詠藜園四川菜館 (已搬遷) 新店位置

今日又去詠藜園食飯。今次叫左雲吞雞（半隻）。雲吞雞十分足料。有半隻雞，5-6件雲吞，娃娃菜。最重點之重係佢既湯底有火腿煮成。相當野味。份量十足。我地兩條友淨係食尼個雲吞雞半隻都已經好足夠啦。十分推薦👍👍👍仲有，今次真係好開心。因為終於點到碟蒜蓉焗蜆加粉絲。我次次去都食唔到嫁，因為佢次次都話賣晒。今次終於食到啦。尼間既蒜蓉焗蜆係用錫紙包住上台。上台個刻，打開塊錫紙。嘩🤩熱騰騰既蒸氣擁出黎。急不及待啦。真係十分好味。蜆肉啖啖肉。粉絲索晒d汁，好野味。真係好好味。尼間田準依然👍👍👍

今日下午突然好想食雞絲粉皮，就到附近嘅詠藜園啦。平時食夜晚就一定要等位，不過中午就唔駛等位。同朋友叫咗一碗酸辣湯，一碗擔擔麵（改良版），仲有一碟主角雞絲粉皮。酸辣湯，就好似淡咗少少唔係太辣。酸味就要加啲醋先啱啱好。不過佢夠大碗，夠足料！改良版就比普通版多$10。但我就唔知改良版有咩分別，下次要食番個普通版對比一下先得。都係正常擔擔麵啦，對比起酸辣湯就辣啲。好食主角雞絲粉皮，一如以往係無令我失望嘅又抵食又好味又唔係大集團嘅鋪頭買少見少，大家要好好珍惜

由於我遲到所以已經影唔到煎餃同凍豬手但係個煎餃雖然凍左少少食落都仲好好食囉😳好想熱辣辣再試一次凍豬手都幾好食嘅希望下次可以食多一舊🤣炒雜菜粉絲煲味道好好，粉絲都好入味配菜，同份量都夠多炸松子魚我唔太食魚所以我唔係好介紹到😂但同行朋友係話正既青椒粉絲蒸花甲我估唔到原來配青椒咁蒸黎食係咁正㗎啲粉絲索晒啲蒜同青椒既味惹味程度相信都唔需要多講大愛呀💛試到新食法😍隻鴨點左汁再配埋側邊嘅包食又係好好食，係啲肉韌左少少啫加上有啲有骨，未必可以夾到包食如果可以再多啲包就好啦☺️上海粗炒，味道可以，唔太油炒飯好食呀，炒得好香👍🏻炸銀絲卷出面食嘅銀絲卷通常都比較油然後咬落有啲實但係呢個炸銀絲卷入口鬆軟外面炸皮仲要好薄嘅一層我相信都幾考功夫掛點勁多煉奶食，好滿足🙈最後配埋一個豆沙鍋餅豆沙餡甜度適中，皮薄呢餐好滿足呀好多野都覺得好好食👍🏻👍🏻👍🏻

抱著期待來吃黃大仙有名的上海菜館，沒想到卻吃到令人失望的麵和服務質素下午茶時段擔擔麵為26元，加價12元能有涼菜油炆筍和加3元有凍豆漿先叫了豆漿後來想喝鹹檸七，店員卻說已打單不能改，態度不佳，中間聽到別桌點菜也像同事抱怨，非常大聲凍豆漿超難喝，喝起來有股塑膠化學味，超級噁心，還用塑膠杯來裝，喝幾口就不喝了油炆筍的桂竹筍味道蠻好的，吃起來很嫩不會硬，炒的都入味，算是當天吃到比較好吃的菜招牌擔擔麵吃起來和以往吃到的完全不同，沒有花生味和芝麻味，湯頭喝起來不麻也不辣，能嚐到一點花椒味，麵條煮的剛好，沒有偏軟或偏硬的問題，整碗麵看起來濃稠，卻非常之淡，令人大失所望！不知道是否改良擔擔麵會好一點（標示有加肉碎和花生醬）

今天和朋友相約到詠麗園聚會。由於一早已預約了位置，所以準時七時半到達已經可以入座了。店內已經很熱鬧，原來這麼多人是如此早的吃晚飯！因為人數比較多，我們選擇了10人套餐，店員十分細心，知道我們上有些朋友未能準時到達，於是建議我們先上冷盤，其他的則等有人來到才上吧！不久冷盤就很快地呈上了，有粉皮、醉雞、拍青瓜、熏魚、筍……當中以醉雞最為出色，肉質鮮嫩，雞味濃之餘更大有酒香。熱食終於來了，這個雜菜是有點辣的，如果不能吃辣的，就要避免一下了松子魚，是我今晚最期待的一個菜式，其實這菜式在坊間已吃過無數次，但始終對松子魚還是有個情意結，不吃不安樂。當我滿心歡喜下一啖松子魚放入口的時候，心中已經很滿足很滿足了，外脆內軟，而周圍的配菜也相當出色，真的忍不住吃多幾口再嚟雲吞雞鍋，不過不失吧，但當中的雞實在值得一讚，可以保持雞肉的鮮嫩及入味，友人們也食到停唔到口至於其他菜式，我們實在太肚餓了，很快便把他們清得一乾二淨！吃飽以後都已經九時多了，但進入店舖的人卻越來越多，有三五知己，有家人歡聚，可見這店也有一定的捧場客，難道他們也為松子魚而來的嗎

老公好鐘意食哩度既口水雞，自從食左第一次之後我地一個月都會黎一次。今次去我地點左口水雞，青椒焗蜆加粉絲，改良擔擔麵，干扁四季豆。估唔到個青椒焗蜆個青椒竟然係尖椒，好辣但好好食👍🏻口水雞一灌水準，干扁四季豆好香口，送飯一流。le度既店員都好快手，上菜時合理，我地通常一個鐘內都食完走得。雖然我唔食得辣但又好鐘意食四川野，而且le度價錢都可接受，唯一唔好就係環境麻麻，始終係舊鋪，每次去都總係有奇怪既氣味，可能係個冷氣喇。

担担麵 最欣賞嘅店係畔溪 可惜已結業之後就係黃埔嘅詠藜園 & 巧膳坊 水準唔錯至於黃大仙詠藜園 就保持唔倒水準地方懷舊 菜式豐富 有下午茶優惠……侍應隨和親民 冇制服 有傾計都大聲嘅担担麵 ~ $29 下午茶$26可配小食 $12 小籠包$26五香牛肉麵 $38 轉担担麵湯底+$2麵質係好嘅 但 担担湯底較傑 肥膩五香牛肉係非常…非常…咸 小籠包~ 豬肉餡有汁香味 但扁甜味油炆荀~ 濃香豉味 但荀老有渣大豆牙菜~ $12 清清地 凍豆漿 $3 抵飲 夠豆香 冇熱嘅酸辣湯鍋巴~ 星期二特價 $68酸辣湯~ 唔辣過酸大大嚿豬肉片冬菇件冇切絲冇豬肚冇虾 煱巴~ 脆口 有大有細 份量多最怕就係有大強散步

特別走到食上海麵，到店時約2點，裡面滿座，最終要撘枱.睇一睇餐牌，發現比之前貴了很多。最後點了酸辣湯麵及雞火湯麵。麵很快上。酸辣湯麵其實冇乜特別。我認為稀咗D,麵底都ok,雞火湯麵喜歡它加上芽菜，麵底份量算多。兩碗麵成為$101，真的貴。我只能說是食老號。

💁🏻‍♀️詠藜園四川菜館 (黃大仙)🍴-見呢間野系黃大仙幾出名所以去朝吓聖，夜晚食飯時間都要等一段時間，入到去略嫌有啲迫🙈-招牌擔擔麵 ($29)🍜湯夠濃味！花生味夠出，麵質都好彈牙，係我目前為止食過最高質嘅擔擔麵。但食完好重罪惡感🙈🙈因爲都幾油。-青瓜拉皮（$31）🥒個皮幾夠滑，但我覺得麻醬味未夠出🙈-豆沙鍋餅（$45）豆沙餡幾足，但個人覺得個皮可以再脆啲😋/

詠藜園在黃大仙多年，地點不太就腳，在黃大仙消防局對面馬路，但依然很多人慕名而來。點解，由於一直味道都頗好，是一家人常來的食店。一段時間無嚟，今次一如既往，而一家人都偏好冷菜、小食，期待可一飽口福。可惜今次光顧，發覺味道不對了。酥炸鳯尾魚，應是製作過程中加入糖，令吃時脆得來又充滿蜜汁，現只淨酥脆的炸魚而已。皮蛋拌豆腐，個醬油汁只得甜夾稀，水得很。油炆筍，睇圖都見筍炆得唔均勻，而且啲筍似乎處理得唔好，仍有霉味。鎮江肴肉，皮厚咗，啫喱狀的汁液淡而無味。雞絲粉皮，又是個汁唔對，無麻醬味，只是稀的甜醬汁，雞絲硬實，粉皮厚而不爽。香脆海蜇，淨得海蜇自己味道，水汪汪亦調味不足，連麻油香味都無乜。上海炒粗麵，好大碟，但也是醬汁出問題，唔鹹又無乜味，連上海麵都好似變咗，比之前的粗硬咗。招牌擔擔麵，麵質還算可以，但個擔擔麵湯底就淡晒，那種微微的花生香味都無埋，而且叫正常辣度的都唔辣。生煎包，皮厚肉少。過橋水餃，算是仍保持一定水準。最最可惜，連個前菜魚皮花生都唔對味，只得死鹹，無咗鹹脆香，真是失望之極。

間唔中都會食呢間店嘅，咁岩尋日經開時間又岩就去食啦，中午一點左右到達都已經坐滿八九成，被安排坐門口第一張枱，都知會熱啲所以都坐入面諗住好啲，餐牌都未拎阿姐已經放底兩杯茶同一碟枝豆，由於我之前食過所以我要求換花生，如果唔係就唔會掂碟小食啦，因為已經諗好食乜所以好快就可以落單啦擔擔麵：一碗正常辣一碗小辣，同死佬都覺得個碗細個左，不過份量就差唔多嘅，麵唔會好淋，湯都夠濃，唔錯炸饅頭：好奇怪，因為饅頭得一半係啡色，下半身係白色，感覺似炸得一半，得外皮一半係炸，下半身及入面都係軟身嘅，口感麻麻地紅油抄手：一身有紅色辣油，一邊有麻醬，感覺好得意，不過我就覺得佢啲肉餡普通左啲啦我都記得之前聽過話唔比加單或者後叫甜品，但見到隔離枱又可以加單喎，唔通改變左？雖然想試下豆沙鍋餅，但太飽下次先啦坐第一張枱果然熱啲呀，啲人出入有時間大左對門冇關埋佢，啲熱風不停扯入黎，好彩個男職員醒目見到會去關返對門呀~

今次搵食搵到黃大仙 由男朋友介紹之下黎左呢度其實餐廳本身已經久仰大名 就系未有機會食過一入到餐廳其實都似一般既中菜館有大小圓枱 小圓枱大概可以坐4至5人而大圓枱都比較多 都方便撘枱既舊式餐廳 環境方面吳好太奢侈講究最近要系好味第一味 鎮江肴肉($38)冷盤好入味 吳似啫哩 不錯豆沙鍋餅($45)上碟既時候急不及待去食熱辣辣襯熱食 擺入口正好好味皮很脆口又香口 吳會因為太熱而腍左紅豆系入面多到泌出黎 差啲辣親上海湯粗麵其實即系上海粗炒既有湯版原意系吳想好似上海粗炒咁油膩距做到了 不過亦因爲咁令到距太清而無咩味咁要加豆瓣醬先有返啲味啲麵就一般般招牌擔擔麵($29)因為我吳食得辣所以嗌小辣 不過食落真系吳太辣聞落好香 花生味都好出因為鐘意食擔擔麵既原固而距又吳辣 所以我三爬兩潑就食哂 好夠味同個湯麵真系差得遠大食既朋友不妨再嗌啲小食因為您一定吳夠飽青瓜拉皮特價($32)距做緊逢星期五特價個汁好正 好惹味 個拉皮又好夠滑 味道很配小籠包($56)差不多每枱客都會點既小籠包就算2個人嗌一籠食都吳過份皮很薄 吳會厚到一舊舊咬落去吳會泌汁 吳會周圍滴唒唒距啲汁鎖實哂系夠肉裡面------------

已有好幾年耐冇食過詠藜園四川菜館, 一時興起同家走去食, 下午食飯時間, 不用等便有位坐, 點了走辣擔擔麵和獅子頭客飯, 擔擔麵麵身柔軟易入口, 湯底花生醬味重, 但卻令整碗麵很油膩, 女兒吃了半碗已不想吃下去, 我吃了幾口都覺得幾油, 雖然未吃其他食物, 但已有點膩.至於獅子頭客飯等了20多分鐘, 可能即叫即煮, 但來到時有點失望, 因為菜太多, 原全看不到獅子頭本身, 同時菜吸收了大部分醬汁, 想用醬汁撈白飯都不能, 獅子頭食*落叫鬆化, 但味精有點重, 不象其他川菜館清甜, 真的有點失望, 同時跟餐的例湯不飲也罷!總結除了麵身較其他食店優勝之外, 其他食物都未必較其他地方出色.

食物：叫左個招牌擔擔麵，樣吾錯但係湯飲落去得個咸字，咩花生味都食吾到，麵仲要帶酸。鎮江肴肉ok，可以一試。小籠包皮有啲厚同吾夠滑，肉味同係超級市場買番黎既差吾多。服務：食完就即係比人趕走，野食到齊後十分鐘，你仲未食完埋單，樓面姐姐就會係咁比説話你聽(吾知關吾關我樣衰事)。環境：比大排擋好，同熟食中心差吾多，吾食辣野架話係吾會出汗。總評：一個不思進取既過氣電影明星，得番昔日既名氣同一副臭嘴臉，已經咩內涵都無晒。

屋企人提議食呢間川菜館，知道都幾出名幾多人食，因為當日係紅日，所以已經一早六點就到咗，但係門口已經好多人等緊，我地大約等九張枱左右，好彩等咗大約二十分鐘就入到去。一坐埋位職員就問我地洗唔洗要個雲吞雞先，話要煮定，咁我地就照要咗半隻。湯都幾鮮甜，入面既雞好大隻，夠我地幾個分啱啱好，不過食落去就覺得有啲乾身。招牌擔擔麵($29)，我自己無食到，不過屋企人話都好味，個湯幾濃瑤柱蛋白炒飯($70)，食落去有啲太乾身，覺得普通麻婆豆腐($55)，呢個食落去真係幾香，惹味得嚟唔會太辣，幾鍾意乾煸四季豆($58)，好香好惹味牛筋腩煲($82)，幾香，牛筋好爽口，不過牛腩就有小小「銀」