譚仔三哥米線 (西洋菜南街)

營業中

休息中

普通譚仔同埋譚仔三哥食嘅嘢都唔同，認真睇下就會知道有分別金菇雞肉酸辣係我最愛嘅配搭，雖然好多人都話食今個好蠢但係我覺得佢呢度啲金菇幾大個，分量都算OK ,爽口，好過其他米線店嗰啲。裏面啲雞肉好碎好細粒，食起嚟冇乜雞味，不過都可以嘅，酸辣來講比較酸唔係太辣，令人越食越想食！米線好多一個女仔未必食得晒，但係男仔一定得

其實食左三哥十幾次，偶然心思思又想食。這間裝修不算舒適，沒有卡位，但勝在空間不太迫。我今次点左三小辣雞肉，好正，辣得我流鼻水，雞肉份量亦不少，有腐皮，腐皮吸收了個湯，簡直係精華！食完個口內仍有麻辣味。可惜很口渴，堂食飲完一杯都不夠。價錢大眾化！之後仍會再食。

雖然還是十七號。但已經接近糧尾，跟朋友食飯，當然選擇平靚正。譚仔三哥係首選。一入到去，用九秒九嘅時間點餐炸醬，腩肉三小辣，冷檸茶少甜少冰。就算係繁忙的晚市時段，上餐一樣保持到快餐的速度。因為肚餓所以叫兩餸全肉係常識。再加少少辣，用十分鐘就可以食完離開👏

The TamJai Sangor Mixian shop in Mong Kong Sai Yeung Choi Street offers different Mixian choices, including the different ingredients added, the soup choice and other drinks or snacks available. The Soup I recommend is the Hot and Sour one, as it gives you more appetite and you can finish the whole noodle Mixian soup. The " Guo Qiao Mixian" gives you an opportunity to savour most of the ingredients in one bowl with a reasonable price ( $51 HKD). The service was nice, and they proactively cleaned

今晚想清淡d，老公OT又得返我一個人，自己去左食譚仔，等位都等左15分鐘，唔好以為一個位好易等，其實都幾難等架！一個人食一餸好啦，太多驚飽！我叫左炸醬，因為突然間好想食辣野，我幾時都話一餸好抵，碗辣醬勁多呀！望落似免治牛肉咁，我欣賞佢分開上，好貼心，一pat好似花生醬咁，唔係好夠辣，但係勝在唔膩！雖然清湯湯底，但夠味！配料腐皮芽菜我最愛！米線亦好柔好滑！呢個一人晚餐都OK吧！

Lunch唔知食咩好，米線控既我就決定又食譚仔腩肉、豬潤胡辣湯底小辣，好香既胡椒味呀腩肉夠晒肥美，咬落去脂肪融化系口腔內，仲有少少瘦肉豬潤偏細塊，無咩特別。米線熟既程度岩岩好！炸醬味道一如以往咁正，甜甜地帶少少肉香味。凍檸茶甜度岩岩好，茶味都夠，幾唔錯！

就算大家點講譚仔用好多味精都好，佢都係我既摯愛。今次叫左木耳豬潤5小。麻辣底一向係我摯愛。食到條脷少少麻麻地咁既感覺好正！豬潤黎個陣仲有少少紅，浸多陣已經無晒。就係呢d剛剛熟既豬潤先夠爽！亦好有潤味(唔係廢話，不過唔知點形容好)木耳仲爽，咬落去有聲個種！到到譚仔d價都有少少差異，呢間好似平d?

唔洗多講，三哥譚仔同無三哥字眼的譚仔是𣎴同的。三哥譚仔才有糊辣！糊辣係我的致愛！燒烤的味道😍米線煙un,竹生爽口！三十幾蚊就可以滿足我食慾。我叫了杯熱菜蜜解下辣。

今晚想食平靚正d, 最後揀左譚仔！叫左清湯墨丸炸醬米線+蒜泥白肉墨丸重味夠彈牙清湯湯底味濃一啖炸醬一啖米線正呀蒜泥白肉好重的蒜味，配薄薄的腩肉一流口感環境夠大又坐得耐

叫左麻辣牛肉米線 麻辣味濃，配牛肉，牛肉味鮮，但有點兒靭，可能滾過耐，牛肉肥膏比較多，略嫌肥膩，米線雖然已經入曬昧，但煮得太腍，麻味香，辣就一般辣味，冇特別

今晚收工唔使返屋企交人，老婆同阿b返左婆婆度食飯，我OT完一條友周圍蕩，譚仔係我最佳選擇！今日食雞肉酸辣，平時我好少食雞肉，厭佢齋左啲。黎到就覺得點解咁似清湯既？唔通阿姐唔記得左我要酸辣？試兩啖，真係酸辣黎，味重夠，偏酸帶一點辣而已。唔太食得辣的我都可以接受。雞肉量唔太多，但肉好嫩滑，本身雞肉無味，但加左酸辣湯吸收晒就好好味，每件雞肉都入晒味，Yummy！米線軟林林，份量又夠！三哥果然係三哥！

放假去旺角行街，lunch想食米線，為左食金菇就去左譚仔三哥！男朋友叫左4小辣，平時食開辣既佢都覺得夠辣 我就勁d食小辣！米線有水準，唔會煮到淋晒！炸醬份量好過其他分店！多好多！炸醬甜甜地配辣湯好正！湯底麻辣之餘都好清甜檸檬茶好好飲夠茶味！甜度岩岩好！好耐無飲過咁好飲既清新青瓜！麻而不辣！佢有分中口味/重口味！我就叫左重口味，咸咸地麻麻地咁，好正

譚仔簡直係陪伴我成長 成日心郁郁想食今次去旺角附近食譚仔 照舊叫個兩味「酸菜炸醬米線麻辣小辣」叫左酸菜就可以唔洗叫酸辣 可以食麻辣 又多一個層次 酸菜係黃色個款 甜中帶酸 唔同四川個隻 送米線一流 而炸醬有時會食到茄汁味 食落有少少甜 一啖米線 上面加少少炸醬 再加啲湯 平民美食！不過今次食個陣啲米線硬左啲😢 酸菜份量又少左啲😪 Ps 炸醬其實叫單餸份量會多成半

譚仔嘅雞肉竹笙三小辣已經係成日食嘅麵平時一係整多個土匪雞翼一係整個尖椒皮蛋今日𣈴到塊板就試下"新"野 重口味蓮藕 我叫蓮藕時俾阿姐問我中口味定重口味黎得三哥一定係重口味吧！原來係麻辣涼拌汁蓮藕切到好薄片，所以d汁係完全可以每片都吸收哂平時嘅3小辣就有個頭有噴煙嘅feelLi個重口味就無大概10小辣嘅level所以如果叫清湯可以不兩巾落清湯試下食食下發覺停唔到口的好彩說時遲那時快我個3小辣送到我留返幾舊雞肉，食哂d蓮藕再點👍🏻👍🏻👍🏻👍🏻👍🏻正！

唔食得辣，湯底簡左胡辣，朋友話胡辣對唔食辣既朋友都岩，食落麻麻地，好濃郁，香味撲鼻。佢既胡辣同湯既味夾得岩岩好，胡辣唔會話搶哂其他味道。好唔唔同既餸，有雞雞(肉軟滑又鮮甜，完全無雪氣味)、豬(豬肉有豬味，好林，無豬臭味)、牛(牛肉好新鮮，咬落有食新鮮牛肉既感覺)，三款丸類，爽口彈牙、竹笙(爽口)，加加埋埋10幾款！，加埋豆卜吸曬個湯味道真係超正。