詠藜園四川菜館 (已搬遷) 新店位置

黃大仙冇乜高級餐廳，但老牌小店就真係唔少，呢間可以話係最出名之一，雖然已經係黃埔開咗分店，但呢間老店依然唔少人幫襯，仲依然用比較舊嘅木枱同圓櫈，好有風味。最出名嘅當然係擔擔麵，有傳統版同改良版(即係多咗啲肉碎)，我吔當然試番傳統版先啦，個湯好夠味，好彩叫咗少辣，否則對於我吔嚟講會太辣喇。麵質真係上海風味，淋淋的，而唔係某啲菜館會用上嘅北京拉麵。本來想食沙窩雲吞雞，可惜可能太夜，已經賣哂，下次可能訂定好啲，我吔就唯有揀沙窩津白，又比想像中豐富喎，除咗津白外，仲有幾件豬肉丸、火腿、雞肉、豬肚、粉絲.....都真係食呢個窩都飽幾成，湯本身又唔會好重味精，真係又暖又飽。呢度都有唔少餃子同包類嘅小食，抄手都有幾款，我吔都係先試最常見嘅紅油抄手先，首先唔會好似某啲菜館咁完全唔夠味，而係好夠辣之餘仲加咗啲麻醬，更加香口，每隻都可以沾滿“紅油”汁，如果啲雲吞皮淋啲同滑啲就更正喇~

平日晚上爆晒，Book 了7點半，都要等一陣最好味是醉雞燻魚多肉，唔錯，可惜汁太甜豆沙窩餅，皮唔夠脆小籠包，皮太厚，幸好肉汁還多下次想試出名的雲吞雞舖位細，整無背，勝在價錢大眾化。紅磡黃埔店坐得舒服，不過貴好多，食物總類少，起碼沒有鳳尾魚，秘制餐前附送的花生

到黃大仙拜拜後特地來到這間區內馳名的老店。店內格局像以前的港式茶樓和茶餐廳，繁忙時間需與其他食客搭檯。店鋪主地港式川菜，菜式多元化，冷盤、港式小炒、川菜、上海菜、客飯等都有供應。雲白肉，有點像蒜泥白肉；白肉肥瘦均勻，有少許的蒜和蔥提味，沾醬汁吃很是開胃。招牌擔擔麵，麵質挺彈牙，但湯頭一般般。雪菜炒粉皮，第一次吃這道菜，粉皮有雪菜提味，味道不會太淡。港式川菜整體不過不失，款式多樣，但菜品有點偏油和偏鹹。

《詠藜園》我好細個已經聽過呢個名啦。不過一家在黃埔花園，一家在黃大仙，令人看來是子母店。其實，他們同許多老字號食店/商號一樣，分了家之後大家用同一個名經營。也可以說，是大房同二房分別經營，互不相干。《詠藜園》，許多年前，是在鑽石山的寮屋區內經營的。清拆後，二房妻子就把保號保存，帶到來黃大仙入舖重新開業。而黃埔花園的店，是大房的媳婦後來再開業延續她們另一個《詠藜園》的故事。好可以是先入為主，許多人都比較鐘情黃大仙店。而今日的我來到黃大仙工作，完成後，就來《詠藜園》食返個麵先走。 外表有點舊，內裡就簡簡單單，一看就知道這是一間有客飯提供的老牌北方館子。好記得當年第一次同同事來，兩個男人，叫三個小菜，有辣有不辣，不需要理會有什麼小節。 我好多時都要重申，在香港的川菜、上海菜，早已經 cross over。＿肴肉，並不是四川菜，但小食餐單上有出現，令我食指大動，點一客來送麵。這個肴肉，質地結實，豬皮煙韌爽口，肉同已成糕狀的汁，味道美妙，點一點鎮江醋，更顯得香口。 中午一個人，就不大吃大喝了。一個人來就試試這兒馳名的擔擔麵啦。麵條爽口彈牙，湯底濃香，辣度適中，又有令人開心的花生香。有很多肉碎，有

已經幫襯好多次，不過不吐不快，一坐低丟低幾粒花生，收我五蚊，同阿姐講可唔可以唔要，佢話花生錢係佢下欄錢，但係關我咩事，咁不如每人收入場費五蚊仲好，問題唔係個個人都食花生，仲有茶錢收四蚊完全冇問題，但飲完冇人再過黎添茶

慈雲山最出名係十三太保。慈雲山最地道係小食館。鑽石山最馳名係大磡村。詠黎園龍頭舖是係大磡村內。而黃大仙呢間係副舖。而詠黎園最馳名唔係擔擔麵..其實一定要品嚐是鱔糊。雞絲粉皮。小濃包。醉雞。熏魚。。去食一間有名既餐廳.真係要認識下背後既歷史

今天下午途經黃大仙詠藜園四川菜館，看見舖內人客不多，我們二人便覺得不得不留下來吃一碗出名的湯麵，還掂都有點餓了。坐下來後，服務員便遞上茶杯和碗碟筷子,並提供了一個兜用來洗碗筷。其後更送來了兩杯茶和一碟前菜：花生。我點的是招牌擔擔麵($29),但因我不吃辣，所以我便要求了走辣。麵來到的時候便嗅到了一股麻醬和花生醬的香氣。擔擔麵質彈牙煙韌，配上秘製濃郁湯底，果然每一口都值得細嗜。👍豬排湯麵($42)雖不是此店的招牌菜，但亦非常好吃。麵條同樣爽滑而湯底便是惹味的醬油配以少許蔥花。豬扒炸得恰到好處，肉質仍淋軟。將豬扒浸在湯麵內吃又是另一個味道。這些高質數的食品仍只售街坊價，真是難得！👍

呢間詠藜園食上海野係黃大仙幾出名，係黃大仙警處對面，幾易搵，好多人會特登黎食。以前返學放lunch都會黎食，見到耐冇食今晚特登黎食。夜晚6點幾至7點幾時間，差唔多滿座，好好彩唔使等位就入座。紅油抄手(8隻):🙆🏻‍♀️雲吞味道夠，有菜有肉，輕微嘅辣。🙅🏻‍♀️醬汁好一般，好似只係醬擔擔麵嘅醬放上去。招牌擔擔麵(辣)：🙆🏻‍♀️麵條軟硬度適中，份量正常，微辣。🙅🏻‍♀️湯底好淡，冇麻香味。酸辣湯：👍🏼味道好，夠酸夠辣，餸嘅份量都多，有豆腐，木耳，冬菇絲，粉絲等🙅🏻‍♀️好稀，擔擔麵個湯都“傑”過佢家鄉陳酸骨：👍🏼份量都多，有十幾粒，每粒差唔多size，細細粒幾易放入口“suen”骨，味道帶甜，每粒都會有肉可以食到，只係間唔中先有肥膏。🙅🏻‍♀️只係特登夾最深色嗰粒先有少少陳醋味，其他食落口只係好似平時係出面食小菜嘅蜜汁豬扒嘅味。豆沙鍋餅：🙆🏻‍♀️豆沙份量多，甜度適中，放入口好熱，係即叫即整。🙅🏻‍♀️上枱時已經見到有層油係面，要用紙巾印乾佢，食落口都好油，炸唔透，淋身，唔脆。整體黎講，食物真係好一般，特別係豆沙鍋餅，本身對佢好大期望，但真係唔好食，最後埋單時忍唔住同左收銀嗰位姐姐反映。不過，我幾欣賞佢

講到要喺黃大仙食辣野,就非呢間莫屬! 不過佢唔辣嘅野都ok架一坐低係會送個花生俾你食住先既,環境係好傳統既食店,圓檯都幾多,適合一大班人晚飯擔擔面,傳統正宗做法,麵底幾好咬口,份量都算幾多雖然係好普通既奶油津白,不過都冇失手餃子反而一般般最後係蜆, 最深刻係呢樣, D蜆冇乜沙, 加左粉絲吸晒D汁, 可惜辣左少少, 粉絲先係最好食既部分! 最後食清光之前睇過報導話呢間好著重培養年輕人入行,覺得唔錯,可以支持一下

同屋企人食上海嘢 😎😎 永藜園係不二之選👍👍 黃大仙呢間分店歷史耐d，比較舊式， 裝修old school一坐低佢就會放低前菜 (花生$5)🥜🥜🥜食住慢慢睇menu點菜每次必食過橋水餃同生煎包係屋企人至愛👍👍招牌擔擔麵 -- 麻醬味超香，如果一個人一碗都幾濟，多d人黎就一定會點佢。 少食多滋味😋😋😋回鍋肉--好入味配白飯一流😍😍😍燻魚 -- 第一次食，有啲乾有d咸 ，同埋輸左個賣相.....😓😓

Passed by this traditional Chinese restaurant when walking around in Wong Tai Sin and turns out it's quite well known amongst locals.Here are an assortment of cold cuts including pork in the front, beef in the back and some tofu and fungus on the right. They were all tasty and were nice a snack to nibble on before the main star came, the dan dan noodles!These are the extra spicy dan dan noodles, which ended up not being mouth-numbingly spicy. They were really delicious, with the soup base to die

黃大仙有一家老字號川菜, 開業多年, 都是一班老師傅在做, 今天又來吃我最愛的豆沙鍋餅了。吃甜點前當然要先吃飯, 點了些小菜:紅油抄手: 掙扎了好一會是選小籠包還是紅油抄手, 最後選了更惹味的後者。這裡的抄手汁很香辣, 與其他店不同地加上了他們自家的麻醬, 令味道更豐富。內裡包的是白菜豬肉, 應是自家製, 不錯。炸銀絲卷: 這裡的銀絲卷做得很好, 炸好切開會見到內裡有一層層卷型, 但又不會散開, 口感很佳, 配上煉奶很好吃。賽螃蟹: 上海菜中賽螃蟹是我其中一道最愛的菜。店家除用上蛋白及瑤柱, 還加上了紅蘿蔔粒令菜式賣相更美又營養均衡。蛋白很滑, 而且調味很夠, 很下飯。雞油小棠菜: 用雞油炒菜不可能不好吃, 菜很新鮮爽甜, 加上些許腿蓉加添了香味。豆沙鍋餅: 重點來了! 這裡的豆沙鍋餅即叫即做, 外皮香脆, 內裡的豆沙就像是一個濃縮的陳皮紅豆沙, 很濃厚起沙之餘甜度又適中, 就算吃得很飽也一定要吃! 是我吃過最好吃的豆沙鍋餅!經過黃大仙的朋友, 一定要試試這家老字號。

去完睇中醫行過見到間野就行左入去食佢有d上海野 又有川菜初初叫左雪菜肉絲炒年糕 同埋過橋水餃後來媽媽見到涼拌大豆芽好吸引 又叫左碟 我仲加左杯豆漿添大豆芽好爽 味道少少辣 好味其他餸都好高水準 水餃個醬都係少少辣 有d似紅油炒手個汁咁 下次經過都要再黎試下其他野先我中午黎食 成間舖都坐滿哂人服務員都動作好快 落單 上菜都好有效率態度又好 雖然佢地巴裝修好似舊舊地咁但係都好乾淨 唔會好似某d舊式餐廳咁好唔衛生 下次想試下水煮魚 見隔離枱食好似好正咁

今日下午突然好想食雞絲粉皮，就到附近嘅詠藜園啦。同朋友叫咗一碗酸辣湯，一碗擔擔麵（改良版），仲有一碟主角雞絲粉皮。酸辣湯，就好似淡咗少少唔係太辣。酸味就要加啲醋先啱啱好。不過佢夠大碗，夠足料！改良版就比普通版多$10。但我就唔知改良版有咩分別，下次要食番個普通版對比一下先得。都係正常擔擔麵啦，對比起酸辣湯就辣啲

還記得第一次幫襯係大磡村年代的詠藜園、每次一有機會嚟黃大仙附近梗會找個藉口入嚟食返碗擔擔麵、撐小店有人情味、出品保持10年如一日。～ 招牌擔擔麵麵條彈牙冇鹼水味、湯底應該係用豬骨湯底、味濃足料、簡簡單單冇得輸、足見打面同煮麵師傅嘅功力～ 雞絲湯麵可以、不過唔係我杯茶～ 燻魚絕對係每次去餐廳吃上海菜必點之一。喜歡呢到保持老上海式做法、喜歡食熏魚嘅朋友一定要試一試、要知道做好燻魚嘅功夫一啲都唔小、賣 $44 碟真係感恩。小店雖然年紀唔輕、裝潢有點陳舊、員工服務有時會粗枝大葉、餸菜出品大盤大砵、不過這些可能都係每次讓你懷念嘅人情味小店。