譚仔三哥米線 (奧海城二期)

營業中

休息中

🇭🇰譚仔三哥三哥又有新搞作😍，想同時食到煳辣同麻辣，就一定要試下今次新推出呢個「煳」+「麻」嘅煳麻湯底😙今次除左新推出嘅呢個煳麻湯底，仲有新推出嘅兩款食材，分別係魚爽肚同埋芥末魚籽鱈魚滑豆卜，魚爽肚食落唔會太腥，而芥末魚籽鱈魚滑豆卜就有d似魚肉釀豆腐咁，而且食落去真係有淡淡嘅芥末味。如果大家想試呢兩款新食材，除左可以揀煳麻湯，仲可以轉其他湯底架！我今次就試左煳麻湯魚爽肚米線+竹笙 （3小辣），食落去真係同時食到「煳」同「麻」，唔知係咪因為咁，我覺得比起平時食開嘅3小辣再辣d，不過真係食得好過癮，以後就唔洗再煩揀煳辣定麻辣湯底啦🤣📍 多區分店

識我嘅朋友都知道我好鍾意食三哥譚仔米線，今晚就同朋友黎屋企附近呢間三哥食晚餐😋😋我叫咗一碗麻辣中辣牛肉炸醬腐皮，最緊要米林🤣因為我成日覺得煮得唔夠林好似未煮熟未煮透咁，會好難咬好難消化，所以無論去邊間三哥我都一定會叫米林朋友就叫左三個酸辣小辣豬肉韭菜米線少米線再加兩杯凍檸茶總括黎講，呢間三哥做到三哥一貫嘅水平，一個字正呀☺️☺️👍🏻為左為環保出一分力，三哥轉左用紙飲筒好一段時間，但條飲筒浸到食完碗米線飲既時候，佢下半身基本上都已經林左同有啲發脹，飲到既檸檬茶會好似泡泡咁🙈🙈口感就麻麻喇，不過為環保都冇辦法啦今晚兩個人埋單啱啱好$100😌

每一次打去叫外賣都係接咗電話之後叫你等最小兩三分鐘先再聽，聽住佢係度做其他嘢而唔係幫你落單，落單果陣問重覆又重覆嘅嘢，我忍咗好耐先寫呢個負評，真係希望譚仔可以改善吓。

聽講三哥又出道新菜式：鴨血米線。今日特登去嘗新。雖然係疫情期間，但人多到爆，一人位都要等好久。鴨血米線湯底竟然係水煮系列，好特別，但只可以做到5小辣。對我噬辣嘅人來講，係不夠，但都唔影響我想食啲心。因為桌上有辣椒醬，不夠可以自己添加。本身配料已經有鴨血同豆腐泡，我就多叫左一樣雪菜。三哥嘅雪菜好酸，好好食，也都好啱我口味，每次去食都係必點。同埋米線每次都好大份，口感又煙煙嫩嫩，好彈牙，湯底酸酸辣辣好好飲，引得我每次都食晒。

譚仔三哥既創意真係層出不窮點解可以成日都有不同既期間限定款本來每次去我都已經諗好咗要食雞肉/豬膶/貢丸但係每日去到成日都會發現有新推出嘅款式然後就會心郁郁好想食．「花膠胡椒雞美線」要留意佢個名唔係叫米線而係美線🤣花膠配搭胡椒雞肉仲有杞子呢個款式好岩冬天食非常滋潤亦夠營養同時亦補身特別係女仔花膠入面既骨膠原可以美顏湯底款式可以自由選擇佢哋大字標題推介煳辣湯底不過我對揀咗最愛既麻辣四小感覺上蕃茄湯底就未必咁夾大家可以留返下次先點因為食開蕃茄湯底嘅都知道佢哋蕃茄既鮮酸甜度突出可能會搶左花膠既風頭但係煳辣湯底又或者麻辣湯底相對係比較濃厚既同胡椒雞配合上黎會應該會豐富到口感層次．試咗一啖湯底暖粒粒好舒服有啲似飲緊胡椒豬肚湯胡椒雞葉得入味份量十足應該有超過五大舊雞件花膠亦落得慷慨當然質素同平時阿媽煲既愛心花膠湯會有出入但係營養不相伯仲而且呢個價錢有花膠食好化算另外我再點埋充滿鐵質既豬膶就更加啱女仔食．「熱情果烏龍茶」烏龍茶經過冷泡炭燒再加入檸檬梳打同熱情果飲落酸酸甜甜幾清爽開胃當中仲飲到少少愛玉增加口感呢款新產品睇得出係有諗過算係誠意之作終於唔使再點普通嘅凍檸茶少甜少冰

近排譚仔三哥出咗酸辣魚片米線，所以就去試吓佢哋嘅魚片！本身我唔係一個鍾意食酸辣湯底嘅人，所以入去嘅時候問吓店員可唔可以轉麻辣湯底，店員話可以😍仲超級詳細咁樣同我解釋入邊有酸菜，如果怕酸可以走酸菜。然後我就叫咗一個麻辣湯底小辣嘅魚片米線，可能因為臨近lunch time，所以外賣都等咗10幾分鐘。一打開個湯底，見到冇幾多塊魚片，嚇咗一跳，不過食下食下發現越食越多😂應該係喺晒個底度。魚片冇骨，都幾好味，我覺得個湯底好夠麻，鍾意食麻辣嘅我真係抵擋唔到譚仔三哥嘅誘惑🤤

昨晚睇社交平台知道譚仔三哥同譚仔都分別推出左為期2星期的新米線！所以今晚就決定會一會佢。約7:00pm去到唔係好多人，真係要讚下譚仔姐姐都幾好禮貌（雖然都係譚仔話），入鋪會叫‘歡迎光臨’ 落order 會重複叫左咩！會笑會講多謝！冇黑面！要讚👍🏻👍🏻👍🏻好！講返個新米線🍜‘花膠雞美線’湯底係用佢原味湯底，花膠同雞件真係比好多，花膠有足足4大件！雞件都有三大件，見到都心念會唔會太多，碗麵都只係$52！麵底冇咩特別，湯就用原味湯底但可能加左雞件就帶出左少少雞甜味！雞算幾滑唔‘鞋’，花膠有輕微花膠味！可接受！另外叫左兩樣野，飲品+$10柚子桂花茶，桂花柚子味都好淡，似飲有味水！小食$23爆辣小豬件，入口鬆軟但只食到辣粉味食唔到豬肉味，其實都係貪得意試新野，可以一試，念唔到食野叫做有d驚喜！😚

本身很喜愛譚仔三哥嘅三哥酸辣🌶 味道非常獨特惹味 但今日想食清淡少少 都係叫返普通酸辣啦～ 配菜方面選了最愛的雞肉和金菇 感覺比較健康 另外因不是太餓叫了少米線 可以減$1.小食方面點了油生菜🥬和皮蛋🥚三個人分享 份量都幾多 味道不錯.米線湯底濃郁 有腐皮和芽菜吃起來口感十足 配料都幾足料 就算少米線 最後都係食唔曬 果然份量十足

昨天吃完譚仔三哥，今天在運動過後依然想吃譚仔三哥的番茄湯米線。12點進場，人客不多，我一人坐一張桌子，哈哈！今次點了雞肉和木耳絲，番茄湯，走韭菜。先喝一口番茄湯，依然濃郁可口，比昨天在彩虹喝得出更濃郁。雞肉和木耳絲給得大方，撈一撈可見餸菜份量十足，木耳絲爽口，雞肉軟軟的，一正一負，搭上煮得軟硬適中的米線，令人享受☺️☺️。小吃人士可叫少米線，更可減一元。吃完麵後不要把番茄🍅湯喝光，因為浸過麵及餸後會變鹹，鈉質亦高😅，所以我只會在一上桌時喝兩口湯😆。

小弟因為工作關係有時lunch會買外賣食。今日就買左三哥～作為三哥fans既我自問食左無數次，但係發現原來外賣係好唔抵食平時都會叫牛丸既小弟已經食到知道佢會比幾多粒。但係我一打開個碗米線既時間眼都凸埋少咁多既？！下次無咩都係堂食算喇

同事聚餐，一行六人，可以分享多款小食😋黎到三哥，同事話一定要試食煳辣豬肚米線，配一款餸 - 魚腐，女仔食唔哂可以叫少米線，勿浪費。湯底好濃味，唔辣架，幾有特色，魚腐吸晒啲湯底，正。食咗同事果碗嘅竹笙都好吸味。米線幼身，冧冧的，啱哂我！同事話蕃茄湯一般。特別推薦小食:蒜泥白肉: 薄切，多蒜，啱哂一班人分享。口水汁豬脷: 唔係好多地方有得食，呢味爽口好食呀。醋香雲耳：爽口開胃，大小適中。每人五十幾六十埋單，姐姐都好服務的。

話說今日去奧海城行街。第一次試呢間分店，晚餐外賣。酸辣湯底，咸到苦。。我老婆食清湯，又係咸到苦。。好失望，無下次！最後要落街買其他野食，講完。（阿姐態度還可以）

譚仔三哥嘅麻辣同譚仔都真係幾似 不過10小麻辣既辣度好似冇譚仔咁辣🤷‍♀️ 豬潤雞肉米線(10小麻辣) $40叫咗個豬潤雞肉米線 都係好多料 正😋💁‍♀️💁‍♀️💁‍♀️💁‍♀️豬潤仲見到有粉紅色 唔會煮到老哂 食嘅時候口感仲幾粉！💁‍♀️💁‍♀️雞肉都係每次必食嘅 quality都一樣咁上下💁‍♀️米線嘅份量都幾多🙆‍♀️ 不過可惜10少唔夠辣 唔夠過癮🤷‍♀️🤷‍♀️🤷‍♀️ 食量少嘅可以要少米線 減一蚊㗎💁‍♀️

今晚收工要去奧海城買衫，所以去了譚仔三哥食晚餐。我叫左魚腐墨丸清湯米線38元，配料有牙菜、韮菜和腐皮，配料粉量少。主菜魚腐和墨丸各四粒，魚腐好墨丸彈牙，清湯咸度適中，裝修新淨，空氣流通，環境清潔，整體不錯。

今日約左朋友食飯，朋友話好想食辣，我們便選了座落奧海城二期地下的譚仔三哥雲南米線。侍應安排我們坐在卡位上，晚餐時間餐廳人流很多。我們點了過橋米線麻辣三小多麻及皮蛋share食。飲品點了凍檸檬茶（少冰）。過橋米線麻辣三小多麻：過橋米線份量十足，分級仔細辣度、每碗食材有豬肉、牛肉、雞肉、腩肉、火腿、豬潤、牛丸、墨丸、魚蛋、乍菜、腐皮、豆卜、生菜、酸菜、芽菜、韭菜及竹笙。堅辣，食完成個嘴紅哂。皮蛋：有溏心，清涼爽口、辣凍檸檬茶（少冰）：正常。