譚點 (已結業)

尋日上facebook, 見朋友介紹新開嘅譚點, 於是收工去試下, 店內環境清潔, 店員有禮貌, 點心即叫即蒸, 雖然款式不太多, 但樣樣都有別於其他點心專門店, 而此店比深水埔添好運乾淨很多又好食, 以後開飯多個選擇

媽咪一向鍾意飲茶食點心, 朋友介紹話九龍城新開左間食點心既鋪頭幾唔錯, 所以特意約左家姐陪媽咪去試下.老闆娘話剛開張, 店內最特別既係廚房裝了一大幅玻璃, 可以清楚見到師父係度做點心, 咁又幾得意喎, 我見餐單上除了點心竟然有唔少甜品, D甜品個賣相又幾靚喎, 非一般酒樓見到個D, 四四方方一舊舊咁, 真係見都個樣都已經想試. 結果陪媽咪食點心之餘, 我同家姐就試左唔少甜品 問返媽咪, 間鋪頭D點心OK麻? 佢第一樣答既竟然係話鐘意個鳥龍茶唔錯夠曬茶味.....吓, 好在再問多問, 媽咪都話D點心用料好新鮮, 好食過佢平時食開個間.........我就反而鐘意佢D新派點心及甜品, 尤其係青芥蝦堡及焦糖布甸, LEE兩款好得

同男友去九龍城，食來食去都係泰國菜，唔想係煎炸就係咖哩.. 悶悶悶悶悶悶 早兩日經過南角道，見到有間點心舖新開，就和男友膽粗粗走入去試試... 一入舖，職員問我飲咩茶...唔係話，我EXPECT佢地會拎兩杯茶俾我就算 (茶餐廳透明膠杯個重) 點知原來係成壺奉上之餘，仲有得選擇: 人參烏龍茶 / 東瀛玄米茶 .... 及平時飲到個D.... 呢種VARIETY都係每位$3, 抵!! 點心紙款式... OK啦，於是點了幾樣試試，落單時老闆娘同我地推介「青芥脆蝦一口BURGER」.. 心想，餐包不外乎係迷你叉燒包...好啦, 又試下 等左一陣點心到，嘩，呢度個蒸籠好CUTE~ 係長方形而唔係成日見到嘅圓形 好有HEART~ 打開之後, 仲要話多幾聲!!! 估唔到原來個「金柱帶子石榴果」係咁OK!! 有金箔係面!! 平時同客係中環食飯，有咁嘅賣相唔奇..但係呢度係九龍城!! 影完相之後，一啖咬落去試吓~ 好鐘意味道清淡D，唔會一味死鹹~ 用料好新鮮~~ 馬蹄粒，帶子粒和蝦膠的比例好好~ 彈牙唔會"削"

果日我同男朋友行完街, 想晚餐食少D野, 於是去九龍城睇睇有咩食見到有間新開張點心店, 亦見到餐牌D點心好特別, 於是入去一試我地叫左"至愛小忌廉芝士餅","青芥脆蝦一口漢堡仔", "魚翅帶子餃", "黑魚子燒賣"一set兩件, 0岩哂我地食之餘, 亦可以食多D款, 味道OK喎, 同一般酒樓好唔同, 同埋聽老闆講, 話會隔一段時間轉餐牌, 而果度D師傳係酒店D中菜廳請番黎的, 所以值得再去一試