誠拉麵 (已結業)

在屯門市廣場的Aeon 百貨內，除了有supermarket，更內有乾坤，入面好多餐廳！自己一個最好是食拉麵啦，見到有間誠拉麵，我之前去港島食過不錯，今日就食白湯（白·豚骨拉麵、特）。分別有特/正選擇，分別是叉燒、流心蛋及紫菜的份量多更多。見到奶白色的湯底，就知有幾香濃，入口順滑，食得出帶有豬骨的骨膠原！麵條選用纖細的，更加有掛湯效果。雞蛋是採用日本貨，優質的保證。叉燒共有3塊，好正宗日本的style!另外加$15 有3隻餃子、1罐汽水，及一客沙律，很豐富的一人食！

屯門市廣場aeon終於裝修好喇 🤩🤩入完貨好肚餓又攰，唔煮喇！同老公見到大門拉麵排曬隊，仔細睇下原來喺丼飯個個位仲有間拉麵店 一於試下啦😛😛地方稍為隱蔽小小 ，唔熟路真係難啲見到 🤨裏面裝修充滿日本風，座位隔得很開坐得舒服 😌店舖自助形式，雖然款式不是太多 ，但日本人就是專注 😜😜店員介紹，可以拉麵 再加小食沙律飲品 $98一個餐一定夠曬飽 😛😛我揀咗黑豚骨拉麵 ，鍾意佢餐牌上面已經寫明配料，海苔、木耳、絲仲有半隻 流心玉子、叉燒兩塊，用料十足😎😎好有驚喜喎 🤩🤩湯底濃而不膩，賣相好鬼靚 ，兩塊大大塊海苔 ，感覺真係日本feel ，玉子非常到位好好味 😋叉燒半肥瘦 ，薄薄地反而口感唔錯喎！赤 豚骨拉麵唔會太辣 ，反而多咗一份香，拉麵非常彈牙 軟硬適中🤔🤗小食同樣出色，雞軟骨串 ，好脆好香， 炸雞外脆內軟 ，仲有手羽㖭 ，好滿意 👍👍又唔使加一 😬😬本人覺得好味過市廣場其他兩間拉麵店🥳

屯門Aeon最近裝修完，多咗好多食店，今日捉左老公陪我去Aeon買餸，買餸前來左呢間誠拉麵🍜食返碗麵，補充體力再入去補倉！（地點有啲隱蔽，喺壽司部隔離轉入去）📍豚骨魚介沾麵套餐$98（正拉麵🍜+小食🍗+汽水🥤）📍 豚骨味增拉麵套餐$98（正拉麵🍜+小食🍗+汽水🥤）呢間食物質素比想像中高🤣😆最愛魚介沾麵🍜，魚介湯濃，口感濃稠，麵質較為粗身，十分掛湯，麵質頗彈牙，配上熱騰騰的沾麵湯汁，好吃😋！豚骨味增拉麵🍜麵質幻身爽彈，都唔錯，不過相比之下，我鐘意魚介沾麵多啲！

屯門誠拉麵位處於Aeon門口偏入位置，如不細看很容易便會錯過。點了拉麵套餐$98，可以任選一款正拉麵，配2款小食和飲品。我選了黑豚骨拉麵，配一隻明太子手羽+鹽燒雞軟骨+罐裝可樂。黑豚骨拉麵:面層係濃厚黑蒜油，湯底不錯，不會過鹹。配料有兩片叉燒、兩片紫菜、半隻溏心蛋、蔥和木耳絲。拉麵軟硬適中，蛋味香濃爽口，加上豐富配料，十分滿足﹗鹽燒雞軟骨:雞軟骨調味剛剛好，香脆帶有咬口。明太子手羽:雞翼已去骨，釀入明太子，微微帶辣好開胃﹗

屯門AEON翻新了之後, 有新的店舖, 也很有新鮮感, 有空時總來看看有什麼新東西, 發現多了新的拉麵店, 和一間海鮮丼share一個食堂區。拉麵和海鮮丼都是我們的喜好, 今天就先吃拉麵吧。豚骨味噌拉麵(特)$92朋友很喜歡味噌, 這款拉麵的味噌湯底夠濃稠, 但又不會太鹹,  麵條有彈性, 配料亦豐富, (特)的麵和(正)的差十元, 多了一片叉燒, 和半隻蛋, 叉燒有驚喜, 肥瘦適中很嫩, 吃著是享受, 玉子是半熟, 入口滑溜, 筍也有不少, 很有日本風味。黑豚骨拉麵(正)$79帶有黑蒜味的豚骨湯底, 湯底很濃味, 這一款拉麵選了(正), 兩塊叉燒對我來說也足夠, 木耳絲有一大堆, 同樣豐富。餃子$25餃子新鮮即煎熱辣辣, 皮薄餡細緻, 配上餃子汁。吃拉麵是自助形式, 自己搵位, 自己買票、取餐, 吃完拿餐具去回收。

屯門市廣場Aeon 百貨公司在超市那一層是美食廣場，我也食過不少次。今日發現有新開的拉麵，一於去試試。誠拉麵同一間食丼飯的日本餐廳共用座位，座位闊落隔得好開，更安全衛生。.我們點了兩個正拉麵套餐，每個$98，包一款正拉麵（有豚骨湯、味增湯、辛辣湯、黑蒜油湯可選）、沙律、唐揚雞塊或明太子雞翼、鹽燒烤雞軟骨及一罐汽水。.拉麵最重要是湯底，這樣的湯底熬製得好好非常正宗，有豬骨的膠質，而且好順滑，濃郁得來又很清，不會飲到好膩。味增及黑蒜油口味令原本的豚骨湯更有層次。.叉燒每一碗有兩塊，切得都幾厚的，肥瘦得宜。流心蛋是用日本產雞蛋做的。.而炸雞及明太子雞翼燒得剛剛好，不會太乾。食埋沙律同飲完汽水，好飽呀！

最近疫情嚴重，好耐都冇得去旅行，所以都好掛住日本啲嘢食，唯有就食下日本餐廳，一解思鄉之情。今次嚟到呢間「誠拉麵」係朋友推介嘅，佢個套餐都幾抵食，唔使100蚊就有麵、沙律、同手羽，日本餐廳嚟講，性價比都好高。一入門口，發現裝修都幾有日本風格，以美食廣場嘅餐廳嚟講，算係超曬班。另外食材方面、見到佢有特別標註用日本嘅雞蛋，咁就可以食得更加放心啦。一碗拉麵嘅靈魂係在於湯底，呢間餐廳嘅湯底非常濃厚，雖然比唔上一啲幾百蚊嘅餐廳，但呢個價位嚟講算係冇得挑剔。麵質都食得出係幾彈牙，挑選材料方面呢都幾用心嘅。另外，佢比起日本好多餐廳都好足料，食完成個套餐飽足感係非常之高，唔會話食完要再去搵其他嘢食咁，總括嚟講都算幾滿意。