詠藜園四川菜館 (已搬遷) 新店位置

呢間餐廳聽講都係老字號黎 今日好想食擔擔麵 小籠包個類中式野 就特登搭車黎搵食假日夜晚黎到係超多人呀 要先拎飛再係出面坐一陣等嗌number 入到去餐廳裝修比較舊式 座位都可以想像係比較迫少少 少人食嘅多數要搭台 不過食物款式真係好多 樣樣都好想食 咁今次就試咗個個擔擔麵同醉雞 以及小籠包先 不出所料 所有食物都好好味 首先擔擔麵嘅花生味非常濃 食落又唔會太辣 好開胃 然黎醉雞亦都非常入味 酒味滲入晒雞肉到 至於小籠包亦係皮薄 而且爆汁！熱辣辣嘅小籠包真係好好食 同另一半食完一致認同下一次要帶屋企嘅老人家黎試下呀！希望下次多啲人黎可以試多啲野啦

老友黃大仙新居入伙，話有間米芝連擔擔麵，朋友們就柴娃娃去食個飯。口水雞先到，麻香重少辣，雞件不錯就雞味平淡。普通得很的腐乳椒絲通菜，就是咸香的腐乳炒入微辣的辣椒粒，這個菜真的要下飯。齋燒鵝還是素菜腐皮卷？不脆又油膩，再加上要用點力才咬斷的腐皮，包著的是蠔油味為主的芡汁紅蘿蔔絲，冬菇絲和一點蔬菜。主角擔擔麵，好像更有米芝連星加持過。麻醬香為基底，混入溫和的辣油，再有花生香，可味道實屬普通。麵條可比較討好，是麵質和煮得的時間。這個紅豆鍋餅，我咬一口就不吃了，那餅實在又乾，又沒有酥香，也不鬆脆，原諒我實在不懂。

今日喺太子聖德肋撒堂望完彌撒後，心很想吃上海東西，於是有朋友介紹不如到詠黎園一試。店舖今日不能訂咗，去到嘅時候要等六張枱左右，排隊時間唔算耐，我哋一入到去已經放上小食碟，小食店係魚皮花生，但係魚皮花生,相對我以前食嘅時候，我哋發生已經林晒，我諗佢應該擺放得響室溫比咁耐嘅時間。希望下次嚟嘅時候唔會再係咁啦。食物上菜速度非常之快速，我哋叫咗招牌擔擔麵，招牌面非常之冇水準，因為應該正宗嘅淡淡湯底係比較龍嘅，但係而家發生你非常之淡立，辣味都唔覺得好突出。青瓜涼皮，原本嘅青瓜面，應該有好香嘅花生味，但係今次嚟食嘅時候亦都唔覺得花生係好香。過橋水餃，睡覺係咁多碟餸菜中最驚喜呀，因為佢食落去口感好似小籠包好，而且啖啖肉啖啖肉。炸銀絲卷，我希望炸走嘅時候，唔好將底紙一齊炸，炸既話非常之難撕開了

咁岩兩老放假就帶我食佢地認為既好野。平時好少行慈雲山，心諗只會有集團式餐廳，原來行遠d有好多特色小店冇咩人知。餐廳門面舊舊地，我呢d後生一般都唔會行入去。一入到待應已送魚皮花生🥜見到呢張書法都知担担麵係必嗌既每次同兩老食上海/四川野都會叫鱔糊。價錢平份量多，韮黃新鮮，醬汁香濃，比大般商場或小點出品好太多了。 食得出冇味精唔口乾。小籠包即叫即整，肉汁甜而不油。平時烤芙勁細碟，呢度係平時兩倍好開心🥰担担麵會落單時問你要幾辣，好香花生味，食得出唔係hea整用好多花生醬溝個担担麵湯出泥，而係真花生同濃湯底整。好想飲湯多過食個麵😂，麵係上海麵，通病係好快淋，但我地響佢淋之前都食曬啦😂

今日同老友喺附近食個午餐。選擇左詠藜園。十二點黎到人唔多，四人枱岩岩好。咁耐無黎，叫左幾樣招牌菜。 生煎包  包底有唔少芝麻，包皮本身幾甜，肉餡都好飽滿多汁。 銀絲卷  外皮幾脆，中間幾軟，甜甜地唔錯呀，沾埋煉奶更好食。配豆漿清甜解渴。 紅油抄手  肥嘟嘟脹book book非常飽滿，菜肉餡的抄手皮薄餡多，充滿肉汁。加上甜甜辣辣嘅濃醬汁，仲有些少生蒜同麻醬，花生醬香味好夠。不錯。 鮮肉小籠包  新鮮出爐熱辣辣。皮都算薄，肉餡豐富，肉汁都好多。略嫌水氣太重，皮有啲粉粉感覺，一般啦。 上海粗炒  幾夠鑊氣，賣相唔錯。材料都好夠，有齊菜、肉絲、冬菇絲咁。 招牌擔擔麵  手打幼白麵線煙韌柔滑，幼身略扁嘅麵線正好沾住麻醬湯汁。香蔥、花生碎、仲有芝麻醬同少許辣油，一啲麻一啲辣一啲花生嘅香濃湯汁。但明顯花生麻醬俾得唔夠，香味已經減退，但都算可以啦。雲白肉  肉片夠薄，加上大量蔥蒜、醬油同辣油，呢味真係好送麵。 太后豌豆黃  完成正餐，叫左個網上人氣熱點太后豌豆黃做甜品。豌豆糕唔會太甜，食落幾清甜，又啖啖豆味，似綠豆蓉糕。飽到上頸。一餐非常滿意嘅四川菜。 真係闊別多年啦，今日一食，重拾番當時好味嘅回憶

第一次經過呢間店見到好多人排隊，所以就搵左一日黎呢度食。入面係傳統裝修，介乎茶餐廳同茶樓之間，都幾大坐到幾多人，但有少少迫。點了糖蓮藕，有糖漿係上面，有d 似蛋散的。要讚一讚呢個蓮藕片，間直係功力菜，切到超薄，2mm左右👍🏻招牌鎮江肴肉，啫哩同肉混到一半一半，每一啖都好balance👍🏻皮蛋豆腐 - 好足料，而家出面好多餐廳都係得皮蛋粒，但係呢度舊舊都有成1/8隻蛋，連埋豆腐一齊食，正👍🏻 呢度價錢都好平民，一d 都唔貴☺️

老實說這間餐廳真係要多人和早點訂位才能夠享受到食物的滋味⋯今日和朋友C慶祝生日接佢放工和一齊食飯這間餐廳其實位都唔小。但因為人太多。所以感覺很迫。開首想到這裡的目的。是因為覺得是出名名店+ 唔需要等位。但入到去就知，點解可以唔駛等位。因為佢地真係用盡每一個位⋯大家一齊迫在一個餐廳里，當然會有爭執。我那天見到很多爭執畫面。包括員工和顧客在各方面的不滿。不過其實大部分員工都算有禮貌，因為佢地都好清楚，大家都係欣賞餐廳的食物才會到來光顧。以下係今日所點的食物：這個麵其實有點失望😞估唔到招牌麵都會變成這樣記得上次在紅磡試都幾好食㗎朋友話可能我地點唔辣所以口感會差點因為唔夠「野味」這個小食很抵食呀平時普通上海菜館都唔會有這個價錢份量還很多今日特價小菜。都幾脆。唔太大。當試食都還可以。這個小食。很大很多，但口感唔太好。唔凍又唔熱。又無咩味道。唔見議點選。豆沙鍋餅。都幾好食。因為即做。很熱、很脆如果有選擇困難，可以選擇套餐。但我計過套餐唔太抵。最近做的特價小菜。每日唔同。如果想選擇其中一樣，就要選對日子去啦。這個是每張單都有一客的小食。如果你唔鐘意花生，可以選擇技豆。都幾靈活。總括黎講。今餐抵就幾抵

很少會去黃大仙，這天辦完事後當然要找好東西吃。星期六晚上，老字號詠藜園門外都有好些人在等位，幸好我們兩個人容易搭枱，等了一會便有位置。我吃過它的黃埔分店，後來在餐廳內聽人說才知道原來是兩個老闆來的，難怪菜單好像也有點不一樣。首先當然要是傳統的擔擔麵，的確好像跟外面的擔擔麵不一樣，我們點了小辣，湯底濃郁，有適量的花生香味和辣味配合得剛剛好。即使不好辣的也很容易入口。麵條爽滑，最適宜配合這樣的濃湯底。小份量的價錢，讓我們可以多試一點別的食物。小籠包一客八隻，非常大隻，雖然沒有做到其他食肆那般皮薄，但餡料很多食下去湯很甜，感覺實在就像在上海老店般，十分推介。醉豬手則嚐了酒香，咬下去十分爽口，是很不錯的前菜。另外我們還叫了個上海粗炒，不過這碟我則覺得普通。麵條很滑溜，可惜配料有點少，沒什麼鑊氣，感覺有點像街邊小食店大批煮起。總括來說，這天的晚餐我們都很滿意，雖然店舖裝修座位未必非常舒適，不過大概客人就是喜歡它的老店風味。

一行4人去食晚飯，晚飯時間都預左排隊 ，但門口都有膠櫈可以坐住等，順便睇定一陣叫咩，我地叫左個 紅油抄手，擔擔麵，豆沙鍋餅，雷沙湯圓，仲有螞蟻上樹 麻婆豆腐，特別要講下個豆沙鍋餅 好好食，好多紅豆容，但又唔太甜，又整到好香 ，又唔會太軟。

雖然我平日都有，先在位於西貢墟的泰國菜餐廳鋪頭內，食完午飯才坐交通工具出九龍的習慣，可惜今日在西貢墟就做不到了，因為鋪頭今日因遇上私人事宜，而暫時休息一日。於我在西貢墟以外的地區，尋找可以享用午飯，以前又從未幫襯過的食店。結果我從我已經關注了，現在仍然有營業，兼且還未寫過食評的餐廳裡面作出選擇。結果我無意中，在「開飯喇」所以已經收藏的食店裡面，找到這一間位於黃大仙「鳳德道」裡面，找到「詠藜園四川菜館」這個擁有豐厚店舖歷史，隱世的知名四川菜餐廳。單憑「詠藜園四川菜館」店內的陳舊木材餐檯，和非尋常塑膠材料餐櫈，我已經知道「詠藜園四川菜館」本身擁有的年資，不是一般港式餐廳可以相提並論。「詠藜園四川菜館」食店的舖位座落於黃大仙舊式樓宇的地鋪位置，但是「詠藜園四川菜館」內部的消防和走火設備，都沒有使用任何假天花板去裝飾和遮掩它們，使「詠藜園四川菜館」實際樓底變得很高。「詠藜園四川菜館」跟很多四川菜餐廳，或者上海菜餐廳一樣，都是自己製作的「擔擔麵」菜式提供。可惜「擔擔麵」裡面大多含有豬肉肉碎成份，所以不是很適合我個人在中午享用。另一方面，「詠藜園四川菜館」除了食店內部裝修，和擺設都很有家常菜風味之

一直被他們家的擔擔麵所傾慕，有分辣和不辣的，對我而言必須是辣的，湯頭濃郁，最主要是裡面有花生醬香味，真心好吃，麵條也很有勁道，還有他們的煎炸鳳尾魚，也是每次必點，放在嘴裡，先是乾脆的爽利，接著咬咬就有醬汁四溢在你的嘴裡，很入味，百吃不厭，好吃的實在太多，醉雞也是酒香撲鼻，很醉人！

今天一起床見到Facebook朋友食酸菜魚的相片😍，我又想食，便找了這家在黃大仙的詠藜園四川菜館。我們一點半左右來到，踏入店內滿滿都是人客，座無虛席，等了一會兒就有位了，裏面都是大圓枱，除非是一班人，否則都是需要搭枱的。我們一坐低，服務員便端來茶和一小碟自家制花生，花生看來不太吸引但是吃在口裏卻是很脆，非常可口🤩店裏菜式選擇很多，很多東西都想嘗試，今天叫了炸饅頭，酸菜魚，擔擔面和紅油抽手這裏的菜色偏大粉，控油抄手有八隻，炸饅頭四個，酸菜魚的份量也不少。味道方面，炸饅頭略為失望，因為不是想像中的外脆內軟，只是表面炸了，没有脆的感覺，整體都很香軟。😋擔擔面的面底很爽，條條分明，花生醬的份量適中，我不喜歡太濃烈的花生醬。😋酸菜魚的雨很大塊，很滑，下面全部都是酸菜和芽菜，但是我比較重口味，可以更酸一點和更辣一點。🤪今餐滿足了我今天的食慾，這間店的菜式分量多，價錢好抵食，下次可以再來試試其他菜式。👍🏼👍🏼👍🏼👍🏼

今天又來了黃大仙詠藜園吃午餐。時間是差不多到一時，所以舖內細枱已坐滿了客人。我們二人只好搭枱吧！我們今天不太肚餓，所以只是叫了兩碗麵和一個小吃。~招牌擔擔麵因不吃辣，所以點的擔擔麵是走辣的，但招牌麵確實討人喜歡。花生和麻醬的香味濃郁，彈牙幼麵配上濃湯最好不過。~豬扒湯麵不會像擔擔麵的濃湯底，清的湯配幼麵又是另一番風味。炸得恰到好處的豬排外脆內軟，非常好味。若將豬排浸在湯裏吃，感覺不會那麼熱氣。~酥炸鳳尾魚趁未到休魚期便要吃的一個小食，鳳尾魚是整條炸的，確實炸得酥脆，一口咬下去已聽到脆的聲音。吃下有甜甜的味道，一點也不會腥，魚頭至魚尾都落進肚內，非常滿足。相信魚的骨也給我們補鈣質，

同朋友由車公廟行山行到黃大仙,又曬又熱又餓,嚟到黃大仙梗係幫襯小店話梅苦瓜 - 冰涼嘅苦瓜浸喺鹹鹹甜甜嘅話梅汁實在超清甜解渴!!! 大家搶住食,結果點了3碟 鎮江肴肉 - 做工比較粗糙,但味道不錯話梅醉雞 - 還可以,無乜話梅味,無想像中咁特別脆皮素鵝 - 炸得好透,好好味炸鳯尾魚 - 炸得好金香鬆脆,超好味~ 配啤酒一流 原湯水餃 & 過橋水餃 - 其實兩款都係一樣嘅水餃,過橋其實係湯水餃招牌擔擔麵 - 必食!! (竟然唔記得影相...) 個擔擔汁嘅甜丶辣丶鹹丶花生香真係調得恰到好處,令人食過翻尋味 豆沙鍋餅 - 比較油,勝在豆沙餡好多,好正

要排隊的餐廳，果然係有質素的保證。未夠7：10，已經要排隊等位，好彩都算係頭幾個，等左十分鐘就入得去。 有花生做前菜，幾香口。 之後叫左個膽膽面，可能因為叫唔辣，無咩層次感，但都叫幾香花生味。之後再叫左個籠小籠包，見住廚房人手即叫即整，上到台熱辣辣，皮又薄，夾上黎仲唔會穿同痴住張蒸籠紙，d 肉汁仲係個包入面，食完一籠真係唔多夠喉～ 下次要試其它野