豆公館

營業中

休息中

仔一向都鐘意食豆花飲鮮豆漿，見係學校附近新開的#豆公館，放學立刻去食個豐富下午茶🤩🥛原味豆漿 香滑口感豆味濃，甜度適中，小朋友最愛🫶🏻🥛杞子元肉紅棗黑糖豆漿 女士必試， 滋潤香甜，足料又有薑味，大大提升豆漿嘅味道😋 啱曬乾燥秋冬季🥢招牌麻婆腐皮蛋餅 蛋餅包住榨菜、芽菜同紅蘿蔔絲，配埋獨家自製麻辣醬🌶️麻麻辣辣，啱晒鍾意食辣嘅朋友！🥢肉鬆蛋餅 蛋餅包住大量肉鬆、紅蘿蔔絲、芽菜，配上蔥花及甜醬油，份量十足，飽肚又好味！🥢老乾媽炒麵 （大份）豉油王炒麵底加入老乾媽辣醬，惹味香口辣度夠，真係好正😋🥢滷豆腐豆卜滷水汁味道，剛好豆卜豆腐都好入味。🥢魚肉煎豆腐 煎得不錯，但魚肉份量多啲會更好🤓🥣原味豆腐花 豆花很滑，要幾多黃糖都可以自己加👍🏻🥣薑汁豆腐花 勁多薑汁薑味很濃，配埋黃糖，提升豆香！🥣黑芝麻豆腐花 芝麻糊香滑又濃，仲有粒粒芝麻，配埋豆花，雙重口味，雙重享受✌🏻

我都未試過買完野食之後覺得甘伏，呢間餐廳真係第一次，令我忍唔住要寫第一個openrice既評論總共買左3樣野外賣，2碗薑汁豆腐花（每碗26元），1杯薑汁豆漿（22元一杯）嘩，一收到個外賣，細份到！！！22元一杯既頭漿，用和紙巾既size一樣大既杯黎裝？！飲三啖就飲完！而且唔覺有薑汁味！另外兩碗豆腐花，都只係用比紙巾大少少既碗黎裝，仲要無豆味，淡而無味，食兩三啖就食完呢間餐廳食水未免太深啦……完全又貴又伏，不值得幫襯！！劣評！！

鍾意豆製品嘅你唔好錯過呢間旺角新開嘅小店😍餐廳行文青簡約風設計 主打豆製品 提供多款豆漿豆腐花 仲有台式蛋餅同其他主食🔅老乾媽炒麵豉油王炒麵加入老乾媽辣醬，香口惹味😋🔅柴魚花生粥熱辣辣軟綿綿嘅粥🥣加入咗少量柴魚和花生，味道清淡，都幾暖胃🔆滷水豆腐豆卜鍾意豆腐多過豆卜😛食得出豆腐嘅豆味好香！滷水嘅味道啱啱好 唔會太鹹👌🏻🔆特色蛋餅素食之選🌱口味清新 冇咁滯🔆肉鬆蛋餅肉鬆香口而且份量多 餅皮煎得香脆 i like it!!🔆黑芝麻豆腐花賣相幾靚仔 芝麻糊香滑但唔算超濃 有黑白芝麻作為點綴 最欣賞個豆腐花豆味香而且嫩滑👍

今日去旺角下午茶時段經過登打士街見到有間新開既鋪叫豆公館，名稱特別專賣豆製食物，而見鋪裝修簡約最重要可以放到BB車，便去唞一唞試試😋每道食物盛放既碟好有懷古特色，我哋order左：魚肉煎豆腐$28魚肉香口，豆腐外脆內軟。黑芝麻豆腐花$26豆腐花細滑面鋪滿芝麻及灑上白芝麻香滑美味。肉鬆蛋餅$38蛋餅招牌菜，蛋餅香口配合肉鬆及醬汁，束當小食一流。特色蛋餅$32又另一道招牌菜，自家製醬汁配上炸菜絲及香口蛋餅，味道鹹香甜，大人細路都岩食🤭蘿蔔糕$35食出有蘿蔔並不是一般粉狀，口感正。豉油皇炒麵$26炒麵配上蔥花色香味俱全，記得加埋少許甜醬辣醬更美味🤭炒米粉$26絕不簡單菜，米粉炒到要一條條不會糊狀一團，見師傅用心👍🏻柴魚花生粥$34粥底滿足不是水汪汪，柴魚配花生🥜懷舊經典😎豆公館 (旺角)旺角登打士街43號地舖

得知旺角有一間新派豆品廠品牌 -「豆公館」，便與喜歡吃豆腐花的朋友一同到店看看。看著店外張貼的餐牌和美食海報，又看著店內樸實簡潔的裝修和木製檯櫈，感覺置身在台灣。欣賞食店有無障礙設施，方便使用輪椅和行動不便人士進出。👍🌷食店除了提供各款豆腐花，還有其他特色食物。我們點了柴魚花生粥、肉鬆蛋餅、招牌麻婆腐皮蛋餅、老乾媽炒米粉、老乾媽炒麵、蘿蔔糕、魚肉煎豆腐、熱原味豆漿和熱杞子元肉紅棗黑糖豆腐花。柴魚花生粥：綿滑粥底加了柴魚肉粒、紅皮花生和蔥花。清淡的柴魚花生粥與辛辣濃味的老乾媽炒米粉和老乾媽炒麵是絕配。老乾媽炒麵、老乾媽炒米粉：老乾媽炒麵和炒米粉同樣用上老乾媽辣椒醬，配上紅蘿蔔絲、洋蔥絲、椰菜、芽菜、蔥花和豆豉等材料一同炒，非常惹味。熱辣辣送到枱上，香氣四溢，鄰座的食客也說很香。肉鬆蛋餅、招牌麻婆腐皮蛋餅：餅皮煎至金黃焦香，包著滿滿的餡料：煎蛋、肉鬆、紅蘿蔔絲、芽菜，口感清新爽脆。相反招牌麻婆腐皮蛋餅味濃，蛋餅上放了麻婆醬、花生碎、榨菜和蔥花，喜歡辛辣和濃味的你不妨試試。不知道店家購入那款雞蛋， 蛋餅的蛋黃橙黃色，且有濃濃的蛋香味。 👍蘿蔔糕：香脆外層，內裡有蝦米和臘腸粒。魚肉煎豆腐：一小

香港原來專注淨係做豆類製品既荳品店真係好少，係旺角發現咗呢間「豆公館」，好似台灣嗰啲早餐店咁，有豆漿、蛋餅、豆腐花、炒麵等等，大多都係廿零三十蚊到CP值都幾高。今日下午茶時段就過嚟試試招牌麻婆豆腐花麻辣豆腐花真係未食過，麻麻辣辣又帶啲豆香，啖啖嫩滑，佢哋自家製香滑豆腐花加埋花生碎，兩重口感的確夠曬過癮。肉鬆蛋餅蛋汁餅皮來回翻面續煎數次非常之香口，配上甜甜嘅肉鬆，蛋餅口感柔軟香滑，上到檯仲係熱辣辣，早餐食一流。滷水豆腐、豆卜估唔到呢個驚喜仲大，豆卜就梗係索晒滷汁好惹味，滷水香但係一啲都唔會咸。豆腐好嫩而且表而又夠味 杏仁豆漿佢地豆漿都好多口味，今次就試吓杏仁，豆漿微微散發杏仁香，唔會好霸道，都值得一試

呢間餐廳係新開嘅，見佢裝修都幾有特色，已經員工都幾後生同埋有禮貌！- **魚肉煎豆腐**：外脆內嫩的豆腐面層鋪住鮮美的魚肉！- **蘿蔔糕**：香軟的蘿蔔糕，材料好豐富極多，蝦米！外面煎得金黃酥脆！- **滷水豆腐**：滑嫩的豆腐吸收了滷汁的精華，味道醇厚，令人感到滿足。- **豉油皇炒麵**：超級多配料，一啲都唔慳！這道炒麵色香味俱全，豉油的香氣與炒麵的彈牙口感相得益彰，是絕佳的主食選擇。- **肉鬆蛋餅**：即叫即整的蛋餅包裹著鬆軟的肉鬆，入邊仲有芽菜同埋紅蘿蔔碎，口感層次分明，甜咸適中，讓人一口接一口。- **糯米豆腐花**：這道甜品口感滑順，黑糯米甜甜地唔使落蔗糖，糯米的香甜與豆腐花的細膩完美融合，讓人心情愉悅。- **杏仁豆漿**：這款凍杏仁豆漿香氣濃郁，口感細膩，帶有淡淡的杏仁香！- **杞子元肉紅棗黑糖豆漿**：這杯凍豆漿融合了甜美的黑糖和營養豐富的杞子、元肉及紅棗，口感滑順，既清爽又養生，仲有少許薑味有啲驅寒嘅感覺！讓人一飲而盡。- **黑芝麻豆漿**：香濃的芝麻味道唔算太甜感覺好滋養。

經過旺角，見到呢間新開嘅豆公館，應該係比較新式嘅買豆製品餐廳，感覺係有少少新意喺入面。同朋友一行二人叫咗唔同嘢食一齊share，一份魚肉煎豆腐，一份滷水豆腐豆卜，一份老乾媽炒米粉，一份招牌麻婆腐皮蛋餅，一人一杯無糖豆漿，然後甜品就一人一碗豆腐花，我揀咗黑芝麻豆腐花，朋友揀咗薑汁豆腐花。魚肉煎豆腐，魚肉勁香，淡淡魚肉彈牙滷水豆腐豆卜，入味得來唔太鹹啱啱好老乾媽炒米粉，小小辣幾惹味招牌麻婆腐皮蛋餅，餡料豐富，咬落去好有層次，同埋呢個蛋餅好有創意，食落比想像中飽肚兩碗豆腐花都好滑身，黑芝麻本身都甜甜地唔使額外加黃糖，薑汁豆腐花，薑皮濃郁，冬天食應該勁暖身

店名：豆公館地點：旺角登打士街43H號登打士廣場地下3及5號鋪今日拍拖黎開槍街尼頭，見到有間新店鋪，叫豆公館，原來係提供豆製美食嘅鋪頭，一場黎到就試試佢😗😗，我地都幾肚餓，所以都叫左一堆試試1.魚肉煎豆腐 $28魚肉香口，豆腐脆身，正正方方，剛好可以一啖食2.招牌麻婆腐皮蛋餅 $38蛋餅係台灣早餐店常見早餐之一，多數會落蔬菜，蔥等，但店家好創新用麻辣去調味，又好配搭3.肉鬆蛋餅 $38蛋餅口感柔軟香滑，配埋肉鬆，非常好食4.蘿蔔糕 $35蘿蔔糕挺身，唔會削，餡料又足，仲有甜醬，辣醬同埋甜豉油配搭5.老乾媽炒麵 $36好食，惹味嘅老乾媽配上炒麵，再加上少許蔬菜絲，快炒幾下，非常惹味，又有鑊氣6.炒米粉 $26鑊氣足，配料多，粉絲乾身，正7.招牌麻婆豆腐花 $26第一眼見到，好難想像麻婆點搭豆腐花，問番店員先知原來佢地每日用新鮮自家製香滑豆腐花配上獨家自製麻辣醬，上邊又會落少少花生同炸菜，辣得嚟又幾頂癮，推薦大家可以試下8.黑糯米豆腐花 $26非常好食，黑糯米甜度適中，豆腐花又好嫩滑，值得一試9.杞子元肉紅棗黑糖豆漿（熱）$22非常適合女士飲用，豆漿入味，入面仲元肉，紅棗增加豆漿味道層次～

同男朋友行喺旺角行完街有少少肚餓，想食少少嘢，見到間豆公館就入去試吓，我最鍾意食薑汁嘅野，所以呢個薑汁豆腐花我好滿意，滿滿嘅薑汁味，全無糖水，可以自己加糖，吾怕太甜。另外黑芝麻豆漿都好飲，咁足黑芝麻味。老乾媽炒米粉都幾特別，食得出有老乾媽辣椒醬嘅味道，係偏重口味啲男朋友話鍾意，第一次見麻婆腐皮蛋餅味道都唔錯。蘿蔔糕就一般。見餐牌有其他特色豆漿，下次都想再試吓，相信薑汁豆漿，椰汁豆漿杞子肉丸，豆漿都會好好飲🤗

諗返起以前中學放學都會去豆品店食個下午茶🤣今次見到呢間舖頭發覺豆品店原來都可以咁新潮🪵店鋪風格好簡約 選擇豐富由豆漿豆腐花不等🤍各種豆味濃郁食得出係真材實料⭐️ 招牌麻婆腐皮蛋餅 🫔蛋餅皮薄而酥脆🇹🇼加上香濃嘅蛋香🥚好有台灣地道風味 加上麻辣醬同酸菜嘅點綴更有層次🌶️⭐️ 魚肉煎豆腐 🐟熱辣辣又唔會過油🔥魚肉香脆嘅口感配上豆腐嘅軟嫩好平衡😊⭐️ 滷水豆腐豆卜 🍘豆腐同豆卜都完全滲入滷水嘅濃郁🥹滷汁滋味唔會太鹹⭐️ 豉油王炒麵 🍝充滿鑊氣而且好香口🤗份量豐富CP值好高🥴⭐️ 無糖淡豆漿 🥛⭐️ 黑芝麻豆漿 🖤無糖豆漿食得出天然嘅豆香😇蛋白質滿滿適合曬Gym L💪🏻 黑芝麻嘅味道濃郁帶微甜同豆漿好配合呢⭐️ 薑汁豆腐花 🫚⭐️ 杞子圓肉紅棗黑糖豆腐花 🍡薑汁味道比較重建議加點糖水比較溫和😚豆腐花口感好滑溜😛 紅棗配上杞子圓肉整體感覺比較滋補🍓

最近做返gym，都會盡量食多啲蛋白質嘅食物，經過旺角有新開又專做豆類食物，就一定去試試，枱與枱之間幾闊落，食物主要以豆類製品為主👍🏻岩健身人士，而且有好多唔同口味，平時飲開無糖豆腐嘅可以轉下口味肉鬆蛋餅 （$38）門口見到即整，原來牆上banner寫用全豆乳製作，個蛋餅賣相好好，入面包咗肉鬆，蛋，蘿白絲，爽脆香口但無油膩感，餅皮有啲似taco餅皮口感，同平時有啲唔同，外面嘅醬油膏加埋咸咸甜甜味道幾夾滷水豆腐（$28）滷得啱啱好，食到豆味滷汁亦唔會過咸仲帶點微甜似台灣風味黑芝麻豆腐花 （$26）超級滑嘅豆花，洒左心形芝麻帶嚟小小儀式感同增加口感，豆味濃，唔會好甜杞子元肉紅棗黑糖豆漿 （$22）養生豆漿，入面有埋薑味，甜度適中，豆漿味比較濃啲當而家飲一杯廢水都要3x蚊，哩到最平2x有個嘢食可以坐陣，仲要係旺角中心區，確實無乜可以投訴🤣

想去嘉多娜買開心果燒餅，途中經過間專做豆品既餐廳比個落地大玻璃同開放式廚房吸引左）又feel到肚餓就入去食D野先。店內裝潢好有中式/公館feel，主要係大地色配木系枱櫈～我地都叫左唔少野食，講明係賣豆既店，一定要試豆漿啦，豆漿味道都幾多選擇，叫左無糖同黑芝麻豆漿，由於無糖關係所以會比較濃但會飲到少少澀味？定係燶味嘅感覺？所以黑芝麻係好飲啲有淡淡芝麻香同埋少少甜味。 等咗一陣就嚟咗一份魚肉煎豆腐，魚肉比較薄但件豆腐就好好味，質地夠滑😋（可以encore) 杞子元肉紅棗黑糖豆腐花，賣相好吸引有兩大片薑、幾粒龍眼肉，豆腐花食落有薑味但唔會太辣幾啱女士！老乾媽炒米粉比較普通，不過入邊真係有好多嘅蔬菜🥬 麻婆腐皮豆漿蛋餅，面頭麻婆豆腐醬有啲鹹同濃味，好難食到中間腐皮嘅味道不過我自己就幾鍾意入邊包住啲銀芽同埋蘿蔔絲令到個蛋餅有口感。 滷水豆腐豆卜淨係熟悉嘅滷水味，不過個豆卜就感覺上有啲油膩、豆腐就不過不失～ 下次經過嘅話可以再試佢嘅豆漿同埋豆腐花🤭

話說Happy Friday點都要出街食下飯，發現公司附近新開咗一間以豆製品為主題嘅餐廳，本地出產，即刻同同事去試一試！🍽️ 肉鬆蛋餅 + 蘿蔔糕同事表示自己好鍾意食蛋餅🤤一見到牆上嘅蛋餅裝飾品就叫咗呢個肉鬆蛋餅試一試🌮即叫即整，估唔到都幾足料，熱辣辣～正！我就要讚一讚呢個蘿蔔糕，又係煎到外脆內軟，有少少煙韌添，口感都有啲特別！🍽️ 魚肉煎豆腐 + 滷水豆腐豆卜呢個魚肉豆腐又係即叫即煎，熱辣辣，啲魚肉煙靭，煎到個豆腐外脆內軟，好有豆香，唔錯👍而個滷水豆腐都好入味，我最鍾意食個豆卜，口感一流🤤🍽️ 老乾媽炒麵 + 老乾媽炒米粉話明開心星期五當然要食飽啲🥳我哋叫咗個老乾媽炒麵同埋炒米粉🤤少少辣夠晒滋味，唔食辣嘅人都啱😋炒麵有啲韌度而炒米粉夠清爽，兩個都唔錯！🍽️ 杞子圓肉紅棗黑糖豆腐花呢間餐廳開宗明義出名食手工豆腐花，估唔到呢度仲有好滋潤嘅圓肉紅棗黑糖豆腐花，呢個係我喺出邊少見😍睇個名都夠晒滋潤，豆腐花好有豆味，呢排天氣凍，食完仲覺得暖笠笠，啱晒秋冬😍🍽️ 杞子圓肉紅棗黑糖豆漿豆漿都係好有豆味，不過我就鍾意食豆腐花多啲啦，有啲咬口開心啲🥳女人補品，總括而言呢度嘅豆類製品都唔錯🤪

鍾意食台式/豆品美食唔好錯過喇！旺角豆公館推介：招牌麻婆豆腐花香滑豆腐花配麻辣醬，夠曬過癮肉鬆蛋餅蛋餅配鬆軟可口肉鬆，口感正老乾媽炒麵辣椒醬同有鍋氣既炒麵係絕配杞子元肉紅棗黑糖豆漿入面有元肉，紅棗，滋補之選