譽小館 (已易手) 新餐廳

同屋企人嚟呢間食點心，由於新開張，冷氣都幾勁吓，因為屋企人怕小朋友會涷親，所以問職員可唔可以轉去比較遠離出風位嘅檯。估唔到職員語出驚人：「坐坐吓就熱㗎啦，我不知幾鬼熱，想冷氣再勁啲呀！」啱嘅，熱同涷其實都係好主觀嘅，職員你覺得熱所以要我哋一家都要覺得熱，呢個理論都幾得意。再來係十問九唔應。屋企人唔想飲茶想飲水，一直舉手，職員都「眼大睇過龍」見唔到，最後我自己行去茶水部想搵熱水壺，其中一名男職員終於見到我（hello我以為我透明冇人見到我呀）好啦職員唔再多講了，想讚吓廚房出點心都幾快手。食物水準不俗，可惜打開門做生意，俾啲職員激到谷鬼氣，好難會再幫襯。

一路都唔知彩園商場地下嗰層有餐廳，今日行街唔覺意落左G樓先知XD見到呢間譽小館感覺都幾四正，所以決定食點心~呢到賣點係手造點心出色而且款式多又好味。我地叫左山竹牛肉球（$19）鮮蝦燒賣皇（$28）鮑汁鮮竹卷（$22）黑松露帶子餃（$28）上海小籠包（$24）流心奶皇包（$19）叉燒腸粉（$24）鳳爪排骨飯（$26）當中我最鍾意黑松露帶子餃，因為出面未見過，食落好香黑松露味又有帶子鮮味，一食難忘。另外叉燒腸粉個皮都做得好薄，食落滑溜溜~呢到d staff服務態度好，食完一樣點心好快就黎收碟，一舉手。環境乾淨坐得舒服仲有半露天座位tim，性價比極高~

平時真係冇咩時間去飲下茶食個點心，彩園裝修後開左幾間餐廳，見到譽小館有得食下點心，所以今晚同老婆一齊去飲下茶食個包。餐廳裝潢光猛，座位坐得舒服，餐廳服務好好點餐紙有手做點心、粥、麵、撈麵、甜品，手做點心同粥都有好多款選擇。譽小館蝦餃皇-皮夠薄，唔會蒸到爛晒，大大隻蝦，爽口彈牙上海小籠包-皮薄餡大，湯汁鮮美流心奶皇包-奶香濃郁，我凍左先食，所以不太流心，下次要襯熱食上湯鮮蝦雲吞-有8粒，咬下去鮮甜多汁，蝦肉夠鮮，爽口彈牙擂麻池湯丸-半流沙芝麻湯圓，好美味結帳既時候才發現不收加一服務費，讚👍🏽

彩園村裝修左一段時間啦，今日黎到見到終於開返啦，原來進駐左幾間餐廳，新餐廳當然要去食下，終於唔係開西餐廳。譽小館有點心、粥、麵、岩晒我地鐘意食點心既人。鮮蝦燒賣皇（$28）4粒大大粒，蝦肉夠彈牙蜜汁叉燒包（$19）新鮮熱辣辣，叉燒包餡料夠多，包不會蒸到太濕蘿蔔千絲酥（22）外層一層一層的酥皮，酥皮鬆脆一點會更好，一絲一絲蘿蔔，清甜爽口荔灣艇仔粥（$38）餡料好豐富，艇仔粥夠綿滑椰汁馬荳糕（$20）馬荳糕上加上啫喱，夠特別餐廳服務態度好，而且環境非常舒服，手做點心出色，即叫即做，用上新鮮材料

收工想食點心，好肚餓唔想等到返元朗再食，搵到原來彩園商場有晚市點心，仲要係巴士總站附近，非常好食完搭返屋企岩岩好。點心款式當然冇傳統酒樓咁多元化，但應有都有，奶皇包都有除左點心仲有粥品同埋麵食等等，就算一大班人黎有人唔想食點心都有其他野食，幾好。檯面已經有曬基本既醬料同辣椒油，唔洗次次都舉手問人拎，方便好多。位置亦都好乾淨企理，一啲都唔逼 大部分都係梳化位先叫左碗老火湯，已經唔記得左係咩不過成碗都好充料，唔要湯渣可以同職員講，清甜唔咸招牌黑松露帶子餃，三隻大大隻，入面好多隻蝦，黑松露味好濃膠粉夠滑又唔痴牙奶黃包黎到熱辣辣，即食流心好好味，淡淡咸蛋黃味最後叫左個椰汁糕，第一次食上面有啫喱既椰汁糕，估唔到好爽又幾好味而且好多豆，好好味依個

飲茶多了一個新地方了😙上水彩園廣場裝修後多了很多新餐廳，多了餐廳選擇！今晚就簡了這間"譽小館"，主要吃點心... 店內的燈光猛，樓底高。爸爸媽媽也一致認為這裡的點心用料不錯，而且店員很有禮貌，比起酒樓他們更喜歡這裡💗這晚是點心之夜🤟🏽每次食點心我都一定會點蝦餃和燒賣，呢2樣野無係可能唔叫的😂燒賣大大粒又多肉蝦餃脹卜卜，入面唔係得一隻蝦係有幾隻蝦係入面🤤🤤仲好彈呀～～鮮菰魚肚蒸雞 $26魚肚咬落好多汁，好軟綿綿...仲有2粒紅棗係上面😍感覺很養生😌流心奶黃包 $19可能我得左一陣先食，食既時候唔係流曬出黎..都有點點流心既影響呀～～麵包很鬆軟😌順德雙皮奶 $28食飽飽後就叫左每人一碗雙皮奶，用了蒸籠送上來，熱辣辣的～食落很滑

我阿婆係呢度地膽，今日佢就帶我嚟食好嘢。 原來彩園商場地下大裝修之後，多咗啲新食肆，其中一間就係譽小館。 佢話我知好多街坊捧場架，尤其係朝早，坐滿人添。點心紙一張睇晒：譽小館蝦餃皇$28四件，餡多，蝦肉又夠爽口。藥膳雞腳$26有當歸，煮得入味，雞腳夠晒腍。 個藥膳湯唔會太咸，又幾好飲喎。上湯鳯城水餃$38都夠大隻，不過有啲大啲有啲細啲，均勻度爭少少。沙律蝦春卷$26鮮蝦腐皮卷$26都係即炸，好脆口。馬荳糕$20上面加左層芒果啫喱，味道唔錯。要讚下呢度啲點心，係即叫即蒸或者即叫即炸，嘢食夠晒新鮮熱辣，做得幾有heart。 價錢都算合埋，茶錢$4位，又唔駛加一。 不過茶只得普洱一款，唔係人人啱嘛，最好加多一款茶迎合大家啦。

好耐冇喺個上水食晚飯, 今日約咗朋友食晚飯諗咗好耐都😑😑未知想食咩，最後決定咗食一間中菜館!入到去座位都好舒服, 唔會好迫! 唔會同平時嘅茶樓咁擠迫，依度好舒服很好坐.職員都好熱心😍😍, 當佢見到我啲茶很濃嘅時候都好熱心話唔好飲咁濃，安排咗熱水給我沖淡👍👍沙律蝦春卷呢一款春卷好耐無食過，一見到就即落單! 熱辣辣, 但唔會話好熱氣😛好多沙律醬黎得酒樓飲茶當然唔少得燒賣同蝦餃啦!!北菇滑雞飯啲雞好滑唔會好老, 啲飯好香好有雞味 ( 雞油 流落白飯)養顏紅棗糕居然呢度有紅棗糕食仲熱辣辣😋😋

同好友相聚，路經彩園見到新開張不久嘅譽小館，入內試試菜式選擇多，有點心，麵食，粥品，飯類等等，實有一樣啱食食物偏清淡，或者主打健康吧？甜醋豬腳薑份量足，雞蛋和薑都炆得上色入味豬腳切成一口大小，肉質既軟又糯手工拉布腸粉翠肉瓜鮮蝦腸粉譽小館嘅腸粉像是有米香的蝦餃皮，不似一般的豬腸粉或茶樓腸粉，味道不錯，小朋友和老人家容易食但缺點係太黏筷子，比較難夾上湯鮮蝦雲吞不過不失，可以我們最後叫多兩碗 順德雙皮奶作結原碗放入蒸籠上枱，新鮮熱辣！食落滑嘟嘟，不會過甜，正！

久未嘗點心，晚上同親戚到譽小館飲茶七時多到達，客人半滿剛入座，就有熱心伙計招呼據她介紹，店舖點心是手工製作，幾有誠意👍環境乾淨舒適，店內裝修感覺親切温暖上菜速度都快，下單無耐，點心陸續到達山竹牛肉球香芋鴨腳扎，芋頭好鬆化醬皇蒸鳳爪黑松露帶子餃餃上有帶子，點上了一抹黑松露醬，醬的味道好香濃，餃內係爽口彈牙蝦肉木魚燒茄子見菜名特別，很好奇係咩葫蘆賣咩藥原來係煎饟魚肉茄子，上面淋上日式燒汁同木魚薄片第一次試這個配搭，有驚喜！不錯！價錢合理，座位闊落，點心不錯

想舒舒服服食點心 食粥麵 譽小館有驚喜😎環境闊落 舒服過去酒樓 亦都無咁嘈😇小編放工之後已經好攰 想好好食餐飯呢道點心出色 款式算多 味道不錯1️⃣老火靚湯飲得出唔系味精湯 足料 連豬肉都唔鞋 有誠意👍🏻2️⃣燒賣大大粒 好抵食 隻蝦好爽😻3️⃣木魚燒茄子有創意 整到無咩油 幾好 茄子軟硬度 剛剛好😋4️⃣黑松露帶子餃呢個出面少見 黑松露味道好香帶子絕不細塊 推介☺️5️⃣豬潤牛肉粥粥底綿 食到最後唔出水 讚!豬潤牛肉都新鮮 出品好6️⃣水餃拼雲吞麵兩粒水餃 三粒雲吞 份量ok!味道亦不錯 麵嘅軟硬道合小編意7️⃣順徳雙皮奶入面有薑汁 媽味讚不絕口奶好滑 佢話想食多碗添😂

之前睇了Running Man，不是叫香港人推介食品嗎？要是我介紹，必定要介紹的一定是點心！！！上水彩園村商場開了一間中式小店，想甚麼時候吃點心也可以！當然，要大師才可以整出好吃的~~初時還要抱著試一下的心態，但真心不錯！ 除了一般點心，還有撈麵等~大家可以試試！ 夠光猛~~地方坐著都不錯。不會有很迫的感覺！小籠包MA~~~這個唯一不足的地方是不夠湯，HHAHAHA！但味道是不錯。 腸粉是布拉的~~好滑。 點心的味道很足，鳳爪很入味！又軟身。 撈麵都可以，魚蛋好彈牙。流沙奶皇包不算很流沙，唯一缺點~~ 綿花雞D雞有骨，雖然夠滑，但真係唔nice~ 燒賣和牛肉都唔錯~~ 牛肉味好出~~這個可以再叫~呵呵！ 在 Instagram 查看這則貼文 Love to Eat in Hong Kong. I watched a Korean variety show （Running Man）, where the host asked the Hong Kong people to introduce a food. Most citizens on th

新年到來吃點心，見到好多人排隊，門面都好靚，所以照排隊入去飲茶！我媽仲大讚呢間鋪日後一定好旺，分分鐘搶埋樓上龍宴生意。腸粉夠濕夠「淋」，岩晒冇牙老人家食。同埋會好似麻薯咁，延展力強....係好事定係唔好事....睇下鍾唔鍾意個口感啦！燒賣算是不錯👍🏻，不過都係要點d辣椒油幫佢吊一吊起個味先得.....小龍包皮夠厚，果然真係包！同埋要用紅醋點架！好有新意～～同埋要叫樓面拎隻碟比你...結果樓面係隔離拎左個碗～～好識隨機應變～！鮑汁鮮竹卷冇鮑汁...似蠔油鮮竹卷多d，唔知係咪新年，d材料擺耐左小小，腐皮有酸酸地味...唔知係咪新開張，硬係水準未捉到？！但短期內都唔會特別入黎食啦！

新開鋪就係要尼試下食牛筋腩麵牛的份量都多，有大約三四大舊，都夠味唔韌林身雲吞麵蝦有雪味，但每粒雲吞都有兩隻蝦，一碗麵仲有五粒雲吞不過係略嫌麵的份量有d少小籠包夠味，size一般，不過d小籠包冇汁。。。流心奶皇包失望，第一唔流心;第二，個包咬左一半都未咬到d餡。。。餡太少了藥膳雞腳藥材味重，有淮山黨參，雞腳軟身，鐘意食較硬的雞腳人士就唔好叫喇不過e碟雞腳係得雞腳的下半截。。。整體唔錯，係服務有待改善

其實上水酒樓一般都係水準比較差，所以我冇抱太大期望咁入去食，點知叫咗幾樣，佢每樣都係我心目中嘅水準之上，好有驚喜呀！小籠包外貌普通，唔算好多汁，但總算啖啖肉都濕，唔會乾爭爭。黑松露帶子餃，入面係啖啖嘅蝦肉，就好似蝦餃上面加咗帶子同黑松露咁。薑蔥牛肉雲吞撈麵，冇加其他醬油，有啲淡，但冇味精好健康。藥膳雞腳，味道有啲似老火湯，藥材味唔係太重，但煮得唔會太淋，又唔會太硬，口感好好。點心紙上有魚皮，喺香港好少地方有得食，諗住買來試吓，點知佢話冇，有啲失望。以往喺上水飲茶，都冇乜邊間好食，依家終於有一間唔錯嘅點心舖，以後會多啲幫襯。