譚仔三哥米線 (南寧街)

營業中

休息中

店內無人手，手機落單好垃圾，無wi-fi, 差勁服務，根本無心比優惠，完全唔掂，連想用會員迎新優惠都唔得，根本搵人笨，同其他餐廳相比，有比較有傷害，我絕對要給予負評

今日打算去試新出品嘅日式麻辣黑蒜油味噌湯米線加腩肉卷同溏心蛋 湯底好似日式拉麵加入中式辣油花椒的味道挺不錯，但是呢間三哥似乎沒有同區嘅譚仔足料 配料沒有譚仔的多同豐富如果去香港仔的話好似附近嘅譚仔會比較足料以及口味適合重口味嘅我😋在香港仔我會選擇譚仔的重慶酸辣多過三哥的三哥酸辣 另外坐低點菜時 似乎要等很久才有人理會 似乎比較混亂

譚仔以前的味道很獨特，讓人聞到就會垂涎。如今味道大不如前。常在這家店鋪買外賣，水準每次都不同。今次叫來更是失望，土匪雞翼沒有香味，過橋米線除了辣沒有其他味道，尖椒皮蛋只剩下鹼味，蒜泥白肉沒了蒜香。價格是越來越高，食物質素就是越來越低。明顯感到自從上市以來譚仔便不再注重質量和口味，衹是一味擴張。以前一周吃一次，後來變成一個月，如今我也不知道下次什麼時候才會想再吃這個每次都令人更失望的米線。希望變回從前，還是不要幻想了。

好耐無去香港仔做野，今日去香港仔，突然想食三哥，叫左一碗鷄肉米線，等左15-20分鐘左右，到左(如果肚餓，其實比其他分店較耐)，上枱了，筷子一了，得2啖米線，5舊鷄肉…係咪香港仔住既人細食，還時香港仔份量有吾到…好奇怪好好奇，吾怪得午飯時間都吾洗等位，但食物20分鐘先上得枱。應該再去香港仔都吾去

今日本身好開心幾日都落雨 難得可以落街食lunch就簡左三哥不過呢間野真係唔係好掂d 姐姐 唔亂 定執台 跟單 都係睇你唔到叫左幾次都係睇我唔到要再大聲d 先聽到你講野都不單止呢樣 今次我d 米線仲係成舊ge真係未煮熟lo😔😔😔😔不過佢都有再換碗俾我嘅而我朋友碗麵 快腐皮 仲係幾層咁癡一舊佢就換左塊腐皮俾我朋友今次換左之後 d 野食我覺得都係好嘅不過三哥嘅牌子真係俾d 姐姐搞衰 咁樣ge 服務態度 變得嘎😡😡😡😡😡

香港仔 - 三哥米線這天下午去了一轉三哥食野。叫了數樣食物。😋😋叫了一碗米線，米線湯底揀左番茄湯（+$2），揀左豆卜、墨丸。另外叫了個土匪雞翼（3隻），以及香烤芝脆豆腐餅。圖一：米線，番茄湯底，豆卜，墨丸番茄咪濃，米線彈滑，不太硬。墨丸豆卜還可以。湯唔錯。幾好味。圖二：土匪雞翼（三隻）土匪雞翼幾好味，入味，黑胡椒令呢個雞翼天好味。雞肉滑嫩生熟程度適中。值得一試。圖三：香烤芝脆豆腐餅見有新菜式，便試試。是期間限定。芝士味唔太出，個餅幾滑，混合左一些肉類，似豬肉。呢個餅唔錯幾好味。總結： 碗米線唔錯，雞翼值得一試。😋😋

星期日夜晚落街快食個湯粉。晚上6點唔算多人，但員工姐姐唔夠人手，落單要等收錢要等，因為我見到成間鋪只有兩個員工，一個落單上菜，另一個收銀聽電話。如果咁啱有街坊客落黎吹水，你要等佢傾完要足足5-10分鐘，仲要傾到全間鋪都聽到😅⋯⋯食物好快到，過橋米線兩人食剛剛好，糊辣最易入口唔好太搶味。食材普通唔算特別新鮮。一人小食豬脷唔錯，口水汁惹味。蒜蓉燒茄子🍆燒完熱辣辣，蒜蓉多好香，茄子比較細條，不過小食可接受。

香港仔呢間譚仔三哥人氣旺盛，中午時間要等位要搭枱係常識吧。由於係大馬路旁邊，食客外賣客會出出入入，令佢中門大開，飛蟲蟲蟲容易飛入黎餐廳🍴，要有心理準備。入面冷氣十足，但坐位擺放奇奇怪怪，二人枱擺放左雜物，長枱多亦要食食下起身讓坐俾人搭枱。不過食物質素正常，食材好味熱辣辣，落單姐姐快手。叫左少麵都真係少麵，走蔥都有跟足，湯都足夠。整體來講可以接受，想食都會再幫襯。但如果怕夏天飛蟲烏蠅多咁就要去少啲啦。

見到譚仔出了新的菜式，既喜愛吃米線又喜愛吃酸菜魚的我可是既期待又興奮，因為平時吃酸菜魚都主要配白飯。雖然說是新菜式，但其實跟平時的酸辣湯底是差不多，只不過有酸菜另上。由於酸菜都是一粒粒細顆的，而不是像其他酸菜魚一樣整片上，所以口感方面會差一點。魚肉方面，魚片是連魚皮的，肉質是爽脆的，不是軟滑的那種，脆的程度大概和豬耳差不多。而且吃下去的有細骨，要小心點吃。由於太餓，所以今次加埋腩肉做餸，感覺蠻夾的。整體來說，$39蚊有酸菜魚和米線同時吃到的確是蠻抵吃的，但是味道方面不要跟平時吃的酸菜魚比，因為譚仔這個畢竟是酸菜和魚片分開上的。

今日要入香港仔做野都好似無咩好食見到有譚仔3哥就想是旦食碗米線叫左3哥酸辣雞肉湯底係惹味 但略咸 應該好高鈉間唔中食下就可以加上太多辣椒碎 食完要小心D唔係D 牙會痴住 有D麻煩米線質素可以啦 間唔中食一餐午餐都係一個選擇的.....

-譚仔三哥近年都多多搞作！最近又出咗新野: 酸辣撈薯粉🌶 配上獨創三哥酸辣汁，好開胃又惹味。我幾鐘意薯粉個隻煙煙韌韌既口感，本身已經跟咗豬耳雲耳青瓜絲！成個配搭好fresh，一齊食好爽口👅 仲可以自選辣度，我覺得個汁偏辣既，所以初嘗者建議揀番預設辣度-五小辣。夏日炎炎當然唔少得加杯冰凍特飲，加埋杯咸檸梳打🍋鹹鹹酸酸，解渴又開胃！

大約13:40到門口，門外有好多人結集，有d係外賣團隊，有d係等「外賣自取」，塞住咗個門口。 阿姐好忙，我想堂食，喺門口想攞張🎫都等好耐。 阿姐俾🎫我嗰陣度咗我體溫，當我有位可以入鋪嗰陣，阿姐又想再度多次體溫，佢應該真係太忙喇🤦‍♀️ 米線都比平日要等耐多10分鐘，廚房都應該做唔切…… 當我碗米線上枱時，我又見到d我唔應該見到嘅嘢🤦‍♀️ 我冇叫阿姐埋嚟，因為我估就算叫佢換俾我，佢都係「」走隻昆蟲，再拎返俾我就算，所以我自己撈走隻昆蟲就算了。唔知隻昆蟲幾時跌落碗米線度，不過希望店員都注意下🙄士匪雞翼就正常👍上個月食三哥，叫三個餸就送飲品，不過今次去就冇咗呢個優惠。😔

呢幾日天氣咁凍，最啱就係食番碗麵暖下個身。小弟一向食開麻辣或者糊辣湯底。見咁耐無食糊辣，呢日就叫左糊辣湯底糊辣湯底好重糊椒味，又有d孜然粉味，湯底飲落會比起麻辣更加暖身，冬天啱哂墨魚丸好好食，唔會好似食麵粉咁！食完超滿足

好耐冇食過譚仔今日特登去食，發現原來佢有新menu, 叫做胡椒豬肚米線。咁我就叫咗一個黎試下，我仲加咗墨魚丸。佢個胡椒湯底其實都幾正，我叫咗十小辣，豬肚分量都算多，墨魚丸有四粒。 整體嚟講其實都唔錯。

估唔到星期六先來落雨，係屋企坐到中午都唔知食咩好，最後決定同屋企人出香港仔食譚仔米線。叫咗清湯墨魚丸米線，雖然知道譚仔嘅辣係好多人鍾意，但係自己食唔到辣，所以淨係叫咗清湯。最鍾意譚仔米線嘅米線份量十分足夠，一定唔會食完唔飽。雖然食完有啲頸渴，但係譚仔風味真係特別，久唔久又想嚟食下，有啲掛住佢咁，可能係下一個下雨天會再嚟食過。