豐味車仔麵

營業中

休息中

本身都好鐘意食酸辣粉食過最好食既就係Moko 樓下果間企係度食既(相信鐘意食既會知係邊間)而呢間小店係我會再去食既小店去相第一次食酸辣佢既湯底唔似出面咁湯還湯辣還辣食開小辣既剛剛好~第二次試麻辣今次食bb 辣比起酸辣小辣辣多少少湯底都好味道~另外覺得小店乾淨舒服店員都好有禮貌!笑容可嘉!仲突燈追出黎比張野飲coupon我特別唔知係咪老闆娘既店員(？)佢都好友善(加靚女😁)!!~有少少缺點係個薯粉好長夾極都仲有🤣🤣而個碗好大，顯得啲餸比較小

旺角餐廳多得數之不盡，種類繁多，不過有時候只想簡簡單單食一碗麵或飯。上星期經過這間車仔麵，裝修還很新淨，環境企理，於是和朋友入去一試。這家車仔麵跟一般的不同，除了一舨的車仔麵之外，還提供了重慶酸辣粉的選擇。喜歡辣的我當然首選重慶酸辣紅薯粉，除了本身的酸菜花生等配料，我還加了豬紅、墨丸和豆卜。薯粉煮得夠腍，又有咬口，湯底夠酸而不會太辣，適合不太能吃辣的人。朋友點了車仔麵要豬骨湯底，加了腩汁，金菇、豆卜和娃娃菜配烏冬，金菇和豆卜完全吸收了湯的精髓，娃娃菜也十分清甜。點可樂的時候，店員還貼心問我要黑色還是紅色可樂，非常貼心。

在旺角吃晚飯，無論甚麼價位的選擇也多。今晚想hea點吃便宜點，在女人街找到家車仔麵。太普通了嗎？不，它一點也不普通。因為這家車仔麵除了平常的湯底外，還有重慶酸辣粉和四川麻辣燙！麻辣燙在港仍未算很流行，反面上深圳玩時吃得多，現在當然要吃！所以我點了椰子水，它那清甜的味道夠refreshing，就算我吃麵吃得辣也不怕。豆漿不會太甜，也不錯呢。男友不吃辣，就點了碗三餸腩汁米線，大大碗盛惠42元。我的麻辣燙就貴點，三餸要54元，不過我對這湯充滿期待，54就54啦！先由味道溫和的腩汁米線開始。牛腩是粒上的，帶一點筋，軟身得來又有點爽口，重點是入味！牛筋也是粒狀但大點，煙靭爽口俱備。看這顏色都知有多入味啦！蘿蔔煮得軟又無渣，不過沒牛那些的濃味。米線軟身也滑。深啡的湯底滑口，味道香濃，是鹹中帶甜的味道。麻辣燙的湯底是深紅色的，要拌勻才吃啊！湯充滿香氣，喝下去不算好辣，但感覺醒神！最配的麵當然是紅薯粉，又滑又煙靭又吸湯，好入味！豬紅只有麻辣燙的香味，軟軟的很好吃。魚肉春卷吸湯後更惹味，魚肉量不算少。雞翼有醃過，有鹹香的味道，沒有被辣湯蓋過。肉質煮得超軟，輕易骨肉分離。在車仔麵店吃到麻辣燙，我心滿意足了

旺角餐廳林立，喺女人街附近發掘左呢間新嘅車仔麵檔！價錢大眾化，而且除咗香港地道平民車仔麵之外，仲有麻辣粉及酸辣粉吃，夠晒多元化！四川麻辣粉湯麵餐$33起，秘製嘅麻辣湯底可自選辣度！麻辣湯底可選BB辣、小辣、中立、大辣及宇宙辣，鍾意食辣嘅朋友絕對值得你試吓挑戰下味蕾！我點選左一碗小辣嘅麻辣湯底薯粉，覺得非常正！麻辣口感層次分明，入口先麻後辣，辣得來又唔會太過涸喉，越食越辣，越食越上癮！值得一提嘅就係下午茶兩點半後有餐飲送，比較抵食！

難得今日偷得浮身半日閑，去睇戲既途中有點餓餓地，見仲有時間，都係揾下野食下先，免得一陣要受飢餓之苦。在旺角女人街見到呢一間新開的車仔麵，咁就入左去食。可能時間太早的關係，五六點左右，所以人流不算多。呢到是可以選擇港式車仔麵，麻辣湯或者酸辣粉。見呢度首選都是食酸辣粉，味道最濃郁，再配上煙韌薯粉，簡直一流。但可惜因為病病地的關係，所以就選擇了食清少少的車仔麵。地方企理，裝修懷舊有特色三餸麵餐都只係$38加埋杯熱飲，好抵食👍🏻魷魚春卷豬腸米線豬骨湯底加腩汁BB辣，豬腸洗得很乾淨，而且全部餸都好入味。味道比較清淡，原來呢到主打是無加味精。食完唔會口乾，正wo!牛柏葉魚腐響鈴烏冬，腩汁加BB。估唔到響鈴配車仔麵可以咁正，我真係第一次食，勁入味!有冷熱飲品

作為重度嗜辣症患者，我絕對唔會錯過吃辣的餐廳～呢間豐味車仔麵位於旺角，有齊酸辣和麻辣兩種滋味，如果唔食辣都可以食車仔麵，都有幾種湯底可以揀。正宗重慶酸辣粉$33，加餸每款$7我揀左牛腩、魚肉春卷同埋蘿蔔三個餸，麵底揀左薯粉，牛腩味道香濃魚肉春卷係招牌菜，個人亦認為非試不可，比平時食開的魚蛋或魚腐更有質感～蘿蔔吸收哂酸辣湯底，好入味！薯粉係我最鍾意的麵底，好彈牙，推薦！招牌四川麻辣燙$33，加餸每款$7朋友就揀左牛筋、黑椒牛丸、蠔油冬菇，都係配薯粉。其實都係睇返自己鍾意食咩餸啦，個人覺得食車仔麵主要係睇湯底。呢間餐廳的酸辣同麻辣都做得好好味可樂$8忌廉$8今餐食得好滿意，唔單止好食，價錢仲好平，大約$50一位就可以食到美味的麵

旺角出名多嘢食，但好多都試過晒啦，最近朋友帶咗我去一間新嘅車仔麵，裝修非常之靚，好有香港特色。另外食物質素都非常高！我就叫咗個麻辣湯嘅薯粉，真係好夠辣，同傷心酸辣粉有得比。但係佢個湯汁都真係好好味我唯有叫杯汽水你解辣。雖然係好辣，但係啲餸配料同埋面都真係非常值得一讚。朋友叫咗個唔辣嘅湯佢都話好清甜好好味，啲配料亦都非常充足好味。而且價錢都真係好平30幾蚊就有嘢食有嘢飲，食厭咗譚仔不妨真係可以試吓呢間車仔麵。

呢間新開既車仔都檔除左有傳統香港地道車仔麵食之外，仲有四川麻辣湯粉及酸辣粉！自問係辣妹既我...點左個小辣既酸辣粉，已經食到辣到跳舞喇!🌶🌶🌶辣同酸既層次幾分明，不過我就覺得酸味未夠濃！辣既程度分左五級：BB辣、小辣、中辣、大辣、宇宙辣！🌶小辣已經等同平日中辣既辣勁，真係好難想像宇宙辣會點樣😂無辣不歡既朋友仔不妨bookmark去試下！下午茶時段仲有餐飲數非常之超值！而我就揀咗杯凍豆漿，用嚟解辣一流！粉麵及餸菜都可自由配搭！而我就揀左魚腐、魚皮餃及蘿蔔！我覺得識食酸辣湯粉一定要叫蘿蔔，蘿蔔能夠吸收晒湯底嘅味道，夠晒惹味！值得一讚魚皮餃皮薄餡多，好味呀！薯粉晶瑩剔透，味感煙靭。薯粉同酸辣湯是perfect match 呀！

女人街出名好多嘢食平時如果係旺角返工都一定去嗰邊食今日就試一間新開港式車仔麵入去環境裝修唔錯 幾特別除咗車仔麵之外仲有麻辣燙，酸辣粉同其他選擇今次嘅車仔麵我簡左咗豬大腸豬紅同埋雞翼豬大腸爽口彈牙而且乾淨 雞翼炆得好淋唔錯最正嘅係呢度仲有薯粉 薯粉可以吸收湯底嘅味道令到車仔麵更加昇華而且個湯底感覺冇咗好多味精同埋油食完之後仲可以飲少少湯價錢來講都幾抵食而且環境企理乾淨員工招呼都唔錯有禮貌下次有機會嘅話會再嚟

又到LUNCH時間，本來打算跟同事打算平平地頹食，在女人街隨便找一間，見到呢間未見過既面店，感覺乾淨企理，比一般車仔面店舒適，一於就試試佢。自己在紙上圈食乜，選擇都好多下，選擇困難發作，一時三刻決定唔倒。為了試真章，選了三個不是default味道的餸雞翼尖冬菇大腸公仔面，腩汁，小辣。雞翼尖入味，但可以再淋Ｄ，會較容易食用，畢究女生還是顧儀態的（雖然我沒有在理）。冬菇好味喎！厚肉又燜得夠時間，唔錯。大腸都幾好，不會有臭味怪味，略嫌裡面肥膏太多，處理走一些會更好。公仔面配自製辣醬，惹味，不會太辣，好邪惡。整體來說抵食，值得一試。

勁黑仔囉 行行下街落大雨 冇帶遮 所以行入女人街左右兩旁嘅通道打算避下雨雨越落越大 企喺度都唔係辦法 所以入咗呢間豐味車仔麵 邊食邊等停雨咁啱撞正打工仔放飯時間 見到好多ol幫襯 仲同餐廳職員好熟㖭 食客冇帶遮 餐廳都借埋雨傘客人 這種貼心及人情味 實在難得介紹番我今日食咗啲咩先我叫咗個三餸嘅港式車仔麵牛腩，豬大腸，魚肉春捲 配薯粉加腩汁(小辣)先品嚐一啖湯底 腩汁非常濃郁 帶有藥材味 感覺有啲似食緊肉骨茶嘅湯底 非常喜歡另一精髓是餐廳秘製嘅辣汁 又香又辣 完全可以增加湯底嘅層次感魚肉春捲 腐皮吸收湯底嘅精華勁入味 魚肉有彈又鮮牛腩炆得好林 又入味 帶有點點牛筋 有咬口 質感非常好豬腸勁好食 雖然好多肥膏 但係咁樣先香口 完全冇腥臭味 入口彈彈的薯粉麵條較粗 入口非常滑 而且煙韌 一啖面一啖湯 吃過不停另外跟餐凍檸茶只需要加七蚊 正宗嘅港式凍檸茶 茶味香 又不會太甜付款方式都幾多 除咗現金之外仲可以俾八達通，支付寶 夠曬方便餐廳唔係全年無休 今日剛好下雨 剛好經過 剛好餐廳有開門營業 我先可以食到一碗咁好味嘅車仔麵

一個人的下午茶…… 自己一個食乜都冇所謂 簡簡單單食碗麵已經足夠經過女人街 兩旁全部都係食肆 一於支持本土特色美食餐廳除咗有港式車仔麵 仲有正宗重慶酸辣粉和川味麻辣燙入到餐廳第一印象係簡潔而且整齊 樓底好高 完全冇焗促感 仲好光猛牆上仲掛咗好多香港老照片 充滿香港情懷食得辣嘅我梗係要試下呢度嘅正宗重慶酸辣粉 辣度分為五種 包括bb辣 小辣 中辣 大辣和宇宙辣我揀咗三個餸包括 豬紅 魚腐 魷魚(重慶酸辣粉)配料包括榨菜 花生 及芫茜(走芫茜)辣度:宇宙辣湯底超級惹味 辣度十足 又酸又辣 酸度溫和 層次分明魷魚 口感爽脆彈牙魚腐 魚味十足 完全冇腥味豬紅非常推介 非常入味 入口嫩滑不嚡口下午茶時間2:30-6:00送餐飲一杯自選一餸一粉$33 另加餸每款$7三餸一粉$47 剛巧碰上下午茶時段嘢飲免費超抵食呀!

同朋友嚟旺角行街，呢幾日都食到好飽，唔想食啲咁油膩嘅嘢，就揀咗嚟食港式車仔麵，嚟到見到裝修好新淨，周圍都好乾淨，唔似其他麵店咁痴立立老闆娘仲好有禮貌！我叫咗一個三餸麵，叫咗薯粉，招牌雞翼，滷水蛋，春卷，湯底就要左豬骨湯，加滷水汁薯粉好煙un, 好有咬口唔會淋哂，雞翼蚊到好林好滑，而且夠哂入味！湯底香濃得嚟食完唔會口渴朋友就要左幼麵，魚皮餃，滷水蛋，春卷，豬骨湯底加冬菇汁，呢個汁會比滷水汁清啲！嘢飲我哋有人要左一杯凍奶茶同凍鴛鴦

今日同朋友出旺角行街，行到一半個天突然落大雨，加上都差唔多時間要食嘢，結果就搵到一間新開嘅麵店入去試一試新嘢。入到去個環境幾闊落，左邊就係單人嘅向牆臺，另一邊就係四人枱，中間條通道好闊，就算兩個人一齊行都冇問題，喺旺角依啲地段嚟講呢啲餐廳都算少見。選擇十分之多，淨係麵嘅款式都有三款麵。 最後我揀咗食車仔麵，而朋友就揀咗食酸辣粉。嘢飲我哋叫咗凍檸茶同椰青水。分量唔錯，嘢食亦都好味。同埋就係餐廳坐得好舒服，價錢都唔貴，兩個人食一百蚊唔使就可以食到飽一飽，抵玩。

又係嚟到我最鍾意喺度搵食嘅街❤️通菜街。真心呢條街真係好多又經濟又實惠又好味嘅食店‼️ 今次發現咗新開嘅車仔麵鋪頭😍 呢條街冇乜呢類型嘅餐廳，而我最鍾意食就係車仔麵🤤梗係入去試吓。入到去環境好舒服，座位寬敞，冷氣夠同埋有電視睇。👍🏼 好搞笑佢有一排單人位。😂見到餐牌原來佢唔止車仔麵咁簡單！😳 佢仲有重慶酸辣粉同四川麻辣。🤤 等我下次再試先，因為今日好想食車仔麵😛。 餸嘅種類都好似其他車仔麵鋪咁好多款，我覺得車仔麵同拉麵都一樣湯底係好緊要🤔。 佢有豬骨湯底同腩汁湯。之後仲可以加佢個秘製辣汁，今次我揀咗BB辣度。😝秘製辣汁係個匙羹上面，食之前將佢撈勻晒係個湯底度咁就得了。👍🏼 飲咗一啖湯底果然好味。😍 墨魚丸味道正常，蘿蔔煮得好林好甜，值得一提係佢個魚肉春卷！拍得住南記👍🏼，又係好鮮甜好滑。餸嘅份量幾夠。朋友叫咗魷魚腩肉菜心油麵，佢話都幾好食可以再戰。😂特別一提佢個下午茶好抵食😍。