豐石板燒專門店 (已結業)

早幾日去咗旺角行街，見到呢間石板燒專門店專食石燒牛，價錢大眾化，所以我哋就試一試。餐廳環境乾淨，小店經營，但係服務周到，硬件都好齊全。我哋食咗兩個餐，一個就係封門牛柳，一個就係肩胛肉眼。每個人嘅石板燒套餐都已經包左飲品、沙律、湯（我哋食果日係羅宋湯，好味！）同埋白飯，白飯又可以自己添加日式味素，所以一定唔使驚食得唔飽。上菜時店員會將牛扒同埋石板分開上，咁我哋就可以自己控制生熟程度，唔會有話太生或者太熟唔啱心意咁嘅情況。肩胛肉眼味道好濃郁，好有牛味，好好食。封門牛柳就主打肉質好軟綿，有入口即溶嘅感覺。我朋友鍾意食牛味重嘅肩胛肉眼，而我自己就鍾意食封門牛柳，大家可以按自己喜好再簡食邊種。仲有要提，係上菜前店員都好細心俾咗圍裙我哋，唔使驚燒嘅時候會彈到成件衫都係汁。另外我哋仲食咗芝麻雞翼同芋泥波波，好好食，必點！雞翼入味香脆，芋泥波就甜甜脆脆的。總括嚟講，呢間餐廳好食，服務好，價錢抵，強烈推薦！

相信大家有留意我嘅話都知我食肉食得好誇張😂今次就同MY BOSS黎到旺角嘅豐石板燒專門店最抵$78就可以食到扒，仲有湯同沙律添👍🏻不過我地就叫左美國Prime 封門柳 ($98)其實封門柳為牛橫隔膜肌肉 每隻牛只有一條所以肉味較重 油花較少 好岩中意重牛味嘅我😋上碟時 牛扒只有一成熟 所以就可以係石板上自己燒 中意幾成熟都得😌至於MY BOSS 就叫左美國安格斯西冷 ($128)相比起封門柳亦𠱸算太肥膩 帶少少咬口但牛肉味道都十分香濃 性價比高的🤩額外叫左2款小食 芝麻雞翼同香芋丸 ($20/1款)配上2款佢地自家制嘅冷泡茶 (蜜桃烏龍/桂花烏龍)食幾多煎炸野 都唔覺得油膩😝😝-裝修環境：✨✨✨✨服務態度：✨✨✨✨✨食物質素：✨✨✨✨✨(5個✨為滿分)唔信我嘅可以自己去試試😂

又比我發掘到旺角餐廳😋 列入左我愛店🥺比起港式扒房更加鍾意食石燒♡︎(°´ ˘ `°)/可以食返肉味 生熟又可以自己控制 又有自助吧😚我食過幾間黎講呢間嘅肉味真係top‼️❣️美國prime封門柳 $98另外仲有肩胛肉眼 西冷 牛小排呢d🐮呢款第二平已經好正😋 肉味好出*ˊᵕˋ)੭用牛油熱左下 煎到自己鐘意既生熟度🙆🏻‍♀️塊肉唔會太厚到好難熟 好易整🤣佢哋沙律用玻璃樽裝幾衛生 配麻醬 nice😚仲有大力推薦佢碗飯🍚 用珍珠米 一大煲都煮到粒粒分明😛❣️西班牙黑毛豬梅肉 $108放棄咗食豬腩🐷 呢款黑毛豬陣味好出(˶‾᷄ ⁻̫ ‾᷅˵)一路煎一路聞住🤤 而且肉質爽彈‼️配埋佢啲燒肉汁 豬扒汁 難得連啲汁都調得好😍Ps 呢間竟然有電動salt & pepper😂 好慳力😂❣️榴槤炸彈 $20放題會見到嘅 估唔到呢度都有得食 有流心😍❣️香芋丸 $20我同朋友都更鍾意呢個😛 甜d煙韌d🐷奉勸大家一定要着圍裙😂 好得意同小心彈到😛

白飯，麵豉湯，沙律，任裝！抵食💰食塊牛扒再食到飽最平都係$78！✨味道76分，服務不錯，環境方面有啲油煙味。.🔸鵝肝多士($68)⭐️多士脆，搽左牛油好香，被厚厚既鵝肝咁蓋住，咬落啲油份咇出嚟，口感好豐富，配搭得好正！.上菜每塊牛扒都係一成熟，按照自己喜好煎幾熟。🔸美國Prime肩胛肉眼($78/200g)肩胛肉眼口感比較紮實，牛味唔重。🔸美國Prime封門柳 ($98/200g)⭐️封門柳咬落比較鬆軟，牛味較重。.🔸榴槤炸彈 ($20/3pcs)啱啱炸起熱辣辣，外皮脆，夾住層黏糯嘅皮，中心係好香榴槤味既流心餡，做飯後甜品不錯。.🔸自家製蜜桃烏龍冷泡茶($10)飲落有淡淡蜜桃香，冷泡茶既茶味唔會好濃好苦。佢冇另外落糖，解渴又幾健康。.🔷任食系列🔸沙律菜，分裝好一盒盒，可選沙律醬/芝麻醬/沙律醋。🔸麵豉湯，好多豆腐同紫菜，味道剛好唔會太鹹。🔸白飯，旁邊有啲味素，撈飯更加香口美味。

旺角豐石板燒豐石板燒既牛肉質素相當唔錯，係同類型既石燒牛中可以話係出色。仲有沙律🥗吧、麵鼓湯同白飯任裝，呢個牛肉既質素同份量，價錢可謂相宜，性價比高。美國🇺🇸prime肩胛肉眼200g~78$~肩胛肉眼好有牛肉既香甜，肉味香濃。肉質實淨啲，建議唔好太熟，食落會相當唔錯！美國🇺🇸prime封門柳200g~98$~呢個脂肪分布平均啲，肉質比較嫩口，牛肉味道都唔錯，回香。芝麻雞翼~20$~好香口既小食，炸到脆卜卜。香芋丸~20$~熱辣辣，表皮脆，中層又有煙韌咬口，內餡香芋香滑。

近排石板燒呢樣野幾hit，朋友就帶左我去試旺角一間餐廳。就係豐石板燒肉。首先，餐廳既湯，沙律同飯係任食。沙律用一個個小玻璃樽裝好，自行加沙律醬或芝麻醬，獨立衛生。除咗牛肉外，仲可以叫d小食。個人叫左芝麻雞翼，榴連炸彈。2個小食唔錯，芝麻雞翼香脆可口，榴彈炸彈滋味十足，榴連味濃厚唔錯 到正餐既牛肉，我地選左牛肩胛肉眼同封門柳。餐廳先煎到1成熟，再配上預熱好既石板比我地自行燒。我鐘意呢種，因為可以自己控制熟既程度。一塊扒既不同口味，由自己控制。我先用解凍牛油，再放肉係上面燒，一來吸收左牛油既香，更易帶出肉味。肉眼本身就係肉嫩，經石燒後，牛味出哂黎，而燒至6成熟後，一咬，嫩滑多汁，食落香口，送一口白飯，人間美味。中意既，自己可加點燒汁，味道更濃。而封門柳，雖然肉質不及肉眼嫩滑，但牛味係最香濃，最出。基本上，一咬落去，源源不絕既牛味從肉中滲出，肉身雖較厚實，但正好加強口感，中意大口咬肉既朋友實鐘意。而石燒仲有個好處，係肉慢慢甘煎熱，所以避免左火候過猛煎得太乾。整體我比90分，滿意！

-✨每個餐都有自助沙律吧（白飯、沙律、麵豉湯）同包野飲 👍🏻✨燒完肉有熊寶寶提供，好貼心☺️✨電動岩鹽同黑椒緊方便！份量控制可以岩岩好 -🇺🇸🥩👁 美國Prime肩胛肉眼 200g $78✨好大塊切開勁襟食✨佢本身輕輕慢煮過令佢唔會太生，自己燒就可以控制到幾成熟✨佢俾我感覺係有西冷咁重肉味但肉眼咁soft既質地勁正！-🇺🇸🥩🚪 美國Prime封門柳 200g $98✨封門柳即係橫隔膜既肉，一隻牛得一條好矜貴，所以係價錢上都反映到出黎✨肉味比肉眼仲要重！-😈🎾 香芋丸（3粒） $20✨個皮勁脆又唔會太厚✨入面既芋蓉好綿滑！亦唔會太甜✨炸到金黃色但真心唔油，推介！-🍵蜜桃烏龍冷泡茶桂花烏龍冷泡茶✨自家製 👍🏻✨又凍又fresh既茶令餐飯冇咁漏，好夾！✨聞到蜜桃同桂花但冇加甜嫁 ☺️

朋友一直想試下石板燒，之前經過見到呢間新開嘅平平地，評價又唔錯就試下選左美國封門柳$98 有200g，肉質幾軟嫩. 有4小塊，第一次煎至約medium rare 就較為juicy. 第二次煎耐左，medium well 至差唔多well done. 油脂逼出, 不過肉質仍然頗為軟腍唔會乾硬. 朋友選左美國安格斯西冷，同樣200g 好大片 $128. 呢片就比較大塊同 薄，一邊有圈肥肉. 相對口感就比較硬d. 一邊除左pepper 同鹽，仲有一系列唔同醬-好似燒肉汁，豬扒醬黑椒醬可供選擇所有肉送上黎一成熟，可按自己喜好用石板熱力控制生熟程度. 而塊石板高溫可以keep 好耐.呢個價錢仲可以任食salad, 飯（可以加飯素），同味噌湯. 所以唔駛驚唔夠飽加左小食 炸香芋丸 $20有3粒. 中間除左蕃薯仲有香芋泥，甜甜地. 加$7 可以另外order 飲品，除左汽水有茶. 選左桂花同蜜桃烏龍. 朋友鐘意前者，比較似係烏龍茶，無咩桂花香. 後者就明確有蜜桃香不過佢話個味比較artificial. 我覺得都ok .

旺角抵食石板燒 $78起仲包白飯 湯 沙律任食 牛,豬,海鮮都有選擇,牛肉$78起美國PRIME肩胛肉眼 200G $78, 封門柳$98,安格斯牛小排$148和牛A4 $248 -150克 (抵食!) @豐石板燒專門店豬肉類有黑毛豬扒 $88起 ,海鮮類有虎蝦,珍寶帶子小吃有芝麻雞翼,榴槤炸彈,香芋丸,藍青口 $20,抵食!每支冷泡茶$10,自家製蜜桃烏冬冷泡茶 桂花烏龍冷泡茶 先講封門柳 為牛橫隔膜肌肉 肉味較重，油花較少，適合喜歡肉味濃者肉汁豐富,細嫩 煎到5-7成熟相當美味 ,加少許鹽同黑椒已經係最好既調味牛小排 油花分布均勻 肉質特別香嫩 豐富細緻的口感外 香味四溢，油花很多柔嫩 煎到3-5成熟最好食,特別肥美甘香,油感豐盈 炸雞翼夠香脆,咬開仍然有肉汁,芋丸第一次食,中間係芋泥,淡淡甜香#豐石板燒專門店 #豐石板燒 #旺角美食 #鐵板燒 #石板燒 #和牛 

見IG多介紹,去試一試旺角新開的石板燒😋- 自助區白飯,湯,沙律任裝,而且包左一杯野飲🥰想講店入面既姐姐好有禮貌見有人唔明會好熱心幫手-🥩美國安格斯西冷 西冷係屬於脂肪比例平均,加小小牛油 放上石板 小小油香 口感係有輕輕咬口 唔想食咁肥膩既女士好多時都會選西冷😉記得唔好煮太熟啊 肉質先會夠嫩😋-🥩✨美國金裝M9+和牛西冷到我最中意既和牛👍🏻M9+和牛油脂非常多🤤可以見到充滿油脂既紋理 🥩👅煎時見到佢D油脂溶落D肉到🥰超勁油香 入口口感好軟滑 😍非常回味👅呢個更加要唔好煮咁熟烤2下溶左油脂就差不多🤤-💁🏻‍♀️芝麻雞翼 +香芋丸香芋丸外皮煙韌餡料粘口綿綿 非常唔錯-💁🏻‍♀️ 蜜桃綠茶店家有2款自家茶飲桂花烏龍同呢個蜜桃綠茶淡淡蜜桃香 茶味濃 無糖👍🏻食完肉消濟解油膩一流一定要試!❤️

旺角有間好抵食既燒牛扒，沙律，湯，飯任食，仲有野飲，所以同朋友黎食晚餐😋🌟美國Prime封門柳 200g（$98）餐廳煎左一成，之後我哋自己燒，牛扒同石板分開上，咁樣唔會令牛扒好熟，好甜心👍🏻👍🏻封門柳好重牛味，牛味濃郁，好軟熟，就算唔小心煎耐左都唔會好難咬😋😋🌟美國prime肩胛肉眼 200g ($78)呢個價錢好抵，只係$78，好大塊牛扒，無筋，好新鮮，而且肉味香濃，性價比高👍🏻👍🏻🌟 芝麻雞翼 x 藍青口（$20 & $20)芝麻雞翼香脆，即叫即炸，肉質軟滑，好juicy😋藍青口有5隻，每隻都好甜，而且好飽滿，好新鮮，必點😋😋🌟桂花烏龍茶 （$10）烏龍茶無糖，好香茶味🍵👍🏻👍🏻

愈黎愈多呢啲日式鐵板烤肉，加上呢個凍凍地既天氣就更加要試下😊-呢間啲鐵板好特別，牛肉係會放喺碟度，再自己放落鐵板上面燒，真正做到幾多成熟都係你決定！✌🏼-❣️美國prime封門柳靠住我嘅手藝，今次就將封門柳煎到5成熟，外面有少少微燶，香味四溢！食落牛味濃郁，鮮嫩多汁😙-❣️西班牙豬腩肉豬腩肉切開左一片片肥瘦適中， 用熱辣辣既鐵板煎完有爽脆嘅口感！我哋覺得豬腩肉配飯好襯！豬肉嘅油香流落左啲飯裡面，好好食！-❣️芋頭丸芋頭丸上碟嘅時候圓轆轆，好鬼得意！炸皮嘅厚度適中，金黃皮表再配淡淡芋頭香，好食😋-✨飯，麵豉湯同埋沙律都係自助嘅形式出去自己拎！飯可以自行加飯素😃沙律用有蓋嘅獨立包裝裝住，沙律菜新鮮爽口！有芝麻醬、沙律醬選擇，啱晒鍾意食醬嘅你😮麵豉湯有好多豆腐同昆布🤟🏼麵豉味非常濃郁！-✨飲品方面佢有自製嘅冷泡茶或者汽水🤪 埋單都係$206，非常抵呀😗仲有惡搞濕紙巾同埋裙😛-呢間野都好full，同埋有細細間坐得比較迫，大家記住要book位呀！

呢排好興食石燒牛，喺旺角通菜街都有好幾間。入到去呢間豐石板燒專門店令我好期待。門口有位置預先買飛，客人可以挑選自己喜愛嘅石燒。我同朋友揀咗美國肩胛肉眼同埋封門柳。兩者都係200 Gram足夠一個人食嘅份量。出邊有任食沙律、味增湯同埋白飯任裝，仲有好多醬料俾顧客任君選擇，包括有燒肉汁、豬扒汁同黑椒汁。沙律菜仲可以自行挑選唔同口味嘅沙律醬。我就揀咗胡麻醬，啲沙律多到倒瀉晒🤣。味道比較清，沙律菜尚算新鮮。我哋重點左兩客小食，分別係香芋丸同埋芝麻雞翼。冇幾耐石板燒就到啦。我哋慢慢將牛肉切開。比較鍾意食封門柳。佢嘅肉質鮮嫩而且香，用埋枱上面嘅電動黑胡椒添加器味道就攞滿分啦！飲品方面呢度有樽裝嘅蜜桃烏龍茶。朋友特別鍾意飲茶揀咗冷泡茶。味道甜甜的，伴隨茶香非常令人心曠神怡～

平價好玩鐵板牛🎈 豐石板燒專門店/Look at these sizzling steak🥩 it’s nice that I can control the readiness of the steak on my own./一直都未食過自助鐵板牛🐮今次可以自己整自己控制住牛肉既熟度 又幾好玩喎🥳叫左兩個鐵板燒套餐 套餐仲跟埋無限任拎任食任飲沙律樽 飯同麵豉湯添👐 食牛食唔飽食飯實飽😂美國Prime肩胛肉眼 ($78) 好大好厚嘅一塊肉呀 雖然邊邊有啲肥肉 但好在可以集中切走佢🍽 肉質比較韌 所以都需要咬一段時間 個人覺得呢個部位嘅牛 牛味未夠出🙈美國Prime封門柳 ($98)冇諗過封門柳有驚喜喎 一黎就有三嚿都唔細既封門柳 可以同朋友慢慢燒 肉質唔韌 肉汁都幾豐富 加埋佢地既牛油黎燒 好香😋牛味都相對肉眼部位較濃👅榴槤炸彈($20)鍾意榴槤嘅朋友仔唔好錯過 外脆內軟棉棉 食落有好香嘅榴槤軟心係中間 就算唔係榴槤愛好者都啱食喎😝食到自己燒嘅牛牛 又可以沙律白飯湯任裝食到飽 已經好滿足啦✨

以半自助形式既石板燒套餐,點左一款心水肉類後就可以係自助區內無限追加沙律,麵豉湯及白飯.沙律菜放入雪櫃內以一罐罐玻璃裝好,乾淨衛生而且仍然keep到水份唔會乾爭爭.珍珠米飯唔會煮得過糊而且入口彈牙,加上飯素入口更香.美國prime肩胛肉眼餐廳先將牛扒煎香到大概3成熟再上枱,牛扒色澤光鮮,中間粉嫩既鮮肉唔會暗啞.肩胛肉眼肉味相對較為濃郁及突出,脂肪量較少但油花分佈均勻細緻散發出淡淡牛脂香.肉質香滑,瘦而幼嫩.美國prime封門柳同樣經預先煎香後上枱,中間雖然帶有肉筋但入口唔會過韌.作為牛橫隔膜肌肉,肉質相當軟腍得黎又唔會失去肉類既嚼勁.油花較少但肉味依然濃郁,輕輕加少少鹽同黑椒調味已經夠晒香.芝麻雞翼雞翼炸得好香脆而且一d都唔油膩,好有驚喜！雞翼面上仲加上芝麻粒增加香脆感.連雞翼尖既雞翼更香更惹味.雞翼醃得鹹香又無雪味,內裏雞肉仲好香而且唔會柴.藍青口青口肉充滿新鮮既海洋鹹味.石板既熱力夠,煎完牛排後就算隔左一陣再加上藍青口上石板煎仍然帶有熱力.加熱後既藍青口入口更香更creamy.