譚仔雲南米線 (彌敦道)

營業中

休息中

係油麻地行完中南買左嘢，心血來潮突然好想食譚仔，就係對面食。呢間裝修過，變得更型格，座位似乎多咗，當然係坐得更舒服啦。不過服務態度就認真麻麻，完全係hea應。叫到我地各自嘅最愛，我係10小辣魚片頭豆卜，好正。朋友叫腩肉墨丸4小，佢當然係食到好開心啦。偶然口癢都會叫小食，分別叫咗皮蛋同埋細土，味道仍然係咁好味。為左健康，濃味嘢已經食少咗。但嚟到譚仔，真係會忍唔住食啲濃味，尤其佢唔同程度嘅辣（依家寫緊嘅呢刻都想食），不過湯就真係唔好飲咁多。

2018/05/23 8：50pm本人不嬲都好鍾意食譚仔既！但今次遇到既阿姐真係令我對譚仔扣晒分！首先叫左要叫既餐後..阿姐正在重複我既order中..我就話唔好意思！我要走九芽～佢就鬧我：「你早講啦！落左單啦..唉！」 然後就嬲爆爆咁走左..我心諗我係客人黎嫁嘛？！同埋你唔係複述緊我張單咩..有錯唔可以更改？仲要..我有草譚仔apps既印仔既！唔知點解掃唔到..我就問下佢啦..佢話：「係呀！唔得嫁」完全唔解釋原因..我......算數！

麻辣豬耳乃本人至愛，成日叫，但吾係次次一樣樣！一忙一多人叫野就是但，落錯單漏單出錯飲品係常事，外賣就更慘，無得追番，硬食！我今日個麻辣豬耳，冇左芝麻冇左辣椒，撈麵即刻爭d味，唉！

今晚陪媽咪去油麻地睇中醫，睇完之後就要搵食。雖知呢頭無乜特別好食，而且媽咪又唔食西餐唔會去cafe，加上佢冇乜胃囗，最後揀咗去食譚仔。味道雖然無問題，但人嘅態度實在十級惡劣，慘過同佢乞食!1) 落單阿姐叫咗幾次都唔嚟，話要賣埋d嘢先，算~我等!2) 賣完再叫已經好悔氣咁過嚟落單，算!3) 遲過我入嘅客人落好單食緊我都未有得食，算~我又等!4) 最後發現原來個阿姐用紙仔落單又漏單，扯貓尾sorry都冇句，算~見個“副店”嘭嘭聲跟返d嘢食比我，以為好好!未見更差……5) 問要杯水話要打入單都算，等10 mins 水仲未嚟，又係隔離枱叫咗飲埋，我都未有，好聲好氣再問個副店，佢第一句答我“要沖㗎嘛!”水都要沖!唔係吓話?!我餓死都唔會再入彌敦道呢間譚仔!生腸完全無味，得個爽字，好似食緊舊膠咁！

我吾識分譚仔好食定三哥好食……就算同樣係譚仔，都吾係間間一樣水準嘅！呢間裝修後我都經常嚟，因為水準好。今次食墨丸，魚片頭，清湯，爽米線。我鍾意爽口啲嘅。慢慢食都吾會變到 林bet bet墨丸同魚片頭都算爽口，一啲都吾油。感覺健康啲……（自欺中）每樣餸都有4，5件，多過出面一般米線舖啦。雖然話清湯，都有腐皮，牙菜， 韭菜。夠味嘅。嚟多杯咸07。仲可以消滯。合共$48就埋帶。吾錯啦！ 平時都有食佢嘅土匪雞翼，好野味㗎！下次致食喇。

上完堂同學仔想吃點東西，忽忙間選了譚仔雲南米線。因為我不喜歡吃米線，所以我很少吃譚仔！但同學仔說它的蕃茄湯底很好吃，想試試！於是，我便陪下同學仔去吃👻蕃茄豆卜牛丸米線：蕃茄份量很足，豆卜新鮮香脆，牛丸也很彈牙。但我覺得湯底偏淡，不夠蕃茄味。如果不是陪人吃，我應該不會來光顧👻

同大家一樣, 譚仔 真係每星期最少食幾次...一路加價 明白的 通脹麻, 但係加價得黎, 真係希望可以 keep 到質量同份量~質量, 係 keep 到嘅, 我地一直都食得好開心~但係份量麻... 卻隨住加價 成反比 一路減... T^T米線少到湯感十足;牛丸寶寶 都口感疏埋... 不再扎實... 傷心仔... 味道 都再無往日嘅濃郁感...以前覺得佢牛丸好味過三哥, 但係 越黎越無呢個優勢了~雞翼呢, 同樣係越黎越細隻...味道 就 keep 得住的, 脆 香 濃 令人不斷想食~

一談到吃米線, 大家會想到米線專門店-譚仔; 譚仔的米線, 每次必選是腩肉米線; 這次跟女朋友2個人來吃腩肉米線, 叫一個大碗的, 會較滑算;大碗的原味清湯米線; 米線幼滑, 清湯能帶出配料的原汁原味; 肉丸多汁, 腩肉份量多, 肉味清香; 而豆卜, 吸收了清湯的鮮味, 豆味濃郁; 芽菜, 十分爽口, 豬肝, 爽滑, 8成熟左右; 其後我們點了一客蒜泥白肉, 蒜泥味香濃, 咸咸的, 麻油味配以辣辣的口感, 刺激你的味蕾; 愈食愈想食;譚仔, 果然是是老少咸宜, 價廉物美的美食米線店, 會繼續支持。

食咁多間譚仔，呢間魚腐同埋米線無味。 米線有啲煮的太熟，開始變米糊。。。平時清湯會有d豬骨味，呢間就太過淡。至於環境，就比較好坐，唔太迫。冷氣都好足夠嘅！ 希望野食味道改善吓吧~由香港愛玩生 Iplayhk提供

這其實是我第一次吃譚仔的麻辣因為每次都覺得清湯是最好味的, 所以都未有試其他的口味今次就本起了心想一試, 但因為未知道自己能吃多辣所以只點了五小辣的辣度一上到來的時候看湯不會很紅 辣油不是很多我BUT一口湯飲 發現其實沒有想像中的辣我下次應該點更辣的湯哈哈麻辣味的米線在冬天來說似乎比清湯更吸引因為麻麻的感覺讓我都覺得身體變暖了而且米線吸收了麻辣的味道即使淨吃米線也不會覺得淡而無味這家造的米線軟硬適中不會太淋 保持水準不錯!! 下次的話我會挑戰更辣的辣度!!

又吃譚仔了，已經是這個月的不知第幾次，沒辦法，比起其他餐廳，譚仔的性價比算是高。點了墨丸米線，$29，店員把墨丸讀成勿演，也罷，還是聽得明。上菜了，有6粒墨丸，很爽口彈牙，口感十足，亦有墨魚的香味。吃完一碗已經很飽，沒有追加其他小食。

譚仔係我既好朋友 成日晏晝諗唔到食咩就會去譚仔同屋企人一行四人去踩場 食左炸醬米線清湯 炸醬好多 有少少辣好惹味 清湯最能夠令人食到米線真正既味道再例牌叫碟大土匪雞翼 香脆既外皮 仲有啲芝麻喺上面 次次都起碼要食三隻先停到口 仲有麻辣豬耳 其實我唔覺得辣 我好中意佢爽口彈牙 呢啲都成為左每次去必叫既食物😋

今天放工後急急去上課，沒吃一點東西。晚上九點半左右放學後去食野，同學仔建議去食譚仔，二話不說就GO了。百食不厭的墨魚丸3小辣鋪滿芽菜、韮菜，滿滿的弓碗米線，湯底味道一致，令人上癮，正！真係食過番尋味！同學仔都話譚仔米線會食完會再食，食完再繼續想再光顧的《味》力。仲俾我地見到有這個巴蜀爽脆生腸做推廣，點知太夜關係賣晒了，可惜，即是又俾左個機會我食多次。下次試下叫米線叫小辣～～

落左堂之後去左食好耐冇光顧既譚仔一如往常點左個牛肉豆卜韭菜中辣同埋凍檸茶少甜呢間分店之前未有試過，師傅重手啲比其鋪頭辣少少 但一樣咁好味! 湯底一樣咁鮮味 個麻辣一樣頂癮！

以前通常吃譚仔米線都選幾個餸10小辣湯底，這次鼓起勇氣選了重慶酸辣湯底3小辣，只選了豬膶因為不想吃太飽，最後原來豬膶比我想像中多，米線的湯十分香，一開始看見預期中的紅色湯以為吃幾口就會頂唔順，點知出乎意料地適合我的口味，只是麻不是太辣，撇開辣油那個湯我都飲左好幾啖，小小酸加上好香，連朋友都忍唔住攞我d湯去撈佢碗清湯米線，我諗之後吃譚仔我都會選這個湯底！30一大碗好抵吃！天氣凍應該更過癮。