譚仔雲南米線 (彌敦道)

營業中

休息中

上次和同事試完後大家都不甚滿意！想想過一段時間會不會有所改善呢？結果還是不滿意！首先，米線的配菜沒有酸菜！其次，要加酸菜，可以！付5大元！還有，同事說腩肉不是滷水，是白切，很怪！如果不是吃過橋米線的話，就像是和吃車仔米線毫無分別！

一直都想試呢間，睇下同元朗、旺角兩間有咩唔同，昨天剛好經過，便入去點左豌米線~已食過好幾間譚仔，總的來說，個人認為元朗間最平;旺角(西洋菜南街)質素一般，但聽友人說呢間最好食，每次行過都見到成村人等排隊，但個人覺得個湯又唔酸又唔辣，沒有想像中那麼好，無咩特別。油麻地個湯ok，湯色好白好靚，不過明顯呢間既湯底麻辣味道偏淡，但酸菜中的酸味及辣味都可以。

同朋友行過附近搵野食, 入去點左兩豌麵.過橋米線非常大豌, 細食的女仔可以兩個人share食. 我同朋友唔食辣, 所以食酸辣湯底, 的料好多, 魚旦 & 墨丸彈牙爽口好味, 成個豌好大好似邊食邊尋寶, 的生菜同火腿食到底至見到

過橋米線配酸辣湯底其實都食過好幾間譚仔，但這間感覺湯底酸辣味道偏淡，酸味及辣味都似有不足，至於米線及配料份量都與其他店差不多。米線不會煮得過腍。但配料中的酸菜就比較咸，不及其他店好食其實不是得我覺得他湯底淡，在旁的食客都有發現麻辣湯底的味道是咸多於辣。香草雞翼香草夠香好食，不過見到碟底剩下點點油白灼芽菜偏淡，不過有蠔油跟。

行行下，見到譚仔雲南米線掛住嘅其實唔係米線，而係雞翼我企咗係門口，餅餅問我係咪想食嘻嘻，入去搵位坐喇好彩黎早一步，之後門口排晒長龍等咗好耐好耐，終於杯凍檸樂到喇餅餅食咗生旦火，咁即係咩呢?就係生菜，魚蛋，火腿，仲有附送嘅芽菜，韮菜，腐皮我食咗皮卜菇竹丸走芽，又係咩呢腐皮，豆卜，冬菇，竹笙，牛丸，走芽菜，附送腐皮，韮菜土匪雞翼，確實好食黎嘢黎得慢，人流自然慢門口排隊越黎越多人我地都急急腳食飽走人喇搵唔到巴士搭，時間又緊迫搭的士囉兩個人食咗$105相關網誌 : http://hk.myblog.yahoo.com/jessicalim1112/article?mid=7178

許多人都知道雲南米線名店"譚仔"是有兩個支派的，一個是打着名門正宗招牌的三哥系列，另一個就是由三哥的親戚走出來開的旁支。平常吃開的是三哥的出品，今次第一次來到非三哥的系列店吃，之前聽好些朋友說水準相比下是差了少許，不過好吃與否始終不能盡信別人的評語，自己的舌頭才是最終評價的標準....每一次兩口子去米線專賣店，例牌動作都是一人一碗多餸米線後，再加一碟甚麼的土匪或香草雞翼。最後的結果是吃剩為數不少的米線實在有點浪費。所以今次就索性就只叫一份配料包羅萬有的過橋米線分享，再加上例牌的香草雞翼(因最近不能吃大辣，所以唯有放棄以往最愛的土匪系列)，這次想應不會過份的浪費吧....一碗碩大的米線內有齊魚蛋、牛丸、墨魚、竹笙、牛肉、雞肉、豬肉、腩肉、火腿、炸醬、酸菜、豬膶、芽菜、韮菜、腐皮、生菜及豆卜等差不多十多種配料，好處自然是夠大堆頭及夠飽之至，但缺點則是一次過試太多的配料，感覺好像太雜及塞太多不同的東西進肚，味蕾是絕對分不清誰是誰非了。不過小弟認為米線的首要條件還是那個湯底，試了一口，感到是太淡味，不夠酸又不夠辛辣，這可能是今次叫的是小辣程度的吧，不過印象在三哥處叫的同樣是小辣，但味道卻是對口

過橋米線(酸辣)試過幾間譚仔, 呢間算係最貴, 40蚊先有一個過橋米線套餐。而且米線份量比較少, 平時同好朋友share, 每人都食到3碗, 但今次食左兩碗就得返d"送", 其實"送"既份量係正常又無特別差, 只係嫌炸醬真係太少, 我諗得一湯匙。呢d都未足以比喊臉, 我地明明叫左酸辣湯底, 張單都寫明加左$1. 但黎到既時候似清湯, 飲落去唔酸又唔辣, 似被騙多d...土匪雞翼間間都差不多水準, 雞翼又香, 醃得又入味, 無得彈凍檸茶(+$5)比旺角總店平一蚊, 質素一般, d茶無咩紅茶味, 得個甜字環境方面都要改善, 冷氣機滴水, 滴左落對面檯客人碗麵度..見到都唔開胃, 佢地都即走, 譚仔賺咁多, 應該整下佢, 否則變左趕客

食過這次, 絕不會有下次......看了這家米線很多人都留了很不錯的食評,所以去試吓.點知換來失望及一肚氣........期望越大失望極大.4/9號 午餐一行三人去油麻地(譚仔米線)食叫左三碗米線,湯底及配料一般要酸辣湯底淨係得個少酸味值得一題既係 d收銀員既質素極差三碗米線總數$82, 付一百蚊等佢找回$18點知收銀掛住傾解找少錢(只找回$12)即時同佢理論,佢地唔認錯還聲大夾惡話離開櫃面前要數清楚找錢(就算未行出門口都唔收理,這算什麼理論)我地會只為$6同收銀員嘈!!!$6今次當啤左乞丐!!!

做完gym，本想到深水步吃譚仔，但一路細想人一定好多，等位都有排，結果來了這間，少人得多。照舊吃竹笙牛肉三小辣，呀姐做事好爽手又好笑容，抵讚! 記得以前加杯凍飲只需3蚊，現在加到5蚊了，物價真的如此貴麼?! 不認為。望色水，是很正常的三小，吃下去湯還是很熱，但食落總覺跟深水步的有所分別，細心一看餐牌才知道這裡不是三哥所開的，實在教我失望。竹笙吸湯，所以吃落實是麻，牛肉不會over cooked，很不錯，米線又頗為彈牙，雖不是outstanding，但整體總算維持水準，沒有叫人大跌眼鏡。堆單，32蚊，說真的，這不算貴，在nathan road來說更可說是便宜，但還記得年前埋單總不過30，經常聲稱因為來貨貴所以調整價格，憑良心說一句，真的麼?! 將所以加幅都放到consumer身上，不是有點倒米嗎?一邊罵，我還是一邊吃，因為這種味道，早已令我addicted。

勁肚餓，一個人食碗什錦既米線。由於好想食炸醬，於是唔吃麻辣。其實佢地既米線唔係麻辣都好好味碗麵既餸都好多，魚蛋墨丸牛丸竹笙火腿菜豆腐pop................勁多佢既環境食過都知冇乜咩好要求架la，但有時真係想買走食，因為同其他人撞來撞去真係冇乜feel特別我今次一個人去，一枱人有8個人8個人都唔識既......今次就唔係太好彩有一個食客既食相非常肉酸......搞到冇乜feel但買走食d 湯又不是分開上，d 粉吸晒d 水又係死...........不過咁好味....忍下la

看電影之前 , 只有 45 分鐘的時間吃飯 , 本來打算去味千 , 路經譚仔 , 大家也不約而同說改地點 . 不知是早或是這間客人不多 , 只坐了三份一 . 每人各叫了一豌麵另外再加兩款雞翼 , 麻辣雞翼和土匪雞翼 . 土匪雞翼保持一貫的水準 , 味道好入 , 麻辣雞翼一點辣也沒有 , 味道又淡 , 而且有少少血 . 印象中 , 譚仔的麵應該有芽菜和韭菜 , 奇怪這間就是沒有 , 是否為了節省成本呢 ? 麵煮得剛剛好 , 不硬不 "林" , 好味 . 選了中辣 , 還可以吃辣一點 , 下次一定要挑戰大辣 .

之前食深水埗，　佐敦，旺角o個幾間譚仔都好好，已經愛上譚仔了。見油麻地果間新開，又就腳，就急不及待試試。叫了一碗小辣竹笙乍醬米線配凍O蜜，第一啖食米線，無味　飲啖湯，只得辣味，沒有了之前的鮮味，好似飲辣水咁　平時旳湯我基本上會喝上半碗以上，今次只喝了三口便放棄了。再講竹笙, 亦是一樣只得湯的辣味，口感亦冇之前的好，可能不太新鮮。雖然唔好食但為免浪費我都繼續食，辣是很辣，郤冇味道不滋味。連凍O蜜都變成另一敗筆，出場時見到是透明而不是淺黃色，已心知不妙。有大半杯都是冰，２、３片檸檬，餘下可喝的份量不夠三啖。而味道亦是十分淡，沒深水埗的甜。怪不得幾次經過店鋪人客都很冷清，跟深水埗多人到滿座要排出門口相比，實天壤之別!

來譚仔都係叫個40蚊的大碗米線同豬豬女友share 的.上次去東九龍的一間唔老實, 十幾種配料都唔齊的, 感覺好差;今天來這間希望好點吧.都係6點倒來到.都不用等, 馬上有位坐.咁梗係又叫碗大的兩份食.今次要酸辣湯底, 姐姐話大約等於3個辣.希望頂得順啦~好快上, 嘩, 雖已在碗內, 但仲係好滾的, 飲第一啖湯底差d 燙親~少少酸辣, 又幾醒胃, 正.check 吓d 料, 全齊, 冇漏!呢間老實噃!!!!配料咁多, 當然都係每樣一d, 但其實都已夠兩人食.米線的水準保持.跟餐有杯凍檸茶, 豬豬女友好快便喝晒, 3 個辣真係佢的極限!冷氣好夠, 大熱天時仲要食辣, 唔夠凍其實等於趕客!!!服務一般 正常.

放假就要出下黎，行過呢度又開左間譚仔。就入左去食啦，不過呢間就唔係三哥既，算啦，都係食番果幾味。特辣米線其實間間都係差唔多，但我覺得呢間既好似小，牛肉就比較韌。唔係太新鮮。雞肉就唔錯，又唔鞋口，食得過既。而米線就淋左小小，無咁好食。凍奶茶同平時一樣咁好飲，唔理咩凍飲，一定要小冰。否則飲一啖就無架啦。譚仔繼之前進軍太和，遲仲要入沙田。但以我既分析，應該唔係三哥既。因為呢間貼沙田就開，就應該九成九唔係三哥既。

前幾日在油麻地區買鞋, 但覺得唔好著, 好采沒有著出街, 所以今日可以換鞋o2009-5-31 (午餐)行經" 譚仔雲南米線" 見好多人吃緊嘢, 便入內試吓o 麻辣豬腩肉米線 ($22)豬腩肉: 原來是咸香腩肉, 不吃肥肉的人都可以一試, 因為吃落口有點爽, 不會成口豬油, 我都食了幾片, 其後是只吃瘦的少少部分, 都ok. (選: 小辣4) 不覺辣 (連米線食, 但飲湯會覺小辣, 下次可以叫:小辣3)米線: 麻麻地, 因為自己鍾愛較淋身的米線 , 這裡硬了一點o湯: 係白色, 但無肉味, 還以為好似日本人的麵湯底有濃濃肉味?!配菜: 好多芽菜置米線上, 有稀少的"九菜" 及 腐皮, ok 四川麻辣雞翼 ($16 有三隻)ok 啦! 外皮是有麻辣味, 皮內的雞肉得過咸字, 平日不吃雞皮的我, 都試吓連雞皮食, 才可試味, 如果好似平日雞翼走皮, 便會覺得四川麻辣雞翼不好味o該店將辣味分為: 特辣, 大辣,中辣, 小辣, 小辣2, 小辣3, 小辣4, 小辣5 (特辣是最辣,小辣5 微辣 ) 該店見議客人選 小辣3