譚仔雲南米線 (已結業)

今日中午繁忙時間約左TRATRA試哩間米線我入到去剛好只有一張4座位空枱於是我坐下等佢,等左4個字有個阿姐先問我幾多位期間好多人入好彩冇比人吹叫野食等多一個字佢終於到了兩個都要清湯,清湯幾好食完唔會口渴我要雞同生菜佢要雞同豆卜另叫一個細土匪雞翼(3隻)但我冇食到因為好熱氣佢話幾好食....D米線幾多下喎

中午被老婆仔拉著去食譚仔米綫，今次係試TST分店~ 外面下著大雨，非常狼狽地來到就算是落大雨也沒有影響到生意~ 店內是1如地多人~ 空檯是不可能的了~ 只好找個少人的檯坐低試過小辣太辣了，也試過清湯不太夠味~ 今次整個5小辣，是最少辣的1個湯底今次還是要返豬腩肉，絕對是信心的保證~ 試埋牛肉~ 老婆仔則要豬潤+雞肉~牛肉少韌，較為乾身，不如理想，還是豬腩肉好食~ 發現了原來豬潤很不錯~脆脆的1咬便斷，火候是剛好不會過老~ 非常滋味！值得推介~5小辣辣度係岩岩好合我口味~ 痲勁依然，但絕對可以帶湯送粉，是叫對了~平時是很少碰痲辣的食物，因為通常都會頂唔順而且麻痹而食唔出其他的調味~但譚仔真的做得非常好，配起米綫及各種湯料都很搭，香味也出得離，很不俗~ 是滿足的午餐

人人都話呢間野好好食..有咁多人排隊..其實我係一個好鍾意食河,麵o個d...米線當然例外啦..其實,我都唔知佢有咩好...阿姐梗係同你講咩都好啦...咁我叫左一碗$37咩都有齊..仲有一個土匪雞翼...味道其實只係一般...的確唔似其他人講得咁好味道...特色可以話係無咩...雞翼就幾好,值得讚係d野好夠熱...但係如果唔使排隊..咁都可以食下..如果要排幾個鐘,真係唔好喇...

今日試試酸辣湯底, 都幾好味, 酸味似酸菜的酸味, 而辣得幾麻, 味道對我來說就真係o岩o岩好! 好醒胃!我很欣賞這裡的墨丸, 有六粒咁多, 而且好鮮味, 加上少許腐皮、韭菜和芽菜, 一碗已經食得飽飽了!

上個禮拜同老婆放工黎食左米線套餐及雞翼，樣樣料都可以試下，但米線唔夠。 今晚黎叫左兩碗三小辣，米線一如以往稔左少少，湯底夠味，配少許腐皮，芽菜和韭菜： 雞肉牛肉 - 牛肉實實地，雞肉絲沒有雞味，但就依舊稔滑。 雞肉竹笙 - 雞肉同上，竹笙軟，吸埋湯既麻辣。 雖然尖沙咀譚仔味道無其他分店好，但勝在就腳，會 keep 住黎既!

近幾日都在旺角尖咀出現, 見到幾間譚仔, 近晚飯時候,不如去試下, 一食之下, 好差, 無味無道的付皮都可以, 酸菜完全不是雲南style, 一句都尾無味無道, 睇長張相可以感受下..

尋晚同fd去食米線，其實譚仔個名我就聽左好耐，但未試過，我order左一碗腩肉炸醬酸辣米線，米線好滑，腩肉亦夠林，好好味，炸醬都唔錯，酸辣湯底唔太辣，酸味都足夠。整體米線係ok嘅！朋友order一客香草雞翼，雞翼嚟到，隻隻都好大隻，肥嘟嘟，第一口食落去覺得....嘩，好大陣味呀，好臭，原來香草味係好難食，我覺得係一陣臭味囉！阿姐服務態度唔錯，做野快手快腳，醒醒目目！

練完劇, 同ａctor們黎左黎到食~ 成日聽d fd講好食, 今日終於有機會試試喇!我自己叫左一個三的米線, 有牛肉．魚蛋．生菜, $20一個, 加$4多一個, 另外加$5就有杯飲品! 比我想像中大碗...而且每樣料都好足! 你可以見到o個到有幾多菜xdd 個魚蛋都好彈口~ 牛肉都好好食! 食完成碗真係好飽! 另外一個係米線套餐, 有哂十七種料~ 另外兩個女仔share食一碗都食唔哂呢...o個個就$37~晚餐黎呢到食真係好抵!!

常聽說這間的米線很大碗,但今日食過, 碗的確算大但米線很少, 我懷疑是我這碗弄錯了吧,因為我看見其他人的都有很多米線啊!基本上都算好食, 但較為醎了一點。

平時返工就成日同同事黎食,就快變成我地既飯堂,初初對佢冇咩好感,不過食下食下又覺得唔錯今日中午又去左食,今次叫左雞肉炸醬米線,五少辣,唔記得叫阿姐炸醬分開上,因為我發覺分開上炸醬會多好多,雞肉次次都好多,好味,炸醬好香,好開胃今日竟然聽到有人叫大辣.但見佢一路食都竟然冇問題,利害!!!提議:如果中午去食,最好都係下午2點後先好去,因為2點前都係好多好多人

以前試過清湯和酸辣湯底, 今次試一試麻辣味湯底, 辣味都分成十幾級,真係唔知試邊級好,平時都好鐘意食辣野, 所以想試4小辣,但我問過落單亞姐,佢話5小辣都幾辣,咁我就驚驚地,終於都係試5小辣先啦, 我叫了單餸墨丸米線,有成六粒丸喎,試一試個湯,都幾辣喎,後來仲越食越辣, 但係都幾好食。5小辣都有咁辣,真係想知有無人食到大辣呢!?

見到官塘那間譚仔米線成日都滿座又要等位,所以從來都無去試過,某日下午到尖沙咀這間見到裡面唔係咁多人,所以入去試試! 叫了碗一餸(墨丸)的清湯米線, 幾好味, d湯都幾清,有六粒墨丸,都算多,而且每碗米線都有少量九菜、芽菜和腐竹, 所以叫一個餸都夠, 這裡的地方幾大,又可能唔係繁忙時間,所以唔會太迫,坐得算舒服, 唔錯喎!

地方其實近尖東~都OK難搵不過佢好就好在~無咩人~唔使等~又唔使同人地搭檯~亦可以因為咁樣~D WAITER都好懶懶閒咁~唔使好耐~就上檯了~食物份量比起其他任何一間都要少~(AT LEAST 1/3)而且辣求程度麻麻~飲品OK~雞翼都好好食~兩餸面要麻辣加一杯凍檸茶要31蚊~比起SHUM SHUI PO貴左ABOUT 5蚊~唔SO!下次都係去其他既會抵好多~

同事不停地說譚仔的麻辣米線很好味，於是今天晚上和BF去了一試！未去之前，已經從同事口中搜集了足夠的資料，豬潤/ 雞肉/ 墨丸是必食，推介土匪雞翼。因為我未是太喜歡豬潤的關係，所以已經想好食雞肉&墨丸麻辣米線(小辣)！而BF想了想，揀了豬潤&牛肉麻辣米線！很好味呢！雞肉&墨丸的確不錯！雞肉很滑，墨丸真的有墨魚粒，而豬潤簡直surprised me so much！很爽呢！突然愛上了食豬潤，哈哈！我想我下次來食，一定會order豬潤！至於土匪雞翼，其實我覺得只是一般，還是喜歡KFC的巴辣香雞翼！

星期日跟朋友來了這裏食米線,叫了一個腩肉,魚蛋酸辣米線,朋友叫了一個豬潤腐皮酸辣米線,另叫了一客土匪雞亦,一個麻辣涼瓜,米線的份量很適中,湯底雖不像其實的酸辣很濃及深色,但我覺得也很入味,魚蛋很彈牙,很好味,腩肉及豬潤也很淋,很易人口.雞亦很特別的味道,不是炸過的,應該是半煎炸的,上面有些黑芝麻,很香吃惹味.麻辣涼瓜涼瓜很苦,但亦可以接受,涼瓜的苦加上麻辣的味道,加起來反而易入口.