗主角燒蠔4隻，雞翼，羊架，牛仔骨，雞肉串，牛肉串，芝士煙肉大啡菇同燒原條茄子.好奇怪，燒烤店有螄蚶，於是又叫咗一碟.優點:1, 位置一流，方便我泊電單車係門口.2, 螄蚶係雪櫃攞出嚟，凍冰冰當冷盤食，原本鮮甜味無哂，但餐廳提供嘅蒜泥汁酸中帶少少甜，點咗好惹味! 女友小熊話唔太識開殼，我幫佢開埋囉! 佢有個暖男真幸福!3, 燒蠔大大隻但唔柴唔老，鮮嫩又好味! 讚!4, 上菜算快，紅磡美味佳等好耐.缺點:1, 好污糟! 地板，枱面以至碗底，立黐黐，用張濕紙巾抹枱，污糟到嚇一下，有相有真相.2, 眼不見為乾淨，但一睇，嘩! 一包包餸菜放哂響地!3, 羊架唔夠味，好彩有果碟螄蚶蒜蓉汁點吓!4, 雞肉串同牛仔串好奇怪，熟同冷冰冰，入口唔似食串燒，無果種碳火燒味.5, 大啡菇呎吋偏細，牛仔骨份量偏少.咁樣食一食，埋單650蚊，食意粉屋好過....近排好

点了几样东西，没有一样好吃的。羊肉串竟然是甜口的，味道极其古怪。羊架是干干的的，味同嚼蜡。生蚝烤的是糊巴巴的，看上去卖相很差，毫无胃口。难吃到了我怀疑人生，再也不回来了。

We love this tiny shop sitting right on busy corner at Boundary Street .. though they’re a bit grumpy .. but always get what you need .. and we’re somewhat particular of wanting our bbq whole wings and pork ribs well done .. and they’d do it by what we wrote (“big fire”) .. beer is always cold and served with frosty tiny plastic glass .. stirred fried little bok choy with garlic is our must eat  .. Food is great .. Price is reasonable .. Plenty of illegal parking spaces all over the area in the

話說約左朋友食宵夜.想食串燒.就去左許願樹.當晚坐路邊.感覺幾好又舒服.價錢都好平.⭐️⭐️⭐️⭐️必食⭐️⭐️⭐️蒜蓉炒飯 $55超夠蒜蓉又夠鍋氣.菜又新鮮.以下講必食推薦⭐️⭐️燒南瓜燒餅⭐️⭐️煙韌好好味⭐️⭐️⭐️燒雞翼尖⭐️⭐️好juicy ,不會太老⭐️燒雞翼燒得岩岩好.唔會老👎🏻👎🏻👎🏻👎🏻燒生蠔👎🏻👎🏻👎🏻細$38@一隻生蠔好明顯不是原裝.只是放廣島蠔上面燒.完全無味.真的不要吃😅👎🏻燒茄子.$30似蒸茄子多過燒.不過都可以過下口癮😅👎🏻燒波羅總結：會再光臨.因為宵夜串燒烤選擇不多.食物對得上價錢.好抵.除左燒蠔真係好需要改善😅

如果有前世今生，我估我一定係秦始皇，我諗我身邊冇一個人會比我更加想長生不老！人世間做唔到啫～唔好灰心...可能食物做到呢？係我遇上許願樹之前，我只係係東張西望度會聽到，千年肉呀、千年油果類，但老實講我未食過，而吸引我去嘅亮點，亦只係佢聞名嘅燒雞肶！佢嘅燒雞肶的確唔錯！但....佢其他肉總有一種揮之不去嘅雪味，就算炸完再燒，燒完再加上濃濃嘅孜然粉同香料，都蓋唔過佢令人置身於冰河時期嘅雪味，令我不禁腦中不斷浮想東張西望嘅內容，我係個死心眼嘅人，佢嘅雞肉，牛肉，豬肉，羊肉我都通通試過，最後，我決定只食嗰度嘅雞髀，司華力腸同蔬菜。你會話係咪傻㗎？咁你重成日去？係咪斯德摩爾症後群呀？我會答你，佢個蒜蓉娃娃菜炒得好好食！一食傾心，有時見到隔離枱有同好，我會報以一個識英雄重英雄嘅眼神！其實我係熟客，希望佢唔好認得我，我都係議事論事啫！但雖然我而家堅持唔食佢其他肉，但我其他朋友都係挑戰開勇者塔，佢話佢嘀肉，同蒸野好咗嘀，有改善，不過我覺得冇所謂，我去親都坐滿，食得呢間就係鍾意佢夠貼地，夠街坊！踢住拖落去，飲兩支啤酒！雪味？咪當黎次時光旅行

收工過太子會一會朋友，朋友想飲啤酒食少少野吹水，咁梗係就少少地去許願樹食下串燒、小食喇！去到大概9:30PM，今晚人好多不過都唔需要等位，入到去就有位坐~大家都唔係好餓，叫左幾樣野食就夠!燒翠肉瓜 - 加上少少辣粉，正!台灣黑椒腸 - 基乎係必叫既，燒得好香口~燒雞脾 - 皮脆，但今次略略覺得唔夠嫩~韮菜 - 我冇食呢個，朋友話正!豬頸肉炒公仔麵 - 好淡，比較係今晚最差既野~總括 : 食物價錢平、宵夜好去處!

想同朋友飲啤酒食串燒，又要有地方畀佢食煙嘅話，呢個街邊風味真係為佢獨尊2個人都應該飲左 6支藍妹燒雞扒好食，豆角好食呢個豬手超得好香，不過有啲硬，同埋冇乜特別嘢食落肚，但係非常之啱送酒燒茄瓜非常好食，茄瓜好多汁燒韮菜，豆腐都好食總括而言，吹水食煙飲酒食串燒，呢度真係一流，但不過就會受天氣影響落雨，太熱，太凍都搞唔掂嗰晚都叫做少少涼，未算好凍所以都坐到幾粒鐘 不過見到隔離枱走去便利店買啤酒過嚟飲呢個行為我真係覺得有少少肉酸價錢就唔係特別平，埋單 $384 兩個人

帶🐱睇完醫生⋯放心哂就發現餓了👻附近無咩野食 行過見到許願樹 就佢啦～～·🍢花枝丸（$12）🍢韮菜（$12）🍢燒豆卜（$20）🤤香煎蓮藕餅（$55）🍚肥牛蛋炒飯（$68)·整體唔係太好食🙊好多油同燒得燶左少少🥺炒飯正常 但環境黎講 我寧願返屋企叫外賣🥡🥺·📍許願樹美食太子界限街12號萬安大廈地下

自問我係一個串燒控，成日都周圍揾串燒食，今次去到太子咪去試呢間許願樹串燒店，其實呢間只係其中一間分店。舖內位置有限，通常都要開枱喺門口旁食。宜家天氣炎熱，坐門口無冷氣咁食串燒都相當辛苦！但係我今次遠道而來，無理由空手而回。唯有開枱坐門口旁，再叫罐冰凍嘅可樂消消暑丶解解渴吧！串燒的款式都唔少，一般嘅串燒款式都有提供。當中有很多較特别，比較罕見的款式，例如：孜然烤豬手丶雄仔燒鵝肝丶原條燒臘腸丶話梅粉燒菠蘿及各式的海鲜。大名鼎鼎嘅雄仔燒鵝肝，賣相很特别，很少串燒店售賣呢款燒物。我個人不嗜鵝肝，反而較欣賞嗰片多士，鬆脆得嚟唔會過燶，口感不錯！燒雞中翼有水準，皮脆肉滑，醃料夠入味。火喉剛剛好，雞皮燒至金黃，又唔過火，十分出色！燒韮菜是必選的，韮菜燒完很爽脆，放上孜然粉或辣粉一起燒，非常惹味！簡直食唔停口！讚！燒春蛋好適合用燒烤呢個方法烹調，因為蛋白部份燒完後，會變乾及硬，食起嚟有咬口和煙韌的感覺，非常特别！中間嘅燒牛肉用上肥牛，與一般嘅串燒店不同，份量非常足，肥牛密麻麻的穿滿一支長的竹簽。抵食之選！燒雞軟骨很有咬口，绝不油膩，因為喺燒嘅過程已經將多餘嘅油份逼出，放心食用吧！孜然烤豬手$48，一份

而家啲串燒店開到成巷成市，行兩步又一間，行兩步又一間，「許願樹」屹立咁多年，相信都係因為佢有心做。雖然係開喺街邊，但都尚算乾淨。呢間係食過比較特別嘅串燒店，會有蒸點食，見到咁得意，叫咗個鳳爪排骨試吓水溫啦！味道又ok喎！串燒都係叫嗰啲例牌嘢啦，韭菜、翠玉瓜、雞軟骨，自己就鍾意叫老闆加蜜糖燒，真係好似去咗BBQ咁。特別推薦個雞髀，好正肉嫩，唔會燒到好老！仲有叫咗一份燒臘腸，唔係好多地方有，雖然味道唔會係好特別，但鍾意食臘腸係會覺得正嘅。

一直都是朋友仔孖妃妃去食串串燒，唔係好記得店子叫咩名，又唔係好認得路。 今晚第三次到許願樹食串串燒，終於知道點樣去了，終於記得叫咩名了。 再次食番，味道如一，仍然好味。 想滿足食BBQ, 又唔使自己燒，有專人燒烤好哂，邊坐邊聊天的食串串燒。 就可以揀這間串串燒物店了……真的好食。五花茶：佐串串燒，清熱解毒。燈光通明之外，空氣都流通，唔使食完，一身BBQ味燒虎椒及菠蘿 ：虎椒仍然脆卜卜，爽口。菠蘿燒完係好甜，波蘿味好重，酸甜酸甜，好開胃，係我地必定之選。燒牛肉串 ：幾時0黎食都好好食，我地每次叫定幾串，低好快KO左的燒雞翼 ：剛剛燒，脆皮的燒雞翼，我地最鍾意食燒魷魚 ：妃妃首次食這店燒魷魚，配上特制醬汁，下次再去一定要點！妃妃對食很是隨心隨意，只要好味的，用心烹調的，一定會再次安歌的！！