影片
港鐵葵芳站 D 出口, 步行約5分鐘
繼續閱讀
電話號碼
54213888
營業時間
今日營業
全日休息
星期一至五
11:30 - 20:30
星期六
全日休息
星期日
11:30 - 20:30
以上資料只供參考, 請與餐廳確認詳情
呢度啲豬扒好有水準，價錢合理全部由人手揼鬆（聽到廚房揼揼聲）一食落口就知道，非常有誠意👍🏼 嚟過2次招牌炸豬扒同煎豬扒都各有各好，二選一都要諗好耐…….今日加咗$10 配埋鹽酥雞試下，估唔到都好得喎即係下次選擇又再困難啲囉😅 呢度老闆同店員都好nice 又斯文，罐裝汽水嚟到仲要幫你攞紙巾抹下嗰罐先，有冇咁細心㗎😌星期六中午去到可能無乜返工返學客所以比較靜，希望有誠意嘅小店都能夠頂得住，越做越好啦！
繼續閱讀
真心介紹葵芳好食小店香港來來去去都係大集團，難得有特色小店，大家梗係要支持吓！叫咗個鹽酥雞擔擔麵同埋契爺涼拌麵配炸豬扒，兩個餐嘅份量都好足，好味之餘味道亦都唔公式化！擔擔面仲有好香的麻椒味！而涼拌麵就好啱夏天食，加埋啲麻醬甜甜地，勁開胃！鹽酥雞好大碟，勁多粒，炸豬扒份量都唔細！如果唔夠食，仲可以加埋佢哋嘅小食，我就嗌咗涼拌茄子，清清地幾舒服！套餐可以加幾蚊配嘢飲，飲咗黑芝麻豆漿，下次可以試埋佢個竹蔗茅根！老闆娘好好人，有態度有味道，值得支持！
繼續閱讀
炸豬扒、炸豬扒，老闆仲“好食”過佢地既炸豬扒，好nice，同我地傾計，仲教我地點炸豬扒先好食，個豬扒調味剛剛好，出面乾身脆口，但係入邊d肉質都比較乾左d，唔影響，果碗面口感有d驚喜哦~
繼續閱讀
阿仔出名大食，但佢推介這店，就儘管試試。我叫了鹽酥雞粒葱油拌麵，麵質煙靭，軟硬適中。葱油汁香，但不會過鹹，廚師調味功高，還有少少菜。鹽酥雞粒真的大而足矣，份量足而食到心足。香酥脆脆，而肉質嫩滑。阿仔叫了炸豬扒飯，也是外脆肉鬆，肉燥份量及鹹度也恰到好處，我向來不愛肉燥，但食下也覺得足料好好味，難怪阿仔推薦。這店食物款式不算多，但可選的都味道不錯（因為不是第一次光顧）。店推出的牛舌飯也不錯，味道好，牛舌不是薄薄的，簡單的調味。店員見阿仔是中學生，還主動叫他自己取飲品。讚👍🏻
繼續閱讀
🐻葵芳糧食🐻秘製煎豬扒擔擔麵🍜加 手工鮮菜肉雲呑擔擔麵湯底夠曬濃郁又有花生香味，炸醬仲落左啲蝦米🦐更加香口，湯底真係好好飲😋我揀左手工拉麵，粗身啲都幾掛湯。秘製煎豬扒都有驚喜，平時出邊食既煎豬扒通常都有硬又實，呢間嘅煎豬扒厚度適中，唔會覺得好韌又容易咬開。最驚喜係菜肉雲吞，雖然唔大隻，不過味道好好，白菜同豬肉的比例岩岩好，好好食，2隻真係唔夠喉🙈📍 豚之家豬排專門店 (葵涌)葵涌美芳街2-14號昌鴻大廈地下5號舖味道😋:🌕🌕🌕🌕🌑性價比💰:💵💵💵回訪度🤤:🥴🥴🥴🥴
繼續閱讀