豆漿大王

營業中

休息中

呢間上海小吃店據了解是新蒲崗名物，今日食完，果然係正野。佢個粢飯真係好好食，最正係即叫即包，所以佢入面條油炸鬼先至可以keep到個脆度，唔會比D糯米嘅水氣整到淋晒。另外佢入面嘅肉鬆同炸菜絲嘅比例都做得好好，令成件事好平衡。煎釀豆腐都好食，D豆腐比想像之中要滑，豆腐本身都夠香，煎咗出黎唔算好油。叫咗電上海菜肉雲吞，味道都唔錯，就係嗰種舊式上海舖嘅味道，實而不華，不過味道卻很出眾。最後亦都係最正嘅，就係佢杯豆漿，豆味香濃，真係好好味。

晚餐時段喺外賣平台點餐，送到時包裝完好而且熱度好高；上海淨餛飩共 7 隻，皮細滑但略厚，餡料肉鮮多汁；招牌鹹粢飯有榨菜、油條及肉鬆，熱度夠加分，油條仲保持香脆，整體發揮平穩，未算驚喜；五香牛肉、肉骨及鴨腎份量足好抵食，五香牛肉屬牛𦟌部位，緊緻軟滑又入味、肉骨唔會乾柴就連骨都入哂味、鴨腎屬較軟腍口感，五香味道調得幾好，鹹甜比例剛好仲有陣陣五香味道，冇過鹹；煎釀豆腐有少少豆香，質素正常；自家制咸豆漿同樣足料，加入油條、蝦皮、榨菜、蔥花等，鮮味得嚟唔會太鹹，飲到豆香

豆漿大王嘅豆漿真係聞名不如見面，係好飲嘅，豆味係有嘅，不過唔算太濃，不過可惜除咗豆漿之外，佢個小籠包真係衰到一個點。侍應姐姐一拎到嚟見啲小籠包黐埋曬一齊就知“奶”嘢啦，估計呢個交貨嚟嘅小籠包，做法就係將個小籠包搓到好似粒湯圓咁嘅樣，然後搵個模“吸”落去，成塊皮係一體化嘅，其實咁都唔係最大鑊，佢最大鑊就係啲皮黐住曬一齊，即係喺冰格拎出嚟已經黐實曬，基本上一搣開就會搞爛咗塊皮，咁入面啲湯就會漏曬出嚟，真係搞佢唔掂。

估唔到星期日嘅工廠區都可以有一間爆場嘅餐廳，我哋好好彩坐到最後一張枱。雪菜肉絲上海麵竟然係用新鮮嘅酸去做，所以雪菜味特別香，食到一陣雪菜清新嘅口味。淡淡面要做小辣，佢嘅麻醬花生醬同埋湯嘅比例幾好，唔會太稀唔會太澀，雖然佢可以揀配米粉米線嗰啲，不過我都係覺得配上海麵係唔錯嘅。試咗個粟米漿，粟米嘅味道好濃郁，而且食到粟米嘅甜味，估計應該係將粟米放入攪拌機擺到爛晒，味道唔錯。豆漿大王杯豆漿係掂嘅，有豆味，而且唔會太甜。

去開新蒲崗，記得之前上網介紹呢間粢飯好好食，就諗住去試一試，見到粢飯仲可以加錢全加料，當然一定要全加啦。入到去見到全場爆滿，就外賣拎走，等外賣期間聽到有食客出嚟都喺度讚個鹹豆漿好好食，雖然自己今次無買，下次都會想試試。粢飯非常之足料，油炸鬼勁脆，感覺已經唔似係番炸，加埋肉鬆同榨菜，簡直係一流，多料少飯簡直係每一口都好滿足，搭配埋豆漿簡直係完美，而且價錢都唔貴，加埋都係30幾蚊，簡直係好超值，性價比好高。

每次去到新蒲崗就會心思思想食呢一間小店，好簡單嘅粢飯豆漿，就成為一份活力充沛嘅早餐，食嚟食去我都覺得呢一間嘅粢飯最好食，佢入面糯米嘅份量再加埋肉鬆榨菜絲等等嘅材料配合得個味道好balance，加埋條油炸鬼真係次次食都卜卜脆，我最鍾意朝早去因為唔使加錢，個粢飯都可以即叫即做。依家qr code落單仲可以揀配料嘅份量，加嘢當然要加錢啦，但係我今次要咗個少飯嘅，我覺得個份量更加啱我。豆漿就揀咗熱豆漿加蛋，真心美味。

好食既粢飯買少見少，一直想試呢間豆漿大王，但佢開喺新蒲崗，所以堂食幾渺茫，然後外賣要睇手神，因為真係有啲遠，有時太遠就唔送，或者運費特別貴。今次好彩撞到，就一口氣叫晒想食嗰幾樣：1️⃣ 招牌鹹粢飯（炸菜、油條、肉鬆） $324.5/5.0🌟🌟🌟🌟✨粢飯可能提前包好，糯米飯不厚、偏乾身，但依然軟糯不黏牙，有黏性但不死實，入口有彈性。油條居然沒軟掉，咬落仍然會有啲位有酥脆口感，有加分。炸菜粒不大，份量剛剛好鹹香不過重，能夠提升整體口感及層次，肉鬆基本上係鹹粢飯必備，乾鬆香郁不潮濕，入口鬆散而不柴，每一啖都好滿足。考慮到外賣關係，心思思希望有機會可以過去新蒲崗試一下。2️⃣ 酸辣淨餛飩（白菜豬肉） $604.5/5.0🌟🌟🌟🌟✨很特別的酸辣湯，有常見的配料，例如荀絲、豬皮、木耳等，但可能因為係豆漿大王，這家會放大量豆腐粒，酸辣湯是偏酸，不像其他的用黑醋老抽，可能是用了白醋或豆瓣醬，喜歡酸的喝起來會很爽！餛飩皮不算薄但滑溜柔韌，每一粒都有好好完整包覆餡料包著沒有散，入口不黏糊，內餡豬肉與白菜比例適中，沒有被酸辣湯蓋過味道，很棒！3️⃣ 脆香雞扒3.5/5.0🌟🌟🌟✨雞扒外皮要炸得不錯不油膩，是用紙袋上的，

依家巿面本人覺得很難找到好味或料多既痴飯.   這家暫時算是不錯吃的一家每次去沙田. 都會走入去食一舊痴飯,  一碗咸豆漿. 咸豆漿料多, 好味. 不過其實兩樣食晒都幾飽落單時. 痴飯還可以揀邊樣材料要或唔要, 多或少, 連飯都可以選擇少飯,  岩晒我. 甚至番加錢變加料. 成舊痴飯會變成好大舊. 多料更好食. 但如果一個人入去. 叫一隻加料痴飯真係會飽到不得了.所以近兩次我只點少飯痴飯,  夠食便算了.  咸豆漿感覺依家唔多地方有得吃. 所以感覺不錯. 久唔久都想入去食番set..  之前都有食過佢既酸辣粉, 都唔錯. 雲吞/水餃類就正常發揮, 有一款炸鰻頭勁好味.  久唔久就吃一次, 百吃不厭.  

千祈唔好叫酸辣湯，超級咸，食第一啖已經好咸，但肚餓唯有食落去😭 雖然好多料，但真係個湯底破壞晒成碗酸辣湯，係食過既數一數二難食， 另外唔知點解啖啖都有辣椒籽，好硬，好想吐出黎😵

朝早去食咸栥飯 🍙 飯粒粒分明，裡面有超足料嘅肉鬆、炸菜，仲有條金黃酥脆嘅油炸鬼插中間😍 ，鹹香脆口配軟糯飯 岩岩好～小編突然想食辣，酸辣湯底勁過癮🌶️湯裡面有木耳絲、豆腐增加口感，🥟 餃子薄餡爆，咬開韭菜豬肉餡噴汁💦，飽足感💯！

一早經過見無人排隊,咪入去試吓😉大把位,隨便坐,亞姐放低個QR Code, 叫我掃code自助落單. 佢哋嘅態度係有一個模咁, 行 路拖住隻腳咁, 面 無表情,答你嘢總係未講完已經遠走😂唔緊要啦,香港人慣咗😜無早餐,叫咗出名嘅秶飯,可以自選加料,減料,將粢飯切做2或3份👍飲品點咗無糖熱豆漿同埋熱嘅粟米醬. 粢飯內有油炸鬼,炸菜同肉鬆,都幾好味👍 熱豆漿可以濃D就更好,粟米醬,有D似粟米湯,但係水D咁,粟米味都出嘅.

要去新蒲崗取演唱會門票，所以在附近找點吃的，就選了豆漿大王。正值晚飯時段，店內是滿座的狀態。餐牌內容豐富，有不同的套餐，單點餐點亦可另加配料，組合多變。以往吃的粢飯都是鹹的，來到這店才知道有甜粢飯，餡料就只有砂糖及油炸鬼。不過，我和妹還是想吃鹹的，餡料是炸菜、肉鬆及油炸鬼，可要求將粢飯切半或是原條上。粢飯夠熱焫焫，飯粒煙韌有咬口，油炸鬼酥脆不硬身，配上炸菜及肉鬆，口感豐富之餘，亦夠鹹香。配咸豆漿加$20，配料有油炸鬼，鮮美鹹香的櫻花蝦，走蔥花。咸豆漿剛送來時，油炸鬼亦帶點微脆，不會浸得太過軟稔，吸收了點點豆漿味，好吃。鹹味來自大量的櫻花蝦，味道自然，不會遮蓋豆漿的豆香。天涼時喝一碗咸豆漿，好暖胃！上海小籠包，皮厚無湯汁，肉餡不夠鮮味，不好吃。熱豆腐花，富豆香夠滑溜，口感紮實，不是水漾漾的狀態。除了小籠包外，這次點的食品都是好味的。惟店內座位較為擠逼，出餐亦較混亂，小籠包是要追單才有，可惜是不好吃的。

This is an awarded diner in SPK and their sticky rice rolls are really popular. I grabbed light dinner for my bestie as she has planned some weekend night-time singing with me. You know, never stay hungry so you can enjoy the night. The sticky rice roll was $20, standard size, you can tell that the rice was fluffy, packed well with the stuffing together, yet not overly pressed. She said it tasted really good! We also got a box of braised beef brisket, soaked in five-spice marinade, it’s very del

朋友推薦黎試下！估唔到8點幾都坐滿，入到去啱啱好有2個位！當然要叫佢岀名既粢飯啦！粢飯我加咗榨菜，朋友加咗油炸鬼。我哋另外仲叫咗玉米漿，甜豆漿，紅油抄手同煎釀豆腐。好耐冇食過熱辣辣同油炸鬼仲係脆嘅粢飯，但係我加咗榨菜，感覺上好似冇多咗咁哈哈！同埋加咗榨菜好似鹹咗少少，所以下次唔加好似好啲至於玉米漿，就好似甜版嘅粟米湯，個人覺得甜咗少少，都係普通豆漿好飲啲。小食方面，煎釀豆腐好食，同埋冇好油膩而紅油抄手都OK，我哋本身會以為好辣，叫咗小辣，點知都唔係太辣，如果食得辣嘅朋友可以繼續加辣！有機會再黎開依頭，都會再幫襯吓，其他小食都仲想試！PS. 朋友都嚟幫襯咗幾次黎食早餐👍🏻

咸豆漿好有特色，蝦米鮮味好突出，啱啱上菜嘅時候油炸鬼仲有少少脆嗰一啖真係難忘，可以另外嗌個油炸鬼食就仲正！佢嘅粢飯大細剛剛好，嚟到一定要食😆油炸鬼同肉鬆好配搭～另外仲試咗肉鬆蔥花卷，本身以為佢係麵包，原來蔥花卷係一個炸飯團，鹹香嘅飯團連同蕉香脆嘅外皮，配咗好多肉鬆，幾特別！反而下次未必會再試酸辣湯，略嫌太酸，豆腐缺乏豆味。The salty soy milk is really unique, and the flavor of the dried shrimp stands out. When it was just served, the fried dough sticks were still a bit crispy; that bite was truly unforgettable. It would be even better to order an extra fried dough stick!The size of the sticky rice is just right, and you definitely have to try it 😆. The fr