象泰宴

營業中

休息中

象泰宴成了我家在屯門最常光顧的泰國餐廳之一，這裡的菜式份量十足，價錢不貴，亦屬區內少見有質素的泰國菜，而且鄰近停車場，方便弟弟泊車，所以我們久不久就來這用餐。愛吃香口小吃的，一定不會錯過象泰小食拼盤。炸雞翼酥脆的模樣看來非常誘人，一口咬下，雞翼皮脆肉嫩，沾上甜酸醬提味，讓雞翼味蕾更加可口迷人。雞肉與豬肉串燒肉質頗為軟嫩又帶有香料氣息，搭配濃郁花生沙嗲醬，串燒順口美味。飽滿的炸蝦餅可是泰國菜經典小食，記得上桌要趁熱吃，蝦餅真材實料，極具彈性，毫不油膩，十分耐吃。泰式經典明爐烏頭也是我家最愛，故我們又來回味一番。明爐烏頭湯底喝起來酸香鮮甜，加上烏頭滾煮，湯漸漸變得溫潤。烏頭魚肉嫩口得很，加上香茅，肉碎，杏鮑菇及多種香料調味，料多實在，烏頭濃香極致，令人忍不住一口接一口吃過不停。我一直念念不忘豬頸肉啫椰菜苗煲(馬拉盞)，馬拉盞惹味不死鹹，風味獨特。豬頸肉爽彈不乾柴，椰菜苗嫩綠鮮美，吸收馬拉盞的精髓後相當入味，非常下飯。這裡泰式濕炒海鮮河是我家人氣之選，它的味道可媲美泰國所吃的。濕炒河粉上頭滿佈蔬菜，海鮮，為雪白的河粉增添色彩。河粉連同湯汁品味，吸飽湯汁更添香氣，彈牙滑順，無窮味美。金黃的泰式

今晚同細妹加佢小朋友去咗細妹家附近的象泰宴食泰國嘢。餐廳內店員十分親切，因為我係第一次到那食肆，但細妹就有時都會去食午餐。不過就未試過晚市。先問店員有什麼推介，佢介紹泰式生蝦$88（6隻），話同坊間有些不同。其實特別在有兩種辣汁，綠色的秘製辣汁比較辣，慢慢才會在口腔滲出辣味的感覺，而橙色辣汁就辣味退散較快，如果兩種都一定要吃，我就先食最辣的綠色，哈哈！泰國金柚子蝦沙律$88我每次去泰國餐廳都會叫柚子沙律，香甜柚子肉加上酸汁，柚子肉沒有澀味，伴著蝦肉，酸酸帶少辣，必吃的開胃前菜。冬蔭公海鮮湯$108冬蔭功，冬（Tom)代表湯，蔭(yum）代表酸辣，功（Goong)代表蝦。湯內有蝦肉，青口，魷魚，菇類，十分新鮮的，湯底亦十分香濃，味道只是微辣。咖哩牛筋腩煲$98牛筋腩又淋又入味。送白飯，薄餅一流。汁有少少甜，同行小朋友用佢點多士（即係蒜蓉包）香蔥蒜蓉包$42（6條），烤的蒜蓉包上碟已切成條狀的。每條就像厚多士，牛油味香濃、蒜味凸出，小朋友一口氣食半碟，點上咖哩汁又真心好味既。去骨豬手煲$98懶人最愛 ，（即係同行小朋友）因為冇骨！豬手鹵得十分入味。雖然有層豬皮但不覺油，唔辣當然係小朋友專享

身為屯門人，周不時都要捐窿捐罅去搵好西，今次發現間正泰菜，象泰宴。係泰國人擔任廚師，實力同信心都有保證。餐廳有卡位，平日夜晚去唔算多人，不過卡位都滿哂，原因就係卡位貼心到有叉電位，俾一眾食家醫肚之餘，仲可以叉電💕💕，sweet 到呢。小食小食係送嘅，係好食嘅薯片。泰式生蝦 $88依個價錢有六隻生蝦，性價比高，生蝦好似shot咁一杯一隻，有2款辣汁，包你唔會悶。而且肉質彈牙，新鮮。海南雞 (半隻) $98無論雞叫幾多，都會附上一碗油飯。雞肉鮮嫩，不過稍欠雞味，但勝在皮薄，脂肪少，完全附合海南雞既條件。香葱蒜蓉包 $42上碟好似層層疊咁，食落口，脆卜卜，不過如果蒜味再濃烈啲，會更好。

去完加拿大旅行返黎 日日都食薯條一返到黎 就想食番餐好味泰菜身為屯門人 記得置樂花園果邊 新開左間 即刻去試星期日晚8點多左右去食 剛好不用等位店員好快就安排位置 其實位置好闊落選擇都幾多款點左個鹽燒尖吻魚,生蝦,海南雞飯推介既月亮蝦餅先黎生蝦刺身 造型超得 2個汁都好惹味個人認為紅色辣d即刻整杯mango 沙冰 涼快番 超滿足 好足料 甜度適中跟住到月亮蝦餅 真係好大份呀pizza 咁厚 唔油 唔熱氣 因而唔係炸 啖啖肉海南雞好滑 唔算太油 飯粒好軟滑 好食!呢條魚 燒得剛好 魚皮好脆 都啖啖肉 好滑 配埋個汁更好食5樣野 , 2個人食 超夠 埋單420 有魚有蝦有雞 合理 加埋服務環境可以encore

今日落屯門食飯，約埋屋企人，諗緊食咩之制，咁人話想食泰菜，咁係屯門食泰菜好自然又會想起象泰宴，所以我們就去了這間位於青善街康景花園裏面嘅泰菜囉。你睇下，兩位小朋友幾喝望進去，眼都快發出光似的，真係未出發先興奮。可能黎得早，未見很多人，坐左六七成，當然卡位早就搶光光，因為他的卡位佈置得很有氣氛的。人多可以點多幾樣食物，一人食啲就可以食哂，咁我地七八條友，自然可以叫多幾樣喇，一人一啖都食哂喇，咁我地叫左生菜包，生蝦，冬陰公，咖哩面包軟腳蟹，月亮蝦餅，菠蘿炒飯，小食拼盤，芒果糯米飯，扎肉雞絲河粉，咁多野應該都夠食瓜。生菜包，應該都算係指定菜色了，有菜有肉夠建康，其實啲菜新鮮，肉夠味，兩樣Max埋一齊就已經好好食，這個正是做到這點，好味。生蝦，用小酒杯裝著，一隻一杯，有創意，啲汁唔會走哂出黎，蝦新鮮爽口，夠辣，一口一隻。咖喱軟腳蟹麵包，其實我對麵包這類真係麻麻地，唯獨軟腳蟹炸得香脆爽口，咁咁人一直話太小汁，不過不失。冬陰公必試，味道正中，好鮮甜，小小一鍋好足料。菠蘿炒飯，有¼隻菠蘿伴碟，ok好味，填飽肚子必須要有。小朋友至愛小食拼盤，大路野。蝦餅都必試，蝦味濃又香口。扎肉河粉，大路貨，志在填飽

收工去屯門搵朋友，朋友好日都唔會出城，所以惟有就下佢入屯門比佢帶我食好西喇天氣開始少凍，但我已經非常掛住BKK嘅美食喇。見我泰菜癮起。。朋友就帶左我去呢間［象泰宴］。餐廳環境不錯，幾有格調。平日入座率仍有9成，枱與枱間有足夠距離，不狹窄呢樣要讚下。泰式生海蝦 6隻 $88 - 分別有2款醬汁, 梅花間竹用杯仔裝住，橙色嘅係偏酸辣嘅汁, 而綠色係青辣椒做嘅汁。兩款汁都係辣嘅，而後者辣度係更上一層，綠色汁夾埋辣椒食應該會噴火。蝦肉爽口彈牙，因為朋友怕辣我一人食哂６隻當係開胃前菜合適不過啦，大叫爽黃咖哩麵包軟殼蟹 $168 - 軟殼蟹份量好多，有成6-8舊。麵包皮焗到非常香脆，黃咖哩汁香味溫和唔辣有椰奶香，朋友唔食得辣都食到。馬拉盞炒通菜 $58 - 到處都有得食嘅通菜就不多講了,  有馬拉盞味，亦炒得恰到好處唔會過老變色。但輕輕一讚係，平時其他餐廳嘅馬拉盞炒通菜8-9成都落好多油，但要一讚係呢道菜食到最底都唔會話好油。菠蘿海鮮炒飯 $98 - 飯炒得乾身, 海鮮份量都唔少而且炒得勻, 勝在每羹都會有海鮮粒粒。椰青 $34  - 泰菜又點少得椰青呢,  椰青水滿滿，非常解渴。百香芒芒 $36

喺屯門元朗天水圍想食泰國菜第一時間一定係諗起小曼谷🇹🇭呢日都唔例外，走去置樂食個泰國菜點知去到發現小曼谷搬咗去後面街（食完先發現只係一街之遙）同鋪位就開咗呢間象泰宴🐘咁就試試佢啦！招牌焗黃咖喱麵包軟殼蟹 $168本身想試佢個南瓜大花蝦點知當日南瓜冇貨😭咁就試吓呢個軟殼蟹估唔到又有驚喜喎黃咖喱香，唔食辣都冇問題麵包配咖喱不死組合軟殻蟹炸得香不過比多2-3舊就仲開心🥳泰國金柚子蝦沙律 $88本身好鍾意食金柚😍😍佢嚟到個份量有啲令人驚訝因為金柚本身都唔平滿滿既一碟金柚再加上幾隻size適中既🦐🦐令人垂涎欲滴，兩三下手勢就食完🤘🏻好味指數：

大西北之友這次來到置樂新開張的象泰宴。 環境整潔，裝潢雅緻，跟一般泰國餐廳感覺不同。和朋友坐卡位，寬敞舒適。還有叉電位！非常貼心。炭燒豬頸肉 $78每次吃泰國菜都必點豬頸肉，通常都不會令我失望。這客豬頸肉比較特別，以石爐端上，保持溫度；份量十足，豬頸肉堆得滿滿，啖啖肉，醬汁惹味，吃至最後一片還是熱的。青咖喱流心蝦球 $68餐廳不乏創意菜式，包括這道流心蝦球。蝦餅吃得多，這麼大的蝦球倒是第一次吃。賣相討喜，又大又圓。 外層炸得微脆，內裡蝦膠口感偏軟熟；一切開青咖喱醬緩緩流出，香而不辣，配合泰式辣醬，酸甜開胃，口感味道豐富。南瓜大花蝦 $198本身想吃焗黃咖喱麵包軟殼蟹或焗青咖喱麵包雞，但已經點了蒜蓉包，加上看到這道招牌南瓜大花蝦的照片頗吸引，便改變了主意。賣相果然如照片般精緻，原個大南瓜中有兩隻半大花蝦和雜菜，伴以香濃咖喱汁。南瓜肉軟熟無比，咖喱汁非常入味，拌飯或蘸蒜蓉包一流！兩隻半大花蝦開邊成五件，輕輕炸過，配微辣咖喱汁，相當惹味，從沒想過南瓜跟咖喱那麼配！香蔥蒜蓉包 $42賣相討好，每一條蒜蓉包的每一個平面都焗得金黃，蒜香四溢；本以為包上的一點點是焗焦了，其實是香蔥，更添風味；麵包外

入完機場經過屯門，當然順便揾個地方食埋飯先，仲要方便泊車！唔使等位，就試新開的象泰宴泰式生海蝦有6隻，每隻獨立用小杯子裝住！兩款唔同醬汁，每杯有蒜頭、辣椒，好惹味，生蝦幾爽口🤤🤤🤤招牌焗黃咖喱麵包軟殼蟹 麵包內滿滿是咖哩汁同軟殼蟹！切開麵包食，軟殼蟹又大隻又炸得夠香脆🤤🤤🤤停唔到口泰式菠蘿海鮮炒飯有得多配料，例如有魷魚、青口、肉鬆、腰果、菠蘿......仲有菠蘿裝飾好特別🤤🤤🤤月亮蝦餅配上泰式醬好正，不過就唔似月亮囉，但係好香脆好好味生菜包個肉碎唔錯，有肉汁的，包埋入生菜度食岩岩好!酸酸辣辣的冬陰公湯是必點的食品冬陰公湯比較辣，但可以叫少辣，鮮蝦、蕃茄、草菇等等非常足料！

象泰宴 (屯門)屯門青善街康景花園8-10號舖食物：冬陰公湯$108個湯一上枱勁開 飲落好開胃湯既料都好足 蝦啖啖肉 青口幾好肉其他海鮮都好足料 絕對唔係馬虎 而且會燙住佢 唔怕佢會凍 好細心泰式海鮮炒貴刁$78呢個貴刁上枱時係勁多料海鮮都幾多下 大大粒蝦而且味道辣中帶香 泰式鳳爪沙津$68呢道沙津個辣度非常之勁不過辣來得快 去都好快鳳爪好彈口 食落d汁係口爆出黎麻辣多春魚$58上枱時個擺設好靚 好有心思而且份量都唔差 有6條多春魚咬落好脆 而且勁多春而且千島醬 好新穎 好神奇豬頸肉炒菜苗$76菜苗妙到好重味 但又唔會覺得唔好食另外豬頸肉好爽口 爽到好似食緊豬扒呢道菜配埋白飯一流啊 位置：餐廳位置就唔係好方便大家可以google map住行環境： 鋪頭環境裝修設計到好似你沙灘咁而且燈光好光 令到餐廳個感覺好大當然啦 位置都有好多另外牆邊位可以有得差電 好貼心

泰國菜都喺我喜愛菜式，今次約左家人黎屯門食野，搵到一個新餐廳-象泰宴，餐廳裝潢唔錯，光缐充足，座位舒適，枱與枱之間唔太迫，相對舒適，而且仲有露天座位 都幾岩二人世界有三張特別卡位黎到服務員請食蝦片🤤唔洗一陣就俾小朋友食晒，我一片都冇份😡泰式生海蝦🦐一個杯一隻蝦賣相幾靚 幾岩相機食先📸📸📸食落去都好甜好新鮮👍🏼👍🏼👍🏼👍🏼招牌焗黃咖喱麵包軟殼蟹 麵包內滿滿是咖哩汁同軟殼蟹，切開麵包食，沾滿香濃的咖哩汁（咖啡汁好像不夠）月亮蝦餅📸外型不像月亮🌜味道不錯，外面薄薄一層炸得非常脆，裡面有蝦膠、蒜頭和蔥粒，口感彈牙。一定要點附上的醬，除了平常的泰式甜酸醬外，不吃得辣的朋友仔可以點甜甜地的酸梅醬，兩個醬配炸物都好正！🤤🤤🤤菠蘿海鮮炒飯菠蘿殼作裝飾幾得意📸📸📸有蝦、青口、魷魚、蟹柳等，還有腰果和肉鬆。飯炒得算乾身👍👍👍最後黎到甜品芒果糯米飯啦！糯米飯係紫黃色相隔，芒果清甜，我同囡囡最愛最愛最愛😘😘😘

泰菜四圍都有，起初真係唔明點解要山長水遠入屯門食? 但食過之後，我肯定會有下次，甚至係下下下下下....次，地點已不再是考慮因素。 招牌焗黃咖哩麵包軟殼蟹--嘩! 滿到瀉喎! 麵包吸收了黃咖喱的精華，好好食。軟殼蟹的份量也不少，應該有2隻半至3隻 蒜蓉包--通常是用法包，呢處用方包切成長方條狀，食落很香脆。喜歡的話，'dim' 少少黃咖哩軟殼蟹的汁醬也可 菠蘿海鮮炒飯--真的要讚讚，魷魚、鮮蝦、青口、腰果、菠蘿粒、豬肉及提子乾...樣樣材料份量都多，飯粒又夠乾身。單看價錢$98不算便宜，但食過之後，我不單止是認為是抵食，直情是覺得超值泰式甜品拼盤--食飯有甜品至算係有頭有尾，棷汁糕很軟滑、紅糯米又夠煙韌，上枱時是暖暖的。因師傅要時間加熱，所以差不多食飽飽時，可預早些少落order 椰青--食泰國菜冇椰青，等於食印度菜冇咖哩一樣，是不可或缺的。相片未必睇得清楚，話您知...裡面的椰汁有九成滿呢

今日老公係屯門附近收工，我地約左屯門置樂等，因為有錶位可以泊車，之後行去附近搵食，西餐，日本料理以排食得多，今日我地去食泰國菜，因為真係太耐冇食啦。坐低後，餐廳送上一客泰國炸蝦片，蝦片有小小辣，食落好香好脆，不油膩每次黎到泰國餐廳都會必點串燒沙嗲（$88）有3串雞，3串豬，都好大串，豬肉好軟腍，一點都不柴口，雞肉亦好嫩滑，燒得好香，而且還好重香芧味，正泰式肉碎生菜包（$78）肉碎炒得乾身，唔會出晒水，清爽可口的生菜包著香辣惹味的肉碎一齊食，真係好開胃，而且比既生菜都好足夠粉絲蝦煲（$138）蝦不算太新鮮，只有2隻，粉絲炒得乾身，份量好多，但竟然有我最唔鐘意既芹菜。蝦醬肉碎炒飯（$78）份量好多，未食已聞到好香好香，超有鑊氣，炒飯炒得乾身，粒粒分明。椰汁冰（$26）唔太甜

見呢間餐廳網上好多好評，而且價錢抵食 ,朋友提議嚟試下。裝修不錯，地方寬敞，樓底夠高，坐得好舒服。估唔到卡位仲有usb頭提供，可以充電。餐牌分門別類， 有粉麵飯類，蔬菜類，肉類，BBQ類，海鮮類，甜品，飲品等等，選擇十分多呢！一坐低即刻送上一碟蝦片，超好味！一定要食！感覺像熱浪薯片，微辣微咸，好香口的又邪惡的小食。前菜點了我最喜歡的泰式酸辣鳳爪沙律$68,估唔到咁大碟。鳳爪冇骨，酸辣味道恰到好處，我喜歡吃辣，感覺辣度是小辣，酸度令人食得開胃，不會嗆喉。蟹肉炒粉絲$68 ,冇諗過呢個價錢都有咁大碟！粉絲鹹味剛好，蟹肉已拆成絲，因為粉絲和蟹肉都是軟綿綿的，所以配菜加了蘿蔔絲、芽菜、洋蔥等一起炒，增加爽口感，還有蛋花增添香味呢！整體味道不錯。豬頸肉椰菜苗煲$76 (馬拉盞), 用鍋上， 上桌時熱辣辣，聽著醬汁在鍋裏卜卜作響，香味撲鼻！椰菜苗鮮嫩，很鮮甜又爽口，這是我最喜歡的泰國菜之一，因為吃中菜的話就沒有椰菜苗食。豬頸肉肉質爽口，馬拉盞醬汁香濃，加了蝦乾一起煮，本來平凡的蔬菜變得十分惹味，而且豬頸肉的分量也不少，這個菜算抵食呢！月亮蝦餅$88 ,一碟有八件， 不是平時食開的半圓形，而是薄餅形

好耐冇食過泰國餐，今日突然想食下，就黎左屯門呢間象泰宴，位於三聖輕鐵站附近，行十分鐘左右就到，都算方便。一坐低，店員就請我地食蝦片，鹹鹹辣辣，好惹味啊，搞到我一直食唔停。飲品方面呢，就點左個鮮椰青，多清甜仲可以解辣。前菜當然唔少得泰國既特色小食，豬頸肉生菜包啦。用左好多泰國香料去炒既豬頸肉，好入味，包係生菜入面，減去一啲油膩既感覺，絕配啊。仲有我最愛既月亮蝦餅，滿滿既蝦肉，炸到香脆金黃，睇已經好吸引啦，我推薦大家一定要點埋泰式辣醬一齊食，酸酸辣辣好開胃嫁。最後，主角係焗青咖哩麵包雞，滿滿既青咖哩，裏面除左雞，仲有豆角蔬菜。個麵包焗到好脆口，加上吸滿咖哩汁，每一啖都有香濃既咖啡味。咁佢就唔太辣既，一般人應該都可以接受。