譚仔雲南米線 (已結業)

今日lunch去了食米線, 餐廳內坐到滿滿, 好不容易才搭到枱。我選擇酸辣湯底, 而餸方面, 我選了牛肉和雞肉。 雞肉好碎, 無乜味, 無雞味又無肉味 ; 而牛肉算幾滑, 。 原來酸辣味好刺激, 又酸又辣, 食到最後, 真係標晒汗, 冬天食一定可以保暖。整體來說, 這裡的米線唔算差! 可以再幫襯的。

食過幾次酸辣米線次次都唔同味的今次同honey share小鍋米線, 貪其咩都有米線少左d, 餸就多杯奶茶唔錯, 唔太甜, 不過比其他譚他分店貴~

我都有一段時間冇食譚仔，今次再食，叫左豬潤清湯米線，真係好，依然份量好足，米線夠爽，仲係保持水準，唔駛叫野飲，已經夠飽

今天光顧，叫了一碗清湯米線、一碗則是五小辣我每一次吃清湯米線，總喜歡連湯也喝掉，因為實在太清甜鮮美了但五小辣... 如果我整碗喝掉，明天我的喉嚨可能出不了聲呢！還是清湯米線最好！

今晚返學前又到譚仔食米線, 今次食竹笙酸辣湯底, 一個餸都夠了, 我一向都唔大餸的, 而且每碗米線都會附加一些芽菜、韮菜和腐皮, 都算幾大碗。對我來說, 酸辣湯底都幾辣, 又酸又辣, 的確好醒胃, 但食食下真係眼水鼻水都流出來, 你咪話唔辣呀! 竹笙吸了酸辣味, 好正! 米線都煮得o岩o岩好, 唔會太焾。 我諗下次都係要清湯好d 喇, 費事食到咁樣衰啦。

黎開尖沙咀食晏, 不期然就會去譚仔, 上次試左小辣出左事, 今次都係安份守己食三小辣好啦. 今次都係食雞肉同腐竹, 雞肉滑得黎都幾大塊. 腐竹好好味, 唔單止吸晒d湯, 仲係滑一滑咁. 好過上次鞋"拾拾"果d好多, 起碼唔會好似食緊膠布咁先啦. 凍檸茶一大杯, 依樣解渴. 同枱嘅兩女一男係度爭論緊邊間嘅譚仔最好食, 有人話係深水埗, 又有人話係旺角, 可惜我只係試過尖沙咀呢間同旺角果間, 無得比較.

＄３９元的綜合米線,有齊所有餸-魚旦,牛丸,墨丸,火腿,竹笙,牛肉,雞肉,豬膶,乍醬等,足足有17種餸,一定足夠２個人一起分享;湯底有３種-清湯、酸辣和分了很多級的麻辣;我這次選了酸辣,很好味很甜,令人很開胃,不吃辣的也可以接受;下次我一定再試麻辣,因我喜歡辣;它們的麻辣分了９级,最辣是特辣,跟着是大、中、小、２小、３小、４小、５小和１Ｏ小,相當仔細ｏ

因為近返工所以久不久都會來通常我都係點竹笙雞肉清湯口痕時會加3隻土匪雞翼不過我還是好懷念長沙灣有黑柏葉果間

老公知我鍾意食米線就特登同我出尖沙咀食聞名以久的譚仔'正值lunch time'幸好我地早左小小到'等左一陣就有位'因為老公一早做晒research'坐低就叫得'只可惜人太多'等左好一會先有人幫手落單我地叫左:腐竹墨魚丸米線...最愛大大塊腐竹仲要夠多'墨魚丸都算大粒帶點醒味'彈牙但個人喜愛實實的墨魚丸.炸醬豬肉米線...老公說炸醬辣得來夠香'就算食到出汗都要食'豬肉太細欠咬口'下次再出尖沙咀會再去食

以前听老師和同學 講有呢間鋪 前幾日 去TST 搵朋友 見到 好奇 同好友 阿風一起去嘗試呢間聞而不知道何味的 阿仔店哇 d料好夠 有我最喜歡個 湯好鮮 好甜 牛肉墨丸米線 我要求清湯現在這個季節 清而鮮甜的米線 加上牛肉的味道 正有時間 會再嘗試新的菜式^^ 希望有新的寶藏

又黎譚仔啦, 不過今次黎左尖沙咀呢間. 上次分別試左三小辣同麻辣, 今次就梗係要越級挑戰啦. 就黎個小辣啦 ... 唉, 點知 ... 原來我嘅道行仲未可以應付呢個級數. 唔知係咪因為對我黎講太辣, 食左一陣已經流鼻水啦. 不過個湯仍然係好濃郁嘅肉味, 又香又麻. 餸就要左雞肉, 竹笙同炸醬, 雞肉好滑而且無旺角果間咁碎. 大大塊, 好味. d竹笙吸晒d湯, 真係無得頂. 炸醬都幾好味, 怪不得咁多人食啦. 飲埋杯凍檸茶, 又一個好心情.

上次行經尖咀入左去一向唔中意食米線既我，竟然想第２日再食過我個日叫左既係：炸醬，腩肉，墨丸配清湯佢個米線會有埋付皮跟俾你～一啖米線跟小小既炸醬真係好好食！！另外佢地仲有蒜泥白肉都好好食！！

聽人講左好多次都話呢度好食, 今日放學終有機會試下望個餐牌, 唔係好多選擇, 心諗可能係個湯底好味喇只係一個送既米線都要$22, 湯底如要選擇"酸辣, 麻辣(分5級)"各要加$1, 而清湯就唔使加錢既, 但我見舖頭張貼左通告, 話而家湯底係特價, 原價係$3添....好老實講我覺得唔值囉今次試食"豬腩肉酸辣米線" + 凍ot (加$6)餐牌講明每碗米線內有芽菜, 腐皮同九菜不過我食左一啖就覺得真係非常之一般, 南記好食過佢囉d九菜灼到黃既...都唔算新鮮米線質感麻麻

星期六十二點幾放工 , 心思思想食譚仔 , 由北角往尖沙咀 , 去到點零鐘 , 星期六依然多人. 坐低點左腩肉 , 竹笙 , 睇食評d人成日讚墨丸好 , 於是放棄了豬潤........點了平日點開的中辣湯. 墨丸一般啦 , 不差 ,但覺豬潤好d , 腩肉好入味 , 竹笙好像少了一點 , 因我吃得辣 , 中辣已不是很辣(因我每次都點呢) , 但有次去福榮街店 , 中辣 已吃到頭痛...........且尖沙咀配料好像比其他分店/總店少 , 但我依然會去 , 因交通方便 , 但有沒有人可告訴我 , 尖沙咀店大辣會有幾辣 ?

我一向都很讚賞這裡的米線, 大碗又足料, 新鮮又美味, 吃後很滿足!最近吃肉太多, 所以今次想食清淡一點, 要了竹笙和酸辣湯底米線, 因為會送少許韭菜和芽菜, 所以我覺得一個餸已足夠了。酸辣湯底夠酸又夠辣, 真的很搶口和醒胃, 又有點刺激, 有說不出的感覺! 竹笙吸收了湯底的酸辣味, 味道很特別, 好正~可能竹笙較貴價, 所以比其他餸收多一元, 但我覺得比起食肉好, 比較健康。