譚仔雲南米線 (新城大廈)

營業中

休息中

正常打工仔食飯得果一個鐘時間，於是就去銅鑼灣呢間譚仔 3:06落左單 一直等等到3:38碗米線都未到，於是叫店員幫手望下，呀姐正係講左句入面有好多單 講完呢句完全無行動 咁姐係點？望都唔洗望下？在場客又唔係多，仲有好多空位都未開放比客人坐，我想知道究竟係員工做野慢定唔夠人？最後等左半個鐘都仲未知碗野幾時先會到，分分鐘比你等足一個鐘都未黎，最後嬲嬲地走左。其實最近一次晚飯時間係觀塘廣場又係等左半個鐘以上先到野食。講真譚仔價錢真係唔可以稱得上平，同類型餐廳大把好過佢，仲要浪費食客時間 以後唔會再幫襯

話說本少爺今日覺得好悶 完全唔知要做咩好呀真係 然後我決定要出去食嘢 但係出到去嘅時候我見到有得買六合彩 點知入咗六福珠寶 我入到去更加唔知做咩好 最後諗諗下都係買唔買十條金鍊好 望一望 銀包 發現得廿蚊 只有靜靜雞走咗去 之後去櫃員機撳錢 本身諗住 提款20蚊 而家一共有40蚊 然後我決定一定要去買六合彩 咁就用咗廿蚊 如果唔中 我就發唔到達 好講咗咁多廢話而家入返正題 我決定今日食嘅晚餐就係譚仔 但係諗一諗 我買咗廿蚊六合彩 連譚仔都唔夠錢畀 咁點算 咁之後返屋企問阿媽借30蚊 原來我去食譚仔 叫咗個辣辣地三小辣嘅米線 但係諗一諗都係改咗佢 叫咗個重慶酸辣米線 配魚豆腐好好味 一個字爽到爆兩個字 完

人人大愛譚仔，太耐無食決定收工去食個譚仔充充電。食譚仔又中意食辣當然要叫重慶辣，我叫的是重慶小辣，雖然望落好似好辣，但實則又唔會太過分，上菜時，濃濃香味已經令我忍不住想快啲食。塊塊魚腐都沾住辣汁，非常惹味，再加上雞肉，簡直絕配。

痴線嘅落單一來到就叫摞menu等了幾個人都沒摞來 之後想叫野吃等左成十幾分鐘又不是很多人 幾個肆應行來行去執野一直話等陣先 幾個人都是甘 服務態度勁差咯火都黎👎🏻👎🏻👎🏻再不會來 浪費曬啲時間 唔擺menu简直有病 同其他米线店没得比

腩肉番茄湯米線米線的份量誠意十足，滿滿的一大碗🙈下次都係叫少米好啲。碗內有頗多腩肉，少量腐皮韭菜等伴碟，單叫都不會太單調。🤣🤣而我們另外叫了兩款小食👍🏻蒜泥白肉（標準）薄切的豬腩肉一片片圍圈擺好，再用滿滿的紅油和醬油浸泡着，好邪惡啊🤓另外還有一些蒜蓉放在上面，可以自行選擇點着吃。建議放一點在腩肉中間，捲着吃🤓蜀香豬肚絲😋😋重口味人士之選，味道鹹香帶一點辛辣。而豬肚絲彈牙爽口，頗有有口感。😩美中不足是可能味精太重，食完會覺得好口渴

今日同朋友黎到銅鑼灣做野，想搵下野食，行過就見到譚仔，咁咪唔諗囉，入去食啦！每次見到譚仔就會吸味蕾到一個點，好想即刻食！😋一坐低就想叫番去譚仔酸辣！叫多個腩肉添！但係唔知係咪我同店員好似唔同channel咁，佢好似慢幾拍先聽到，如常落完單叫等一陣，因為餐廳唔係好多人，都唔洗等好耐，店員拎漏左筷子，就叫我等一等啦，點知佢來來回回行過左5次，都未拎到對筷子比我，每次都同我講依家拎，佢又叫另外一個同事拎，但另外一個同事又係行過3次都唔幫我拎筷子，等餐唔係問題，等筷子就真係有點兒無奈了😓😓

晏晝去咗謝斐道我呢邊食譚仔雲南米線，近SOGO嗰邊嘅嘢食都好貴，又唔敢係商場食嘢，都係因為太貴，所以就過咗嚟譚仔，$50以內既佳選！平時都有食開，但係都唔係成日食！但係諗起米線一定會諗起譚仔雲南米線或三哥~ 因為晏左食lunch，所以去到唔駛等位，冇乜人等，就直接有位~ 我要左清湯米線，配腩肉，同炸醬~ 不嬲都唔食開辣，所以呢個組合係最正嘅~等左10分鐘左右，就有得食了👍🏻 都算幾快～ 牛丸未到最好食，但都好彈牙，不過就太少粒🤦🏻‍♀️ 炸醬好好味，譚仔既炸醬唔辣，唔似一般炸醬，好好食～ 一匙羹炸漿,再放少少麵條係匙羹，一淡食落肚，好滋味😍

雖然已經過了晚餐時間，銅鑼灣的譚仔依然人頭湧湧。大部份食客都需要搭枱。我坐下了剛離開食客的位置，姐姐迅速清桌，後有一位顏值相當的小伙子給餐具MENU。姐姐落單後三五分鐘就有得食。豆卜還好，但看得出已經發漲了，最大吸不到湯。豬潤煮得太久太乾，縮到很小塊，變得不爽口和難咬。 湯底是只有一種辣度的湖南酸辣口味，油份較重慶酸辣少。配菜非常零碎，米線份量少。小插曲，身旁一位食客催了左三次飲品都沒來，姐姐仲話好正常…….最後吃完了面先有飲料。好慘。

譚仔橫行米線界咁多年真係有原因㗎佢啲湯底真係一試就愛上每星期最少要食一次先過到癮喺眾多湯底當中我最鍾意就係重慶酸辣平時我唔算係食得好辣嘅人不過重慶嘅辣真係好味得黎唔會食得好辛苦佢嘅辣度最少要叫三小不過比起麻辣五小其實冇咁辣佢嘅酸度適中 如果覺得湖南酸辣太酸嘅朋友可以試試佢餸方面我覺得魚腐同豆卜都好味魚腐魚味香，質地比較淋同街市買嘅完全唔同小食方面土匪雞翼比較出名但除此之外，蒜泥白肉同麻辣豬耳都真心正如果平時食清湯嘅，都可以試下加佢哋嘅醬汁落湯唔會好辣，但會令個湯香左勁多

剛3點pm收工去食譚仔今日食炸醬+豬潤清湯米線+3隻土匪雞翼+凍檸茶($73)餓到胃痛4點幾至食😥食完呢餐都唔夠飽😥食成百蚊仲肚餓😭我唔係好大食架咋(應該係😎)啲豬潤煮得太耐太熟熟到乾個隻米線同炸醬既份量都俾好少🤔平時喺其他分店食應該無咁少🤔炸醬味道正常而我最愛既土匪雞翼食得好好味😍

同事好愛米線，愛到餐餐米線都可以，今日就食便宜餐好清啊，有芽菜和韭菜作配料，竹笙好爽腩肉超級薄身，有嚼口，米線爽滑，湯汁辣度可以接受雞肉嫩滑，份量多，好好味飲品跟餐半價，抵飲

今日森仔約左朋友落銅鑼灣掟飛鏢。因為時間有限，所以我打算快食之後就去玩。譚仔作為速食飯堂，又同時係我的最愛。緊係去果到食碗酸辣炸醬米線。銅鑼灣既譚仔既環境都算幾舒適，又有舒發椅。而空間亦幾夠，所以真係好岩快食之餘，亦叫坐得舒舒服服。譚仔酸辣湯既味道一向有品質保證！果種酸酸辣辣，真係我的最愛！我最喜歡的，令我飲晒d湯！至於炸醬亦好好味，酸酸甜甜的，好適合撈埋米線食！一大碗炸醬，拌埋米線食，真係好滿足。再飲下佢酸酸辣辣的湯，真係好滿足！Nice nice 😍😍😍

今日天氣太熱啦⋯⋯係地鐵站行出黎都唔知食咩好，左望右望都係行入譚仔😃因為過左lunch time,所以唔使等位就直入啦！仲一個人坐卡位tim! 正呀👍🏻酸辣雞肉腐竹小米線永遠係我既最愛！落單既姐姐亦都好有禮貌！今日真係lucky 😃

平時食開「三哥譚仔」，第一次食譚仔，平時已經聽人講「三哥」好食d！今日食過呢間譚仔，我肯定以後都唔會再幫襯。。。。佢同「三哥」既菜單差唔多，所以叫左「默」丸米，要酸辣湯，同細土匪雞亦。埋單$61，但見張單寫左（辛），問阿姐佢聲稱就係酸辣嚟！外賣等左十幾分鐘，忍唔問阿姐有未？！阿姐回應：等多陣啦，雞亦要等15分鐘。 我就心諗：成間舖甘多人食野，就真係無人食土匪雞亦？！唔通d阿姐，每次有人叫，會逐份煮？（真係諗唔透🤔）阿姐態度差到不得了，呼呼喝喝咁，唔知以為踩到佢條尾。最終真係等左15分鐘就有外賣！土匪雞亦同三哥比除左細隻d，味道都差唔多，但我個人中意食三哥多d。到個麵😵一打開見到個湯已經怪怪地，點解會係黃色？！而平時食酸辣，明明有酸菜，今日菜都無條。。。頂～食落得d怪辣完全無酸，完全被欺騙感覺🤦🏻‍♂️，個辣唔係麻辣，似辣椒油d辣，說好的酸辣呢？👎🏼👎🏼👎🏼感覺比人呃左，以後唔會食！

野飲仲遲過野食出我仲要係叫罐裝飲品 問左兩次 個呀姐又話唔關佢地事 係水吧同事 拎罐野飲出黎真係有咁難咩？班阿姐態度極差 想點？欠左佢地呀？食平野=無服務？我都明既 但唔好太過份囉真係