譚仔三哥米線 (佐敦道)

營業中

休息中

三酸撈薯粉這碗三酸撈薯粉將薯粉的經典口感和多種美味元素融合在一起。每一口都充滿了不同食材的鮮美，從薄脆的口感到炸醬的香氣，每一種食材都散發出獨特的風味。薯粉本身軟綿可口，搭配著無骨鳳爪的鮮嫩肉質和燕餃的豐富內餡，帶來豐富的口感層次。而炸醬的調味則為整道菜色增添了深度和濃厚的風味，使每一口都充滿驚喜。這道三酸撈薯粉不僅滿足了味蕾的需求，更展示了廚師的巧思和對食材的精湛搭配。無論是喜歡傳統美食還是追求新奇口味，這碗撈薯粉絕對會帶給一場美味的饗宴。

食到一半發現有昆蟲，最後雖然無收到我錢，但請注意食品衛生安全，因為懷孕中食完好焦慮，樓面得2個完全唔夠洗，feel到佢哋情緒都唔太好，另外我落單時要求湯同麵分開，樓面姐姐話公司唔準叫我另外叫個清湯比小朋友，我小朋友得2歲你認為佢食得哂成碗？好唔人性化祝你生意興隆啦

呢日唔知食咩好，又去左飯堂食米線三哥酸菜鯛魚米線出左呢款到而家食左好多次，微辣夠酸，好好食，啲魚又滑又嫩，仲有魚片頭，一大碗好夠飽，會飲埋湯，超滿足，暫時至愛。過橋米線乜送都有，好啱懶人，2個人食都得，今次食清湯，原汁原味，今日呢碗好多竹苼，哈哈，勁好食。葡萄烏龍茶第一次飲，幾特別，葡萄味都幾香，兩個加埋一齊幾好飲。香草雞翼呢個必食，次次叫5隻，一直都好鐘意。香烤豬柳好乾，浸落湯都搞唔掂，唔推介。

之前喺社交媒體見到有張枱有張紙寫住還我鴨血😆之前仲比人食到冇晒貨，而家鴨血米線回歸啦，緊係嗱嗱臨去食返碗鴨血用水煮湯底煮成，我叫咗小辣，但發覺比平時嘅辣更加辣。鴨血肥厚爽滑，忍唔住一舊一舊咁擺入口。仲有豆卜～吸盡水煮湯底嘅精華😚雖然一邊食一邊辣到流鼻水😋但我鍾意食亦鍾意呢份刺激嘅感覺。米線仲有兩條脆卜卜油條，我浸落湯底再食，辛辣嘅味道半脆軟既口感一試愛上另一碗係三餸米線麻辣湯底，油揚好似豆卜咁，索湯一流。鵪鶉蛋小小嘅蛋，覺得幾特別，食又方便又好味。京白菜食嘅時候索哂湯精華麻麻辣辣😍 仲叫咗三款小食，蒜香同蒜辣雞翼尖，兩者嘅分別只係多咗辣椒，我鍾意有大量嘅蒜粒一齊食，食完唔敢同人講嘢😂仲有一款係香醋芝士鮮原茄，醋嘅味道令番茄鮮味增加，酸酸地越食越開胃叫咗一杯哈密瓜爆珠梳打😗今日真係好熱仲要食水煮鴨血，哈密瓜味梳打超冰爽😍加上食爆珠時可以每粒咬爆好過癮，可以幫我降溫各位你哋都去食鴨血啦😋要keep住繼續有得食

今日食左個鴨血米線小辣，湯汁好濃，鴨血好入味好開胃，仲有叫左個蒜香雞亦尖，肉質好冧，味道帶小小辣，好容易咬到啲肉出嚟，還有點了個醋蕃茄，醉合埋芫茜食一流👍🏻仲有叫左杯特飲，好fresh不錯，入面仲有啲爆珠，好有夏日風味

間唔時會有想食譚仔既時候🤭有得揀一定係揀三哥～一般我都係食炸醬腩肉3小辣24號食完，過兩日又想食…..26號仲要覺得好餓，一個人叫左個全餐🙊呢期好似大食左😑第一次試番茄湯，又幾好味道架喎！比想像中茄！全餐咩都有啲！真係幾多料！咁樣先$54🤭真係幾抵食！我又食得晒個下好野！！從此就比同事取笑我：肚餓呀？食全餐啦！😑佐敦呢間三哥水準都OK穩定！反之我唔建議大家食白加士街號譚仔啦，出餐慢、唔好味、衛生麻麻。

一直都係三哥既粉絲～ 想不到這個都是三哥～ 有點失望～ very disappointing! 一個人的晚餐，簡簡單單。平時都唔會寫咁食評，不過真係好失望🤦‍♀️ 十小辣應該無難度，點知好鹹，鹹到辣又難食，好失望！10 small spicy was too salty最後只可以叫樽豆奶都搞唔掂 🙈 had to order a bottle of soya milk to try to fix but in vain 不過夜晚呢間無咩人，唔洗等位，不過可能係有原因🤭 the good thing is that it is not very crowded, no waiting, maybe there’s a reason why …

一直都是谭仔三哥的支持者，除了味道不错，价钱也不贵，性价比很高。今天经过佐敦道分店，便走了进去吃晚餐。看到他们的菜单，看到有新产品，图片的卖相颇为吸引，加上不贵，便不作他想点了一份胡椒鱼爽肚米线。实物上桌时明显跟照片有很大分店，看上去配菜少了点，本来下单时还加了一个配菜，但却漏了单。碗内有些深色的东西，应该是鱼爽肚吧，没什么味道。至于三件鱼滑釀豆卜，带点芥末味道，但只是一般般。还是喜欢他们普通米线，配上贡丸、牛肉、猪腩肉、猪肝等等食品，又简单又好吃。

難得終於一嚐傳聞中全香港只有六間譚仔三哥先有嘅Secret 湯底，又真係好味到我lam lam脷，緊係要寫個review等多d譚仔/米線控知道啦～呢個神祕嘅湯底就係砂砂湯底啦！網上周刊話現時只有6間分店供應，包括藍田啟田大廈、尖沙咀幸福中心、佐敦道46號、長沙灣金球閣、深水埗福榮街107號及杏花邨杏花新城。我都係抱著一個尋寶嘅心態去最近嘅佐敦道46號分店碰碰運，坐低之後即刻搵menu而又真係比我搵到張poster，果刻真係超滾動！即刻order左砂砂湯底米線 (走腐皮、五小辣)、雞肉、墨丸，加凍檸茶走甜。砂砂湯底好似poster話齋似laksa，但較laksa少左d椰奶味，再重左d似用好多蝦頭熬湯而成嘅海鮮味，五小辣唔會太辣嗆口，不自覺將湯底一羹一羹咁飲～ 彈牙米線完全吸收砂砂湯底，配雞肉、墨丸簡直係滋味～超鐘意呢個secret砂砂湯底，值得我下次再特登拜會！下次一定加竹笙，等佢吸哂個砂砂湯底一定超正！好期待喔～

白加士街分店叫咗個泡菜魚米缐 得嗰兩塊半細細塊嘅魚片 鯇魚好貴咩？係咪出咗名無論食物質素及不斷下降。食客當食客係羊估？咁就40幾蚊 同三哥 ，冇得比🙅🙅🙅🙅🙅🙅🙅🙅🙅🙅🙅🙅🙅

三哥又出新menu😍今次仲要係我最中意嘅水煮湯鴨血🔥．水煮湯鴨血米線 ($39)水煮湯好惹味 不過少少偏重口味米線已經包括鴨血，豆卜同唐芹鴨血有五塊 每塊都好厚同綿滑豆卜有三個 吸曬啲水煮湯 超正🤤．香烤素菜卷($14)呢個都係新推出嘅小食 意外地好好味個素菜卷係即叫即烤 卜卜脆🤤🤤而且可以配麻辣汁或者口水汁🔥

一直都好喜歡試不同新事物的🧠小編, 這次便決定試試譚仔三哥最近新岀的花膠胡椒雞美線🧐🤣 真的是一個很有創意, 新奇有趣的名字🙈 .⭐️ 花膠胡椒雞美線 + 墨丸(清湯)花膠亦有三四舊, 份量也不少🥰 吃過後很有養顏的感覺, 絕對配得上美線這個名字🤣 胡椒雞亦充滿了胡椒香味, 大大舊🤤 份量很足🤓 而很貼心的一點, 是三哥用的是無骨雞, 適合我這個終極懶人, 十分喜歡啖啖肉的感覺🤩 我再加了墨丸作配料🤤 令整碗美線更完滿😍.P.S. 配上三哥秘製的煳辣湯底, 應該會更好吃, 但本人真的有點怕辣🙈🤫 不過, 配上清湯, 反而更能凸顯出胡椒雞的胡椒香味😌.⭐️ 青蘋果梳打原以為這類飲品一定會很甜, 怎料喝下去竟然是很清新的感覺😚 可能是配上了青檸, 所以沒有很甜, 對我來說, 是剛剛好的甜度🤩 三哥更配上愛玉🤤 作為煙韌的我, 當然是一大福音🤤🤤 真的很推介大家試試, 喝這杯飲品🤨.(💛💛💛💛💛為滿分)味道:💛💛💛💛價錢:💛💛💛💛 環境: 💛💛💛服務: 💛💛💛💛Ig-able:💛💛💛💛.

🇭🇰譚仔三哥米線·係好耐無食既三哥啊 熟悉既味道😍😍去到見到佢出左新既小食 我地就身痕試左 估唔到又幾唔錯😏·酸辣魚片米線 $39佢入面都有4-5塊魚片 而且佢個魚片質感好好 都幾嫩 唔會話煮到梅曬 我幾鍾意 而且佢呢隻魚個魚皮部份係彈牙既 食落口感好正🤤🤤·蒜燒茄子 $16呢個超惹味 佢係一上到檯已經超濃蒜味 而且佢啲蒜蓉好似有再烤過一烤咁 有少少憹邊😈·熱情查理 $15 (加配：$11)因為佢個茄子都幾辣 我地就加左呢個特飲 佢個底係熱情果青檸果茶 唔會話太甜 我覺得唔錯😌之後佢個底仲有啲芒果菠蘿既啫喱 超得意 不過佢用飲管一啜會散開曬 可能用羹食會好啲🤣🤣佢背面仲有半塊菠蘿片 我最後將佢當飯後果咁食埋😏·#rbyeat#rby港式#rby佐敦·📍佐敦佐敦道46號地舖·鍾意我既覓食posts記得要like❤️comment💬share📲啊 如果唔係instagram會將我啲posts沉底架😭😭·#譚仔三哥 #酸辣魚片米線 #蒜燒茄子 #夠薑瑪莉 #熱情查理 #香港美 #hkfoodie #foodiehk #hkfood #香港美食 #instafood #hkfoodlover

禁堂食嘅前一日，要起佐敦搵地方食Lunch都係有少少難度，話曬佐敦呢邊係新一波嘅始發點，度度都驚有隱藏人，但既然可以合法堂食，都食埋最後一餐啦既然係最後一餐，咁就搵左較有Hong Kong Style嘅三哥啦Lunch Hour入面依然係全廳滿座，都要等幾分鐘先入到，嗌左個<豬潤腐皮2小麻辣扭紋薯粉>之後最有feel係姐姐用翻Tam Style覆翻我<嘟輪褲π兩雕la殊fun>，聽落係一種親切感，哈哈薯粉一貫譚仔作品，好食，另外疫情關係，譚仔亦有半價一個小食比大家選擇，不過唔知之後仲有無

每次想食米線都一定會去譚仔或者三哥，因為每間個味都一樣，唔會走樣。今次黎到佐敦依間，間舖都幾大既，食lunch時間因為疫情，都唔係話爆哂。為左想要多Ｄ蛋白質，我就叫左個雞肉牛肉煳辣米線。Ｄ雞肉同牛肉都唔會話老哂，加上因為浸住湯，所以食落口都幾juicy。煳辣湯底本身都唔係話太辣，岩哂我依Ｄ想食辣但又唔食得太辣既人。同埋煳辣佢係少辣得黎好香，唔係酸辣既味，所以我次次都係會食佢。米線方面又唔係太淋，唔會一夾就斷哂，加埋吸左Ｄ煳辣味，每一啖都食到米線既爽同煳辣既香！加埋旁邊既蔥同吸哂湯既竹笙，真係食極都唔厭！