譚仔雲南米線 (彌敦道)

營業中

休息中

心思思想食辣嘅米線，所以就喺呢度嗌左一碗辣嘅米線啦！我同朋友兩個人決定帶一碗辣嘅過橋米線，重慶中辣，估唔到朋友係咁食得辣，而我都好期待中辣嘅味道，希望啦得來唔會過鹹啦！等左一段時間就有得食啦，上菜嘅時候碗麵仲係熱辣辣，中立嘅味道好香聞落去已經感覺到好香嘅辣，真係開胃。雖然米線嘅份量好似少咗，不過配料嘅份量就同以前一樣，湯底嘅味道唔會過鹹，雖然都有少少鹹，中辣會香好多，我同朋友一人一半，好快就已經食晒成碗啦！

好耐無嚟譚仔食米線，晏晝喺油麻地上堂，順便嚟食碗米線今次點左金菇魚腐番茄湯底米線，蕃茄湯底超濃郁，有好多舊蕃茄，幾好味呀～仲加咗杯熱鴛鴦，價錢大概四、五十蚊 ，好飽肚，性價比唔錯～

星期日又係搵午餐食既時候今日一於食返我既最愛！米線Lunch hour 一黎到好好彩就有位坐今次叫左腩肉竹笙5小麻辣同行友人叫左雞肉炸醬清湯5小麻辣開始無乜感覺了😂😂😂腩肉依然好食，今次唔算好肥，食落口少咸幾好食竹笙再配上麻辣湯，簡直一流！將所有既湯汁吸引晒，一入口就係個麻辣味，好好食友人既炸醬偏咸，但係可以接受既，我仲偷食左唔少😝😝最後叫左杯凍檸茶少甜，甜度啱啱好，做到我叫既野，天時暑熱點都要飲杯凍野

熱到無胃口要食辣野刺激下腩肉竹笙麻辣三小🌶腩肉爽脆，脂肪同肉分佈平均，雖然唔太健康但正正😂加番左竹笙健康野平衡番，竹笙吸哂d辣湯，好好食！土匪雞翼譚仔必嗌，燒到皮好脆，雞翼醃得入味，果然重口味既野都岩我🤣椒椒皮蛋雪花皮蛋加埋辣準，食到停唔到口

香港好多食米線食粉麵既店鋪，無食一排就心癢癢🤗 係現時點行左個轉，再行多10分鐘就去到譚仔油麻地分店。📌大土匪雞翼(5隻) $30絕對靠得住，就算係唔同分店都保持水準，算係譚仔數一數二既小食。雞肉外皮脆肉質嫩，入面仲保持肉汁，正！📌青椒皮蛋 $21 一碟有好多件，d皮蛋仲要有雪花❄️，個汁睇落好紅，但其實唔多辣，反而有d麻香，就算唔食得辣既你都可一試。📌雞肉小辣 $32 唔鍾意食配菜落單個時可以同阿姐講，例如走牙菜，走韭菜，甚至乎想面淋d都得架！📌墨魚丸三小辣 $32 我要左少米線，仲可以減 $1蚊😎 腐皮跟面有量，索晒d湯零舍好味。墨丸比其他餸貴$1，不過佢既質素就好普通，但未至於好粉好實。普通餐飲加$7就有，冷熱同價如果想要水，落單時同阿姐講埋，佢就會連野飲出埋俾你。

中午時間多人等位係正常～攞票乖乖排隊等～之後一次過叫大堆人入去～又一位二位三位～問佢要坐邊～一個指左一個指左～坐低左又話有三個人叫我起身行埋一邊～最好笑竟然同我講～你見到有三位就要讓～吓～講咩呀～我來食野仲要帶埋位～神經的～

星期三訓醒突然心血來潮想食米線加上好耐無食譚仔所以就去食一食！e間鋪幾大吓，咁岩又無乜人就入去坐低懶得諗叫乜食，所以就叫咗個過橋米線加可樂（胡辣）！可能太耐無食啦。。原來胡辣無得揀辣度不過無所謂啦我又唔係非常食得辣！米線好快上台，味道偏淡。。。唔太辣！唔同d重口味米線比。。。三哥好食過佢。。。係d丸ok。。個味好似欠d嘢咁。。一般般個感覺好似d餸還餸，湯還湯。。全部格格不入真係有小小失望。。。所以之後無乜嘢都唔會再食了。。

Got a dental appointment at the evening and found a place for quick dinner - tam jai. It was not crowded at around 6:45pm.Ordered the 魚腐墨丸清湯米線($38). There is an Easter promotion where you could add $5 for a drink, or get free drink for ordering 三餸.Portion is generous and standard food quality. Don’t know why I always like 三哥 more though they are in fact under the same group

話說一直去食開譚仔都係食三哥，今日搭地鐵去到油麻地覺得好肚餓，見到對面馬路有間譚仔就沖左入去先！坐低見到個餐牌完全唔同晒？先發現原來呢間唔係三哥，係譚仔🤣不過都唔緊要啦！坐低左就試下啦！魚腐米線，麻辣五小辣湯底係比平時食開嘅三哥辣同濃，而魚腐方面就比三哥嘅細粒好多，似係手工魚腐，不過入口感覺好粉，唔係太好食小食方面，呢度既烤雞翼有三款口味，分別係土匪、麻辣同埋香草，我叫咗一個香草燒雞翼，燒得非常香脆同埋好多肉汁，好食！

🔅🔅🔅今次食譚仔的心癮是由他們的皮蛋而起好掛住皮蛋裡面的麻辣汁所以及時行動放工就去食🔸<雞肉魚片頭麻辣湯五小辣米線> 太好賣的關係芽菜和韭菜也沒有了不過沒關係有皮蛋麻辣汁就好了每次都是點麻辣湯五小辣在辣度訓練裡從沒進步過(haha)五小辣其實辣度剛好可接受雞肉還帶來好香的鮮甜味另湯底感覺更加豐富了～魚片頭彈牙爽口好好味🔹<麻辣皮蛋>一個人吃好像有點超標不過一次半次還好啦😆雖然皮蛋黃不是糖心蛋但是蘸著麻辣汁吃就是無敵我還會邊吃邊加些麻辣汁到米線裏吃不麻又不辣吃起來好過癮～🔅🔅🔅

食肆若做午市的話，通常開11：00，而且一開門已經預備好所有野，但這間鋪卻開11：15，開門後員工才開始慢慢午膳，沒有人落單，落單後廚房出食物慢... 眼見很多客人不滿，又見有人離開。真懷疑這間鋪老細知唔知道！

今晚一家大細加埋推著幾個月大的BB一起去食，因為人多要排隊，輪到我地的時候一個阿姐帶我地入去一個近洗手間的位置，因為方便擺BB車，等到我地坐低之後，又叫我地轉台，因為佢要打掃衛生，叫我地轉到一個過道的卡位，我話好，但BB車會唔會阻住過道，跟住嗰個阿姐話將BB抱出來咯，我話BB要瞓覺點抱出來，跟住佢就話你地五個人照顧唔到一個BB？我就好嬲話現在係你卑唔到位我，點解我要抱BB出來，係唔係所有帶著BB來食的人都要一邊食野一邊抱著瞓覺的BB？同埋最重要的係，佢話要打掃的嗰個區當時有好多人食，我同佢講我地都唔會食好耐，但佢話佢依家就要打掃，我話如果你呢個位置要打掃點解又帶我地來坐？坐低又叫我地轉又卑唔到一個方便的位我，跟住佢仲講叫我地講BB擺係卡位的板後面（但擺過去就完全看唔到BB了）跟住我地真系太激氣就帶住BB走左，當時仲落緊雨😡走時嗰個阿姐仲係度咪咪聲講我地，請呢啲服務質數的員工，請問又會對食物的要求又高的去邊呢？

己有兩年沒有幫襯，今日突然想食於是乎去了油麻地分店。一如既往叫了碗酸辣米線。價錢跟以前沒有太大增幅，不過盛載的碗細了。湯底依舊酸酸辣辣不搶喉。大量的芽菜，韮菜，酸菜增加了爽口感。米線又不會過腍。不過嚟間的服務員就麻麻地，愛理不理，散慢的態度真係要跟進一下。

話說由5月至6月每星期都會食油麻地呢間自從轉食重慶酸辣後好幾次叫外賣自取返到屋企後先發現個湯底唔知俾左d乜我火都黎埋，一次都算第二三次都係咁忍無可忍好遠都攞番去話佢知去到無sorry仲串我！我連俾我果隻咩辣都唔知，點有叫呀姐？聽外賣的呀姐永遠以為自己好型譚仔接線呀姐：「食咩？講左餸先！咩辣？number xx號呀！」byebye無句就收你線自此我唔再食佢可能你會話你唔食，大把人食唔緊要的，畢竟佢食落都無以前好味補返打呢個食評因爲一直磨滅唔到當日係店內點俾呢位呀姐串我出去食野反而要睇面色咩世道？

係油麻地行完中南買左嘢，心血來潮突然好想食譚仔，就係對面食。呢間裝修過，變得更型格，座位似乎多咗，當然係坐得更舒服啦。不過服務態度就認真麻麻，完全係hea應。叫到我地各自嘅最愛，我係10小辣魚片頭豆卜，好正。朋友叫腩肉墨丸4小，佢當然係食到好開心啦。偶然口癢都會叫小食，分別叫咗皮蛋同埋細土，味道仍然係咁好味。為左健康，濃味嘢已經食少咗。但嚟到譚仔，真係會忍唔住食啲濃味，尤其佢唔同程度嘅辣（依家寫緊嘅呢刻都想食），不過湯就真係唔好飲咁多。