譽小館 (已易手) 新餐廳

這間譽小館之前曾經在大角咀的分店幫襯，食物質素不俗，今次過上水探親，原來這裏都有分店，順道去食晚飯。這裏除了有點心外，還有多款粥及粉麵，食物款式很多。每位茶錢$4，但沒有加一。蝦餃外皮晶瑩剔透，蝦肉餡料十足，鮮蝦新鮮爽口。翠玉瓜鮮蝦腸粉腸粉粉皮很薄，亦都很幼滑，不會蒸得太乾太硬，原隻新鮮蝦肉十分爽口。木魚燒茄子茄子淋上燒汁，味道帶甜香，木魚正好為茄子增添日式風味。上海鳯城水餃水餃裏面餡料豐富，蝦肉爽口，還有爽脆的竹筍及木耳，湯底是大地魚湯，味道鮮甜甘香。雷沙湯丸湯丸的糯米皮很薄又煙韌，中間的芝麻餡帶暖又流心，十分好味。

><放工突然想飲茶好彩有全日供應點心嘅餐廳冷氣好夠 環境幾好坐本身以為點心紙紅色咗嘅係推薦店員講返原來係新出食品同埋提醒我哋點心係落單即蒸肚餓可以嗌粥麵先 幾貼心友善鮮蝦燒賣皇($29)蝦餃皇($29)雞絲滑粉卷($23)鮑汁鮮竹卷($23)蘿蔔千絲酥($23)熱騰騰冒着煙 即整唔會差得去邊餡料豐富飽滿有汁 味道唔錯 咁又一餐lu><><><><><><><><><><><><譽小館上水彩園路8號彩園廣場地下G13號舖

因為約咗朋友喺上水。順道又來呢度飲茶🤣貪佢環境大， 服務幾好😀😀😀。之前食過佢哋嘅紅棗糕，鮮蝦腸粉，金錢肚，黑松露餃。啲點心都做得唔錯🥰🥰🥰另外仲叫咗個牛腩麵今次就冇影到相呀😆今次同樣地叫咗黑松露餃佢哋嘅黑松露味真係好濃㗎🤣順帶一提今次叫咗佢個手打鯪魚球而家好少地方係用手打嫁啦。。❤️所以食落去特別有口感🥰佢哋下午茶會有特價紙，三十幾蚊就有兩款點心。仲有其他小食都會比起正價平好多㗎🥰

今晚來到上水探朋友，途經呢間「譽小館」，見佢門面簡潔大方，而且位置唔算難搵。於是約朋友在這裡食！店內位置都幾寬敞，裝修明亮，有別於一般既中式茶樓，也坐得好舒適餐廳有粥品、粉麵，一般點心款式都唔少。茶位每人＄4，但無加一收費因為夜食，所以我地點了少少:潮式浸涼瓜肉排＄38 - 呢個唔係普通茶樓有，特登點黎試下呢個味道有啲似咸菜豬肚，不過加左苦瓜，都幾惹味。肉排好淋好入味，個人幾鐘意，又有啲似新加坡肉骨茶feel老火燉湯＄25 - 老火湯必點，價錢唔算太貴，但用料十足，飲得出係無落味精，全部都係用真材實料煲出黎既，味道鮮甜，有媽媽的味道，正咸魚肉片飯 ＄28 （細）- 呢個盅頭飯，飯蒸到岩岩好，粒粒分明，食落唔會太淋太硬配埋咸魚果種咸香味，肉片既嫩滑，加上少少豉油，已經好好食雖然呢個盅頭飯好多茶樓都有得食，但要煮到好食，就一啲都唔易估唔到誤打誤撞揾到間不錯的餐廳，哈！

晚飯食黎食去都係日本野、西餐，食到有啲悶，今晚就黎飲個夜茶啦！夜茶係普通茶樓就無得飲，不過黎專門食點心既餐廳，就幾時都有得飲啦🤪呢度除左一般點心，仲有港式粉麵、粥點，選擇都唔少。我地叫左牛肚麵，同一般既粉麵店唔同，呢度既牛肚麵食落係辣既，不過估唔到辣辣地又幾夾、幾惹味😋😋另外再叫左蠔皇北菇時菜，呢個超抵食👍🏻有勁多冬菇，仲要隻隻都好大隻、好厚肉。配埋蠔皇汁，好食👍🏻木魚燒茄子🍆都幾特別，一般既魚肉釀茄子，配上日式燒汁同木魚碎，有與別不同既日式風味🥰

今日做完GYM 夜夜地, 又好想食茶樓點心, 朋友講話係彩園邊開咗間點心+粥粉麵專門店(譽小館), 佢話幾扺食所以去試下~ 去到裝修簡潔舒服, 😚👍🏻👍🏻👍🏻有卡位都好闊落~ 幾好坐~ 睇下餐牌, 價錢好扺食下~鮮牛腩蝦水餃撈麵，水餃皮滑，餡料有鮮蝦、木耳、筍等，所以十分爽口，牛腩炆得勁入味~ 好林添，麵條彈牙，還有一碗上湯跟上。譽小館蝦餃皇，簡而言之就係超大粒既蝦餃，面皮晶瑩通透，咬落爽口彈牙，而且仲啖啖肉好飽肚。叉燒飽，非常鬆軟, 肥肉少~ 叉燒汁好好味~生滖豬濶粥, 豬濶起爽口, 粥底好靚好棉~ 另外魚腩粥都要提一提, 好新鮮D魚,勁鮮甜 一定唔可以錯過啦 !真係好鬼扺食~ 哩一餐好滿足丫~~ 值得推介的~

放假同屋企人一齊去譽小館嘆茶。食物質素有保證，即叫即蒸，服務好，價錢經濟，全日免加一。茶位每位$4。流心奶皇包 $20新鮮蒸起的奶皇包，撕開一半熱辣辣的奶皇流出來。米網蝦春卷 $27脆卜卜的炸米網好香口，中間春卷十分足料。香茜叉燒腸粉 $25腸粉皮又薄又滑，叉燒肉頗足料。潮州魚蛋撈麵 $46麵質爽口彈牙，梘水味不重，魚蛋彈牙。順德雙皮奶 $29香濃奶味，質感幼滑，估唔到除咗點心，甜品都唔錯。楊枝甘露 $28芒果味十分香濃，拌酸甜的柚子肉，十分開胃。

夜晚放工回到上水，有時真係唔想是但食個快餐就當一餐。新開一段時間的譽小館就可以滿足一下食慾。譽小館由早上7點開到晚上10:30，真係夜一夜都可以嘆茶。（留意最後落單時間係晚上10點）譽小館蝦餃皇 $29皮薄饀靚，啖啖蝦肉。原籠馬拉糕 $23新鮮熱辣的不籠馬拉糕最吸引人，按下去即時回彈，鬆軟香甜。雞絲滑粉卷 $23外層是腸粉皮，中間包著雞絲、蔬菜絲、香菇絲。金珠咸水角 $20外層炸得香脆可口，中間煙煙韌韌。皮蛋瘦肉粥 $38粥底綿滑，富米香，瘦肉夠滑。養顏紅棗糕 $20煙煙韌韌，香甜美味。

除了去酒樓食點心外，依家多左好多點心專門店。今日去完大陸打算在上水轉車，先醫一醫個肚先。我們入座被安排卡位後馬上點野食。黑松露帶子餃爽口帶子被厚度適中的皮包著，入口陣陣松露味，不錯。京都炸醬麵炸醬甜甜中帶點微辣，麵好爽口沒有鹼水味，份量夠。正！鮮蝦炸雲吞雲吞皮炸得香脆，蝦肉爽爽的。香茜叉燒腸皮薄又滑滑，叉燒足。木魚燒茄子燒茄子比較不油膩，不會好似煎釀三寶咁一口油。燒得香香。簡簡單單食個茶食個包的好地方。

這夜想吃個簡單點的晚餐，便走到附近的以點心粥麵主打的譽小館。  我四個人叫左兩個粥同兩個麵和點心share食。魚腩豬潤粥，粥底褒左好耐褒得好綿，絕無添加味精都好鮮味，而魚腩又夠新鮮，豬潤爽口。牛腩撈麵，有韭王嘅湯，有好濃地魚香味，一般粥麵鋪已好少飲到這傳統味道了。幼麵都夠爽脆彈牙好味，唔錯ge牛腩夠淋身，有牛味，唔係雪藏野同牛筋都好好味都好夠淋食落去唔錯。蜆蚧鯪魚球，食鯪魚球最怕就係腥同有骨!!! 羅富既鯪魚球一d都唔腥，朋友唔食太中意食魚都大讚好味，去骨亦去得好乾淨，仲要即叫即炸夠曬熱同脆口。而其他點心都好有水準，尤其是叉燒包，餡多唔肥膩，包亦非常鬆軟，帶子松露餃，大大粒帶子，上面有一大堆松露醬，新鮮又名貴，價錢亦大眾化（$30）。呢度價錢大眾食物又有水準，我諗又可以加入我的飯堂名單喇😆

摯友今日過嚟接我放工，沿路行過商埸睇吓入面有咩食，見呢間有粥、麵、點心、盅飯，咁就呢度啦。2個人唔太餓,叫住少少野食～譽小館蝦蛟皇：大大粒皮薄餡多，係好實在嘅蝦蛟。黑松露帶子蛟：皮薄餡多，松露仲落得幾重手，香氣湧晒出嚟啦。沙律蝦春卷：脆卜卜，每啖有蝦肉，我覺得食緊炸過嘅沙律咁呀！順德爆魚骨腩：呢個魚皮好酥香，魚肉鮮滑，食完即刻覺得吸收咗Omega-3同埋鐵質咁嘅～椰汁馬豆糕：面層放咗塊啫喱，黃色襯白色係幾靚，唔算太甜，若椰汁加多D會更受落。總括吓呢度唔錯㗎，空間感足夠，職員慇懃快手，食物即製又唔駛等好耐，下次經過可以再嚟。

今日同家中長老嚟呢度食晚飯，始終老人家都係偏好中菜同點心。先叫左個【是日老火靚湯】，日日唔同，今日係節瓜章魚煲豬骨，舊豬骨好大舊，見到幾多湯料，用料十足。 【黑松露帶子餃】 面頭就見到黑松露同帶子，咬開入面係滿滿蝦肉，黑松露味好突出。【蠔皇北菰時菜】 生菜夠爽脆，北菰超大隻，炆得入味。 不過個汁唔夠多，多啲啲用嚟撈生菜食會更正！【順德雙皮奶】原籠蒸出嚟，香滑低甜。服務態度唔錯，環境又寛敞舒適，係冷氣大左啲，幾凍吓。 全部點心都係人手製造，即叫即蒸，熱辣辣，好食！

上水好幾間酒樓味道都好一般，相對黎講呢度唔洗加一，想食點心既會更加推薦黎「譽小館」。而且兩個人都係坐卡位，可以坐得更舒服。🥢香芋上素果純素既蒸粉果，外皮Q彈，餡料豐富。🥢黑松露帶子餃帶子爽滑，咬一啖就有好香濃嘅黑松露味飄哂出黎。🥢鵪鶉蛋燒賣燒賣餡唔似平時酒樓食既油膩，加上鵪鶉蛋味鲜美，調味剛剛好，一食愛上，必點之選。🥢柱候牛筋/北菰雙拼麵柱候味濃，牛筋夠哂稔，色鮮味美，味道咸香鮮美，用上騸牯牛成本高，必叫之選，北菰點既北菰同樣好稔甜。🥄順德雙皮奶即叫即蒸，帶微微薑味，甜度適中，味道甜美，相比要排隊既澳奶還要好食。🥄楊枝甘露最令人喜愛既港式甜品，酸酸甜甜，冰冰涼涼，味濃又料多實在，飯後食滿足哂。

見呢到有下午茶，就黎飲下茶。呢到點心款式都幾多，另外佢下午茶有12款點心比你簡2樣先$32！ 平時叫一籠燒賣都差唔多呢個價啦！ 所以都幾抵食。呢到環境好乾淨，坐得都好舒服，仲留意到負責上點心既店員會帶手套，感覺好衛生！飲茶唔少得燒賣同蝦餃！ 燒賣有大大粒蝦，好足料！叫左流心奶皇包，打開真係有流心效果！另外仲有枝竹卷，入面有蝦同d蔬菜。香茜叉燒腸粉不過不失，腸粉都偏滑身。下午茶仲有粉面食，店員有特別推介牛腩湯面，話係由騸牯牛整既，但都係30幾蚊碗。下次會再幫襯！

今次遇到一間一定要推介，全日都有得飲茶食點心嘅餐廳! 呢度裝修唔似得茶樓咁，環境唔會太嘈， 乾淨企理座位又係卡位坐得舒服， 就算兩個人都可以食~唔需要搭枱~ 入到去阿姐會介紹下啲特別嘅點心， 部分出面好少有得食。 餐牌比較特別，除咗蒸點心仲有粥粉麵可以食架~ 點心方面除咗比較常見嘅點心，仲有啲懷舊少少唔係成日都有嘅鵪鶉蛋燒賣~ 亦都有比創新啲嘅黑松露帶子餃~ 粥粉麵價錢非常抵食呀!柱候牛筋腩麵好出名， 不過我想試啲嘢所以叫咗個 淨柱侯牛筋腩。 不得不說淨係份量已經非常有誠意! 牛筋煮得好入味仲保留咗少少膠質嘅彈性， 牛腩夠曬淋，啖啖肉。 蠔皇北菇豉菜 有驚喜! 冬菇大隻又厚肉， 仲要原隻上，一啲都唔吝嗇呀！ 價錢先係55蚊，極推! 好耐冇食過鵪鶉蛋燒賣啦~ 呢個燒賣入面有冬菇香味好特別~ 胡椒鹹菜豬肚$38好大碗~ 豬肚多，味道非常醒胃， 差唔多飲曬啲湯🤣 飲茶當然唔少得腸粉啦~ 叉腸都夠曬滑~