謙記火鍋

營業中

休息中

上星期三，一行十三人在謙記定了一間VIP房，最低消費要2500為朋友做生日聚餐。以前到過謙記但不是坐VIP房，今次覺得房間很好坐十三人非常適合，牛肉，象拔蚌是必Order的，今次因人多再叫了一隻約二斤半的紅瓜子班，打邊爐是第一次叫魚切片食，很好味。再問經理有什麽介紹，他說可以一試手切和牛每碟130元，但說明和牛的牛肉味不及新鮮牛肉不過十分之滑及淋，就order了一碟，果然只滑及淋但牛肉味欠奉，不過全枱女士十分喜歡就只好再order兩碟。其他食品都是水準之作，值得一講就是水晶皮的奶皇飽及义燒飽真是與別不同。最有趣甜品送上是壽飽可能是定枱時走了口風，再自带四枝紅酒不收開瓶費，最對不起是因太高與而打爛了五只紅酒杯。結帳是2800元再添200元小費

上星期六經朋友介紹六人到謙記一試、先講地方環境巳給予我一個舒適的感覺巳記一分、鍋底是清湯坑腩鍋味道清甜加上幾片蘿白和中芹咪道配合得好．其他配料十分新鮮、其中四種食品必要一提;a.象拔蚌切條HK$288、少貴但食落真與其他火鍋店有分別鮮甜，白身、爽口b.牛頸脊HK$98例、有牛味入口溶但可惜再Order巳沽凊c.海蝦HK$68六隻、好大隻成兩一隻比起真他的小草蝦分別很大d.豬粉腸、口慼好有豬肉的鮮味、一定是鮮貨HK1200結帳又送上紅荳冰、食得好開了心

We have never had such TERRIBLE dining experience in my entire life!!!!!!!!!!(Sorry that the comment is going to be very long. If you don’t have time to read, in short, my friend and I were commented by the OWNER of the restaurant that we ate too slow and therefore he TOOK AWAY OUR HOTPOT and food WITHOUT OUR CONSENT whilst we had paid for the food and that we still wanted the food!!!)We (2 gals) have ordered Tomato and Beef soup base and Beef, Scallop, Assorted Meatballs, Vegetables, Barbecue P

<唔好意思, 呢篇野會好長, 因為我地遇到差到無可再差既服務!!!>上星期五晚, 我同1位女性朋友大概7點坐低, 我地嗌左牛頸脊, 叉燒/奶黃水晶飽, 四寶丸, 油麥菜同埋帶子. 湯底係蕃茄牛腩. D 食物完全冇問題.但係到8點半個陣, 有個男侍應同我地講話有2個客9點訂左枱, 想我地幫忙係9點前交枱. 我地話我地訂位同埋坐低個時, 都冇人同我地講話要係指定時間內還枱, 最初佢都認係佢地唔岩, 我話我地會繼續食, 不過會盡量幫手. 之後, 佢地不斷做一D小動作來打擾我地, 成日問我地D野食仲要唔要(但係我地食剩唔少囉).大概9點, 個男侍應要求我地先埋單, 又重複話個2位客人已經等咗好耐, 我地同意埋咗張單先,不過我地強調會食完先走. 過咗一陣, 有個帶眼鏡沒著制服既男人走過黎,問我地要再食幾耐先走, 話咁樣佢先可以決定做唔做下一枱客, 我地話呢D係佢地的生意, 應該佢地決定. 佢話‘我地有個系統去估計客人D用餐時間, 我估你地應該2小時內食完, 你地2個鐘頭叫咗6碟野食, 好難俾我覺得你地有盡力囉!!’, 首先, 我地唔係一定要幫佢囉, 再者我地食得盡唔盡力關佢咩事

之前有朋友推介此店,今次適逢W君提議,於是約埋兩大牛魔王,合共四人打算大吃一餐.四川麻辣拼蕃茄魚頭湯底: 麻辣OK,蕃茄魚頭十分出色,完全唔腥,重蕃茄味.-牛頸脊x2: 腍及鮮,OK.但朋友覺一般,不夠滑.當然我亦同意不及英記.-美國肥牛: OK.但我不喜歡用美國肥牛打邊爐,感覺太靚,哈哈.-墨魚滑: 唔得.唔夠彈牙兼欠鮮味有怪味.-桂花蚌: 鮮而肥美.-美國(4隻): 鮮而肥美.-象拔蚌(條): 鮮甜.-皇帝菜: 份量少而不夠新鮮,有少許乾枯.-白蘿蔔-黑葉: 一般.-炸腐竹-粟米+ Asahix4招呼不錯,地方乾淨.送精美甜品.大致上不過不失,但由於牛肉質素一般,所以四大牛魔王未能太盡情撕殺.

黎呢道食火鍋, 主要想試三樣嘢 –象拔蚌(條上), 肥鵝腸同牛頸脊. 可惜無牛頸脊, 叫左本地手切牛肉, 另加手打墨魚丸同魚翅餃. 湯底就叫左冬瓜海鮮粒. 先講湯底, 認真普通, 主要成份係味精. 象拔蚌總算新鮮, 成三百蚊一碟, 新鲜係理所當然. 鵝腸係有肥糕, 但並唔新鮮(有發過), 而且份量很少. 牛肉質地比較'鞋', 亦不夠牛味(食剩半碟). 墨魚丸相當麻麻, 係夠彈牙, 但完全無味. 魚翅餃最差, 賣相似小籠包, 層皮厚到死, 味道亦唔好. 呢個價錢, 咁家質素, 好難再幫襯!我亦同意其他食家所講, 侍應態度有代改善. 感覺上想你快快食完就走. 唔明點解食剩半碟牛肉都問你個湯底要唔要, 我話唔要就馬上收走, 轉頭先再問你要唔要碟牛肉, 湯底都收左, 唔通食生牛肉. 我仲以為佢見唔到我碟牛肉, 既然知道仲有半碟牛肉都收左個湯, 咁仲唔係趕客? 咁岩我真係唔想要碟牛肉因為唔好味, 如果唔係次序上係咪有D問題或者唔咪好合理?

亳冇疑問啲火煱料的確好新鮮，但可惜湯底唔夠鮮甜or野味，調味醬的選擇更加係大家屋企都會有齊的調味料，冇乜特別。waiter & waitress係有啲唔休做嘅態度，即係嗰隻你見到就想同佢講"今時今日咁嘅服務態度..."

細妹提早請我食生日飯,1行3女1男上星期六去打邊爐,佢最鍾意黎喱度食,叫左:-蕃茄魚頭湯底($68)-象拔蚌條($298)(細妹致愛)-豬肺,餃類,鱔片,蓮耦,等等,湯底好味,食物新鮮,調味一大盤任客人自行調配,如生熟蒜,辣椒絲,薑絲,莞茜,沙爹,麻醬,醋,麻油!但飲品貴左0的,$70,1 jar蔗汁,太貴喇!好飽,好happy,多謝妳!

其實不喜歡打邊爐, 但朋友想吃, 沒辦法的推卻不了.於銅鑼灣區, 多到新星打邊爐. 朋友推介的關係, 今次就選了在它附近謙記.一進去, 就見到了一大盤醬油任客人自行調配, 比只用豉油感覺當然豐富得多.湯底選擇也算多, 最普通的沙爹, 香芫當然走不掉. 最後點了個鴛鴦鍋, 四川麻辣與冬瓜海鮮. 麻辣那個不算太辣, 不太受辣的人也可試試; 冬瓜海鮮夠清, 配以肥膩的火鍋都好不過.肉類點了雪花肥牛, 羊肉片. 由於對肥牛沒有太大偏好, 只淺嘗了數片; 致於羊片, 比較奇怪吧, 不羶的羊反而不太喜歡. 吃羊就是想吃羶嘛, 這裡的羊嘛, 不羶.這裡可讚的, 就是餃. 有很多特式的餃可供選擇, 是次點了露筍鵝肝餃, 水晶奶黃包, 小籠包和菜苗鮮蝦餃. 露筍餃中, 只有少量的露昏與鵝肝, 反而整個餃都充斥著鮮蝦, 倒不如改名做鮮蝦餃好吧, 但味道還是不錯的; 水晶奶黃包, 比有骨氣的好像還好; 小籠包, 肉餡好像散了點, 內藏的湯也好像不夠; 菜苗餃, 蝦夠爽, 口感不錯, 而且是水晶皮, 兩者頗相配.還點了甜粟米, 好像新星的比甜.最後還送了每人一件芝麻糕和芒果糯米糍, 芝麻味濃一點會比較好, 大

好多人話佢啲海鮮好得，牛肉好得，但係食完覺得OK啦，係唔錯，算新鮮，不過貴到無影，離晒譜。老公都話，去西貢專騙鬼佬的X記都唔使咁鬼貴！我兩個人食，普通鍋底加手打丸、餃子、牛肉同海鮮x3，加每人兩罐啤酒汽水，埋單九百幾，眼都突埋！

老婆同我兩個人今晚食左成$900元，點知未叫埋單，諗住去完廁所後埋單，但去完廁所後，返回座位時，發覺該店職員已叫我老婆埋單，當時我非常奇怪，為何他們的「效率」o甘快，隻眼又成日眼超超，我們都唔係食得平，2個人成$900元落樓，他們根本不知所謂，食$20快餐店都唔會有這樣的「服務態度」，如果各位唔想得到這「優質服務」，每人最低消費起碼成千銀。

團年飯...12個人可以book到房有電視睇無咁悶...不過min要2千幾..食既都係大路野...不過d人話牛肉好得...我就話d蠔好得...滾左好耐都仲好大隻...食完飽哂...其他野都好新鮮...值得一試

之前朋友介紹,一班人食得開心. 今餐\同老婆再食, 兩人order<br />鵝腸, 手切牛, 蠔, 脆脘腩, 蝦丸, 唐蒿, 西洋菜, 和粗麫. 埋單約$450. 食物份量OK, 選擇也多. 服務也算唔錯, 不過叫咗油墨菜, 未到要問先話無貨. 蝦丸好正, 好彈.

好正呀、各種牛、鱔片、蟶子王、蕃茄魚頭湯底....都好正，貴就係貴左d，不過久唔久食一餐，勝過好多餐68蚊任食任飲果d!!!

週五晚去了打邊爐,雖然天氣有33度,但係大熱天打邊爐真係好爽呢!!仲要唔洗等位,正!由於男友咳唔食得辣,於是叫了一個普通的鴛鴦鍋底,也實在非常普通,不值一提.反而係個蠔真超出所想,隻隻都有半隻手掌咁大,熟左後仲係咁大隻,仲十分鮮甜,食完仲想再食..不過想起諾沃克,所以先收手.另外仲叫左牛肉,羊肉,肉味濃郁,非常好吃!加上自己調配的醬汁,也不錯呢!四寶丸也十分彈牙!雖然湯底不及小肥羊,但係材料新鮮,店員服務也不錯,算係一間值得再來的火鍋店,只可惜價錢太貴,2個人埋單都要480蚊~~