諾亞半熟蛋糕專門店 (已結業)

網上看到這間蛋榚店的甜品造型特別，去開九龍城就順便去望吓。雪櫃內有好多款蛋榚，size就好似東x堂果啲mini cake.咁。買左2個，1個係晚餐後甜品，1個就留返第2朝早餐先食。店員話半熟蜜蜂蛋榚要放冰箱雪藏。香芒半熟芝士蛋榚 $146面前有唔少芒果粒，仲有一層薄薄芒果啫喱。中間的半熟芝士真係物如其名，所以好難切得好整齊。底部的朱古力，稍為中和了半熟芝士的甜膩感。半熟蜜蜂蛋榚 （原味） $78已放冰箱後，第二天早餐時吃的。雪藏後仍然很濕潤，切開時，蜂蜜瞬即流出。蛋糕好軟綿綿，入口即溶。

每次去到諾亞半熟蛋糕專門店，都會發現有新口味的蛋糕，今次亦都唔例外。除咗蜂蜜原味半熟之外，多咗好多色彩繽紛的款式，例如粒粒水果、花、公仔... 等等...而我今次就俾呢個比利時朱古力半熟芝士蛋糕吸引住，所以忍不住買一個回家。雖然今次的包裝盒是純白色，沒印上任何有關公司的資料，但是盒的大小比之前的小，較容易放入冰箱，我反而更喜歡。從冰箱拿出來，嘗試以刀切開 4 份，但是原味的硬，所以建議先在室温待大約 15 分鐘再切會較容易吧~放了一件在碟上，最面的朱古力非常濃郁，但絶對不會苦澀。而中間的芝士有少少溶溶地，口感很香滑，跟朱古力一同放入口是兩種不同的甜味在口腔加上硬硬地帶點脆口的餅底，增添不少咬口呢~

唔知有幾時開始，我既生日蛋糕都係由自己準備，今年亦都唔例外。好，自己買咪自己買囉。去左九龍城既諾亞，見佢咁多選擇，真係花多眼亂，不過最後都係買左我最中意既芒果半熟芝士蛋糕（$146）同大型餅店比價錢算平，上層係滿滿既芒果，而中間就係用澳洲cream cheese 仲有鮮忌廉同有機蛋做既，非常香濃細滑。另外餅底都同一般既有唔同，佢係朱古力味既，成個蛋糕，層次好豐富。芒果又夠香甜，又香又滑，我地6個人食分量都好夠，真係物超所值。

九龍城既呢間諾亞半熟蛋糕專門店，之前在其他分店食過，對佢印象好好，今次再重遇必試!主打嘅幾款半熟蛋糕， 全部都好吸睛!除咗大個裝仲有杯裝可供選擇睇咗佢哋嘅menu發現大個裝嘅半熟蛋糕價錢更加抵食，所以決定選擇兩個大蛋糕帶返屋企慢慢食芒果味嘅半熟蛋糕，本身係芒果fans既我一定要試吓啦。個蛋糕賣相好吸引，舖面有啲一粒粒點綴，芒果好甜好juicy, 如果再滿啲就好啦，啲芝士口感好柔軟一啲都唔膩，不過要注意啲溫度，如果雪得太凍可能就冇咁流心. 整體嚟講我覺得非常好食，我真心鍾意。小黃鴨半熟蛋糕有淡淡檸檬味， 一樣係有流心嘅芝士餡， 如果可以再酸少少就更加perfect講真，衣個質素嚟講我講得唔貴，比其他餅店既蛋糕性價比高，下次有人生日我都揀衣個啦！

九龍城除左泰國菜之外仲有唔小甜品鋪糕餅店，其中一間就係過江龍諾亞半熟蛋糕，食完飯應屋企人要求要買甜品返去，平時糖水就食得多，經過半熟蛋糕就決定試下新野，橫掂自己都未食過可以試埋一份係蛋糕櫃前面真係花多眼亂，蛋糕主要2大分類，一種係芝士蛋糕一種係蜂蜜蛋糕，2種都細分左唔同味，樣樣都好吸引，最後決定2種都試曬呢個比利時朱古力半熟芝士蛋糕，芝士味濃，唔太甜，最驚喜係切開之後中間有流心既芝士，同蛋糕原本既芝士係唔同，所以會食到2種芝士味呢個原味半熟蜂蜜蛋糕，完全無芝士成份，唔好比佢個樣呃左，蛋糕好重蜂蜜味好香，不過有小小甜最後拎走蛋糕既時候店員會問大約需要幾耐時間返到屋企，佢會預備乾冷，免得蛋糕會溶，窩心既舉動呀

尋日我個姨甥仔生日，本來諗住放工就去阿哥屋企同佢慶祝，但係點知個個都冇買生日蛋糕，所以我放咗工之後就去咗附近嘅蛋糕店買生日蛋糕。行咗一陣，好多間蛋糕店都已經山左門，行下行下行左去呢間蛋糕店見到一啲好得意嘅蛋糕，所以就停低腳步，慢慢咁揀。而呢間蛋糕店出名嘅係半熟蛋糕，但係可能因為差唔多收舖，只係得返啲盆栽蛋糕，同造型蛋糕，不過因為慶祝生日嘅關係，盆栽蛋糕都係留返下次先至食。最後揀咗小熊提拉米蘇，呢度嘅店員服務態度非常之好，因為佢會問你大約需時幾耐返到屋企，佢會因應你嘅時間長短放入適量嘅乾冰同個蛋糕保溫。那那林揸車去佢屋企，姨甥仔睇到個蛋糕佢勁開心。姨甥仔都話個蛋糕好好味，我就覺得個蛋糕好鬆軟同埋蛋糕面啲朱古力粉都好多，所以食嘅時候要小心唔好濁親。另外佢入邊嘅佢Cream都好滑溜。下次再經過呢間蛋糕店，一定要試返個半熟蛋糕先

今日去九龍城食泰國野，係附近搵下餐廳既時候，竟然比我發現有間諾亞半熟蛋糕專門店！原來佢大有來頭，係台灣首間研發半熟蜂蜜蛋糕的蛋糕店，紅遍台灣，早幾年黎左香港開分店。咁我同朋友就每人叫左兩款唔同既半熟蛋糕我朋友呢個就係朱古力芝士蛋糕，出奇地 呢個比利時黑朱古力蛋糕朱古力味唔算太重，反而芝士味好香！切開中間有少少流心效果 總共有三層 食落口感好豐富、軟滑。佢有一層芝士一層朱古力同埋一層蛋糕。個層蛋糕可以中和芝士既膩度，令到成個蛋糕更有層次感∼而我就比個Tiramisu熊仔頭蛋糕吸引到，實在太可愛啦。呢個蛋糕系半生熟，就係溶溶地既口感，唔同我地平時固體軟淋淋既口感。最緊要係距唔會太甜，適中，十分可口！兩個半熟蛋糕加埋都係200蚊左右,好抵食~

其實一直都好想試呢間餐廳嘅蛋糕，因為見到網上大部份都係俾佢好評，今日終於到我有機會試下我揀咗造型比較得意嘅小熊提拉米蘇。 蛋糕嘅size同價錢成正比，喺外層嘅包裝都見到蛋糕層次相當分明，蛋糕造型好可愛，其實都唔係好捨得切落去切蛋糕嘅時候感覺到蛋糕相當軟身，而蛋糕上嘅朱古力粉唔會過多，咁就唔會咁容易哽親不過蛋糕入口我又唔覺得有啲乜嘢大驚喜，好味程度對我個人嚟講屬於OK。可能因為我唔係揀佢哋嘅招牌半熟芝士蛋糕？所以食唔到大家都覺得會比笑臉嘅評分？雖然今次蛋糕嘅味道無帶比我驚喜，但係整體來講我都會比笑臉因為店員對我好友善，而且蛋糕價錢大眾化，造型亦可愛，所以覺得會再光顧，而且下次一定要試的是半熟芝士蛋糕

昨日我經過九龍城，無意中見到好多人圍住個櫥窗睇蛋糕， 迫使我嘅好奇心埋去望一望原來係呢間諾亞半熟蛋糕專門店，之前都有聽過下呢間蛋糕舖，但係就未真正試過知道佢有幾間分店今日先知原來九龍城都有呢度蛋糕款式唔算太多，但係正所謂貴精不貴多，佢最出名半熟蛋糕，所以決定試下由於過兩日就係我姨甥女嘅生日 所以決定買個得意啲嘅蛋糕畀佢試下， 最後決定試下呢個人氣之選嘅小黃鴨蛋糕，另外再買一個半熟蜂蜜蛋糕 而職員亦很貼心問我哋幾耐先返到屋企 並會幫我哋準備 適量嘅乾冰 方便我哋返到屋企都唔會整溶個蛋糕，非常貼心抵贊，更會教我哋如何適當地冷藏蛋糕呢款小黃鴨芝士蛋糕有淡淡嘅檸檬香味，而且內層係有半熟嘅夾心芝士，咬落口感一流， 芝士夠曬濃香冰凍， 而且蛋糕亦非常鬆軟姨甥女見到呢個咁可愛嘅小黃鴨蛋糕簡直愛不釋手，仲話唔捨得切爛佢切開咗之後 見到入面半熟嘅芝士夾心 令人食指大動，當然最終個蛋糕亦極速地被消滅啦另一款半熟蜂蜜蛋糕，雖然外表平平無奇 但內裏暗藏玄機!一切開入面有蜜糖流出嚟 而且嗰種甜味係天然嘅蜜糖甜味， 甜中帶有淡淡嘅芝士香總括呢兩個蛋糕都充滿驚喜 我哋一家六個人叫兩個蛋糕一啲都唔過份， 因為個個都食

今晚食完飯行經一間蛋糕店，見到裏面蛋糕好特別，原來係半熟蛋糕，之前已聽人講話好食，所以我就買個芒果味嘅蛋糕回家試吓。回家後便立即切開試試，上層已放了很多芒果粒，中間果層慢慢流出芒果味蛋漿。低層係餅塊。個蛋糕味道不錯，面層蛋糕軟錦錦配合中間流出蛋漿混合一起食，感覺似食慕絲蛋糕。不過食一小件已足夠，因為比較滯。另外我還見到有些花茶，都係自家制飲品。應該都幾健康嘅飲品，我因太匆忙未能買來試試，下次經過再試下先。

媽媽煮西餐，所以我決定買蛋糕回家當甜品。爸爸見我打算買蛋糕便駕車送我到九龍城，讓我買一直未有機會試的半熟蛋糕。蛋糕的款式很多，但我看一眼凍櫃便決定選雞仔造形半熟芝士蛋糕，因為它十分可愛。黃色部分是檸檬味的，質感是啫喱狀的，薄薄的啫喱，味道不算濃。芝士蛋糕味道不錯，忌廉芝士非常軟滑，芝士味濃。流心效果沒有想像中的好，可能因為曾經放進雪櫃，品嚐前放置在室溫的時間亦不足。蛋糕用牛油紙包住，店員用膠盤放乾冰，然後連牛油紙將蛋糕放入膠盤，然後再放入蛋糕盒。吃的時候十分方便，可以攤開牛油紙切蛋糕。

朋友聚會落咗九龍城買蛋糕 經過諾亞蛋糕舖 平時都係食芝士蛋糕多細細個貪佢夠好食又軟軟熟熟今次成班人食一於試下蛋糕先 蛋糕好多款呀不過都係穩陣啲芒果 買到返去一開一如以往咁出色最重要嘅就係中間留心嘅芝士 芝士味香濃可口最重要食完一啲都唔油膩 我哋五個人一個 啱啱好 夠曬食食完晚飯食一流 聽講佢仲有個檸檬味 好似仲好食啲添

經過九龍城諾亞半熟蛋糕，遠處見到有盤裁，好奇望真啲，原來係盤裁器皿的花盆蛋糕cream cup cake 有四款選擇，每個都好吸引，有濃濃朱古力，又有色彩繽紛既cream flowers, 最後叫了一個草莓盆栽蛋糕$24 ，同仙人掌盆栽蛋糕$24。外賣攞到返屋企，包裝都好靚，有心機，匙羹仲配埋一套係個泥剷形的。先吃仙人掌盆栽蛋糕$24，面鋪了碎粉蛋糕像泥沙般，忌廉有三種甜味，唔會得奶油咁溜，反而有綠茶既忌廉味，相對紅色就有草莓甜味。響盆栽拿出，原來底部係cup cake , 仙人掌原來係綠茶味道，切開中間係綠茶jam,而綠茶蛋糕好香茶味，鬆軟唔會好乾。草莓花盆蛋糕$24，通常樣靚唔好食，但原來有內涵既，中間有士多啤梨果醬，蛋糕不致太甜。玫瑰都係士多啤梨忌廉甜味，成個cup cake都食得。食完個杯仲可以用返，靚呀！

What a huge changes over just 1 year. From their peak of 10+ stalls, they have since consolidated their presence to just few stalls. Last time, whenever i have craving for their cakes, i will be able to get it quite conveniently. Since i was having dinner at Kowloon City and i remembered they still have a stall at Kowloon City, I decided to buy their cakes home.Upon reaching, I found that they have changed some of their menu. Besides retaining their signature cheese & honey cake, they do sell cu

比利時朱古力半熟芝士蛋糕 ($109)晚飯過後，經過這間蛋糕專門店，看見店內的蛋糕選擇很多，價錢也算合理，便決定買一個蛋糕番屋企，看見有一款蛋糕是用比利時朱古力做的蛋糕，十分吸引朱古力給我一向的感覺都是味道比較甜，這比利時朱古力味道不算太甜，加上流心半熟芝士，味道十分濃郁，朱古力加上芝士味的配撘十分創新，口感豐富整體來說，蛋糕的質素非常高，蛋糕的份量足夠多，價錢相對非常合理，店員有良好的服務態度有禮貌又細心，店員會問客人幾耐番到屋企，並提供適量的乾冰，防止蛋糕變壞，所以我認為這間蛋糕店值得再去惠顧