譽宴 (已結業)

A great variety of food! Visitors said the roasted pork is the best but I didn't get to try it as there was always a long queue and every time I tried to get the roasted pork it was gone very fast.  The dessert dishes are very special.  1/ dumplings in ginger and dates soup: not too sweet but just right.  I like the flavour of the soup, very fresh.2/ jello: especially made with 

到一間酒樓飲茶，茶好點心美味當然是首要。可是，美食好茶未來食客最先接觸到的是服務。服務唔好，食慾已減半。酒樓的侍應太少了，他們各有各忙對食客愛理不理甚至黑面。這些事情會發生是因為正所謂上梁不正下梁歪。經理級管理不善，下屬又怎會做得好。當日去到酒樓，reception 冇職員，樓面的侍應叫我們自己找位座下。開完位想開始洗碗碟，發現有隻碗唔清潔要求更換. 有個經理走了過來接過個杯並説不好意思，我們連隨要求點心紙。佢聽完後繼續做佢嘅野和傾計，完全無理到我們。試問未開始品嚐點心已接受了這樣的服務，野食有幾好也冇用啦！

有朋自馬拉來，想食廣東點心，但原來銅鑼灣的酒樓大部份都是11點後開店。好在有openrice，找到這家。4個人隨意叫了10個點心。 出品水準一般，雖沒驚喜，但價格相宜。如果想食蛋撻，還是去茶餐廳吧。最上端的春風得意腸，有蝦膠蟹籽，可以一試雖然不是農曆年，但點了蘿蔔糕+黃金糕。但黃金糕居然是蒸點，有點不安，果然，無煎香，稍涼就硬，味道也極普通，不建議!糕也是不時不食?!其他的蝦餃，燒賣，叉燒飽都ok。反而馬拉糕少甜，鬆軟，幾好味道。埋單$260，無咩投訴了。

約了老朋友星期六午餐。要在星期六下午時段在銅鑼灣飲茶, 便想起此酒樓。一來可預先訂位, 二來價錢相對在銅鑼灣其他酒樓來説也頗平宜。這酒樓的點心ㄧ向在質量和質素方法都不過不失。但要推介"蟲草花棉花雞", 十分足料。魚肚質料厚棉, 不會蒸得碎散。雞肉滑, 加上蟲草花更覺健康。整體來說, 食物有水準之餘, 價錢實惠($19.8)。這是必食之選。朋友喜愛燴飯, 因為"濕濕地, 易入口", 所以點了這個龍蝦湯艇王燴飯。說真的其實是炒飯伴以龍蝦汁(有少許海鮮粒)。以$68來説, 份量足, 其實好抵食。其餘的蟹籽燒賣皇(拍照前已被友人取了ㄧ件)、懷舊焗餐包、生煎菜肉包就一般了。整體來說, 食物質素ok, 價錢實惠, 是在銅鑼灣飮茶聚腳的好地方。

早排約埋ㄧ班同事去食餐, 慶祝加人工, 以我地咁精明, 梗係揀星期一至星期四去食, 平兩百大元喎。酒樓裝修闊落光猛, 令人感覺舒適。套餐例牌先上乳豬, 皮脆肉嫩, 隻乳豬好瘦, 好 bb. 再嚟碟芝士龍蝦伊麵, 超多龍蝦, 芝士食落唔會好漏, 條清蒸石斑都唔細, 可惜蒸得過左少少火, d 肉有d "鞋", 隻炸子雞睇落唔錯, 唔算燶, 味道 ok, 仿鮑片冬菇扒時菜略為多左 d 油, 仿鮑片都好有鮑魚味, 碟蛋白炒飯唔肥膩, d 飯夠乾身, 味道亦適中, 抵食。

環境4分：婚宴酒樓佈置，外觀都幾靚，牆上有結婚擺酒佈置，但今日嚟飲早茶，所以畀四分。 衛生4分： 有畀盤畀餐具洗一洗，整體都算乾淨，有四分。       服務1分：因夥記人數太少，壺茶要自己加添熱水。叫左五樣點心，有一樣沽清，腸粉最早到 (即是正常時間到)，但其餘三樣等左三十分鐘後問侍應生係咪漏單，但侍應生黑面回應話差唔多係要等咁耐，最後過多五分鐘，即35分鐘後先上齊點心，黑面扣四分，得一分！ 味道2分：1)      蝦腸有六件，而每件都有一隻蝦，但係啲腸粉皮實在有啲黏，唔知是否蒸過龍，或落得太多粉。   2)      燒賣正常味道，但size偏細粒。   3)      牛肉球香料味太重，食唔到牛肉味。   4)      百花釀魚肚係比較好食的一樣。  總結得兩分。抵食3分：  因十一點半前有早茶特價點心優惠，所以價錢都幾抵。但味道服務都非常一般，所以只有三分。

We made reservations at this restaurant as all other Chinese restaurants were booked out for Chinese New Year's Eve dinner. We were very happy with our meal. The food was very tasty, but the all the dishes were served at lightning speed so much that we had to ask the waiters to stop bringing the food all at once. Thankfully, we were able to sit at the table as long as we wanted and enjoy talking to our family members all night long and the staff did not bother us and make us leave. It was a good

今日放假，約左媽咪兩個人去左銅鑼灣既譽宴飲下午茶。我地坐左係閣樓，可以望到大堂。而家仲算係新春假期，好多酒樓都仲未有特價下午茶提供。但係譽宴已經有特價下午茶提供，非常抵食。我地叫左大大碗燒鴨米 (HKD 38)，山竹牛肉球 (HKD 13.8)，香茜牛肉腸 (HKD 23.8)，蟲草花棉花雞 (HKD 23.8)，發菜蠔豉豬骨粥 (HKD 28)，譽宴大壽包 (HKD 16)，蛋皇一口酥 (HKD 19.8)。至於茶錢 就每位 HKD 10。燒鴨米佢就俾左半隻脾俾我，半肥瘦，正。牛肉球就好大粒，牛肉腸就用料十足，兩者味道唔錯。棉花雞味道就還可以。豬骨粥就略為遜色，太淡冇味。壽包係我既至愛，蓮蓉涵好多，無得輸。一口酥賣相似叉燒酥，但內裏其實係咸蛋黃，黎既，賣相唔錯，幾有創意。

同2個同事講起好耐冇一齊飲茶, 就決定今日Lunch去,去到利舞台平時飲開個間full左要等位, 落5樓問譽宴有位就入座啦嗌左個商務套餐, $180左右有3籠點心, 1個粉麵, 1個小食, 譽宴燒賣 - 一般貨色XO醬石鍋煎腸粉 - 好大期望, 所以非常失望, 又冇味又乾薑汁蒸軟糕 - 薑味重,煙韌有口感, 好味魚湯星斑米線 - 星斑硬左D, 魚湯唔係味精湯, 唔錯鮑汁炆雞腳 - 唔係太入味特別要講既係服務態度, 差到一個點。入座後發現檯布好污漕 (好多一達達漬同飯粒),  叫佢換過塊黑面加俾說話我地聽;沖錯茶, 又想夾硬要我地飲左去;  野食好耐未到, 見有個樓面呀姐同個客吹緊水, 嗌佢幫手跟下, 一面唔情願咁走埋黎, 聽完後竟然走返去檯客到吹水, 冇理過我地, 最尾要搵部長先幫到手,  飲到飲到一肚氣, 唔會再去!

今日因爲開會而去了銅鑼灣譽宴，真係好差，我們十個人叫了個2988餐，但所有食物一次過出，我們根本食唔切，但侍應卻要求我們清食物，好讓她有位上條魚嗰陣只是八點幾，唔明典解要咁趕？趕都要人食得切先得㗎！侍應要我們清咗碟炸波波，但她上完條魚就走，沒有幫我們開到條魚，我們只得靠估咁去自己開魚。成餐飯覺得呢度啲侍應服務好差，成個塲得六枱客左右，但就有五至六個服務員，照道理唔應該咁差希望下次老闆唔好再約喺度晚飯，食物好一般，炸子雞唔脆，個醬汁好䶢印象中，炸子雞好像是配喼汁嘛，其他餸都不大好味。題外話，因為set是包飲品，叫了四次冰桶沒人理，只得不斷把未開又不凍的飲品轉換，最後發現我們的飲品不見了，原來侍應靜悄悄把飲品放落冰桶擺在隔離桌，唔出聲喎救命呀

所有枱都漏單，多次催促下都說幫你追單，個半小時後就説沒有落單。到結帳時，枱號又搞錯，明明銀聯咭有折扣，永遠要改幾次才可以打折⋯⋯無論部長、員工質素極差，態度惡劣，完全冇訓練過

銅鑼灣中上價嘅茶樓好多，呢間算中價啦！所以有時都會上黎飲茶。同一般茶樓一樣星期一至五或早茶當然再有優惠點心啦！午巿黎就無囉。煎蘿蔔糕好普通啫，但佢真係無乜粉，真係食到。 一條條蘿蔔絲，贊!講真佢嘅菜要成四十幾蚊，係就係貴，但佢嘅菜芯，真係“靚菜”。基本上食咁多次，都未試過有“渣”紅豆煎推仔，夠脆，都正。燒賣反而失色左。好普通屋村酒樓貨色，不過特價，所以。。。。都ok鵪鶉蛋燒賣，我一向好鍾意，仲要唔係好多地方有得食，不過佢呢到制法無汁，乾左點，但都好味總之，會繼續黎飲茶btw幾次都坐係。。。。帶位聲稱嘅“主家席”

今日驚落大雨，近近地去左利舞臺5/F譽宴飲茶～呢間酒樓都好大，平時夜晚應該用黎做婚宴，入座時附近枱都坐滿人，聲浪有點嘈。午市都有好多點心、炒粉麵 同 套餐蟹籽燒賣皇 $8.8 😳因為太多選擇，就揀左叫個套餐三款點心、一碟粉麵 同 一款小食 $168點心款式選擇唔多，揀左以上三款～粉麵揀左魚湯星斑米線份量多，魚湯清清地，魚肉都不錯，幾好👍🏻小食揀左鮑汁炆雞腳D 雞腳好瘦好細隻🤣 個鮑汁好稀，同我之前係鴻星食差別幾大~不過...埋單連茶芥加一 $211，咁既價錢...又算不錯！一分錢 一分貨麻。

親友要擺設三圍酒席，約一萬元預算，要有鮑有翅有廳房，並要在灣仔，銅鑼灣港鐵站附近的，格局勿低。我比較海港，金御，喜萬年，名苑，彩福，譽宴六大中價酒樓，建議了此店。全包宴包了加一，切餅費……，十分超值，質素亦合格。八個餸，飯，麵，甜品，桃包共12樣食品，份量充足。廣東筵席與其他省份不同，我們重視燒味，把它充當第一碟頭盤。此店燒味不強，所以拼盤質素一般（趕不及映相）。三熱葷應該源自江南的飯前小碟，廣東人把它改為大衆喜歡的小炒。以住是兩碟，另一款是湯水，如冬菇燉鴿，近年作出改良。三熱葷之中，碧綠蝦仁蚌片較好味，鑊氣充足，鮮味濃郁，蜜豆清甜。蒸煮類熱葷是元貝金銀雙翡翠，獻汁稍咸，欠了鮮味。當然比不上價格較貴的玉環瑤柱圃。較失色是炸類熱葷-法式鮑魚千絲酥，類近點心龍鬚蝦。普遍認為內裏空洞，吃不出鮑粒。應依傳統，用蝦粒。接著是四大主菜。所謂魚翅潄口，是象徵宴席正式開始，故祝酒在此時。紅燒竹笙雞絲翅合格。蠔皇金錢鮑螺片值70分。清蒸龍躉保持此店一貫水準。個人反而喜歡御宴脆皮燒雞，既傳統懷舊，亦香酥脆口，仍保持雞味，嫩滑。蝦豬肉炒飯和炆伊麵不差吧。壽包和桂花糕少人問津，後者質素很差，懷念昔日的美點雙輝

復活節假期與家人高高興興的去晚膳，點了半席預設菜單，應很穩妥，但卻換來，食物質素差，不新鲜，最後當然食剩很多留在枱上。侍應不主動，當晚客人寥寥可數，但仍要叫才加茶，相信以後再也不會再光顧了