誠寿司 (已結業)

由孝勢轉名至誠壽司都有好一段時間, 起初一轉無耐去幫襯過一次發現味道不對勁, 水準急降( 真係可以差得咁遠!!??).隔左好一段時間, 又今日好想食壽司, 就俾多次機會自己試下.叫左個Makoto Sushi set, 主要係想食海胆.  一共12件, 今次D 飯的味道正常番, (對上一次D飯酸得來係難食, 跟住就冇再幫襯)之但係, 係咪唔夠飯定舊玉子太大塊, 啖飯仔, 唔知咩事, 仲要散晒.都仲係麻麻地, 至先搭車出尖咀食.

見食評不錯所以專程過來中午十二點抵達尚有很多位選擇餐牌上多款日式套餐平均價錢百多元一set包前菜, 麵豉湯, 主菜, 湯烏冬及甜品前菜沙律有一個大大的薯蓉球黑椒味重幾好食鰻魚飯及炸天婦羅正正常常這裡裝修算不錯, 整潔乾淨不過碗碟用具是十蚊店貨色而最令人憤怒是12:50, 當吃完最後一啖綠茶雪糕男侍應隨即送上帳單, 並補一句'外面好多人等緊'你們是旺角的日本餐廳嗎?你可以說一句'不好意思', 才加你的'好多人等緊'嗎?二人吃三百多元的午餐, 我會期待食完飯, 坐一會, 傾一會本來都是一個鐘就會自動走被趕的感覺真是不好已經很久沒有在香港試過被趕了又一間浪費位置好裝修好的餐廳

首先前菜日式蒸蛋仲有蛋沙律，蒸蛋就無乜特別，蛋沙律幾好味，撈埋D麻醬更開胃。誠特上壽司10件定食，整體上全部都好新鮮無怪怪味，尤其係拖羅吞拿魚腩，油甘魚腩最正。鰻魚飯定食，鰻魚看落也不錯，幾厚身，還有一個迷你烏冬。餐後有雪糕或咖啡，如果兩樣都有就更美滿了，而餐飲就只有咖啡無其他選擇。

星期五見完客, 緊係搵d好嘢食啦!  我一向都鍾意食日本嘢, 一於試吓呢間啦!一入去已經覺得好日本feel, 有日本師傅坐陣係唔同d嘅. 一於坐我最愛嘅bar 枱位啦!佢地d服務好好, 每次係你想要幫手嘅時候自動出現, 抵讚!!!!  d位好舒服完全唔迫.我order左一個叫咩女仕set, 好多嘢食, 好抵!  好似係$148 / set.

僑居香港的日本人其實為數也不少，以我觀察他們主要集中在太古城，黃埔和銅鑼灣。一間日式餐廳食材素質如何，我個人認為日藉顧客數目是其中一項指標。是次光顧為午市時段，鄰桌也有日本人；希望他們也不是第一次光顧。午市套餐價錢也不菲，要一百元以上起。這個消費水平，不會吸引太多附近工作的打工仔光顧。定食的份量，不是每一款也適合一個大男孩，刺身定食的份量比三文魚併三文魚子飯少，可能因為食材比較貴。三文魚併三文魚子飯配薯蓉，比較飽肚。魚生尚算新鮮，不過師傅刀鋒太好，不是切得很厚。天婦羅新鮮炸起，熱騰騰，脆卜卜，幾惹味。綠茶雪糕的綠茶味也算重。這間算比較高消費水平的日式餐廳，偶然一試午餐還可以，晚餐要食飽就太貴了。

公司搬咗嚟黃埔接近一年，最初對黃埔嘅感覺係雖然屬於九龍區，但有少少與世隔絕嘅感覺，可能因為這裡還未有地鐵吧！與世隔絕比人另一感覺就係無啖好食，特別係公司處於黃埔花園內嘅最盡處。這裡知道較為出名嘅食店只有時新快餐店食漢堡飽，但無可能日日都食漢堡飽，同時由公司行出去亦要好一段距離。呢一年間，好多時都會上 openrice 搜索下一啲較好評嘅食店去試，但絕大部分都要步行10至15分鐘。這日偶然發現這間處於黃埔區內嘅日本餐廳 -- 誠寿司，得到好多好評，所以就決定嚟試下。佢哋有多款嘅中午套餐選擇，我就揀咗一款專為女仕之設嘅女仕定食，睇個名應該係為女仕之設啩！個套餐都幾豐富，亦剛剛好係我嘅份量：刺身：油金魚、甜蝦、三文魚壽司：吞拿魚、帶子、蔥吞拿魚腩卷日式蒸蛋，小砵，沙律，麵豉湯，迷你烏冬刺身同壽司材料都非常新鮮，每一件刺身都係厚切刺身，而壽司飯握得剛好，唔會一夾即散，而佢嘅醋味不會太濃，搶去刺身嘅鮮味。薄荷茶、薄荷咖啡都試得多，但第一次食薄荷葉做嘅天婦羅，薄薄的一片葉吃起來好特別。天婦羅炸得好香脆，但又唔會太油膩。最後仲有一客紅客雪糕甜品，我就略為覺得紅豆味唔夠濃郁。

千里迢迢, 來到紅磡黃埔的 誠寿司 Makoto Sushi.  無他的, 只是暮名而來, 為了品嚐女寿司師傅- 橫手舞 - 之精湛手藝, 並一睹其巾幗不讓鬚眉之風采~ 店內的環境舒適寬敞, 裝潢佈置時尚簡約, 以淺色的木系為主, 燈光柔和, 有普通雅座亦有傳統壽司吧位, 氣氛恬靜平和舒適~傳統上, 吃壽司都應該坐在壽司吧前, 小弟也當然坐在吧位前啦...能夠看著星級女寿司師傅以其精湛手藝即席為自己精心製作壽司亦是一種享受喲~ 在評論當天所吃的食物前, 且容小弟多說半句... 小弟是一名壽司痴, 而社交圈子中亦有數名日本朋友, 所以對壽司的要求及吃法亦略知一二, 在此略作簡單分享... 壽司的正確大小應以一口可吃下為標準, 而比較正統的吃壽司方法, 並不是用筷子, 而是應該用手... 因為用手才能感受壽司的質感. "老一輩"的日本人也不會把山葵拌入豉油中... 因為這樣做, 會使山葵的味道被豉油蓋過, 浪費了山葵的本味~ "老一輩"的日本人只會將山葵輕輕的塗在魚生上, 又或者請師傅加入多點山葵在壽司飯中, 吃時輕蘸豉油, 並一口吃下!  "絕對不會把壽司飯來蘸豉油的"... 也建議

好耐無試過日本菜試食活動，咁啱又好耐無去過紅磡一帶食飯嚟個順水推舟就去到新開業嘅誠壽司試食店方本來介紹試食廚師推介，但我好多野都唔啱食，所以決定自己散叫點咗一個壽司拼盤同埋一個蝦膏燒虎蝦蝦膏燒虎蝦好好味，味噌同蝦膏勁勁勁香，燒到乾乾哋咁，隻蝦又好甜好彈牙喎，正呀!!壽司拼盤拖羅壽司幾大件幾厚食到一口油咁，好味吞拿魚壽司同樣係好大件好厚，但味道就唔夠突出，都係自己衰，食左件拖羅先 墨魚壽司幾鮮甜，但係我就唔太鍾意呢種黏黏嘅口感池魚壽司個魚本身幾好味，但加埋啲薑同葱就好怪咁大蝦壽司大就係幾大，但唔夠鮮甜喎，唔知係咪沖過水呢?燒玉子壽司/鰻魚壽司嗯.....我無食到，比咗朋友食，朋友就話OK喎本來嚟呢度有個期望，就係想睇下女壽司師傅表演，但結果兩個都係男師傅不過個日本師傅又幾搞笑，睇住佢同個徒弟仔傾計好好笑師傅仲學緊廣東話添，下次要同佢傾下計先得!

寿司店新開張, 急不及待同朋友去試試~鋪面有寿司吧枱同埋普通order枱寿司吧枱可以望住師傅為自己制作寿司, 又可以有傾有講個人就鍾意寿司吧, 感覺比較似食緊正宗日式寿司寿司set有好幾種其實都係件數既分別, 至於個set有入面有咩款似乎係師傅決定, 當然唔需要太擔心都係睇價錢決定, 貴既set唔會少得拖羅海膽呢類貴價寿司啦大拖羅 - 無筋, 都夠肥美, 未算係入口即溶, 但魚油香味合格中拖羅 - 個人比較鍾意呢個, 魚油味唔差得過大拖羅, 但較有吞拿魚味, 咬落會慢慢喺口中溶化赤身 - 同拖羅比當然魚味較重, 一睇色澤就知係新鮮貨, 雖然係赤身, 但都叫做有魚油味, 唔錯!鯛魚 - 口感較爽, 味道較為清新, 魚油味唔似得吞拿魚咁爆, 建議先食帆立貝 - 鮮甜, 軟滑, 其實帆立貝都唔洗多講啦...池魚 - 近年比較鍾意, 因為佢變化大, 可以魚油味重而軟滑, 亦可以爽口結實, 呢個唔似係深海池魚, 屬較爽口類型, 魚味唔強, 帶清香魚油味煙鯖魚 - 唔係我杯茶...個人真係對呢個魚幾反感...肉質似係熟魚, 略帶醋同咸味, 食落仲有少少腥...無論邊度整既煙鯖魚...我都唔啱食魷魚

日本料理風靡全球, 在東京甚至出現了一間壽司學校, 專門培養正統壽司的師傅, 其名字就是東京壽司學院(TOKYO SUSHI ACADEMY)。  學院在多國亦設有分校, 並且直營壽司店來提供就業機會給優秀的學員, 然而誠壽司(MAKOTO SUSHI)就是駐香港的直營店, 學院首派出從非洲回國的女將做生招牌, 一改壽司界只傳男生的歷史, 她就是 ... 橫手舞。樣子標緻可人的橫手舞, 剪了一頭清爽skinhead, 骨子裏散發出一股撩人的爽勁, 觀其惜日寧願放底舒適寧逸的安穩生活, 獨自遠負非洲的贊比亞為教貧童自力更生, 這份愛心爆棚也激發起她要回國學習壽司的機緣。橫手舞解釋過她在當地就是教孩子們焗麵包和整蛋糕, 但西餐在贊比亞始終太過普遍, 要保障他們的生活, 做壽司是條不錯的出路。位於黃埔花園的誠壽司, 因為自己不太熟悉這地方, 所以位置不太好尋, 足足把聚寶坊走了一圈才把地方找對來。餐廳設計簡約也不失莊重, 客人可選擇坐在壽司吧位或者餐檯位, 另設一間和式榻榻米房。侍應生先為客人奉上熱毛巾, 再為客人倒茶, 熱毛巾威力可令人舒泰~看似小象的豉油樽, 可為壽司店增添了俏皮可愛的一

星期日，來到黃埔…目的地 -《誠壽司》，位於轉角處、不算難找，但若不留神的話，也許會錯過了。女師傅橫手舞打破了一向以男性作主導的壽司傳統，光想已感到她的學師之路該荊棘滿途，且需花上不少心機及努力才有今天成就，故到來前已甚感興趣及期待，希望一嚐女師傅的手藝。我倆決定於壽司吧前就坐，只因可看著日藉師傅以手握壽司的整個過程。右邊那位就是聲音嬌俏的女師傅，不過是日主要由另一位師傅負責握壽司，女師傅則製作火炙類及卷物類等等。店子採用了簡約日本風的裝潢，menu亦簡潔清晰。可愛的醬油瓶。分別點了兩客午市定食，先來的是前菜。茶碗蒸，蒸蛋質感滑溜，且充滿了濃濃的鰹魚湯味，內裡還有蟹柳、冬菇等。薯蓉沙律，薯蓉夾雜了薯仔粒於其中，吃得出非以粉開成的那種，面層還淋上芝麻醬，滋味倍添。小砵，即冷豆腐。另外還有味道剛好不過鹹的麵豉湯呢！誠上壽司定食（$168），蔥吞拿魚腩卷、三文魚、油甘魚、吞拿魚、大蝦、魷魚、左口魚、針魚、三文魚子飛魚子軍艦、海鰻及蛋壽司，共十二件。師傅於握壽司之時已預先加入芥末於其中，不用蘸點豉油芥末已十分美味。壽司飯粒粒分明，握得剛好、不會一夾即散，入口略帶醋味而鬆化。魚生厚薄均勻，三文魚

真是好耐冇見的朋友，今天大家一起收工相約在黃埔，逛了一會兒，我們最後決定今晚食日本菜，「誠壽司」是我們今晚要去的地方。屹立了10年的「孝勢」結業後，向來一般的壽司店都是男性出任主廚，但「誠壽司」就打破了傳統的問題，由女性擔任這個主廚職位。最大原因是因為女性的雙手體溫都是高過男性，所以好容易令魚生變暖而影響味道，所以過往的手藝都是傳男不傳女。用了打破傳統觀念的人事變動「女性擔任主廚」作招徠後，更是吸引了不少報章記者及各傳媒都來採訪。 「誠壽司」是日本東京壽司學院旗下的壽司店，主廚是女師父叫做橫手舞，她也是畢業於日本東京壽司學院的畢業生，她和另一位大師傅神立出坐陣「誠壽司」，更是在東京壽司學院實習後也不斷拜訪不同著名的師父，更推廣弘揚壽司文化，更是帶動了「誠壽司」此壽司店的一個新動力。  餐廳地方面積不是好大，格局都是似一般地道的壽司店，都有設置卡位、十幾個吧枱座位及四張的二至六人座的餐枱，大約都可以容納約三四十人，枱與枱之間都不會好迫，都算是好舒適的地方。在坐近壽司吧更可以欣賞師傅的手藝，讓食客一目了然。壽司吧更展示了今天時令的各款刺身。一坐下來，店員先奉上杯綠茶、毛巾和餐牌，店員及

屹立紅磡黃埔花園多年，區內最有名的壽司店 - 孝勢，早前已經結業，原址由東京過來的誠壽司承接。此誠壽司在日本頗有來頭，份屬日本東京壽司學院旗下的壽司店，每年在東京壽司學院表現優秀的畢業生，便會派往誠壽司工作，而黃埔店正是直屬經營店。總會有些人，對一間壽司店，以學員來擔大旗，始終欠缺信心，君不見那些名牌壽司，都是由經驗老到的師傅擔大旗嗎？黃埔店最大賣點，就是以女壽司師傅掛帥！她的名字叫橫手舞，在東京壽司學院出身，畢業後順理成章留在誠壽司，今天成為黃埔店的壽司師傅。以往在壽司店工作的女性，十居其九都是服務生，經理。橫手舞以女性身份當上壽司師傅，有如鳳毛麟角。誠壽司的環境，典型的日本壽司店格局，與前身孝勢分別不大，這晚我沒有訂位，直行直入，也在吧檯找到屬於我的空間。大多人像我，只敢在中午時段光顧壽司店，價錢平一大截嘛。不過，誠壽司晚市的價格絕不嚇人，十八貫壽司連卷物，只是＄480。隨時便宜過迴轉壽司店，也不奇。一心期待由女師傅出馬，可惜，她當晚只負責在後面弄卷物，握壽司的重任，便交由另外兩位壽司師傅手上。面前的師傅手勢純熟，轉個頭，已經握好一大盤壽司，但是我實在難以理解，為何會先上最濃味的海

今個週末相約好友來紅磡黃埔花園的誠寿司吃午餐，順便要商討我們的旅遊計劃。誠寿司是由東京壽司學校開設，更派出女師傅橫山舞和另一位大師傅神立出坐陣，來頭絕不少。 誠寿司的位置很容易找，就在樓梯出口旁，紅底白字的招牌，很有東洋味，餐廳設計簡約，以淺木色為主，有壽司吧位，亦有普通雅座。由於不太習慣在壽司吧進食，感覺是被人看著的，哈哈，於是我們選擇了其他座位。午市時段，店內已經人流不絕，建議大家可以預先訂位。 這裡餐桌的設計很貼心，檯下有一層架，方便客人擺放私人物品。店員先奉上熱綠茶和餐牌，這個綠茶味濃而且甘香，很不錯。 餐牌午市套餐選擇多，而且星期一至星期日也提供，價錢由 $88 至 $198，大部份的套餐也付送蒸蛋，前菜，小砵，麵豉湯，可選擇咖啡或雪糕，另加一收費。 想吃刺身又想吃壽司的我，點了一個 '女仕定食' $148，刺身有油金魚，甜蝦和三文魚，而壽司就有吞拿魚，帶子和蔥吞拿魚腩卷 (2 件)，當然還有日式蒸蛋，小砵，沙律和麵豉湯，而且還有迷你烏冬，份量一點也不女仕。隔離檯的男士也叫這個，究竟是我吃得多，還是他想吃少一點？哈哈！ 服務員先奉上日式蒸蛋和沙律，為了營造一張豐富午餐的相片，

夏日炎炎,就想吃點涼快的東東!第一下就想到SUSHI SUSHI位處於黃埔,紅磡站步行十至十五分鐘才到達內部環境舒適.我和朋友選擇坐吧位,可看到師傅為我們準備晚餐.坐在吧位,眼前都是陳列刺身的冷櫃.忍不住就要點客刺身----牡丹蝦蝦頭還可以選擇煮法,可以炸或煮味噌湯.刺身很鮮,入口即溶味噌湯可中和寿司,刺身帶來膩的感覺.蝦頭還有些膏,很肥美!Makoto sushi +卷物 18件 $480/客食材新鮮,口感一流.本人很怕腥,但這些sushi一點都沒有腥.挑選,處理食材應該都很好吧.特別喜愛蟹膏軍艦.這是我第一次吃蟹膏軍艦.看顏色不太討好,本以為口感不太好,會很膩.吃下去就發現有蟹肉中和,不膩!好想再吃一件.....看似量不多,但已經吃得很飽!如果有些沙律之類的做前菜,一定會更捧!