譽宴 (已結業)

環境4分：婚宴酒樓佈置，外觀都幾靚，牆上有結婚擺酒佈置，但今日嚟飲早茶，所以畀四分。 衛生4分： 有畀盤畀餐具洗一洗，整體都算乾淨，有四分。       服務1分：因夥記人數太少，壺茶要自己加添熱水。叫左五樣點心，有一樣沽清，腸粉最早到 (即是正常時間到)，但其餘三樣等左三十分鐘後問侍應生係咪漏單，但侍應生黑面回應話差唔多係要等咁耐，最後過多五分鐘，即35分鐘後先上齊點心，黑面扣四分，得一分！ 味道2分：1)      蝦腸有六件，而每件都有一隻蝦，但係啲腸粉皮實在有啲黏，唔知是否蒸過龍，或落得太多粉。   2)      燒賣正常味道，但size偏細粒。   3)      牛肉球香料味太重，食唔到牛肉味。   4)      百花釀魚肚係比較好食的一樣。  總結得兩分。抵食3分：  因十一點半前有早茶特價點心優惠，所以價錢都幾抵。但味道服務都非常一般，所以只有三分。