譚仔雲南米線 (新城大廈)

營業中

休息中

好奈都無食過譚仔啦, 今晚食個炸醬豬潤小辣米線先, 好懷念哦😊大碗夾抵食👍, 食到噴汗呀💦，過癮過癮, 米線爽d, 豬潤很多, 而豬潤就夠厚夠爽有口感😋巴蜀風爽口生腸, 咬口非常爽脆而且麻香撲鼻, 配上較為重味的醬汁，真係非常之醒胃☺️☺️

昨日出去同朋友食飯，我自己叫左個竹笙墨丸重慶二小辣，湯底唔錯，有小小辣得黎又有少少酸。而且墨丸亦有些小爽口彈牙，有口感，竹笙亦有點爽口，芽菜唔會太林身。另外，凍檸茶唔會好過澀口，調得岩岩好。

開完會同同事去左譚仔晚餐。叫左個 雞肉，酸辣，走九菜，少米線。一如往常，米線都係好滑，而且唔會淋滋滋，雞肉今次比較老，可能係煮得耐左，芽菜都係好爽好入味，而湯底今次比平時食開既辣，不過都係接受到既。

呢間平時都係我食晏就餐既其中一間至愛 都係要搭台 不過佢既座位都算ok 唔會太逼 d呀姐都做野快手 得一個鍾食飯食呢間絕對唔會遲我簡既小辣竹笙腐竹米線 佢既湯係先酸酸地之後辣 佢既辣唔會好嗆口 不過會愈食愈辣 都係辣得好過癮 米線口感軟熟 唔會好易斷 我配既竹笙好入味 爽口 佢吸晒湯既精華 好正 不過食落口都幾熱同吸左好多湯 食個陣要小心熱同辣親😂😂 腐竹都係好林 好香豆味 好多料 看似呢碗好清淡 但係因為佢湯低夠味 都好好味

看見這裏的食評不錯，和同事專程來這裏一試。小人叫了三拼: 豬膶、牛肉及韮菜米線$37，重慶酸辣湯底，中辣。湯底入口先酸後辣，辣味悠長不嗆喉，不及想像中的辣勁。米線口感軟熟，夾起不易斷，但未能索盡辣汁精華。豬膶很多筋，牛肉一吃便知是急凍肉，又靭又無肉味。可取的是份量頗多，男同事也夠飽。路過一嚐還可，但是否值得專程到來則難下定論也。

其實我真係好鍾意食譚仔，我可以成日都食，一個星期食三四次都唔會厭! 未試過係Open Rice 寫食評，今日決定試下寫! 今日星期六約左一班同學去行街，血拼完想食D野醫肚，我地行行下見到有間譚仔，我二話不說拉左我D friend入去! 我叫左豬膶牛肉中辣，好鍾意譚仔d麻辣湯底，d豬膶同牛肉好滑嫰，一d都唔老。我地仲叫左皮蛋同蒜泥白肉。咁啱今次隻皮蛋係溏心，加上佢個隻好特別ge 麻辣醬汁，真係食落好頂癮，大家都爭住食! 至於個蒜泥白肉都好好食，我好鍾意每一嚿腩肉都hi好多蒜咁食! 雖然食完個口好大陣蒜味，但太好食啦真係!!!!!食譚仔當然要叫返杯凍野飲! 但杯野真係好多冰haha!!!!! 下次一定叫少冰!!!!!! 下次會叫多d friend黎食女! 叫曬全部餸食餐譚仔放題!!!!!!!!!!!!!

成日都去食譚仔三哥, 一如都覺得味道唔錯, 加左唔係好多次價, 如果要2個餸$30以下就可以埋單了囉! 而家好少有咁平既午/晚餐了2個女仔叫左一碗過橋米線, 好鐘意清湯底都係咁香濃既骨香, 又唔油膩, 飲完都唔會覺得太咸, 應該冇味精, 而且料超多! 每樣都有2-3件, 最鐘意係食豬肝同墨魚丸, 其他既肉都好瘦, 唔怕食完會肥, 2個女仔食份量已經好夠!次次都叫土匪雞翼, 焗完之後肉汁依然超多, 皮脆微焦但內皮好稔, $30好抵好抵呀~~~好立克甜甜地, 有少少多冰, 不過+$5係唔錯既, 唔會太淡太稀

晚飯還是吃了譚仔，對於喜愛吃辣的人士來說，譚仔米線是不二之選，紅油豬耳，吸取了經典川菜系麻辣的特點，鹹度適宜，酸度也正好，土匪雞翼外焦裏嫩，灑上一層芝麻簡直人間極品。米線沒有什麼評價，本次米線煮的時間似乎沒有把握好，略有些硬...

食左譚仔咁多年，值得一讚嘅係佢地會不停upgrade，令我地呢啲忠實fans有驚喜。 今次黎到銅鑼灣譚仔，唔知係太耐無黎定咩，比佢新嘅裝修吸引到，非常有時尚感，又寬敞左。一向都覺得譚仔比三哥更濃味，辣度更上一層。今次都無令我失望，即使只係小辣，都好過癮。加上世界級墨丸真係無得壇。仍然係掛住譚仔嘅檸蜜，甜度適中，解辣又解渴。 不過因為地區問題，呢間相對其他分店價格都係比較貴。兩餸加飲品已經盛惠48。 不過，都仍然會再黎嘅！

又食譚仔啦，次次食譚仔都好滿足，叫個套餐，大大碗，一個女仔都食得落，今次一如既往咁叫咗個套餐，好大碗好滿足，有火腿牛丸豬肉牛肉豬潤竹笙韭菜腐皮......,總之就好多啦，樣樣都咁好食，配埋爽口美味的米線，真係好正，我一般喜歡5小辣，辣辣地又唔會話太辣，令人提升食慾，真係好正，我最中意食佢個個豬潤同腩肉，這個搭配系好正！

今日放lunch異常地肚餓！！經常食譚仔雲南米線既我，竟然一次都未試過雲南過橋米線。係銅鑼灣譚仔食個雲南過橋米線就四十幾蚊，但係米線既材料真係包羅萬有。其中腐竹，雞絲真係無得頂！我叫左清湯，湯夠咪，米線夠彈牙！今餐真正！

真的好喜歡吃譚仔的過橋米線，細食的話，兩人share一碗就差不多了：）（PS.要飲品的話需另外加錢）配料對我來說好豐富～有牛丸、魚丸、墨丸、竹笙、豬潤⋯⋯還有我很喜歡的腩肉，附上一小碟酢醬和酸菜，十分開胃：P單點一碗的話，我推薦腩肉，不太肥，剛剛好xd這次幾個人來吃，就叫了兩碗，一碗清湯，一碗是十小辣的湯底（不能吃辣的我覺得十小辣不算辣～不吃辣的朋友也可以試試！），沒記錯的話過橋米線是＄50一碗，算是抵食。

講真好耐未食過突然之間又好想食 我有個friend曾經同我講過，要做到一碗好味既米線並唔容易 不過，我覺得一哥完全做到 其實呢個四十幾蚊既過橋米線真係好抵 又大碗又有曬咁多味餸 其實真係好好味 男仔肚餓既話一哥可以食曬一碗 女仔兩個人既可以分黎食 每人都只係二十幾蚊 其實真係抵到爛 所以基本上次次黎一哥我都係叫過橋米線 DDDD

9點鐘食譚仔 依舊好多人等位 大約等左15分鐘就有得入 叫左一個雞肉魚蛋米線 細土匪雞翼 細蒜泥白肉 魚蛋超級彈牙 可以話係我食過最彈牙既 平時我叫少米線 佢都仲係俾好多 今次終於少左啦 係我唯一一次食得哂 而土匪雞翼熱辣辣 雞肉又滑 食左一百次都唔會厭 蒜泥白肉雖然好紅 但其實一啲都唔辣 好食到我同媽媽要爭住食

要係銅鑼灣搵到平又鐘意食,都會有好多既選擇.如果想食辣既話,我就想到譚仔米線,重慶3少辣,食到眼水鼻涕一齊黎,都要照食.同埋蒜泥白肉自己係屋企係唔會識整,出黎食仲好味.加上土匪雞翼好吃到再來吃.簡單的一餐,HKD50既收費,有咁多野食,去快餐店食過飯都過左呢個數而且女仔係最鐘食湯粉.難怪店內比較多女仔