諾亞半熟蛋糕專門店 (已結業)

小新今次為左慶祝愛麗絲生日，就特意去左我地一直都好期待既 諾亞半熟工房 買個蛋糕慶祝下啦 原來尖沙咀星光行有一間誠品，入面仲有諾亞半熟，所以就過左去啦  店面唔大，不過勝在想要既芝士蛋糕種類尚算充分 。見到個咁多士多啤梨既芝士蛋糕 ，就決定買佢啦。蛋糕個面有極多士多啤梨 ，有一層薄薄既啫喱，酸酸甜甜好開胃 中間一層係流心芝士，口感有啲似mossy,唔會話食到好俐 芝士味唔算太濃 岩岩好底層則係士多啤梨芝士餅，如果解晒凍，就會有種半熟既感覺，未解晒凍，當雪糕咁食都得 總體黎講，成個蛋糕都好match 定價雖然高啲，但係絕對稱得上抵食

早前在韓國吃過半熟蛋糕，在香港卻是第一次吃。最近諾亞半熟蛋糕開了很多分店，更多機會品嚐到。9點多來到誠品，沒有太多人。選了我最喜歡的朱古力口味。店員很細心問需要多久的乾冰，雖然盒上有說明食法，但店員也提醒回家後要拿走乾冰後在室溫待15-20分鐘才食用會較好。回到家已急不及待拿出來跟家人分享。盒內附有紙碟，膠叉，好細心朱古力味濃郁，甜度剛好。有半熟流心，媽媽都讚好味道

母親節一家人出黎慶祝，飯後之餘係附近海港城行下。對購物的慾望不太，所以走左去誠品。在落到二樓的時候，發現右手邊有間蛋糕店，行近去睇，原來係近排好紅嘅半熟蛋糕。母親節當然聽從媽咪的選擇，粉紅色的福岡甜王草莓半熟芝士蛋糕應該就啱曬呢個甜蜜的日子！鮮紅大顆的草莓仿佛叫我地快啲食咗佢，雖然比起其他口味貴成倍，但媽咪開心最重要！店員好好人，裝盒果陣會問你大概幾時返到屋企而準備適量的乾冰。個盒設計的亦是貼心，蛋糕下邊附送刀叉，好方便。迫不及待歸家想一試為快，一開盒就聞到草莓的香味。切開可以見到成個蛋糕分三層，上為士多啤梨，中為cheese cake，底為薄薄一層朱古力蛋糕。草莓粒粒飽滿，咬落去即刻係口腔中爆汁！甜中帶酸的口感中和咗芝士的膩，果然好襯，滋味十足～果然一分錢 一分貨，值得呢個價。聽聞芒果半熟都好味，下次試下先得！

半熟蛋糕，名就聽得多，但係食都係第一次。朋友既生日，買左款 "草莓半熟芝士蛋糕"。一打開個盒，面頭已經舖滿哂一粒粒既士多啤梨。切開中間，仲見到D流心既餡。甜既士多啤梨味，再配埋香濃既芝士味心同埋朱古力海綿蛋糕底，酸甜既士多啤梨可以抵消左部份芝士蛋糕味，食落幾清新，同埋個古力海綿蛋糕底有少少咬口。不過因為芝士太勁，所以其實食大件少少都會幾飽

聽過諾亞半熟蛋糕很久了，但一直很懶惰買一個拿回家去，原來尖沙咀誠品開了一間，很近公司，一於試試。去到門口已經很吸引，有很多口味，還有新推出瓶裝甜點。最後還是點了一個朱古力口味的，店員很細心會問你到家要多久，因為會準備適當的乾冰保溫，盒子太可愛了啦而且細心地貼上食用方法。需要放在冰箱，吃前半小時左右才拿出室溫。底部有附餐具，非常貼心可能因為室內開了冷氣，應該再放耐一點的，但看起來很好吃我已急不及待了看起來不夠融，但看見蛋糕是比較濕潤和結實有部分已開始融化有流心效果。入口第一下是濃濃的蜂蜜甜味，隨之而來是朱古力，甜度是剛剛好的，吃完不會覺得逼切想要喝水，濕潤感不像平時吃的朱古力蛋糕，感覺小朋友也適合吃。和同事分享後都讚不絕口

半熟蛋糕來港已經有一陣時間，我記得一開始嘅時候大排長龍，好早就賣晒所有嘅蛋糕，所以一直都冇機會試。直到近排行行下誠品，原來呢到都有得半熟蛋糕。諗住妹妹就黎生日，而且人都唔算多，今年嘅生日蛋糕就係到買啦！蛋糕嘅款式比我想象中多，最後簡左妹妹中意食嘅芒果。店員有乾冰俾我keep住蛋糕嘅溫度，盒上都有保存方法。香芒芝士流心蛋糕（$138）外表係一層芒果啫喱，中間係滿滿嘅芒果，下面係芝士蛋糕，中間是流心的芒果芝士。首先，食落去充滿濃濃嘅芒果味，不單是上層的啫喱，連下面的蛋糕都係芒果味。上層啫喱十分厚，每次食都可以試到啖啖果肉，酸酸甜甜的配上芝士蛋糕，唔會覺得膩。反而仲有清新的水果味。蛋糕口感分明，上層芒果啫喱清爽，下層係比較軟滑，加上中間更有啲流心，口感豐富。下面的芝士蛋糕同流心的味道係一樣嘅，只係質感的分別。外層嘅蛋糕係一般的芝士蛋糕，比較實。而流心好似醬咁比較軟。而味道有淡淡的芒果味，但同上層嘅啫喱對比之下，芒果味唔算好突出。可以見到滿滿嘅芒果舖係蛋糕上面。外層是較硬的芝士蛋糕，中間是流心，下面仲有一層蛋糕底。蛋糕更加附有餐具，十分貼心。總括而言，呢個蛋糕味道不錯，有滿滿的芒果。而且口感豐

成日都聽到呢間蛋糕好味, 咁岩呢日行過, 吸引左我買個原味蜂蜜蛋糕返屋企食. 個蛋糕盒好得意係貓貓黎既，入面仲包左一套專用刀叉碟添, 都係$78一個. 蛋糕用乾冰雪住拎到返屋企, 經過冰冷雪藏, 打開蛋糕盒仍然散發出淡淡蜂蜜香味, 估唔到咬落去即刻流出濃郁蜂蜜味道, 蛋糕口感軟綿綿, 味道唔太甜, 夏天食岩岩好.

今天是我在公司的最後一天，傳統上都要買散水餅返去。不想吃大型連鎖店的蛋糕，又要近公司的，我就想起了諾亞。上次在深水埗的分店，士多啤梨味已經賣光了，今次終於可以試到士多啤梨味。本想多買一個，怕不夠分，不過公司人不多，加上要比較早切蛋糕，所以份量剛剛好，每人可以吃到一粒士多啤梨。*福岡甜王草莓半熟芝士蛋糕($189)蛋糕是6寸的大小，上面放了12粒福岡甜王草莓，用上了士多啤梨味的啫哩固定著；草莓下就是士多啤梨味的半熟芝士蛋糕，而最底層就是一層薄薄的朱古力海綿蛋糕。草莓非常大粒，而且很甜很JUICY，怕酸的人都不怕；士多啤梨味的半熟芝士蛋糕放在室溫和同事拍了一會相，已經開始溶溶地，最好還是吃的時候才拿出來；芝士味都頗重，加入了士多啤梨味後，一點都不膩，而且很幼滑；和之前吃過的芒果味一樣，都用了朱古力海綿蛋糕做底，薄身的蛋糕片不影響朱古力的味道。這個草莓味雖然比其他貴一大截，但絕對是值得的。因為福岡的草莓出名好吃，所以一盒約十粒左右的，都要百多元，但這個都只是$189，又有士多啤梨，又有芝士蛋糕可以吃。同事想到了用每人一粒的分切方法來切，雖然切得不太好，但至少每人都可以品嚐一下，又不用吃得太飽

☕️Do you want a cup of cake?!是日早餐系列一人一杯嘆住食好似好優閒🙈😂其實琴晚拎返屋企個陣因為買完又食完飯先返，啲乾冰冷凍左個紙袋⋯⋯⋯到屋企樓下無啦啦穿左飛左佢地出黎😰😰😰還好有個紙盒不過當時又無其他袋⋯只好聰明地搵件外套包住個盒上樓😂諗返都好笑⋯⋯⋯如果比乾冰都係有個保溫袋會好啲。 影得好靚呢☺️☺️☺️個雲石板自己買既，但個迷你蛋糕就送埋個白色瓷杯，都幾大個幾實用！一買兩杯有少少原因因為有埋個靚杯～xD迷你半熟蛋糕((HKD $48 @1)) 迷你可以揀既味道比大隻原size版少，所以無我想試既伯爵茶就一於朱古力原味各一，一杯一個岩晒獨食😂🙌🏻加上半熟蛋糕本身要放冰櫃，食用前先拎出黎解凍，如果買一大個但自己食唔晒，又放又拎都易有細菌，所以出迷你裝其實我個人覺得好好 好貼心☺️ 至於味道如何？第一次食半熟蛋糕，原來感覺好濕軟好綿，切入去就即刻出無限流心，有少少覺得似半熟蛋感覺，可能因為峰蜜漿都好黏，mix黎食感覺幾特別😂😂😂（大鄉里） 除蛋糕之外，見到燈泡飲品價錢都幾平，起碼比上次去市集見過的平⋯⋯又試一下玄米奶茶 ((HKD $28))奶味偏重，茶味相對

✨檸檬半熟蛋糕 (嚐鮮價 $78)✨這款是香港分店廚師創出的口味 沒供應熱食冷凍蛋糕再翻熱也很不錯 相對暖食可口！檸檬香清新而不酸 黏稠的感覺在冷凍後沒太膩胃配上蜂蜜不會甜上加甜 呢款口味帶清香的確不錯吃✨朱古力半熟蛋糕 (圖中 $75)✨朱古力深褐濃郁 口味濃烈 相對其他口味熟透一點！口感濕潤不乾 多吃漸甜唔食到太多 配翻杯茶更順口！

千呼萬喚的半熟蛋糕流行指數高得到不可再高，但我一直都未有機會一試，經同事介紹之下，知道尖沙咀誠品都開了一間，就在天仁隔離，不難找到。店內有幾個雪櫃，亦有甜品都相片介紹，當然再實際不過的就是睇實物。無論飲品，杯裝半熟蛋糕及六寸的熟半熟蛋糕都有，但今次簡單先點小的一試。哎呀，賣得太好了吧，杯裝半熟蛋糕口味只餘下比利時朱古力芝士  $55 及福岡甜王草莓芝士 $69 ，本想試試的芒果卻售罄。芝士蛋糕外表乾淨俐落，每杯內涵挺大，足夠給兩人完滿分享，真的握在手心吃起來都非常方便。先試飄著陣陣草莓香氣的芝士蛋糕，草莓鋪滿蛋糕面，果肉是有帶點酸，但連芝士蛋糕配著吃，徹底揉合了芝士跟草莓味，顯得更有層次，中間確有少許流心，以這樣子表達卻未見可取。相反比利時朱古力襯托著半熟流心的部份，能有效地增強香滑度，芝士為朱古力濃郁帶來了剌激，很不錯嘛！可惜為什麼不是忌廉哥的杯子呢？

屋企人話好掛住半熟個士多啤梨半熟芝士蛋糕同佢地出左去尖沙咀食飯 諗諗下 尖沙咀好似無半熟架喎 點買呀?!跟住有把迷之聲同我講 「喂 星光行誠品好似新開左間喎」咁樣情況 唯有去望下啦你好野 真係有間新開左而且呢間會SHOW晒佢有咩蛋糕係到 好清晰易明仲會DISPLAY埋一系列配件比唔同蛋糕需要人士 越出越細心有誠意當然 最終係屈服左係家中女人既強權之下買左個福剛甜王半熟返去慢慢嘆啦!!!雖然食過一次 但係當你再次打開個蛋糕盒個一下 都係非常之驚喜當有一大個舖滿大大粒士多啤梨既蛋糕係你面前 個種滿足係難以形容!!最重要佢係貼心到會隨CAKE付送一SET碟叉 方便係外面享用一切開見到半熟流心既士多啤梨芝士 好開心!!軟綿綿既口感 好滑溜既質感 放入口個種即溶感會直接流入喉嚨成個口都係士多啤梨香味 如果夾埋粒士多啤梨食 你會發覺粒士多啤梨真係好甜好多汁因為芝士帶少少咸味令主角甜味更突出!!!!! 二話不說 四個人好快就完美搞掂左一個6吋蛋糕...真係好CRAZY!!!見呢排天氣又濕又乾咁 買多支蜂蜜薏仁水飲下啦 少少甜清涼又解喝 夏天飲真係一流 因為又可以去濕又可以滋潤下個樽整到成個燈泡咁 飲

今日去尖沙咀誠品行街，經過諾亞，買左個半熟蛋糕試下本身我想試朱古力味，但店員話已經賣晒。。。所以買左個低糖伯爵紅茶味試下packing的時候，店員好細心，問我返屋企大約要幾耐，佢會放返適量乾冰幫我雪住個蛋糕個蛋糕可以熱食或凍食，凍食要放室溫20分鐘解凍，熱食的話放入微波爐丁1分鐘就得個蛋糕食落好有茶味好香口感係介乎半熟咁，外面鬆軟，內部林林地，濕濕地，感覺好特別

友人好中意鴨仔，一直都四圍搵鴨仔既生日蛋糕，終於俾我係呢到搵到包裝都好可愛，真正由內黃到外另外再買左枝外型好得意既山渣水，因為實在覺得個樽好正飲落都好清新，幾健康到主角出場，就係呢個鴨仔lemon 蛋糕，一打開就已經有陣好香既檸檬味，好fresh入面果然係半熟，反而有種好特別的感覺可愛造形檸檬半熟芝士蛋糕，好香口，不但有香滑的芝士味更有檸檬的清新香氣，而且酸酸甜甜口感好好

去完誠品扮文青，見到有半熟蛋糕就買左黎試下。有好多味可以選擇，我鍾意蜂蜜味所以揀左原味半熟蛋糕。個店員會問你幾時可以到有雪櫃既地方？ 原來佢會加冰雪住個蛋糕，等你可以羅到返屋企都唔溶。之後，佢又會提醒你臨食之前半個鐘要羅出黎解凍。服務都幾好。4/5 - 原味半熟蛋糕可能係我太急食，未解完凍就切左個蛋糕黎食，所以搞到個蛋糕扁左。雖然個樣唔太靚，但好彩唔影響個味。個蛋糕好鬆軟，好重蜂蜜味，中間有層醬，令個蛋糕濕濕地，有唔同口感。另外，個蛋糕一切完中間個層醬會流出黎，所以一食就要食曬成個佢。如果唔係，剩番既蛋糕會變到好醜樣。下次，一定要跟足指示食蛋糕。