象泰 (已結業)

雅都商場gogomall中，有一間泰國餐廳，味道不差。餐廳名字，叫象泰，今次第二次品嚐，菜式不同，但比上一次的美味。首要推薦的一定是去骨豬手煲，98元，皮嫩肉淋，食一啖，滿口骨膠源，味道調教得亦不錯。馬來喇沙海鮮湯米粉，78元，一點也不辣，椰香味稍重，配料亦不少，包括有青口，豆卜及蝦。酸辣鳯爪沙律，全晚最辣的菜式，酸酸辣辣，十分開胃，68元一份。紅咖喱羊排骨，98元，咖喱香甜，羊排骨很嫩，可惜被切得太細舊。海南雞，跟上次的味道差不多，便不再提了。蟹肉炒粉絲，因蟹肉缺貨，改用肉碎，鑊氣夠，很入味，炒得亦夠乾爽，當晚的亮點。香葱蒜蓉包，蒜蓉味很夠，不足的地方是，蒜蓉包採用了方條型，太粗，還是薄片較好。今次的菜式，與上一次比較截然不同，但卻更好味，下次再試其他菜式。象泰 (屯門)人均消費190元屯門屯門鄉事會路112-140號雅都花園1樓商場118-127號舖

今晚朋友約我到屯門雅都go go mall food court 裏面食泰國餐🥢🥢等咗五六分鐘才有位，原來有早鳥優惠啊， 幾吸引呀😚今晚食啲乜？金柚子蝦沙律調味幾好， 酸甜醎香帶點辣， 柚子一疏疏，十分開胃👍月亮蝦餅點解唔叫星星蝦餅嘅😆 外面脆脆乾身，以炸雲吞皮，裏面蝦膠加咗馬蹄，另有兩款醬汁配塔，食落無咁膩👍蝦醬炒通菜鑊氣👍啲菜好嫩，但覺得鹹咗少少😆明爐香檸尖吻魚原來係鱸魚嚟嘅，魚鮮肉滑，少魚骨👍 有菜和粉絲墊底， 加埋酸辣適中嘅湯底，非常醒胃😋泰式南瓜布甸南瓜質感似栗子😚 布甸好似食緊日本玉子咁，只不過味道係椰味中帶點醎味， 有幾好食🤣🤣🤣芒果/火龍果沙冰上面加咗層芝士奶蓋😈 比較鍾意火龍果， 夠清甜、清新😊👩‍⚖ 食物質素唔錯，價錢實惠，下次會約多幾個friend嚟食晚市優惠套餐😚

難得入屯門，朋友帶我去食好西，輕輕鬆鬆聚一聚。點咗個二人餐，覺得幾抵食，食物出品都好有質素，唔錯喔小食拼盤（小）哩個拼盤滿足貪心嘅我😋春卷好脆，同墨魚丸一樣炸得好香口同乾身雞翼有醃過先，好味串燒都燒得幾好，點醬更惹味招牌焗黃咖哩麵包軟殻蟹一上臺係即刻嘩嘩聲，睇到已經覺得好滿足😂黃咖喱調得幾香，唔辣不過幾惹味，特別係d配菜，葱、洋葱會索晒d味😂至於軟殻蟹都無咩輸，不過會建議上檯就快d食，始終浸住。猪頸肉啫通菜彷彿點通菜係食泰菜嘅指定動作😂哩個通菜炒得唔錯，唔會太硬，係啱好嘅，綠油油咁，食指大動咸榨7 與 椰青

星期五放工到屯門行街街，經過雅都花園商場上面食街，發現裡面有間幾肆正既泰國餐廳，同男朋友入去試下啦，食一轉當去泰國架啦我地點了泰式生蝦6隻，有兩隻泰式辣汁杯裝上，生蝦夠新鮮又夠辣，超好味主菜點左咖喱麵包軟殼蟹，咖喱汁點麵包吃已經好吸引，配埋軟殼蟹真係無敵，我眼見幾枱都有點呢道菜式仲點左兩道基本泰式菜，泰式原條蒸爐魚，泰式無骨鳳爪。兩味都非常正，因為試過出面食泰式鳳爪辣到靈魂開竅，呢度既辣度係岩岩好最後仲有杯泰式芒果冰冰解下辣，超爽皮😍食到間好味既泰國菜，感覺真的好似走左轉泰國小旅行

之前已經食過'象泰'，記得佢嘅生蝦比較特別，會放喺一個小杯浸住一啲特製嘅辣椒汁裏面😍今日經過v city就想再食過佢啦😉二話不說梗係先嚟過泰式生蝦喇，不過今次有少少唔同，上次我記得用個圓盤載住咖，我幾好記性😅不過依然冇變嘅都係浸住一啲青色同紅色嘅辣椒汁，青色嗰隻比較辣，因為紅色嗰隻帶少少甜味，中和咗👍兩樣都咁好味😋😋😋辣椒膏炒聖子蟶子唔算大隻，不過都幾厚肉，仲好爽口鮮😉配菜嘅青椒號朝都炒得好入味，好快就俾我食曬喇😅辣椒膏炒蟶子果汁都好好味，所以我叫咗個印度薄餅，醮埋啲汁食曬，一啲都冇浪費😜飛天炒芥蘭，鹹鹹辣辣，好惹味😋啲芥蘭好嫩👍食咗咁濃味嘅，梗係叫杯啤酒，我就叫apple cider，飲一啖透心涼價錢真係好實惠喎👍

最近真係好想食泰國菜，因為前排去完泰國旅行回來的行程， 短短幾日完全食唔夠爽><所以同朋友食飯果陣就想食下泰國菜，朋友就好爽快帶我來到這裡@@話又平又幾好食，物超所值。一共order了 2餸1菜加一甜品，夠曬2個人^^豬頸肉啫通菜煲（馬拉盞）香港餐廳來説鑊氣都算夠，一上菜就香噴噴馬拉盞的味道，同當地食嘅感覺差唔多。豬頸肉彈牙，令到成盤菜味道更豐富泰式辣椒膏炒花甲一大碟有蒜蓉和乾蔥的味道而爆香，辣到都算適中,愛食辣的人就可能要加啦， 因為辣椒膏食落好過癮～泰式海鮮炒貴刁充滿泰式口味，有少少酸辣的感覺同平時潮州嗰種非常不同口味。 加上用幾款海鮮，例如蝦仁的鮮甜都入曬落貴刁裡，味道不錯，另到開胃。甜品放在另一個胃系列haha😍😍泰式南瓜布甸甜品方面就叫了個平時比較少見的菜式@@就算平時在其他正宗的泰國餐廳也比較少^^好奇寳寳上身就當然要嘗試一下拉唔算太純甜， 感受得到是用新鮮水果做成的口味。值得一試！多款泰式飲品

再次來到這家食東西🤤 剛開門的時間來人流不多可以自行選擇位置🙈 快快選擇食物之後等送餐吧~等了大約十分鐘就開始送餐來了 時間算挻快的感覺·泰式酸辣青口 HKD$88 ·泰式生蝦 HKD$78 ·海南雞油飯(半隻) HKD$98 ·印度薄餅(2件) HKD$32·原隻椰青 HKD$34·熱港式奶茶 HKD$22這次點了泰式酸辣青口和泰式生蝦做餐前小吃🤤🤤味道酸酸甜甜挻開胃 而且用小杯子裝著感覺很可愛另外點了半隻海南雞 肉質挻滑身嫰滑 還附送油飯這次點了印度薄餅 口感酥脆要熱辣辣食口感是最好

上個月食完呢間泰象之後覺得非常出色而且位置啊好近屋企，價錢又親民今日偷懶唔煮飯就一於再去幫襯啦，當然今次叫嘅嘢同上次唔同，先來一個泰式金邊粉再有一個黃咖喱，仲叫咗一條烏頭，炒左一個馬拉盞通菜，雖然有上次嘅經驗但係今次都唔小心叫得太多，每一碟嘅份量都好多大家如果係嘅都要因住！今次我最推介就係嗰條烏頭，非常之有泰式口味但又不失本身條魚嘅鮮味，係睇住佢係個腦上邊慢慢煮熟，保證熱辣辣唔會有腥味！我諗好快又會下次再嚟幫襯！

雅都裝修後新淨企理左唔少，多左個門口入，電動樓梯一路直上就係food court行到盡頭都有幾間堂食餐廳，當中包括呢間平民價貼地泰菜。正如店名，門面、壁畫、擺設都以泰國象作主要元素，富有當地特色。必吃串燒，有雞、豬兩款，前者飽滿軟嫩，後者結實、有咬口，配上花生味濃郁突出既沙嗲醬，非常香口。鳳爪沙律好大盤，混入芹菜、洋蔥、蕃茄，淋上泰式魚露酸醋，酸辣兼容，提味醒胃。鳳爪無骨易食，口感爽脆，令人禁不住吃過不停。小份拼盤同樣足料，份量足夠二至四人分享。有串燒、蝦餅、春卷同雞翼。春卷餡料豐富，有切絲木耳、椰菜、紅蘿蔔同馬鈴薯，外皮炸至薄脆，整體入口鬆脆香口，有飽足感。紅咖喱同想像中有出入，蕃茄味突出，偏酸酸甜甜，岩不好辣既客人同小朋友食羊件份量不算多，但肉件煮至離骨，食起上黎都算方便。

因為探朋友入屯門，人生路不熟，朋友介紹到這裡午餐。一向喜歡泰菜的我當然要一嚐佢地餸菜。椒絲腐乳通菜通菜好綠，好嫩。腐乳味再濃啲就更好啦。炒蟶子估唔到蟶子好大隻，炒得好夠獲氣。配菜亦都好惹味。鐵板牛仔骨牛肉味濃，配埋黑椒味好啱送飯。肉質一啲都唔韌。椰青，超清甜呀，好解渴。飲完椰青水食埋椰子肉。肉質好嫩，忍唔住食晒成個椰青肉。百香芒芒。芒果沙冰，酸酸甜甜，食完辣嘢飲啱晒。椰汁西米糕，為呢餐飯畫上完美句號。

好耐無去泰國突然掛住泰國既美食經過見到就入去試下佢舖頭雖然唔係好大都唔係話好明顯但鋪頭都好多人食嘢食方面種類其實算多而且佢有套餐俾我哋揀套餐相對於單點平一啲而且套餐選擇多佢唔係局限你二人餐有啲咩佢有得揀二人四人六人你可以喺上面嘅食物上面揀你要嘅食物我見我想食嘅嘢係套餐上面都有當然叫個套餐比教化算豬頸肉馬拉盞通菜正正常常，但有啲辣，食唔到辣既朋友係會飲好多水網包鮮蝦炒金邊粉小食拼盤（小）2個人食3樣其實係好多食唔曬仲要加咗野飲埋單每個人都係一百左右都算唔貴

#cassiegotuenmun-最近瘦編成日流連新界西，今日就同朋友黎到屯門新墟個邊嘅雅都商場。依個商場一樓有好多野食，除左food court之外，仲有好多餐廳選擇，今次我就揀依間泰國餐廳「象泰」。😻-餐廳主打帶有西式風格的泰國菜，調校後非常適合香港人口味。主食叫左原隻椰青海鮮焗飯($88)，好足料有好多海鮮，包括青口、蝦、魷魚、蟹柳等等，因為焗過配埋啲椰汁，好入味，食唔停口。另外叫左個細嘅小食拼盤($108)，裏面有炸蝦餅、煎雞翼、炸春卷同串燒，最鐘意食個炸蝦餅，個蝦滑打得好靚好彈牙！🥘-飲食均衡嘅我點會唔叫碟菜呢？我就叫左豬頸肉馬拉盞通菜煲($76)，通菜好新鮮好翠綠，豬頸肉都好爽口。飲品分別叫左好清甜嘅大椰青同百香芒芒（$36），百香芒芒係由芒果沙冰加椰汁組成，感覺似許留山嘅飲品，好清新。-味道評分▶️🌕🌕🌕🌕🌑 (4)抵食評分▶️️🌕🌕🌕🌕🌑 (4)回購評分▶️️️🌕🌕🌕🌕🌑 (4)-➡️ 象泰 (屯門)📍 屯門屯門鄉事會路112-140號雅都花園1樓商場118-127號舖-

雅都商場最近進行大翻身，搖身一變成為美食廣場Go Go Mall，當然帶爸媽來尋找隱世美食，我們先逛了一圈，商場以小食店為主，行到盡頭有間泰國餐廳，價錢親民，星期一至五不設加一服務費，決定一試。先送上一份蝦片，入口鬆脆，邊食邊點餐，餐牌選擇非常多，頭盤、沙律、各式各樣的主菜、甜品等。先點飲品，爸媽選擇鹹檸檬七喜，我選擇原個椰青，冰凍青甜，消暑降溫。半打串燒，雞肉豬肉各半份，加上秘製沙嗲醬，十分惹味。幼嫩的椰菜苗，配上馬拉盞，味道濃郁帶咸香。製作需時20分鐘，原條烏頭用錫紙包裹上枱，餐廳職員細心把錫紙拆開，魚身鋪滿秘製的泰式香草，肉質非常嫩滑，完全沒有魚腥味，配上泰式酸甜醬，十分開胃。蝦、青口、雜菜、雜菇等配料十分豐富，河粉口感軟滑煙韌，香濃的芡汁，完全沒有油膩的感覺，值得推介。

同老公仔仔係屯門睇完戲，知道雅都商場宜家有好多美食選擇，所以嚟睇睇；最後決定食象泰。平日晚上，餐廳都坐滿9成，相信好受歡迎；打開餐牌見到有好多選擇，我哋點咗～泰式菠蘿海鮮炒飯 $98賣相精美，而且比我想像中大碟😂有兩隻大青口，竟然鮮味十足，比自助餐凍盤個d更鮮甜😮$98咁大碟，如果朋友多，真係抵食串燒沙嗲 老公有沙嗲癮😅沙嗲大大串，一樣係抵食之選，雞肉無燒到過乾，如果調味上可以甜少少會更正粉絲蝦煲百幾蚊竟然有兩隻大size蝦，真係估唔到！粉絲好有味，充滿八角及其他香料味道，入口滿滿泰式風味👍愛泰必食海南雞飯半隻海南雞連飯$98，叫多個菜，兩口子都夠食😋雞肉好滑，好香；油飯都夠味，正❤️龍眼冰泰國餐廳我最鍾意飲龍眼冰😚龍眼夠足料，讚。青檸梳打餐廳分開上，梳打汽水自己倒，即刻抵飲晒，老公好滿意。

係屯門凱都戲院附近有個雅都商場，裝修左甘耐都未行過，原來裡面有好多好吃既，一格格食肆，好像夜市格局，人流都多左好多，我地都入去逛一逛。係呢間泰菜門口見到幅畫，好正，呢度逢星期一至五仲免加一，入去試下先。好，坐底睇下有咩好食先。泰式酸辣鳳爪沙律，酸辣到十足，我係食得辣嘅，都覺得勁！榴蓮波波，炸得好香脆，裡面既榴蓮好堅呀，係堅榴蓮味道，正！冬蔭公鮮蝦肉碎炒飯，飯炒得乾身，仲有大大粒蝦肉，輕微冬蔭公味，唔會太辣。紅咖哩羊排骨， 紅咖哩夠稠，有少少椰香味，羊排骨雖然有少少羶，但點完咖哩，就唔多覺，仲好腍好入味，配埋薄餅直頭一流，而薄餅就好香奶酥味。南瓜布甸，布甸既重奶味又有南瓜香，放左係正正既南瓜肉上面，一齊食仲更有層次。