譚仔雲南米線 (已結業)

有一個事實, 這裏很多人幫襯, 主因應該係價錢平又品質好,湯底甘香鮮甜不膩, 是真正的” 開飯之選!! 每晚都人山人海, 和對面越式麵鋪的冷清, 形成强烈對比!!其中這個賣$39的過橋米線套餐, 一定係”帶旺場” 的主要兇手, 一碗份量極重, 有齊17種餸的米線, 絕對足夠2人品嘗, 加一杯餐飲品6蚊給自己, 再加一杯$11蚊原價給愛人以視尊敬, 兩口子妳食牛丸, 魚旦, 墨丸, 竹笙; 我食雞肉, 火腿, 豆卜, 腐皮; 談笑風生, 再合力挑戰牛肉,豬腰,九菜,生菜,芽菜,酸菜,豬膶,腩肉, 乍醬, 最後打埋大佬--米線, 一齊爆機, 多開心的高興, 埋單都不用60蚊, 超級超值, 去那裏找!!!

一家不吃辡的, 點了一客過穚米線套餐, 清湯底.想不到..... 這家店不下麻辡, 郤下很多胡椒.....吃得我們很痛苦... 我和囡囡吃得眼淚也流下來.....雖然如此, 用料仍然要讚一讚. 各款肉也很滑也很好味. 但實在很辡. 眼淚直流.... 很難忘的父親節.下次不吃了...

今晚在譚仔尖沙咀的分店吃晚飯，叫了一碗牛丸豬肉清湯米線、一碟土匪雞翼牛丸豬肉清湯米線的清湯湯底依舊的清香可口，實教人把整碗的湯底喝下牛丸、豬肉也沒有甚麼問題，大致是維持一貫水準反而是米線有點硬的，似是未煮熟透，便拿出來了土匪雞翼依然是香噴噴，香脆可口這家分店的伙記效率、禮貌唔錯，服務水準確比另一間我經常光顧的旺角分店為佳

今日叫左唔辣 , 腐皮 , 蘿白米線因為真係太淡 , 落左1 滴辣椒油成豌野都係勁普通d 腐皮 蘿白 同米線跟本同自己屋企煮既一樣~ 除左佢有落味精,屋企唔落之外飲左4份1個湯匙既湯 , 好重pepper 味之後一直返到屋企都有d 口乾....想飲水雖然唔算好口乾 , 但係我只係飲左小小湯已經咁樣可想而知 佢d 味精應該唔少我知佢出名係辣野 , 但係係咪整清湯底就要咁冇heart 呢??坐得唔舒服 ,扣分唯一可以讚係米線夠多 , 上菜夠快 ,同埋唔貴囉service 不過不失

昨天晚上同朋友來了這裏食米線,嘩,幾時都咁旺場,幾乎成間舖頭都坐滿人,我們兩個人叫了一個雞亦,雞亦有三種味道的,一是普通煎的,一是土匪雞亦是辣的,一是麻辣雞亦,我們今次叫了普通香煎那款,都煎得好香口呀,唔辣既,都好味呀,d肉較滑,因想食拍青瓜,所以叫了3隻小的,大的是5隻的.拍青瓜是辣的,有一些辣醬及辣油係面,但都不算太辣,好味呀,辣辣地好開胃的,份量都幾多架.細細條容易入口.我們叫了每人一碗米線,朋友叫的是腐皮腩肉酸辣米線,我叫的是豬潤腐卜酸辣米線.都好快就到,都幾大碗的,我的豬潤腐卜都好味喎,豬潤好粉好味,腐卜都好大件的,好入味,朋友的腐皮好滑好味,豬腩肉唔肥都好味喎.走的時候門口還有好多人在等位呀.

補返先!!呢日同BABY突然話試下去食見到餐牌有個套餐!咩都有!!!我仲懷疑緊幾大碗!問呀姐大唔大...因為驚食唔落,佢話一個女仔都食得晒WO!!!!咁我地再叫多個面LA!!WA!!!!!一黎見到都知食唔晒LA!!!! 佢咁做野都得既!!!!而且又唔係好食WO!!!!我去樓下果D 細舖頭都好食過佢LA!!!!!!酸辣湯底OK LA........但唔值LO我覺得!!!!食到勁飽= ="

好耐無食過譚仔呀今晚同honey去完紅磡走過嚟食面呀過橋米線,乜都有好滿足呀,但點解無咗豬潤呀???(難道豬流感)二個人食其實都ok夠架, (細食者) 佢吔既酸辣湯好好飲呀, 我差不多把整過過橋米線既湯飲晒呀....(飲都飽晒呀..haha)如果我屋企或返工地方有譚仔就好呀

昨日下午去尖沙咀某商場看櫻花前, 來了這裡吃點東西. 清湯下午約二時, 出奇的少客人, 不用排隊兼可以揀位! 坐下來後, 點了清湯底的豬潤米線, 牛肉米線和過橋米線套餐. 豬潤基本上是ok的, 但牛肉切得大小不一, 而且有點韌, 又用了鬆肉粉去醃牛肉.....有點失望. 過橋米線則是大雜燴, 每樣材料都有一兩件. 味道其實只是一般, 酸菜醃得太酸; 炸醬帶甜味, 有點怪怪的; 其他材料也只是一般貨色. 而每碗附上的芽菜,韭菜同腐皮, 又好像比以往的少了.大嬸們的服務就一點也沒變, 依然咁差!! 真不明白, 這裡的食物水準又不是特別好, 價錢又不算很便宜 (最近已經又加了兩元!!), 為何間間分店的門外, 不論何時, 都經常排著長長的人龍, 真的這麼值得追捧嗎??

同男朋友行街街.搵地方食野.正好見到譚仔 我男朋友都好鐘意食辣野我叫左雞肉 貢丸麻辣雞翼米線 中辣男朋友叫左腩肉貢丸米線我碗黎左先.雞肉都算嫩口.貢丸本身平平無奇.隻雞翼真係好正.麵質都唔錯.唔淋唔硬唔錯.辣都係覺得一般.因為我要中辣腩肉貢丸米線嘩 正呀.米線本身可口，腩肉也很香口，與湯底配合不錯.確實辛辣.非常刺激加一杯凍野飲(凍檸茶)都係加多$4食到飽飽都係廿零蚊一個人

成日經過太子同尖沙咀譚仔見到咁多人等, 諗緊係唔係好好食架結果終於入去試...酸辣湯唔酸唔辣可能鍾意食濃 d譚仔米線唔係咁岩我土匪雞翼亦唔算好食d 味怪怪地~結論係...名大於實!服務仲要係差到爆以為自己好好生意~我覺得厚福街雲南米線無論食物質素同服務質素都高呢度一班~

每次嚟呢度都係食酸辣過橋米線~今次男友想食麻辣喎! 就下佢啦~其實麻辣都好味~ 只係覺得個湯油咗D我鍾意酸辣係因為個湯唔油,可以飲多D今次只能飲少少啦~ 但係並不是不好味喎~會再嚟食架~但可否在港島區開一間呢????

呢日約左朋友仔出街飲野，未飲之前要打打個底，佢介紹我來呢度食個米線﹗呢間野聽就聽得多，食就真係第一次，食完之後我終於明白點解咁鬼出名﹗由於減肥，餸都唔敢叫得多，只係叫左個雞肉小麻辣米線﹗配菜如芽菜酸菜腐皮等不算多，大家食的鍋仔麵一定多過佢﹔先試湯底，望落清清地，入口麻得一陣陣，我只係叫左個小辣，估不到會有如此效果，成個咀就似腫了痺了一樣，開不了口，相當過癮﹗雞肉已去皮夠健康都幾嫩滑，要再讚的是米線，一向對米線都麻麻地鍾意既我，估不到米線可以做到如此彈牙﹗平日出街食米線，總係又腍又易爛，呢度的是煙韌的，不易斷之餘亦有嚼勁，唔錯唔錯﹗一路食一路流汗，睇睇餐牌原來小辣是分十級的，早講啦，叫個最少的好了﹗

作為譚仔的常客，一如以往叫了一碗清湯米線但今次的清湯，真的失準了沒有譚仔清湯米線獨有的鮮、甜雖然米線仍然是爽口，其他配料仍然用料十足但湯底畢竟是米線的靈魂，也是譚仔的招牌貨今次失準，我要給他一個了

終於有機會到訪獲得不少好評的譚仔，一嚐其出名的米線。一向喜愛以粉麵作為主食，當中尤其愛吃米線，貪其爽滑彈牙的口感。但要搵一間能夠真正煮出爽滑彈牙的米線，則並不容易。在平日的非繁忙時間（下午2時），店內依舊坐滿客人。不過要搵位也不難，因為座位不算舒適，客人一吃完便埋單結賬，不會久坐。和朋友找到一張小圓枱坐下，點了竹笙及炸醬，配酸辣湯底。朋友則點了豬腩肉及豬潤，配清湯。另外再加點一客細的土匪雞翼。落單後不久，阿姐便送上兩碗米線。從湯底的外表看來，完全分不出哪個是酸辣，哪個是清湯。最初還以為自己說漏了要酸辣湯底。吃下來才知道湯底真的是酸辣呢！　第一口感到微微的酸，再吃辣味隨即湧現出來。嚐辣的我非常喜歡這種酸辣的味道，十分開胃惹味！竹笙吸收了湯的精華，變得辣辣的，正！而米線亦表現出色，能做到爽滑彈牙！至於炸醬則顯得較為普通，可能因為沒有另碟上的關係，味道似乎被溝稀了。除了自選餸之外，每碗米線都附有少許韮菜，芽菜和腐竹。當中的腐竹最得我心，充滿豆香，吸收了湯的酸和辣之後更顯美味。朋友表示他的清湯也不錯，湯底充滿鮮味。豬腩肉是肥瘦相間的豬肉，但不會太肥膩。豬潤煮得不會太老，咬開一半，內裡還是嫩嫩的

2009 年1月2日 星期五 (入冬以來最冷的一天)昨晚返學前, 一定要吃點東西, 因為太肚餓時, 我會無心機上課! 諗來諗去, 不知吃什麼好, 天氣這麼冷, 想吃一些可以暖身的食物, 突然想起, 食辣會保暖喎, 不如食辣辣米線啦.....但最終, 我是揀了酸辣湯底, 而不是麻辣, 因為太辣我驚自己受不了啊! 我只叫了一個餸, 要了腐皮, 因為唔想吃肉了, 最近吃得太雜, 自己的腩肉都出晒來了! 本來諗住要腐皮可能會唔著數, 因為其實這裡的米線是每碗都會附送芽菜、韭菜和腐皮的, 但原來都唔會喎, 有好多腐皮呀, 但返而芽菜和韭菜就少了一點了! 很有豆腐香味的腐皮浸著酸辣湯裡, 更見入味, 韌韌地的腐皮, 真係好正~ 米線唔會太焾, 夠爽滑,o岩o岩好, 又係正~今次酸辣味唔會太辣, 又夠酸, 醒胃就不在話下, 刺激到味蕾, 那種感覺就算現在想起都垂涎欲滴, 我最讚賞是這裡的辣味不是靠辣油做出的, 所以就算幾辣, 都不會有很多油份。我連湯底也喝了大半碗, 真的全身暖晒! 一個餸的米線$22元, 大大碗, 酸辣湯底加一元, 以$23元的價錢來說, 絶對合理。我絶對推介酸辣湯底!