譚仔三哥米線

營業中

休息中

最近三哥一口氣新推出咗幾款美食，仲搵嚟人氣歌手Tyson Yoshi代言，作為三哥粉絲絕對唔可以錯過😌🍜三哥水煮湯老油條鴨血米線水煮湯底由5小辣起跳，味道香濃辛辣，嗜辣者可再加辣😈另配台灣直送鴨血及老油條，鴨血以秘製濃湯煨扣，口感嫩滑惹味且入口即化；老油條香脆可口，浸過湯汁後，盡吸水煮湯精華，令人越食越上癮😋🍜自選湯底三餸米線：油揚、京白菜及鵪鶉蛋除鴨血米線，三哥亦同時推出三款米線食材，分別係油揚、京白菜及鵪鶉蛋。油揚吸收湯汁能力高，京白菜爽甜多汁，鵪鶉蛋內裏軟糯綿密，配任何一款湯底同食都好夾😌🍗蒜香雞翼尖/ 蒜辣雞翼尖雞翼尖以涼拌方式製作，並以三哥秘製醬汁、蒜泥及炸蒜調味，蒜香雞翼尖入口蒜香及麻油味濃，而加咗秘製紅油嘅蒜辣雞翼尖則更添惹味😋🍅香醋芝士鮮原茄原個番茄切件後，配上三哥秘製香醋醬汁，再灑上濃郁芝士粉而成。味道酸甜有致且清新開胃，好適合呢個季節品嚐。🍹鴛鴦哈蜜瓜爆珠梳打以哈蜜瓜汁作基底，加入香茅汁、檸檬汁及赤肉哈密瓜味爆珠調配而成，顏色鮮艷奪目，味道香甜清爽，解辣就最啱😌

三哥有素湯，吃素日就去食，素湯可以選唔同既辣，選左一碗係麻辣，十少辣，另一碗係酸辣，素湯底比較淡，要少米麵都好多。😃😄😁第一次去譚仔三哥食素麵都唔錯。😉🤣😆

最近見到譚仔三哥出咗新嘢 - 螺酸湯米線，螺酸湯米線除咗配海螺片之外，仲有埋麻辣豬皮係入面，可自選辣度，由10小辣到特辣。螺酸湯嘅湯底就唔會話好酸，帶點微酸，而辣度我叫咗10小辣，但我就覺得唔辣，都幾開胃，下次可以試5小辣丶3小辣😅。海螺片同麻辣豬皮都好鯰好入味，海螺片食落仲有鮮甜嘅味道。湯底入面仲有木耳，豆角，荀等配菜，另外我加咗我鍾意嘅豬膶。自選米線自選湯底可以選擇蕃茄湯底，啱晒唔食得辣嘅朋友，但呢個蕃茄湯底一般，蕃茄味唔夠濃。今次配料點咗墨丸、雞肉、牛丸，普普通通啦，冇乜特別。鳳梨藍蝶花香梳打呢杯我覺得麻麻，底有鳳梨渣，但鳯梨味唔夠出，影吓相都幾靚嘅😂葡萄烏龍茶呢杯我就覺得唔錯，有飲到葡萄味，亦唔會太甜。另外我加$16 叫咗酸菜，都幾夠酸，真正嘅酸菜，鍾意‘酸’菜可以挑戰吓😂😂

平時都叫開依間外賣 今次真係差咗少少……土匪雞翼好似冇以前咁大隻 而且乾身咗好多個米線先食到我唔知食緊乜其實所有野都正正常常 係個腐皮好有問題佢煮得太耐 散到乜咁好似食緊腐竹糖水多過食米線……好差成碗都係咁 一pat pat咁然後d餸又比得冇以前咁大方一個兩餸米線加個細土匪咁就收60幾蚊 譚仔三哥已不如以往抵食

譚仔無論咩時候都總會好多人等位，我平時真係好少食譚仔，今日難得中午見到冇乜人等位就去試吓，等咗五分鐘就有位喇蕃茄湯底米線配墨丸，加牛丸番茄湯底唔錯啊，唔會好酸，好適合唔食辣嘅朋友，原來都幾大碗下。麻辣湯底米線配墨丸(10小辣)，另加魚片頭丶貢九丶魚蛋(本身想叫酸菜，腩肉，豬膶，但以上竟然全部都冇，氣噗噗😤)10小辣就唔係好辣，但都覺得夠麻🤤間中食下米線都唔錯嘅☺️特別係鍾意食辣嘅朋友，酸辣、麻辣丶煳辣都可以試吓

平時食開十小辣或者酸辣，見佢出左新湯底，緊係要試下～新出呢個煳麻湯魚爽肚米線，再加多個我最愛既牛演！呢個煳麻湯即係煳辣湯mix麻辣湯，麻麻地辣辣地，仲好香花椒味，辣得好有層次！下次都會再食呀！！碗米線平身就跟好多舊魚肚，薄身爽口好有口感，仲有3舊芥末魚籽鱈魚滑釀豆卜，芥末味豆卜真係好新奇，豆卜吸晒個煳麻湯底，一擺入口好刺激一定要試呀！如果唔想辣得咁刺激，仲可以轉其他湯底，咁就可以冇咁辣咁試到個芥末魚籽鱈魚滑釀豆卜🤟🏻🤟🏻

其實之前食過一次 覺得佢唔太好食三哥出咗個新湯底 煳麻湯搞到我心思思 來試一試佢但最後冇order到 因為過橋米線唔可以配呢隻湯底我叫咗重慶三哥酸辣又係失望 我夾咗好耐1塊腩肉都冇 我將成個米線撩到咁我都費事侍應講返 比漏咗我餸方面 咬落粒墨丸度Oooooo.... 粉的食開聯和墟間譚仔 覺得佢好食好多平時一上菜 第一時間就會飲湯先我老公會秒速KO咗大半碗但今次喺三哥度食 佢食到咁上下停咗手我問佢 係咪唔好食？佢話係以佢平時 食咩都好冇所謂嘅性格都話唔好食我少食三哥 有冇人話俾我知重慶三哥酸辣過橋米線係咪會有榨菜喺裏面？這一間三哥 最值得一讚嘅係侍應姐姐們都好有禮貌因為有禮貌嘅關係我唔會比到負評但唔會再encore Le間三哥

譚仔三哥米線嘅麻辣湯底屬於我個人嘅最愛。一般會依據當日個人情況，選擇5-3小辣唔等。我一般會選擇雞肉，肉質偏瘦但唔會硬，墨魚丸嚼勁十足，彈性OK。豬潤唔會有腥味，處理嘚唔錯。最好食嘅都係炸醬：炸醬咸甜味共存，比起全盤入湯食，我個人更鍾意細細啖食，因為此味道唔會被湯沖淡。過橋米線係擁有選擇困難的人or想嘗試所有鎹的人嘅首選。湯底可以選擇酸辣或麻辣。酸辣就唔辣度嘅等級分別，麻辣可選10小辣，5小辣，4小辣等。內料大概有：豬潤、豆皮、雞肉、魚/墨魚/牛肉丸、金菇、炸醬等等。一份嘅份量適合男仔多d。

今日同幾個朋友仔又去食譚仔✌🏻✌🏻✌🏻✌🏻去到等咗10分鐘左右就有位每人叫咗一碗米線😌😌😌今次我就試吓佢個限定酸菜魚米線 因為近排好鍾意食酸野😊😊😊碗麵大概5分鐘左右就到啦賣相就OK嘅 不過食落去就真係冇乜特別我覺得唔夠酸唔夠辣啲魚片都比較少 食咗幾啖就冇晒啲魚🥲🥲可能我期望太多 之後我就嗌多咗個炸醬所以碗麵先至食得晒如果抱着試食心態去試吓OK嘅不過試一次就夠啦😂😂😊下次唔會再食酸菜魚米線會食返啲傳統嘢😂😂

每次收早放工幾乎都會黎呢到食，好鍾意佢既蕃茄湯同麻辣湯底，好好飲....最緊要係可轉薯粉....彈牙QQ的....另外必叫蒜泥白肉，超重蒜味，愛蒜人士一定鍾意...

相信唔少香港人都食過譚仔😋😋我自己就比較鍾意食三哥嘅譚仔🥳🥳🥳🥳難得佢今日出新野三哥水煮湯鴨血米線當然要去朝聖一下❤️❤️❤️今日係公眾假期所以呢比較多人排隊眼見周圍嘅人都有試三哥水煮湯鴨血米線等咗大約10分鐘就到啦🤗我只覺得啲鴨血冇乜特別 其實好似係啲即食鴨血咁 好普通 如果想純粹試一試 我覺得OK嘅但係如果要排咁耐隊食三哥水煮湯鴨血米線🤣🤣🤣就唔好啦😯😯😯如果俾我揀我會食返啲普通米線算🥵🥵

心血來潮想食酸辣，好自然就諗起三哥嘅秘製酸辣湯底，之後又好自然咁去咗搵三哥解饞😋🍜酸辣魚片米線魚片份量唔少，夠晒鮮嫩又唔腥，而且仲要無骨，真係可以盡情大啖食😋再配埋惹味嘅招牌酸辣湯底，呢個配搭絕對係perfect match👍🏻🍆蒜燒茄子茄子切成小段，以蒜蓉及三哥秘製紅油燒製而成，茄子蒜味濃之餘仲夠晒入味，真係食唔停口，蒜蓉控必試😍🍹熱情查理呢杯以熱情果青檸果茶、芒果菠蘿果凍及菠蘿片調製而成嘅特飲都唔錯，熱情果味都幾特出，果凍又Q彈，重點係味道唔會太甜，配酸辣米線一齊食就啱哂👍🏻

作為食午餐嘅地方， 譚仔三哥都係好常食嘅一間餐廳，因為容易叫，價錢又唔算太貴，50蚊上落。今次都係叫左雞肉貢丸麻中辣。同沙田廣場果間相比，貢丸比較實所以比較好食。不過米線都係好煮得太耐，唔彈牙。下次試下叫佢唔好煮咁耐先。之前都有幫襯過呢間，當時可能因為新開，所以出菜速度好慢，今次唔知係因為疫情關係定佢地熟手左，出菜速度真係快左好多。飲品就叫左凍奶茶，其實佢地沖凍奶茶嘅水準好唔穩定，所以平時會叫凍檸茶，不過今日食中辣，所以改飲奶茶保護個胃，如果大家想挑戰辣度，都可以叫奶茶飲，咁就無咁傷胃。今次杯凍奶茶就不過不失啦。

譚仔三哥出新野嘅速度都幾快！見佢今期有有2款新小食同飲品！一樣叫咗碗百食不厭嘅蕃茄湯底牛肉米線！最鍾意湯底上面大量嘅搵茄蓉！講返2款新品先！爆辣小豬件真係每件都灑滿晒辣椒粒！除咗充滿咗陣陣嘅辣味之餘，仲有陣炭燒嘅香味！食落口初初唔算好辣，但之後慢慢辣出嚟！真係辣得好刺激！好辣！好惹味！好彩叫咗杯凍柚子桂花茶！都係新品！入口酸酸甜甜，柚子味比較出，仲會有啲柚子肉喺底～清爽解辣！另外見到仲有杯三哥賓治，寫住5小辣！有啲好奇會係咩味！下次試吓先！....譚仔三哥米線 (粉嶺)粉嶺新運路33號粉嶺中心地下