謝謝儂 (東港城) (已結業)

第一次試訂外賣，點了螺肉絲涼拌麵，結果番到屋企變咗雞絲涼拌麵，廢時攞返去店換，所以照吃，但用雞絲料又少，麵條又唔好吃，與以往未搬前在店內堂食差很遠。真係大失所望！

因為路過將軍澳買抽濕機想搵嘢食，見到這家謝謝儂，酸菜魚，spot on ! 坐低點了水煮魚，waitress說 水煮魚少人點，不如酸菜魚啦。我們呆了 但除了酸菜魚不錯，鱔糊也很好吃😋小籠包就一般般了。

呢一個星期日，晚餐嚟咗呢間食，叫做新開，其實都有一陣子！只不過好少揀類似中餐⋯⋯ 但路過，見未多人，啲位都ok，睇吓餐牌又揀到食物，就入去了！原來係屬於上海婆婆！有個餐牌真頭寫住個名⋯⋯左揀右揀，揀咗一個肉一個菜，唔夠先再叫😁黑醋排骨到先，都正常 size，味道算唔錯，排骨都唔肥，但個醋再酸啲就仲好，應該好味啲 🧐跟住係蘆筍炒白合，望落好似細碟咗少少，但食食吓又唔係喎！味道正常，又唔算油，幾好😊因為叫咗一磅飯，差不多食晒都仲有位，就叫埋女友鐘意食嘅韮菜雲吞，仲要係煎嘅，應該好食卦😛 到了，賣相就一般啦，煎得一啲夠火一啲唔係好夠咁！食落都幾好，算香，算好味，可以再多啲韮菜仲好 😝衛生俾兩粒係因為碗筷唔多乾淨！

1900落單，系統話1931有得攞，埋到去話無，全部單亂曬籠，漏單漏到離曬譜，職員只識逃避，問佢嘢又走咗去。如果應付唔到唔好開放openrice訂餐啦，時間又唔準，職員又唔理。俾曬錢，埋到去取餐時話無，你話係咪驚嚇吖

今天跟家人去吃這間謝謝儂，在東港城來說是比較新開的，經常看到很多人在等位，剛好今天有空去試一下。到達店舖差不多都一點，剛好還是午餐時間，兩點才有下午茶，下午茶時段比較便宜，但是跟午餐餐單有點不一樣，下次有空再吃下午茶時段的。我們剛到店舖，店員服務很好，桌上有紅茶喝，熱熱的，還不錯喝，午餐套餐是包茶芥，如果是幾個人分享可能要收茶芥？我們叫了一個飯的套餐，一個麵的套餐，再加了個涼菜，份量都十分足夠。飯的套餐我們叫了銀芽炒鱔糊，連一碗飯，一碗例湯，例湯是酸辣湯，酸的程度較高，蠻開胃的，飯也蠻好的，煮的很可以，不會太軟太硬。鱔糊味道也很好，不會太咸太甜，送飯一流。麵的套餐我們叫了菜肉雲吞麵配小籠包，菜肉雲吞蠻好吃的，皮比較一般上海雲吞薄，可能是考慮飽足感問題，麵也很好吃，堅韌度適中，蔥是放在湯匙上，隨你下多少，小籠包很好吃，底下放了一塊薄薄的蘿蔔，沾醋吃很好吃，裡面還有湯汁，皮薄饀靚。雞絲涼皮好吃，醬的味道很足夠，配上一些青瓜，清爽不膩。總括而言，還不錯吃，不過中午也要加一，兩個人吃了百多，還可以，不過可能下午茶會較便宜。下次還可以再試一下。

平時食上海菜都係叫小籠包、生煎包等，今日決定嘗試更與眾不同嘅上海菜菜式，所以嚟左謝謝儂。從餐牌所見，謝謝儂嘅食物可謂多元化。- 黃金四季豆黃金指鹹蛋黃，每條四季豆都沾上鹹蛋黃，非常惹味。- 爆汁煎小包入咬開肉汁即刻湧出嚟，豬肉餡熱辣辣。- 韭黃炒鱔糊韭黃炒鱔糊係經典上海菜之一，入口濃香唔算太鹹，鱔魚入口軟腍綿滑，至於韭黃幾爽口，口感相當豐富。- 安格斯肥牛炒粗麵粗麵顔色炒得好均勻，唔會話好肥膩，不過肥牛就一般般，質感偏「鞋」。- 蔥花家鄉薄餅一共有七塊薄餅，外皮幾酥脆，入面冇咩餡料，但蔥花太香。一個人食可能覺得好乾，所以幾個人share就啱啱好。總結而言，鱔糊特別印象深刻，蔥花家鄉薄餅亦會念念不忘。另外，平時成日同女友講5201314，今餐係女朋友請，所以講埋336！

呢排坑口翻新左之後越來越多唔同嘅餐廳中菜都多咗幾間其中最鍾意嘅就係呢一間主打食上海菜嘅謝謝儂我同屋企人一個月都至少黎食一次今次就介紹下平時食乜嘢 蟹粉炒粉皮呢期有一個蟹系列我哋就叫左呢個蟹粉炒粉皮味道都幾唔錯同埋個份量俾我哋想像中多裏邊仲有小小蟹肉絲不過蟹味未至於超級濃郁 一分錢一分貨 花雕醉雞次次黎食都會叫呢一個花雕醉雞佢嘅花雕味都幾濃而且幾入味 但因為太好味嘅關係連相都唔記得影就已經清光光了 豆粒蝦仁煮豆腐係呢幾度餸之中比較清淡一道菜不過就送飯一流😎 同埋啲蝦仁都幾多同幾大粒 鴨丁炒飯不過不失爆汁煎小包又係次黎都會叫一道菜一籠總共有四件記得呢一個一定要趁熱食咬開超多汁爆出黎 好香

今日和朋友來到將軍澳附近睇戲，順便在附近食晚餐。原來上海婆婆在這𥚃開了一間分店 叫謝謝儂，門口很多人在排隊，便領籌後排了半小時才入座。雞絲拌粉皮粉皮晶瑩爽滑，入口即溶，芝麻味濃郁，雞絲嫩滑。上海酸辣湯帶點微辣，配料豐富，有爽脆的木耳和豬肉絲等。黄金四季豆蛋黃味炒得入味，四季豆新鮮甜美，多汁香甜。排骨擔擔面湯底惹味香滑，有香濃花生味，麵質爽而滑身。謝謝儂小籠包(4隻)皮薄而餡靚，熱騰騰，咬下後肉汁緩緩流出，嫩滑香甜。擂沙大湯丸(6粒)經典甜品之一，湯丸大粒，糯稔軟熟，芝麻餡滑溜而香濃，點花生粒食味道好夾。

今日同朋友去左坑囗東港城食上海野。初初以為間野執左，原來佢係馬莎對面開番。新舖頭裝潢掛有舊上海旗袍女人壁畫。在粗布燈罩折射的柔光下 ，黄澄熱茶在餐桌上暈下的光圈，好似坐係 cafe。兩個人點了四菜一麵，上菜幾快，菜色份量幾大。最先上的係前菜三小拼($88)。三小拼有肴肉，排骨，烤麩。酸、甜、野味，幾令人開胃。肴肉係滿滿骨膠原，正～清炒時蔬係炒小白菜($65)。家常菜要做得好，很難。今晚食的小白菜同洋蔥蒜片爆炒，有獲氣。小白菜蒜香脆嫩，好快兩個人就消滅成碟菜。第二碟係黑醋排骨($76)。黑醋汁濃稠度恰到好處，紫洋蔥，菠蘿，排骨掛上甜醋汁，好夾。排骨多肉，外焦內軟，食肉獸之愛。第三碟係謝謝儂小籠包($36)。一口咬下湯包的暢快感，湯汁混合肉薄皮，係小籠包的迷人處。小籠包下有一片青瓜解膩。最後上桌的係安格斯肥牛炒粗麵($88)。一碟有三份一係肉，芽菜都好脆似薯條，同掛滿豉油的粗麵一齊食，咬落去肉汁溢下，有肉香，又脆又煙韌令成碟菜口感提升。

上一次經過謝謝儂, 已經被門口個餐牌吸引, 可惜當日時間緊迫, 無時間入去幫襯.今次唔趕時間, 所以入去幫襯.吸引我門口果份 menu, 因為款款都係大閘蟹菜式.蟹! 全部都係蟹!最最最吸引係一款叫蟹粉撈麵,另外, 再點咗蔥爆牛仔肉, 蔥花薄餅同蟹粉小籠包.首先! 餐廳冷氣不足! 好鬼熱!蟹粉小籠包雖然無16個褶, 但最重要係足料同好味, 哩點謝謝儂完全達標, 小籠包內裡高湯未至於辣咀, 啱哂我哩d唔中意辣咀人士.蔥花牛肉肉嫩juicy, 而且味濃, 滿意.蟹粉撈麵感覺無偷工減料, 蟹粉足夠, 入口之後滿口蟹黃香, 好味不得了!最後留番D蟹黃, 用嚟點蔥花薄餅食是常識吧!酥脆蔥油香加上香濃蟹黃, 一流!相信11月大閘蟹出台果時嚟幫襯，D蟹黃更正更好味.

Happy New Year! 祝大家新年快樂！元旦日凍凍地想飲個湯暖下身，諗起上海婆婆336個豆腐魚頭湯，姐係而家嘅謝謝儂，所以立即換衫一支箭咁行去拿位！去到未夠十二點已經有很多客人開緊餐，好彩剛剛有個半卡位，立即有位坐定就點菜！今天想吃小籠包和上海粗炒，服務員拿來的時候十分熱辣辣，仲好好味添！主角來了，就是砂窩木瓜豆腐魚頭湯！份量真是很大，我和老公每人都喝了三四碗，加上用木瓜煲好清甜好潤，岩哂而家飲，個魚頭仲很大，很多肉，今餐很満足呀！

成日lunch or約朋友都要食西式美食多，間唔中個心會很突然想食下中式野~~感覺好像會健康養身一點（心理作用？？）因爲在中式菜中很容易找到蒸/點心食，比較偏向喜歡保留原汁原味，我個人超喜歡de~來到上海餐廳，當然要點生煎包和小籠包！^^因爲這是上海菜獨有的點心~~爆汁煎小包（4隻）類似於上海生煎包，充滿蔥同芝麻的香味。而且皮很酥、裏面的是肉香味道的濃汁、、精巧。川辣小籠包（4隻）一打開籠蓋，香噴噴的氣味撲鼻而來，皮薄到有點透徹，可以看到裏面的肉餡。輕咬一口，肉香同油香 全部的美味在口中慢慢散開。本人就是很喜歡這種原汁原味的肉香啊溫馨提示，剛上桌的蒸點心比較熱，要慢慢品嘗^^介紹完包點類，當然要講下其他食完覺得cp高的菜式~~蟹粉撈麵這也是其中一款上海私房菜來的我自己就很喜歡食蟹，但並不是個個季節都能食到><而來這裡就可以隨時食到下蟹的味道la在上海餐廳食口味會特別正宗，香濃到位黑醋排骨酸酸甜甜是中菜的特色之一，用黑醋就把菜式弄得很開胃^^甜甜的冰糖讓醬汁變得水亮亮的，配飯的話應該會很惹味啊。上海酸辣湯wa~~在這麽冷的天氣絕配之選啊，喝一口就很暖胃了。湯非常濃稠，感覺

東港城嘅上海婆婆搬咗喺商場嘅另一個位，轉咗名，嘢食好似差唔多一樣。午巿都係麵類同小菜，下午茶就無小菜，有炒粉麵飯。大概兩點左右，唔使等位，空間有啲細，枱拼枱。我哋叫咗，兩份午巿套餐，一份下午茶餐，雖然有啲逼，不過食物依然有品質。無下午茶+$12，午巿+$15可選配冷菜：雞絲伴粉皮，個醬好味，唔稀唔黏口，入口清涼。肉鬆皮蛋豆腐，呢個無咩特別，人人都整到。蠔油炆小竹筍，好入味好淋。惠顧小菜餐配酸辣湯，都幾多料似碗仔翅，但對我嚟講太辣。下午茶套餐：手工雲吞湯麵+謝謝儂小籠包2隻，麵唔好味，個湯太淡，麵吸晒啲湯，口感唔好，我見朋友食咗一半都食唔到。小籠包皮夠薄夾起無穿，有湯汁，餡又好味。下午茶套餐配豆漿一杯。百頁結紅燒肉，有六件紅燒肉，百頁結，筍片同菇片，份量都滿意，肉唔太會過淋，肥肉同瘦肉相隔，食落唔油膩，好味。糖醋魚塊，有四塊魚塊，魚肉嫩滑，個汁酸酸甜甜好開胃。+$10酒釀丸子一位，微微嘅酒釀同桂花香味，都放咗幾多酒釀，糖水無咁稀，口感唔單調。

今日和朋友往將軍澳東港城謝謝儂食上海菜,我們點排骨湯面,豆漿、油爆蝦、小籠包、野生椒仔牛仔肉和鴨丁炒飯。排骨湯面排骨炸得金黃,食落軟腍、肉質啖啖肉、食落有油花、面食落爽口、配菜有荷蘭豆,蘿蔔絲、蛋絲和蔥花,荷蘭豆和蘿蔔絲食落新鮮爽口；蛋絲有蛋香；蔥花能帶出湯面的美味,湯面湯底清甜,整碗排骨湯面食落口感豐富,味道十足；油爆蝦賣相吸引,蝦食落彈牙香脆,爽口鮮甜；小籠包皮薄餡靚,湯底鮮甜,肉質鮮甜濃郁；野生椒仔牛仔肉辣椒辣度適中,牛仔肉食落肉質鮮甜味美, 嫩滑可口；鴨丁炒飯好足料, 份量十足, 材料有鴨丁,火腿和蝦仁,鴨丁香濃, 肥瘦大小適中,火腿爽口,蝦仁彈牙,飯食落質感乾身爽口,口感豐富；最後豆漿豆味香濃,甜度適中。餐廳座位適中,裝修很有老上海風情,食物美味,價錢合理,食了一頓美味上海菜。

東港城上海婆婆336最近搬了舖位，兼且改名為上海婆婆謝謝儂。搬舖後裝修帶有時尚中國風，不過枱與枱之間的空間變得更窄。枱多了，但人更多，平日七點已經要輪號碼等枱。餐牌與之前分別不大，大部分招牌菜式依然保留。餐牌特別有數款一位用湯羹，各人可以根據自己喜好叫上不同款式。酸辣湯有不少木耳絲及冬菇絲，豐富爽口，酸辣湯酸辣濃杰度適中。砂鍋雲吞雞亦有一人份量，有兩粒菜肉大雲吞，雞件及咸肉，湯料很足。雞湯非常熱辣，味道濃香鮮鮮，菜肉雲吞很結實碩大，連食兩粒後都有點飽。豐富肉汁封存在透薄的麵粉皮內，一咬之下，湯汁爆出，鮮甜味美。安格斯牛柳粒口感軟腍有牛味，蘆筍切得與牛柳粒差不多大小，爽口清甜，味道一濃一淡，配搭得宜。一朵朵西蘭花排成半球形，上面再放上不少蟹肉，蟹肉鮮甜味道跟清爽西蘭花很配合，感覺健康清新。