譚仔雲南米線 (長沙灣廣場)

營業中

休息中

一諗起米線就好自然係譚仔。lunch時間到，即刻直奔去譚仔拎位。呢間譚仔真係爆多人。。。等呀等呀等。。。終於到我了炸醬豆卜米線食親譚仔我都會食炸醬。今次就叫左炸醬豆卜清湯米線。豆卜配埋炸醬食其實幾好味。無諗到譚仔嘅豆卜原來又幾好味。豆卜內裡很軟熟，又索晒d湯。正米線又夠煙韌~ 正~

Lunch同事個個放假，就一個食，為由叫外賣了。叫了碗雞肉炸醬清湯米線，雖然話外賣，但要自取。其實覺得佢既配菜越來越少甘，雞肉又唔夠，碎碎甘，炸醬都還可以，米線都唔會淋。整體算係甘...求其一餐的話。

今天不想吃飯，於是在附近找間米線店吃晚餐 ， 人不多 ，入去坐低 ， 最後選了一個米線餐,還加了一個新疆香草雞翼 跟餐加少少錢還可以有一杯凍奶茶，米線餐來到是一大碗米線 ，裏面有接近十款餸， 在眾多款餸中最正是墨魚丸， 超級彈牙有口感 ，其他啲一般 另外每個米線，也有一小碟酸菜和炸醬， 混在米線中一起吃 ，令這碗米線顯得特別好味，， 而價錢不貴，其實都幾抵食， 但新疆香草雞翼來了，未有預期的好味，只有少少香草味 ，不過不失。

好耐...都無食譚仔（非三哥）😝咁啱見到做小食推廣就重踏譚仔😂-先點了3餸米線🍜（唉...😭果然三哥仲係好味好多）-之後就點埋個豆腐味道：醬汁濃郁重口味，配上嫩滑豆腐確實唔錯嘅，可以一試😋

這日天氣炎熱，不想行得遠搵食，隨便就入了長沙灣廣場食譚仔。一看MENU，見到介紹的過橋米線，$50就有齊魚蛋, 牛丸, 墨魚, 豬膶......如此多料當然要一試。食材相當豐富，今日天熱為免太熱氣只選了10小辣食材都好味，其中以豬膶﹑腩肉最吸引，爽滑軟腍又入味米線都好滑，加上小辣的湯底帶給味覺刺激又襯托出配料及米線的鮮味。

有人問我譚仔有咩好食我第一個反應係，你係米香港人黎? 第二個反應係，譚仔，除左麻辣米線之外，仲有咩好食? 我既話，就係每次都要食，唔食米線都要食既土匪雞翼。講真，譚仔雖然出名抵食好味，但並唔係乜野都好食，水準亦有時下降。 上次食左個皮蛋，就真係出事，因為得個皮有辣味，蛋黃冇味。 就係失敗之作。但由始至終，從來冇令我失望過既，就係土匪雞翼。 每次上碟，都不怎冒熱氣，因為都封實在焦脆既雞皮之內，只要輕輕一咬，就同黑芝麻香裂出，再深深咬入鮮嫩既雞肉之內，汁液帶有孜然胡椒滋味，流淌在齒頰之間，酣暢痛快，如同土匪打家劫舍既快感。以牙撕肉，以舌吮骨，幾分鐘就食得乾乾淨淨相傳土匪雞翼既由來，就係以前土匪打劫得來的百家香料，都融入鮮烤的雞翼當中，粗獷，野性，我食既唔係雞翼，而係一種嚮往自由既情懷。

是日一人去了譚仔吃午餐，譚仔午飯時間需要搭台是常識吧。我點了一碗酸菜攬肉米線，十小辣和凍檸檬茶。約十五分鐘，米線就到了。老實說，我並不是譚仔的粉絲，因為個人比較喜歡雲桂x 那種酸甜湯底的米線。可能是因為配搭的問題，今天這一碗譚仔米線很好吃。不好辣的我，十小辣實在是恰到好處。微微的辣味刺激味蕾，卻不感覺到辛苦。這裡的酸菜很厚切，很爽口，酸度十足；攬肉很肥美，但不太吃得出味道。今天的麵底軟硬度適中，不會太淋；附送了一些芽菜，增添了口感的層次。整體來說，這間分店的質素不錯，而且相比其他分店環境比較鬆動，ok~~ 

係呢個商場無乜選擇下，唯有食呢間試下啦。點了麻辣小辣米線，配料有生菜同豬潤，另外叫了香草雞翼一客。麻辣湯底就辣味重，香味少，而且頗鹹。生菜份量少，得幾塊，豬潤算係咁，僅熟有點滑，而米線就偏淋身，整體講呢碗米線味道黎講不過不失。香草雞翼有三隻，上面鋪滿香料，煎得算香，雞肉都可以但其實無咩味，基本上靠外皮香料味道，醃既時間應該唔夠，所以食落就只有外鹹，又係得個鹹字。

其實我平時諗唔到食乜都會去食米線，今次來到這間都吃慣了的店。不過今次很失望，我點了過橋米線套餐 (走豬膶，因為我不喜歡吃內臟)時間比較耐，等了約20分鐘，而來時米線好像打完風，個賣相真係不敢恭維。反正都亂，我就用筷子攪多幾攪，點知發現好似很幼竹支，有手指咁長，如果真係沒發現，刺中口控，可大可小。不過出去食野都，呢D情況都見怪不怪了，衛生今次我一次扣哂架啦 ... ... 我照食啦，味道呢... 湯我點了重慶酸辣湯，味道係OK，我認為重慶酸辣湯是咁多個湯最好，D 肉類都入味，唔太老，但丸類我覺得差左少少，配菜都係一般水準，而酸菜同肉醬我個人比較欣賞。整體說，連鎖店很大進步空間！

朋友話未試過走黎同我試下，可惜我自己本身就唔鐘意食米線。環境有點擠逼，但始終喺商場裡面都還過得去，但衛生就真係不敢苟同！朋友叫左個米線餐，即係乜都有。佢就冇講啲咩；不過我果碗冬菇牛肉米線就真係慘！牛肉老到咬唔開，啲湯仲飲到有奇怪的味道。真係以後都唔敢再食米線，最緊要佢價錢唔平。朋友個餐都成$50，我得果兩個餸加杯凍飲都要$34⋯最後我仲要冇食落去。

三次黎到呢度，兩次都食唔到兼一肚氣。 一次來叫外賣，我都知係繁忙時間，咁我就企係度等櫃台搞掂埋單D人先，點知前面埋單的人都搞掂左，都未輪到我叫外賣，仲要之後出來埋單的仲先過我處理，我只係叫個外賣，唔會好阻住吧，之後仲要成堆人開始到係門口等位，咁我即係唯有再等，結果外賣沒買到，就一肚氣走。第二次來堂食，又係不分先後處理客人，後來兼相同人數的客竟可以先過之前的人入座，再之後仲要人分開坐就當搵左位俾人。忙還忙，我知間店多人食，但都唔需要趕客吧。 真係唔會再幫襯佢呢間舖。

長沙灣廣場二樓不經不覺已經由只有一間酒樓，搖身一變多了麥當勞、另一間酒樓、對正麥當勞counter開多間KFC打對台，之後仲開多間譚仔！上一次中午來過一次，睇落好細間，不論堂食外賣都大排長龍，攞籌都要等廿個，中午一個鐘lunch time嚟食真係無可能唔遲到。結果當然放棄夜晚一個人再來，裡面大概有80個座位，但都幾乎滿座！呢度晚巿除咗打工仔之外都有唔少街坊，相信都吸引四小龍居民幫襯。落單後飲品都快到，但食品就等極都無，19:28開單，19:45米線先到！其他人催單，催乜鬼丫，仲遲過我落單，無廿分鐘都唔洗旨意有得食！原來滿座的原因，係因為廚房太慢，個個都等嘢食咁梗係滿座啦……米線到，乜都唔理就食啦，所以無影到相。米線份量：好似少咗DD腐竹唔夠淋，雞肉過熟，酸辣與其他分店差不多，都係鍾意呢隻多過三哥。總言而之：慢！附近麗新分店已經唔慢得去邊，好應該調返個熟手既過來煮米線啦！