譚仔雲南米線 (葵豐大廈)

營業中

休息中

7月份開始,原來譚仔也有早餐時段價錢A歺只需$32,今天特登去試吃了一個A餐五香肉丁福麵不用加錢,麵爽口彈牙👍🏻,太阳蛋好濃郁蛋味.日後早餐又多個選擇,冷氣充足座位舒服💪侍應服務態度良好.

而家食譚仔已經無以前甘好食，湯鹹，酸菜越比越少，以前我最中意食套餐樣樣有，中意食酸菜，買過好多次返屋企食，但系一次比一次少，好失望😓，雞亦還好，正常味道不變，繼續會食

葵芳周圍有好多野食，但譚仔依然大排長龍我叫左個炸醬蕃茄湯底米線，再加一個大嘅蒜泥白肉同埋土匪雞翼，初嘗土匪雞翼姐姐嘅態度幾好，係我點餐嘅時候，佢都笑口滿面，突然覺得有種親切嘅感覺蕃茄湯底米線($32)：譚仔用真蕃茄，無得輸，湯底尚算濃郁，米線唔硬身易入口炸醬：我朋友話俾我知嘅一餸定律，叫得越多餸，炸醬會愈少。炸醬大半碗，份量中上，可能我有啲貪心😜不過同米線好夾大嘅蒜泥白肉($38)：鍾意食蒜嘅人，好似我咁真係好幸福，一大堆蒜泥放係中間，每塊白肉都有蒜泥，一兩塊白肉放係匙羹度，再放少少米線上去，一口放入口，味道更佳，食評寫到依度，回想那種感覺，我好想即刻飛過去食土匪雞翼($32/5隻)：本來諗住下次食，見到隔離枱都有叫，所以初嘗，土匪雞翼。價錢中等，咩都冇我想像中咁好食，食落去有啲似寶通嘅黑椒雞翼，但係配米線一流

平時都有食開譚仔，但係如果要食全餐的話一定要有兩個人或三個人以上，因為全餐的份量真的是好大，全餐的餸可能比麵更多，餸包括了很多， 牛肉丶豬肉丶腩肉丶竹笙丶 牛丸丶魚蛋丶 墨魚丸丶芽菜丶生菜丶支竹丶酸菜，另外譚仔小點也有很多選擇，今次點了 麻辣雲耳丶拍青瓜丶蒜泥白肉，幾乎是每次都必點的食物，雲耳都幾辣，要食得辣才好試，蒜泥白肉很好吃， 但建議你應該選大的價錢，比較合理，今次叫了一個細的，25蚊但只是一小碟，唔抵！

本人好久沒有品嚐過地道雲南菜，某日無心插柳下驚見有一家餐廳的名字頗為歡迎。它是傳統的譚仔米線，來到當然每人必點的自選米線，雖然發源於雲南及選擇不多，未必所有菜式或小吃也專門一個地方的家鄉風味。故此平日返工中午用膳時間往往須動輒等候半小時，即使手機應用程式增加無線網上取籌系統不須門口前取票也節省不了多少輪候時間。與其浪費大部份時間等，倒不如找天有空才再試吧了。如果你想一次過同一碗米線中品嚐多款材料，本人建議點選過橋米線，它的材料跟粵式的不同，質地較一般粗得多及以米漿精製而成的。份量是雙重標準，主要配料包括家禽肉、肝、魚丸等，肉質脂肪平均細滑，肝沒有半點腥味，丸有如細小乒乓球及網球般彈性。配合精心熬製了十多小時的特濃豬骨清湯，可謂把配料的精華滲透湯底中，油而不膩，反而香味更濃。如果有點小食的話，覺得湯底辣度不足? 可變通一下把小食的辣椒油放進裡，一次幾小滴可加辣至中辣級數，挑戰你的味覺。各位品嚐完米線仍意猶未盡? 可加點風味小吃「充電」，主要款式包括雞翅、木耳及家禽可食用的其他器官。製法當然不只雲南麻辣口味，還有四川、湖南等其他地方可供選擇。本人點了一碟黑木耳及豬耳小吃，木耳韌度十足爽口;

如題 happy Friday 當然唔帶飯兩手Fung fing去食野黎到譚仔 朋友係電話攞定飛唔哂時間 即使放暑假都仲咁多人所以我地唔係等左耐就入得餐廳內 職員唔多 樓面眼見有3個所以等食物係要等長啲時間來吧 我叫左碗炸醬麻辣3小辣米線大家傾開 發現 原來叫單餸係多啲分量例如你叫墨魚丸 單餸都會多兩3粒 佢地話所以我地4個share食😂飲品都係凍0茶少冰 比較甜總之叫少糖而家飲筒都改用紙 好似環保啲成為$41 食飽飽 就返去繼續努力

憤怒投訴！兩餸炸醬少到得一羹！本來唔想公開，但係投訴無門，我係迫不得已。本來我同屋企人都係譚仔fans。呢間葵芳興芳路譚仔，我地都幫襯過無數咁多次。今日(30/6)晚上約7:20左右，我叫左個兩餸(炸醬牛丸小辣)米線。當譚仔姐姐出菜果時，我問：炸醬點解咁少？(我唔係第一次食，其他舖份量亦唔會少到咁)譚仔阿姐態度不耐煩答：兩餸係咁少我答：少到啱啱舖碗底，潷出黎得一羹譚仔阿姐：兩餸係咁少，不嬲都咁少......理都唔再理我，黑面就跑入廚房，逃避而又唔係出其他菜。順帶一提，明明叫左兩碗小辣米線，一碗10小辣，但係出黎係居然有3隻不同辣度。質素都大不如前.......譚仔阿姐態度差，黑臉都係經常有。而家我俾錢出黎仲要睇人面色，食物份量不達標，質素都不達標....我已經搵唔到理由再幫襯落去。我唔係貪多幾啖炸醬，係希望管理層嚴肅跟進呢間舖縮水現象越黎越明顯，已經唔係第一次。

有時想慳慳地，lunch吾想食到甘貴。譚仔真係不二之選！👍👍加上葵芳除左葵廣掃街，新都會啲連鎖店又貴又吾抵。終於明白點解係葵芳都有成3間譚仔同三哥！😲😲Lunch等位一定多人！都要等10張枱，等左~15mins。1. 麻辣豬耳 - $29吾算太辣，豬耳爽口。小件小件的，薄薄的一塊，方便一小口一塊。份量頗多的。讚！😍2. 番茄湯雞肉米線 - $33雖然吾係番茄濃湯，但勝在夠番茄味夠鮮，酸酸甜甜的，吾似係落茄膏。雞肉瘦。🥰3. 凍檸茶 - 加$8

很久沒有吃過譚仔，今天突然興起，便向平日對米線不屑一顧的男友提議吃米線，有點強人所難，哈！😅以下的圖片並沒有經過任何修飾，原圖直出，希望將食物真實的情況呈現大家眼前，不再是‘圖片只供參考’🤗🤗我們點了3樣東西：土匪雞翼3隻（$24）四川青椒皮蛋（$22）過橋米線套餐（$56）整體來說，3樣東西味道都不錯，也能保持水準，會再繼續光顧啊😋😋唯一令我們不滿意的是，店舖裡竟然有蚊子🦟，男友瞬間變成它的獵物😓味道：8/10環境：5/10服務：7/10性價比：7/10

過年去葵涌廣場行完，走去附近嘅譚仔雲南米線食米線，有好多人等位，我哋3個人都等咗一陣，因為係搭檯坐，所以唔使等好耐就有位了。我哋叫咗3碗米線：魚片頭米線，腩肉米線，同埋墨魚丸米線加炸醬。值得一讚係呢度嘅米線保持到水準，跟以往一樣好食，價錢平民化，過年冇加價。我哋唔係太肚餓，落單時話要少米，咁就會減1蚊，非常公道。

一個人唔知食咩好，梗係食米線啦，雖然我唔食得辣，不過好鍾意食麻辣。雖然葵涌廣場都有一間譚仔，但係人山人海，特別係隔日嘅時候，嗰條馬路個對面，就小人好多啦。一個人食一碗譚仔米線坐喺度都唔會覺得尷尬，食物水準依舊，唔會失望，米線煮嘅軟硬度適中，唔會太硬，今日叫左鮮牛肉，牛肉有啲碎，唔係一整片，10小辣依舊美味，但係朋友話酸辣都好好食，下次再試。但係服務態度就要改善，嗰個服務姐姐實在太惡啦，一個唔繁忙嘅時間，佢都要強迫安排座位，實在需要改進呢。

譚仔雲南米線，相信每人都認識，我猜，大多數人都應該食過吧⋯⋯因爲譚仔雲南米線開了太多分店，所以總有一間在附近，無論返工，返屋企，又或者逛街，總會見過有譚仔雲南米線🤭🤭🤭😂😂😂⋯⋯今天就去了譚仔雲南米線，貪近，貪方便吧😆😆🤭🤭叫了一個魚旦腐皮清湯米，簡單又清淡的一碗米線。魚旦幾彈牙，好味的。腐皮正常吧。不過份量不算多，我指腐皮。至於米線份量和口感都可以。湯底清而有味。三十多元，有此質素，合格吧。😆😆😆👍👍

剛食完，食物質素無問題，但等左9個字都仲未有食物，嚴重漏單，服務員態度又差，同枱有其他食客等到五耐煩，佢係叫左了，但照離開，真心嬲，以後不會幫襯，永不錄用，對譚仔印象差曬

星期六懶懶閒，想食個簡便午餐，一於來到附近的譚仔雲南米線食晏。可能因為譚仔米線一向都大件夾抵食，所以都排咗陣隊。但好快就有位，大概10分鐘左右吧。鋪面的裝修都幾有格調，完全唔似快餐店。叫咗個雞肉米線，重慶二小辣。一個送就$31，加辣又加多$1。落單時阿姐的鄉音一向都係譚仔嘅特色。米線都幾大碗，一個男士食都覺得好飽肚。米線煮得夠淋夠入味，湯底嘅重慶辣都吸收晒。雞肉係碎上嘅，雞肉唔係滑，我估係雞胸肉，不過吸收晒湯底嘅重慶辣，算係補救返啲吧。睇個湯底幾紅就知有幾辣啦。凍奶茶要加$7。小弟唔食得辣，但又好鍾意食辣。一般都會叫返杯凍奶茶解辣。不過不失吧。食完個咁正嘅米線，埋單都係$39。良心價。

今日和同事一起到這間譚仔食米線，由於有同事一早到來拿位，所以不用等太久，因為每逢食飯時間都會有很多人來，如果沒有同事先來拿位，也許要等差不多半小時。我叫了雞肉麻辣五小麻米線，這是我每次食譚仔必叫的組合，我覺得雞肉配麻辣真的十分好味，可以帶出雞肉的鮮味，是最佳搭配，而且五小辣其實並非很辣，初試食辣的可以由這程度開始。之前有朋友說譚仔的湯底好像咸了一些，但我今次食完卻覺得剛好，而且米線又滑，容易入口，不會太軟。另外，我們還叫了一份大的土匪雞翼，雖然比較細隻，但味道不變，上面的香料不會太濃，肉質鮮嫩多汁，我一個人食了兩隻，哈哈。