豆美味豆花團

營業中

休息中

<<☀️郊遊補給豆腐花🍶>>5月最熱的一日，竟然走咗去上水大水管行咗一陣頂唔順，要揾地方休息一下於是去咗郊野最常的補給站，食豆腐花😂.🟥黑芝麻豆腐花🟧豆腐花有原味及黑芝麻味，山長水遠當然試特別 D的，但黑芝麻只有凍食~~茶座中間有個自助站，可自行按喜好落黃糖及糖水調味。為咗原汁原味，我只加了少少糖☺.豆花滑溜，唔會好似加咗石膏粉咁硬實，而且豆味濃郁，到最尾餘韻個下，真係㗳到絲絲的黑芝麻味😍所以唔需要加太多糖！.🟨低糖支裝豆漿🟩豆漿用有機大豆製作，飲落唔會好稠或多渣，真正"豆美味"😂亦唔會好甜~.當你以為呢間店好遠，HKTVmall竟然有得買呀！😍(非廣告~真心介紹☺)仲有其他豆製品~ 我都要試番個黑芝麻豆漿先😎.💥後記💥環境空曠但只有風扇冇冷氣，特別西斜時更要霸個靚位。另外欣賞店員姐姐一見有人唔帶口罩，就用大聲公警告😂不過臨走都見到本地旅行團好多人光顧。。。祝大家好運😎.

去到河上鄉一定要黎呢間豆美味豆花團！😍😍😍佢呢度啲豆腐花又香又滑👍👍👍，豆漿又抵飲，最值得推介既係佢嘅煎釀豆卜，外皮勁脆，不過我覺得一定要點佢個豆瓣醬，真係一流😋😋😋😋不過要睇下好唔好彩，睇個姐姐肯唔肯比豆瓣醬你🤣🤣因為佢會話個煎釀豆卜唔係跟豆瓣醬嫁😭😭😭不過我好好彩，幾次去都有😁😁可能而家愈黎愈出名，次次黎到都幾多人，都要排一陣隊。不過整體黎講，價錢算平，如果以郊區黎講，service ok，野食好味，地點雖然唔算好方便，不過佢對出有個停車場可以比人泊車，都算幾好👍

上水河上鄉有一間頗大又企理的豆腐品店。我哋叫了一支1L 無糖豆漿$12、一支低糖豆漿$7、一份香煎豆腐$14、一份香煎豆卜$17、外賣中瓶腐乳$28。 豆漿為有機大豆裝成，富豆味，食物也很香趣！地方空曠，價錢優惠，不失為個小休的好地方。

放假同朋友踩單車由上水出發到元朗，踩單車一定要食返碗豆腐花同埋菠蘿冰先夠完整，所以踩到黎河上鄉就入去呢間「豆美味豆花團」非常多單車拍左係門口，人潮不斷，好似要搵位泊車一樣其實佢本身係間豆品製造廠，依家主要賣豆漿、豆花同埋一d小袋，但豆腐花可惜只有熱食，如果有凍就正🤤呢到先去收銀個邊落單，仲有自助枱攞糖水同黃糖，豆腐花豆味都幾重，口感滑溜，唔算好貴，係不錯既補給站，不過環境好多蚊蟲，都不宜留太耐，食得好快還檯比其他人

今日一早起身去上水，專登走去大水管打卡😆出到黎經過哩間豆花店，之前已經聽過佢十幾蚊就可以任食，不過而家因為疫情關係所以暫時取消咗，好在我哋唔係好餓，所以只係入去試左碗豆腐花同埋豆漿。裏面嘅環境相當闊落，除咗出名嘅豆腐花同豆漿之外，仲有其他小食，最特別嘅係竟然見到佢有自助購票機。我哋喺右邊收銀嘅地方買完野之後，就喺左邊既位置拎嘢食，記得要預先霸左位先好去買嘢食啊！🎈豆腐花（熱）我哋行完大水管出黎係12點幾，冇諗過咁早已經賣晒凍嘅豆腐花，所以唯有要咗一碗熱嘅。佢係自助形式加薑糖漿同埋黃糖嘅，可以自己決定落幾多。豆腐花非常滑溜，而且大大碗，唔會好似出面咁食到石膏粉味。🎈低糖豆漿雖然話就話低糖，但係其實都幾甜，而味道就同出面買嘅豆漿差唔多。如果大家咁啱過嚟郊遊會經過嘅話，平平哋都可以入去試吓。

天氣清涼 最適宜到郊外行下 今日我地去左古洞 途經一間豆腐花店 見到外面有好多架單車 入面又有好多人排隊 我緊係唔執輸排埋一份餐廳採用自助形式 一場黎到緊係要試下豆腐花 要先到右手面落單 落完單就去在手面排隊拎豆腐花豆腐花 $8豆腐花熱食$8 凍食$9 熱食原來有任食🤩 唔知係咪因為今日係星期日 所以停左任食服務 豆腐花好滑 最重要係豆腐花無加任何糖水 可以按自己要求加糖水同黃糖 滑啫啫😋除左豆腐花外 仲有好多小食 估唔到小食都好出色煎釀豆卜 $17 總括來講：入黎河水鄕一定要過黎試吓豆腐花 🤩

最近新嘅單車徑開咗 由上水可以隨單車徑踩去元朗 於是就試吓呢條新路 途經呢一間位於河上鄉嘅著名豆腐花店 當然要去一嘗其著名嘅豆腐花 當我買好呢碗豆腐花之後 我食落覺得佢真係好滑 唔似有啲坊間嘅豆腐花咁 而且佢豆味都算香 我唔需要落太多嘅糖已經有豆嘅香味 絕對係一碗好食嘅豆腐花 可惜係當日部自助售票機有問題 唔知點解㩒唔到凍同埋任食嘅飛 無奈地要食熱嘅 而且職員都幫唔到咩手 不過我覺得食物質素最為重要 呢一間店嘅豆腐花絕對值得各位單車友去品嘗

繼日前的💰3碗豆花.今日再與友人相約.到河上鄉食💰14任食豆腐花及任飲豆漿🥳.Wohooo...又係時候開餐....‼️任食豆腐花只限熱食.有二種口味：原味.黑芝麻....一入到去見到有自助售賣機.梗係玩下啦.原來重有其他豆品既小食.🥣豆腐花 💰14 任食熱食十分香滑.豆味濃郁.個人比較鍾意黑芝麻味.因為黑芝麻味好香.任飲豆腐（熱/凍）🥢煎釀豆卜⭐️推薦⭐️煎得十分香脆.配上醬油.十分惹味.🥢香煎豆腐果然係豆品廠.豆腐味好濃.一塊塊.薄身的.入口都感受到嫩滑.🥢魚肉燒賣一般.可以唔洗試.還見到很多人在買副產品.總結.都好岩遊車河或踩單車後再食.始終豆品廠出品. 市區的豆腐花完全比不上的味道🥳

同朋友駕車黎到大埔一帶 , 順道去河上鄉豆花團飲豆漿食豆花無記錯單碗8蚊 , 任食14蚊我朋友就無咁大食食左碗8蚊既 我就14蚊豆漿 原味 ,黑豆豆腐花任食足足食左4碗先肯走 豆花一如以往夠滑食左2碗原味 , 1碗黑豆 , 1碗豆漿溝黑豆碗碗都有唔同既味道 糖水黃糖就有自助區自行添加整體環境都衛生 可能呢排香港既環境令到呢一帶少左好多旅行團食既時候都比較冷清至於相我都有影既 , 可惜我係食第二碗先影 , 變相個碗黑豆豆腐花又有少少上一碗食淨既原味係度 , 所以我就唔放上黎啦XD

成日聽人講河上鄉有間獨一無二食豆腐花既隱世地方，今日終於黎左呢間豆美味豆花團。14蚊可以任食豆腐花豆漿，真係勁抵！另外我仲叫左佢個豆卜同燒賣，豆卜真係無得彈，係我食過最好食既豆卜！得閒我一定會再黎食！

話説有次係上水整完野，時間大約3點男朋友未食飯諗住一齊食不過我一早食左喇一場黎到上水。我地就再去河上鄉食豆花之前都黎過 不過上次真係太飽無乜點試其他野 我地叫啲個地方做豆腐神純粹係因為外面有豆腐神石像啲度有免費露天停車場泊車豆腐花任食任飲豆漿$14有原味有芝麻味一碗唔太大碗 做完可再添可加彊汁或黃糖豆腐花尚算滑 芝麻豆腐花只有小小芝麻味豆漿讚好香黃豆味濃郁釀豆腐炸的 較多油 豉油小小咸其實夠味釀豆腐薄身豆腐 絕對可以一啖一個加豆瓣醬食 另一番風味我地細食 只係每人一碗豆花，兩碗豆漿已被ok兩人成為$14+$14+$14+$17=$59

屋企樽南乳用哂 咁就要特登揸車入河上鄉買結果買左好多野哈哈哈 反正買開 素鴨都係好食 返屋企煎黎食就可以呢道既南乳係特別香特別好食一場黎到呢個豆花豆漿放題既地方都係要食既曾幾何時放題只係八蚊 而家睜眼已經十四蚊因為係任食熱豆花凍熱豆漿今日咁熱 緊係食豆花先！先食普通既豆花 食左先影所以爛哂豆腐花係好食既 同某地方比既3蚊豆花有啲人係會中意硬身啲有重量啲就會推薦三蚊豆花中意係食滑啲軟身啲同食量較大既就推薦河上鄉豆花個人黎講會中意食黑豆花多啲 芝蔴香啲同特別啲都好似唔係周圍有得食 注意本身佢已經有甜味 唔再加黃糖都ok天氣好熱 其實食兩碗豆花中間就要多左半碗豆漿係食完再叫一碗豆漿嗰陣聽到前面排隊女人話要黑豆花上面加豆漿原來仲有呢種玩法喎係喎！食左咁多年都唔知可以溝黎食 咪冇咁熱囉！豆漿係好重黃豆味既 飲開街外豆漿可能會嫌唔甜但豆漿飲落就知真材實料 仲有都係滑既 唔會有任何一粒粒粉既問題總共食左兩碗豆花一碗半豆漿十四蚊圍返開都係四蚊碗聽到隔離枱話食左七碗 所以去左嘔( ´▽｀)就算係放題大家去食都要量力而為( ´▽｀)****小提示：胃唔好既請記得要少食黃豆製品呢

今日同朋友去行山前先嚟呢度叉叉電. 只需$14就可以任食熱豆腐花(原味或黑芝麻味) + 任飲凍豆漿實在係抵到不得了 今日雖然落雨,但都有幾架旅遊巴載本地親子團嚟呢度食嘢.咪以為$14任飲任食就求求其,呢度嘅豆腐花又香又滑,豆漿清甜豆味濃. 先來一碗原味,再來一碗芝麻味,再飲兩碗凍豆漿,大満足 嚟呢度記住食煎釀豆卜,外面鬆脆,入面鬆軟可口,真係會一試難忘另外我哋都點咗煎素鵝丶煎豆腐,素鵝煎得好脆,但唔算鬆化,豆腐都煎得ok,但唔算特別,始終都係豆卜大勝

記得幾年前幫襯，都仲係$10任食，想當年有3種味選擇，有麥味、原味、芝麻味，今時今日已加到$14任食熱食豆腐花及豆漿，由唔知邊年開始就已經無咗麥味，好可惜，然而我最鍾意食係麥味，其次係芝麻味。今日食，水準依然，仍然都咁好味、好滑，每次都食3-4碗😋😋，乜野配搭都試過，試過豆腐花加豆漿咁食，效果唔錯呢！此外仲有熱食小食，但魚旦就太細粒，唔抵食....在場有不少醬料、腐乳製品，買過腐乳同腐竹，唔錯唔錯！店舖對面有停車場，駕車入來食都方便。

$14 任飲任食豆花/豆漿.原味、芝麻味都好好食，唔會太甜有薑糖、紅糖可以自己加，仲可以請姐姐加豆漿.後面有景色好靚嘅農地同魚塘行多20-30分鐘就到大水管，可以影下相