譚仔雲南米線 (長沙灣廣場)

營業中

休息中

相信大家對譚仔都唔會陌生呢幾年分店真係多到全港九新界都有更加估唔到呢個新出嘅菜式又幾好食陒玉鯇魚爽口無骨，真心唔可以再食雖然比平時一個餸貴少少但係真係好食😋雖然唔知佢幾時會冇咗呢個菜式大家快啲去試啦

無論去到邊都會見到譚仔嘅招牌！而每次見到譚仔嘅招牌，我都好想入去食返碗米線。只不過就算好鍾意食，都唔能夠餐餐都食譚仔卦！嗰日咁啱遇到唔知想食咩嘅情況下，又見到譚仔嘅招牌，於是諗都唔駛諗就行咗入去。嗰陣都已經差唔多下午茶時間，人流仍然暢旺。坐低之後，都係點例牌嘅竹笙魚片頭，不過今次要咗茄湯。男友就點咗韭菜金菇菜，同我一樣都係茄湯。再加多個口水雞作為小食。好快兩碗熱辣辣又大大碗嘅米線送到嚟面前，我又係急不及待地飲咗啖湯先，久違嘅茄湯，酸酸甜甜，非常開胃。只可惜竹笙嘅份量略為少咗啲，只有三塊。。。平靚正嘅一餐！

又係一次食唔到壽司郎既經歷😪😪😂諗住附近求其搵d野食就黎左譚仔啦蕃茄紫菜豬肚米線有點似清湯濃小小豬肚同紫菜味都唔突出豬肚冇咩味 好普通應該唔會再食啦皮蛋當然一樣咁好味啦嗌左杯菠蘿冰有菠蘿同啫喱，好有層次菠蘿係新鮮菠蘿 唔係罐頭 感覺好好正👍🏽👍🏽👍🏽涼拌茄子都唔錯辣汁都係一樣咁惹味呢個譚仔梳化座位唔係固定後面枱起身走我地feel到成張櫈郁 成個人都郁都會嚇一嚇出新野都會再黎試下，但豬肚米線真係有d失望，可係我比較重口味啦

2人諗唔到去邊度食，唯有揀譚仔快靚正，二人叫左個大碗過穚米線，辣味有分10級，最低是10小辣，座位方面，多人都比較迫，服務態度語氣，不太友善「大碗過穚米線」湯底野味，配料也很多，如：墨魚丸、牛丸、白魚蛋、牙菜、九菜、腐竹皮、火腿、牛肉、豬肉、雞肉、豬肝，豆卜...「土匪雞翼」不香脆，更有燶「麻辣豬耳、麻辣豬肚」很野味，豬耳及豬肚也很爽，不錯

首先講下皮蛋，有少少辣, ，不能吃辣的人要注意。我個人覺得真的不錯。選了清湯底，過橋米線兩人share, 是因為想吃比較健康的食物，可惜有點鹹，如果可以調整一下就更好。麵好充好多，食得飽飽的。

想食米線第一時間就會諗起譚仔，真係一星期會起碼食一次，今次就叫墨丸牛肉小辣同土匪雞翼，我最欣賞佢地嘅墨丸，真係勁彈牙同爽口，所以次次都會叫，而土匪雞翼係第1次食，因為次次都叫麻辣雞翼，所以今日想轉一轉新口味，原來真係好好食，上面d黑芝麻真係好香口，烤得個皮都好香仲有少少脆，下次再encore。

中午放lunch去左tamjai醫肚照舊例牌食竹笙炸醬米線 3小辣~今次破例唔食豬耳轉左叫豬肚絲 同埋豬腸豬肚就無咩腥味既但係豬腸無咩特別好食 難咬開如果無咩牙力既就盡量唔好叫喇~米線好似無之前質感咁好食湯底就沒差上菜時間都okay

平時都有幫襯下譚仔，因為唔使點諗，通常都係食某款餸同湯底，連menu都唔使睇就落單。自己一般叫開魚腐，睇心情叫四小或者十小辣。其實間唔中都好想食過橋米線套餐，因為有好多款餸，但自己一個真係食唔哂。加上唔係同朋友的話，又好少機會同人share呢個餐。咁岩個日我地一班人下午茶時段幫襯，發現譚仔新推出下午茶套餐。其中一個係過小橋米線+熱飲＄46，而呢款米線係平時一人份量米線，超正。我見到之後二話不說就決定點佢，真心幾抵又唔驚食唔哂。-過小橋米線（下午茶）＄46叫咗麻辣十小，唔會太辣，但又有少少辣度調下味。基本上有齊哂魚蛋、牛丸、墨丸、豬膶、牛肉、豬肉、雞肉、火腿、豆卜、腐皮呢啲餸菜。啲餸都正常水準，無咩問題。不過有少少高估自己，有咁多餸其實都好難清哂。米線唔算好入味，但配湯都算唔錯。-好立克跟餐要咗杯好立克，唔會太甜幾好味。

星期五lunch time 比較relax ,時間充裕，一於去食個好耐都冇食嘅譚仔米線。雖然有用app 輪飛，但三個人枱 都足足等左35分鐘先有得入。大土匪，拍青瓜😍 肥美juicy 的雞翼加埋上面好香嘅調味粉，呢種味道向第二度搵唔到。之前仲上網向見到譚仔老闆嘅訪問，佢地呢個signature 土匪雞翼係用特別烤架去烤，好考工夫同人手。今日食蕃茄湯底三小辣，eee 啲蕃茄好似冇似前咁多喎 ，但味道保持水準。加竹笙同生菜，呢個係齋米線。如果叫蕃茄湯 其實一餸已經好夠，或者可以叫少米線，因為蕃茄湯比一般湯底滿好多架。

好耐無食過譚仔喇，咁啱喺長沙灣廣場就有一間，落雨濕濕都唔想喺條街搵食，再再再加上睇完微辣條坦仔片，無錯喇，一於食坦仔啦好鐘意食譚仔嘅皮蛋，雖然佢唔會係溏心果種皮蛋，但係加上啲辣油、青椒、芫茜，蒜蓉一齊食真係勁勁勁香口，即刻為一粒普通嘅皮蛋加唔少分數！另外仲叫左個腩肉+炸醬，麻辣10小辣。湯底唔會太辣，小小辣味過下癮就夠喇，炸醬偏甜唔辣，但腩肉就得好少喇，加堆得啲碎同埋得3塊都唔知有無。另外仲有碗酸菜雞肉米線。

今日自己一個去食譚仔，由於兩日無食過野，開頭諗左好耐叫唔叫過橋米線好，但又覺得好大碗，我猶豫左好耐，於是有個譚仔既姨姨走埋黎問我諗好食咩未？我決定問佢究竟一碗過橋米線我食唔食得晒呢？姨姨居然無不洩既眼光望住我，仲好好咁解釋碗面有啲咩茶同大概有幾多份量！生菜兩條，墨丸一粒，雞肉豬肉夾埋半斤...........佢好詳細咁形容完，我都係認為食唔到，所以我就咁叫左一個酸菜雞肉竹生既小辣米線 🍜 真係好好味！原來有譚仔姨姨係咁好人架😍

今日要過長沙灣做野,但首先要醫一醫肚仔先,好耐無食過譚仔,於是第一時間就想食譚仔,一坐低唔使睇餐牌，就叫了平時食開的豬肉清湯,豬肉夠爽口，湯底略鹹,不過就是平價之選

同腦細鬥智鬥力搏鬥完，OT到8點，帶住疲倦嘅身軀打算食個快飯，見譚仔排隊嘅人唔算好多，等一等就有位！譚仔當然係坐搭枱位，先可以咁快有位喔，坐到迫迫先係譚仔特色！叫個勿演炸脹麻喇生小喇，加凍鏈襪同際土匪 (墨丸炸醬麻辣三小辣，加凍檸蜜同細嘅土匪雞翼)！譚仔阿姐口音依然，味道依然，特別鍾情個炸醬，雖然知道佢都好高卡同好肥膩！土匪雞翼一樣嘅模樣，一樣咁皮脆肉嫩，係譚仔嘅味道！不過價錢越來越貴，價錢已經不再大眾化！

去過咁多間譚仔米線， 荔枝角這間嘅米線都屬於爽口和彈牙，不過我今天 叫咗冬菇魚腐湖南酸辣米線，送菜差一些，冬菇無味，魚腐太小塊肉不多，有些失望，不過湯底幾好，酸辣適中。

每去到一個地方，諗5到食乜，但都會諗到食譚仔。今日黎到荔枝角又想晚餐食平平地，就決定去食米線。係荔枝角地鐵站A出口一上去就有個長沙灣廣場，裏面就有。環境都係比較迫，很多大長枱。今次同2個朋友一齊去，除左叫咗碗清湯墨魚丸炸醬小米之外，仲再叫咗2款小食。我朋友最愛ge皮蛋同土匪雞翼，可惜皮蛋不夠凍，以我不吃辣，這種辣度接受到。土匪雞翼就keep得住水準。我朋友就叫咗碗重慶酸辣三小辣，佢話的確有d辣，成個湯底都係紅色，我望到已經不敢試。