譚仔三哥米線 (威靈頓街)

營業中

休息中

夜晚買外賣，返到屋企之後，張單同個內容物完全唔相符，原本左三個餸但物淨得兩個，湯底又唔同，但小食又有俾，真係唔打開都唔見真章🫥，好唔開心好嬲好嬲好嬲好嬲好嬲好嬲！

情人節番工都要OT，所以同同事食番個三哥情人節套餐應下節🤣🤣情人節套餐好抵食，包一碗過橋米線、3款小食（青瓜、雲耳同土匪雞翼），仲有2杯飲品$116 （外賣要加$1），而且仲送埋辣椒朱古力🌶青瓜同雲耳可以揀口水汁/涼拌汁；飲品可以揀葡萄烏龍茶/鹹檸檬梳打或其他我地過橋揀左過橋麻辣4小🌶，青瓜口水汁，雲耳涼拌汁，飲品我地揀左推薦既葡萄烏龍茶同鹹檸檬梳打🤣🤣小食係一人份量既，鐘意口水汁有花生好香口👍🏻👍🏻葡萄烏龍茶好甜，好重提子汁味冇茶味🤣鹹檸檬梳打好淡，一咩咸味🤷🏻‍♀️重點辣椒朱古力原來係龍島，食落真係辣嫁！食左少少就接受唔到🤣成個套餐2個人食到好飽，又有小食又有飲品同朱古力，真係好抵食！！😋😋除番開2個人都唔洗$60蚊

話說某日路過威靈頓街，諗住試吓三哥個香辣回鍋肉蝦仁炆米線。大概12:20pm 去到，門口已經有8, 9個人等緊，攞完飛後排咗半個鐘先入到去。一入去突然心血來潮想食薯粉，就將炆米線改做薯粉。另外見到有個新小食: 麻辣醬銀耳鹿茸菇，一於叫埋試吓。個炆薯粉(10小辣)香氣撲鼻，表面鋪滿一層紹菜同回鍋肉。回鍋肉夠入味同埋冇油膩感，蝦仁就普普通通，不過感覺好足料，一路食一路都仲搵到回鍋肉片同埋蝦仁 😂 薯粉都夠入味，10小辣對我嚟講啱啱好，而且質感夠咬口之餘又唔會太靭。唯一美中不足係原來三哥冇得少薯粉，對我呢d成日食唔晒碗米線/薯粉嘅人嚟講有d浪費食物 😣麻辣鹿茸菇爽脆可口，略嫌麻辣落得太重手，食咗幾啖已經覺得個嘴變咗孖潤腸 🥲 不過呢個應該係因為我本身淨係食到10小辣-5小辣 🤣食完好似上咗癮咁，已經諗緊下次幾時再試炆米線版本 😆

去中環唔一定要食貴嘢食「譚仔三哥米線」都得開業幾個月嘅中環旗艦店位於蘭桂坊鬧市佔地兩層加上紅當當嘅門面一度成為中環打卡熱點除咗打卡之外中環旗艦店都有其他特別之處嘅就係首間推出串燒同埋手工啤酒嘅分店▫️香辣回鍋肉蝦仁炆米線 (HKD43) - 今次試咗佢哋嘅新產品炆米線，第一次喺譚仔三哥食冇湯底嘅米線😆回鍋肉本身已經係肥嘢，加埋辣味簡直係邪惡之極。冇湯底嘅米線，味道冇咁重口味，下次應該會再食。▫️麻辣酸啤(HKD23) - 譚仔三哥聯乘本地品牌「少爺」推出嘅啤酒。兩款手工啤裡面揀咗呢款，因為我唔鍾意飲黑啤😆麻辣酸啤唔係有啲人講到咁伏😬酸味係有嘅，反而我唔覺得有麻辣味喎🤔▫️自選米線 (HKD55) - 胡辣湯底 (+$1)，其中一款食材係中環店限定嘅龍蝦丸🤪▫️土匪雞翼 (HKD25/ 3隻）

譚仔三哥新出嘅炆米線大家試咗未😆今日LUNCH TIME約埋幾個同事齊齊去試💖估唔到又幾好味🤪有驚喜🥳值得推介比大家😎平時食開湯米線，今次就試咗呢個全新「香辣回鍋肉蝦仁炆米線」✨食落好有四川菜乾鍋麵嘅感覺，用咗炆煮方式去煮米線，別有一番風味💥每條米線都索滿鮮香又辛辣嘅秘製醬汁，口感爽滑又煙韌，啖啖香濃勁惹味😋回鍋肉比起平時食開嘅五花腩更為爽口，食落又無乜油膩感，配埋秘製回鍋肉汁更JUICY🉐配料仲有爽彈鮮美蝦仁、清甜紹菜等，真係越食越滋味❇️炆米線仲可以加配其他指定食材添㗎‼️小食揀咗「麻辣醬銀耳鹿茸菇」💠銀耳爽脆又掛汁，鹿茸菇肥厚香濃，面頭仲有大量香甜乍醬，拌以香麻辛辣嘅三哥秘製麻辣汁特別惹味☄️食辣野又點少得飲返杯凍飲💦試埋呢杯全新「露絲瑪莉蘋果梳打」🌟玫瑰清香夾雜迷迭香、薄荷等味道，MIX埋清甜微酸嘅青檸蘋果梳打，解辣又解膩，成個組合都勁match🥤仲有其他滋味小食，大滿足呀～

睇到三哥出小新廣告🪧當然要去試試佢呢個就係小新米線🍜幾好食😋但個菜酸酸地到底佢變壞左定係咩呢🤔蕃茄米線加魚片同牛肉佢個番茄湯好水香草肥牛卷不過不失串燒茄子🍆蒜🧄味濃鍾意食蒜🧄嘅朋友可以食香辣烤菇一般凍阿華田蘋果梳打

中環返工，預左食呢間會花好多時間，於是11:49分已foodpanda落定order，跟住收到短訊話12:00攞，於是我慢慢行過去餐廳，大概於12:18分到左餐廳，點知見到嚮我之後落order既米線都已經擺晒係檯面，或者已比人攞走，但就係無我果份，於是同一個姨姨講左，佢用耳筒叫人地follow，等到差唔多12:28分，失去左耐性，一個後生既姐姐行過黎問我頭先嗌左d咩，仲搵左張紙仔mark低左，我問佢係咪漏左單，佢答我唔係，跟住話即刻幫我煮。（呢個唔叫漏單叫咩？？？）等到12:43分，接近一個鐘，終於攞到一份外賣自取既米線，我淨係想講，打工仔，不了。

OT到八點幾先放工，攰到傻又肚餓到傻🥲想快快脆脆食餐飯就返屋企瞓個靚覺！！所以，就嚟咗呢個譚仔三哥度食晚餐喇！🏃🏻‍♂️💨.酸辣湯底配鮮魚片米線✨鮮魚片係新嘅配料，食落佢魚皮喺煙韌，肉質係偏實小小，有小小腥味但可以接受，有魚甜味嘅～ 🐟 蒜泥白肉 🐖 相信好多人都食過，水準依舊，夠晒蒜味、夠晒辣、夠晒過癮！！🤩鳳梨蝶豆花梳打🍍🌸🥤梳打唔係好夠汽，鳳梨醬有小小假嘅甜味，但味道都okay嘅～

配合蘭桂芳既環境，呢間鋪既佈置零舍有型，色彩繽紛。今次專程試新出既胡麻爽豬肚同芥末蝦膠米線。我叫左個5️⃣小辣，唔算好麻辣。第一次食豬肚係粉紅色，好神奇😙 芥末蝦膠既配搭都好新鮮，平時食芥末都係配壽司，芥末味搶得黎又唔會攻鼻，不過食唔出蝦膠味，有啲可惜。另外叫左呢間店獨有既串燒🍢暫時出左4款，我地叫一串啡菇同煙肉卷。煙肉卷無想像中咁肥，但又唔柴口，幾重黑椒味，不錯🥓不過最驚艷係啡菇，好～～juicy！！原本怕d孜然味會蓋過啡菇既味🍄點知舊菇好多汁，真係一試難忘🤤

好想食辣舒壓，於是lunchtime 一個人食譚仔三哥，取票時間12:10，入座時間12:32，上餐時間13:05⋯⋯⋯⋯我本身都預咗要等位同等嘢食，但真係冇諗過要等咁耐⋯⋯最後因為趕時間，食咗10分鐘就買單走人。本身想舒壓，但成個過程令我更加有壓力。然而，因譚仔味太重，我又買唔到外賣返公司食。結論係，我應該無緣份lunchtime 食譚仔㗎啦！其實呢間食物質素唔錯，但人手唔夠，有部分姐姐手腳好慢同只識講普通話，連譚仔話都唔識講。

嚟到中環，除咗食貴西餐搵靚酒吧之外，而加多咗一個選擇，就係去全城最潮嘅 三哥中環店嘆返碗平民米線！😂🤣今次呢間鋪就威水啦，有別於平日食嘅三哥，個裝修以紅黑色為主，仲配咗譚仔三哥嘅簡寫英文TJSG 四個大字嘅霓虹燈燈牌係門口😂🤣個設計都算幾有特色，幾young!講講今次新產品 螺酸湯米線，有食過大陸嘅螺絲粉嘅話，相信呢個湯底對你一定唔陌生，嗰陣螺味同酸筍真係令人又愛又恨🤣唔明嘅朋友一定要去門店試吓個湯底嘅味道同我想像中嘅冇乜出入，還原度非常高，值得稱讚嘅係佢嘅海螺片同豬皮，都做得好出色！海螺片嘅軟硬程度剛剛好，而且幾入味！本人本身唔太好豬皮，不過都睇得出三哥好有誠意，豬皮完全搵唔到毛毛，前期處理得非常足夠，同行友人就覺得豬皮好掛湯底、爽口！我最欣賞就係湯底入面仲會搵到酸筍同埋酸辣豆角，真係同平日自己煮嗰種螺絲粉有得揮🤣🤟🏻鍾意呢一款酸酸辣辣湯底嘅朋友，我極度推薦你試吓加埋豆卜，湯底滲透晒入去，酸酸辣辣真係好過癮嫁！唔知道今次呢一款新品會推到幾時，想試嘅朋友記得唔好錯過快啲去啦

2021年9月25日 晴今次同男朋友一齊食碗過橋米線, 配凍檸茶, 再加細土匪, 好食 見住男朋友傻左咁講"我最中意食小辣" (佢記錯左）, 然後食到想r 曬頭咁, 好好笑簡單又幸福

講左咁耐，中西區終於有三哥啦。今日試咗個特色湯底「沙沙湯底」，簡單來講即係喇沙湯底，都算幾香，唔算特別辣。我同朋友同樣點左五小辣，但係佢嗰碗辣油就多我好多，仲辣好多，可能係啊姨落辣失手啩然後試咗個龍蝦丸，普普通通冇乜特別。至於係份量方面，呢個就值得講一講啦。我本身都係三哥忠粉，食勻港九新界。而中環嘅三哥米線嘅份量係偏少的，感覺係平時嘅三分之二，甚至乎我有感覺係少咗一半唔知呢個算唔算係中環店嘅特色。但係環境方面，呢間真係唔錯。啲裝飾真係幾靚，想打卡或者試新野嘅就唔好錯過

LKF三哥🤓終於都試到你啦~~肥牛、豬肚、魚腐 米線 $59🍜(蕃茄湯 🍅)得依間舖先有嘅肥牛errrrrrrrr……無咩事 下次嗌返其他😂豬肚就都係一般般魚腐配蕃茄湯底 唔錯蕃茄湯濃+酸, 但又唔會酸到食唔到嗰隻幾鐘意依個湯底蒜泥白肉 $28一向無得輸咖啦串燒香辣煙腩卷 $14又係中環限定~好味喎🥸燒得夠晒香 仲脆脆哋仲包住塊洋蔥🧅幾夾不過都真係幾辣吓如果有多幾款串燒揀 有更加好嚕香烤芝脆豆腐餅 $15難食到一個點🥲又散又淋 唔香唔脆🥲好似食咗一pat粉入口咁

eat乜米線 | 中環純粹唸住順應潮流，拜訪一下中環三哥，點知食完唔小心由譚仔黨轉咗三哥黨。今次主要想試分店限定嘅食物。先來麻辣串燒：一串辣蒜翠玉瓜、一串椒汁香草肥牛卷。講真，賣相令我本身唔敢抱任何期望，但食落口非常有驚喜。尤其係辣蒜翠玉瓜，蒜蓉嘅份量足夠，鋪滿翠玉瓜表面，連埋麻辣醬嘅味道，成件事好夾，好香口，有一種食過返尋味嘅感覺。至於米線，叫咗肥牛、墨魚仔砂砂湯米線，小辣。不論配料定湯底都係中環店限定。先講肥牛，坦白講一定唔會係靚牛，但係好食過譚仔或者三哥本身嘅牛肉。同埋，我一直都覺得肥牛係好夾麻酸辣米線。另外，墨魚仔冇腥味，口感爽脆，配合湯底嘅香辣，勁惹味。至於砂砂湯底，味道好似馬來西亞喇沙溝埋本身麻辣湯嘅感覺，所以味道好豐富，好好味，令你食唔停口，非常值得一試。