譚仔三哥米線 (屯門時代廣場北翼)

營業中

休息中

呢幾日天氣轉凍，就想食返啲辣嘢，今晚一個人食晚餐！就去咗譚仔三哥，我九點3先到，唔使等位。但我見到佢仲有好多外賣單，我用app落單，野飲好快就上咗，但係碗粉等左都差唔多15分鐘！咁夜嚟講都真係算比較慢。餐廳坐唔滿。我叫咗一碗麻辣小辣米線，覺得佢比以前嘅小辣仲辣咗啲！送個方面就揀咗蜂巢豆腐、雞肉同腐皮！都係啲比較吸湯嘅料！蜂巢豆腐係新嘅配料，平時用外賣app落單都嗌唔到。不過$6就得兩粒豆腐略嫌少咗啲。我用app落單，所以可以用積分換咗一杯飲品。埋單$54，價錢可以接受啦，但等候時間就真係長咗啲啦！

雖然「譚仔」&「譚仔三哥」都被「東利多控股」日資公司收購了，但在很多香港人心目中，還是心底暗地會偏好其中一間，而我是「譚仔三哥」fans，除了因為它有「胡辣」口味的湯底外，也因為大部份分店的質素都相對穩定。不過今天到訪位於屯門時代廣場這間分店就第一次覺得很失望，其實不是第一次光顧這間分店，每次來的食客都很多，尤其晚飯時間多數都要等位，難得地今天閒日下午茶時間來到，不用等候就可以進店。選了兩餸米線，配料揀選了「炸醬」&「黑木耳絲」(「黑木耳絲」也是「譚仔三哥」才有的配料)。店員把米線送上，發現「黑木耳絲」的份量好像比平常少很多，難道是被米線覆蓋了？用筷子把米線翻了幾次，發現就真的只有浮在米線上的極少份量。雖然大家都暗地知道「譚仔」的不成文規定：就是揀選的配料款式愈多，每樣餸的份量就會相應被減少（雖然每款配料其實也要加錢），但這次的「黑木耳絲」份量真的少得有點離譜（哭 ～），而米線的質地也似乎煮得過了火，軟淋得大力一點用筷子夾起也怕它斷開。其實我差不多每星期也光顧「譚仔」或「譚仔三哥」，但今天的米線水準真的是最差的一次。

是日早左放學✌️，小肥美去左譚仔三哥食Lunch點知撞到佢哋出左新嘢😍，#砂砂大慶典鐘意試新嘢嘅小肥美緊係唔放過佢啦🤣砂砂湯肥牛魚腐米線 配熱飲/汽水（$50）小肥美又鐘意辣辣地又為食😋所以嗌左三小辣🥰仲加左麻辣汁雲耳🤤所以埋單就$59味道上，都係意料之內啦，冇咩特別😊反而個價錢就感覺算係幾平👍平時食譚仔：叫碗米線加個小食加多杯嘢飲都差唔多$70所以今次埋單先$59，仲要飲凍飲喎，感覺真心幾平👍抵讚👍- - 評分標準：一粒⭐️最差，十粒⭐️最好- -食物味道：⭐️⭐️⭐️⭐️⭐️⭐️店舖環境：⭐️⭐️⭐️⭐️⭐️⭐️服務質素：⭐️⭐️⭐️⭐️⭐️⭐️⭐️價錢方面：⭐️⭐️⭐️⭐️⭐️⭐️⭐️整體評分：⭐️⭐️⭐️⭐️⭐️⭐️⭐️是日店舖資料：🍽️譚仔三哥🗺️新界屯門屯合街2號屯門時代廣場北翼地下27-32號舖

坐底點完餐先知，前後左右全部都追緊單，話坐咗40-45分鐘都無野食。。。有無咁痴線！內面冧曬檔都繼續狂叫人入去坐。。。職員又唔講明要等咁耐，返工打工仔叫人點等。。。。勁無奈。。。。無下次。。。

星期日26/2/2023冇人等位，唔滿座，12:30 入座，12:35 落單叫左新既酸菜魚，朋友叫左過橋紅薯粉唔洗10分鐘，小食同野飲到左15分，過橋紅薯粉都黎埋第25分鐘（13:00）我碗都未到，驚漏單催下好正常，好聲好氣叫姐姐睇睇，姐姐就話人地12:33 都係岩岩先黎，等下啦。完全冇同我跟單，無視我！😡等到13:05 ，我真係火都黎埋，大聲講等左半個鐘，再要求催單先理我！原來碗麵一早放左係度，顧住做外賣！個個遲落單都食完，係酸菜魚係耐d , 定係漏單？唔緊要，如果酸菜魚要等，又或者多單要等（應該唔係，大部份人都唔耐），又唔一早講，而家譚仔等20分鐘都預左，等30分鐘真係接受唔到，你估你係法國菜呀！我嘈完，即刻同新入嚟既客講要等！講返碗麵，得個辣字，少少酸，冇花椒味！都係果句，有命就等啦！

食飯時間已經用手機外賣提前20分鐘落單，當時app顯示要等20分鐘，到場仲要等多40分鐘，無睇錯，係40分鐘，在場睇到職員不停接外賣，同不停入堂食，唔入堂食顧客又被堂食顧客問候，廚房人手唔夠就請人，如果人手唔夠就唔好接單或再入堂食顧客！已經手機外賣提前20分鐘落單，最後仲要等多40分鐘，係企係度等！！每次有外賣出，都要走去望係唔係自己張單，怕走單想問清楚又被職員講未到要等！！不會再黎！如果有人想食請預留最少1小時！係最少！

真心嬲。已經幾次叫外賣都比唔齊/直頭錯餸。每次叫親都比漏肉，得菜同米線比人食，叫人點夠飽？有次直頭比錯埋個湯底，我叫麻辣湯底點知變左番茄湯底，本人係唔食番茄，點忍？次次打親番去都叫留低電話號碼，下次黎食比番漏左既餸你。去過堂食，呀，佢又冇比錯d餸喎，但本人叫親外賣都比錯晒餸/湯底，點解呢下？以後都唔會再叫呢間外賣，都唔知係咪專登，博你下次會貪舊補番比你既肉而再去食。真心好差，唔係講d呀姐態度差，反正次次打去都官腔式道歉。我唔係要道歉/優惠，只想同執外賣既人講，唔該，check清楚先好包比人，一次錯唔係問題，次次都錯，真心你不如唔好做外賣呢個崗位。

見譚仔三哥又出新野，係時間去試下。🍜砂砂湯肥牛鹿茸菇米線：有啲似沙嗲同喇沙嘅湯底，帶鮮蝦香味同麻辣味，味道獨特惹味。加上啖啖肥牛同爽口嘅鹿茸茹，令人滿足嘅組合，好肯定會成為我其中一個常叫湯底🤤🤤❤️🍲煳麻辣椒豬肚：豬肚厚實有咬口，胡椒同花椒香辣，食完舌尖帶微微麻辣，惹味又令人上癮😍🍹奶蓋芒果蒟蒻椰香金露：入口芒果甜味突出，配上椰汁濃香味，creamy奶蓋，口感豐富。係一款透心涼嘅特飲❄️

見譚仔三哥新出左個砂砂湯+菇+肥牛既米線（$47），嗌左一碗標準五小辣黎試下😋 湯底好似平時打邊爐既味道，加埋肥牛食，以為自己食緊火鍋😍另外亦試左新既糊麻辣椒豬肚，有兩塊豆卜墊底，不過就索唔夠d汁，所以唔夠濃味，豬肚味道唔算特別，略嫌份量太少，三兩啖就清哂🤧

譚仔相信唔少香港人都曾經食過，不論係食得辣同唔食得辣嘅朋友都啱食。今次食三餸米線，包括魚腐，貢丸同埋腐皮，配清湯少米線。魚腐有驚喜，有幾香嘅魚味，而貢魚同腐皮就正常啦 $40左右就食到個三餸米線，其實都算唔錯。而今次可以用埋支付寶消費券嘅優惠卷，可以平返$5 ，都算幾抵！但係服務就有改善嘅空間，落單嘅姐姐同收銀嘅姐姐態度都一般般。收銀嘅姐姐一路收錢一路又要聽外賣電話，俾錢嘅時候有少少呼喝嘅感覺希望呢點遲啲可以改善啦！

知道最近推出咗新嘅米線、小食同特飲，作譚仔三哥粉絲梗要試試佢螺酸湯豬皮螺片米線⭐️⭐️⭐️⭐️螺酸湯底酸酸辣辣之餘帶有鮮甜，而鮮甜味來自海螺片，質感夠腍好好食～配料仲有麻辣豬皮，炆得幾入味🤪夾埋爽脆酸筍、酸辣豆角同木耳絲一齊食，多重酸香甜辣交疊，愈食愈過癮～ 椒麻涼拌魚爽肚⭐️⭐️⭐️⭐️⭐️推薦❗️以三哥秘製椒麻汁醃過嘅魚爽肚，椒辣味濃，食落惹味後勁麻，而且真心爽口！配有爽脆微辣嘅手啪青瓜，呢個涼拌小食好啱夏天食，爽脆口感，身心都爽晒，滿足感爆登😆 鳳梨藍蝶花香特飲⭐️⭐️⭐️⭐️以鳳梨同青檸調製，紫色係來自碟豆花，味道甜中帶酸，飲緊嘅時候會聞到青檸同鳳梨嘅香氣，底部仲有鳳梨果肉粒粒食添～人均消費：$56

三哥相信大家都非常熟悉.今日第一次試左重慶口水汁嘅手拍青瓜，雖然略嫌太多油，不過贏左青瓜爽口，可以消除口中油膩嘅感覺。.再吃左個炸醬清湯米線，炸醬真係百搭，搭上米線就更加好食！

-水煮鴨血米線 $39墨丸雞肉清湯米線 $40 土匪雞翼3隻 $22凍檸水$9試試這個鴨血，相片同實物都幾相符味道還可以——————-——————-——————-——————-——————-——————-我只是一個普通平凡的為食肥妹仔，不是什麼專業食評，也不是廚師或是對食物有什麼研究，單純分享和紀錄日常生活過什麼東西，也不想過份吹捧同吹噓。

堂食熱辣辣新鮮湯米線仲要買得平過要自己嘅加熱鴨血寛粉。**一出即刻去試**好好食！！！認真！！中意食辣嘅朋友，必食，無得輸！！水煮湯鴨血米線加墨丸，有鴨血同豆卜同腐皮，芽菜同蔥都好少，辣度由五小辣起跳，我揀左小辣，感覺比平時再辣啲，但都仲食到，不過建議大家可以叫番平時食開嘅低一兩度。湯底係可以自選，唔一定要水煮湯，但有新野梗係試新野！！本身三哥個湯頭已經係特別濃郁，水煮湯紅卜卜😂😂😂咁多紅油但唔覺得油膩，少少麻同辣，有食到花椒八角味，比麻辣湯底多左一種辛辣感，好刺激，但其實好好食，特別佢跟埋豆卜，豆卜吸滿湯實在係超正，平時我都中意叫豆卜，三哥啲湯底食完真係唔會口乾。鴨血好軟滑，唔會係一夾就散果種，好食過豬紅10倍，而且完全唔腥，鴨血本身已經煮得勁入味！！**下次要叫三小辣****鴨血係唔辣嘅****聽日應該會變小火龍*****不過等左廿五分鐘碗米線先來***

今日約咗三個朋友做完瑜伽一齊去譚仔食米線， 我哋叫咗三個花膠雞米線， 仲叫咗一碟皮蛋， 還有一碟豬耳仔！ 皮蛋嘅味道我覺得麻麻地 ，但豬耳仔幾好味！ 花膠米線嘅花膠好細塊 ，雞係雪藏雞， 但啲米線幾彈牙。湯底好辣， 味道還算不錯！老友相聚食乜都開心！