象泰 (已結業)

相信大部份人都同我一樣，冇特別事都盡量留喺屋企，唔會外出，口罩慳得就慳，不過好似我地呢啲仲要番工嘅人，邊有咁多時間去買餸煮飯，總有一餐半餐在外。通常喺屋企附近解決，象泰係個唔錯嘅選擇原本以為呢個商場會開始旺，不過眼見最多人就已經係泰國野了。menu選擇多，又有二人餐，價錢合理，有時lunch都喺度食算，懶得諗。今日點左半隻海南雞配油飯，半隻雞份量足，雞件大件，啖啖肉，肉質鮮嫩，有朋友唔食雞皮就由我一個人包辦，入口滑溜，又唔覺好油膩。配埋個有少少泰式feel嘅sauce，送飯一流墊底仲有幾條菜心，有菜有肉。跟住我地多數點條魚，明爐烏頭最穩陣，個個都啱食魚肉大條厚肉，等個爐滾起少少就食得。湯底係泰式風味，有香茅、蔥啊同啲肉碎，好多料明爐魚黎講都算滑溜，而且唔會好多骨，食得較放心。最底仲有粉絲，吸哂酸酸辣辣嘅汁，又唔會好淋！食泰國野好多時都會點泰式鳳爪，鐘意佢夠開胃，又可以食埋伴碟嘅沙律菜。

Gogo Mall 泰國菜，餐牌好多款式，由沙律、小食、串燒、咖喱、海鮮、肉類、明爐魚、飯麵等一般泰國菜都有齊哂，價錢合理，平日仲唔收+1👍👍泰式生蝦六隻😊非常新鮮蝦又夠爽口左邊的味道是較為辣辣的，右邊就酸酸的配合埋一片蒜頭加薄荷葉非常好味👍椰青好清甜，飲到底都係椰青嘅原汁原味！豬頸肉預先已經烤好，再放在小火爐上烘熱，務求做到入口是最熱辣辣。味道惹味，有肉香又juicy。飛天馬拉盞炒通菜 又係另一樣泰國菜必食系列 炒得好香，辣辣地，夠晒開胃鹽燒尖吻魚，有驚喜，鹽燒後更加香，肉質好嫩滑，一啲腥味都冇😌😌蒜蓉磚好大份食兩件已經好飽😂😂菠蘿海鮮炒飯，新鮮菠蘿㗎，仲有魷魚、青口，腰果，好夠獲氣，好乾身👍👍分量真係比其他市面嘅餐廳大好多，好抵食👍👍

今日揸車入屯門行下吸收下新鮮空氣，咁就係雅都花園food court入面揀左呢間泰國野食宵夜。炭燒豬頸肉有小火座熱，成個感覺好有炭燒風味，份量都算多有兩層既，而且好有咬口，肉質嫩香，仲有個汁比你點，可以自己調下味。辣椒膏炒蟶子王同泰式辣椒膏炒花甲都幾新鮮同大隻，兩個個汁基本上差不多，用黎撈飯/粉一流，好有泰式風味，唔算好辣但好入味。泰式海鮮炒貴刁好似河粉咁既，唔會好肥膩，貴刁食落感覺香滑，蝦就爽口彈牙，仲有青口都新鮮有口感。內在佈置都好典雅，有泰國風情，令人感覺舒適。食物種類亦多，總有一款岩你。

象泰呢間泰國菜價錢經濟，環境比對出面的美食廣場可以話坐得相當舒服，而且由於政府導致疫情嚴峻，所以出街食飯的市民比起之前大幅減少，所以今次黎食飯唔駛等位已經有得坐先出場的是月亮蝦餅，月亮蝦餅外形一D都唔似月亮，反而有D似太陽，蝦餅入面係蝦膠加上馬蹄，呢2樣加埋令到口感變得豐富，另外仲會有兩款醬汁可以點黎調味蟹肉炒粉絲好入味，炒得亦都好乾身，蟹肉份量唔算多但係入面的確係有蟹肉的，係唔錯的小菜泰式馬拉盞炒通菜炒得剛剛好，而且馬拉盞份量唔會過多以致味道偏鹹。百香芒芒面頭係芝士奶蓋，而下層係芒果沙冰

屯門都有好野食～屯區雅都這商場開業一段時間，有大大小小的餐廳，類似food court，而這家則是一家餐廳的形式～因為好久沒吃泰國菜，這次要吃點好的！每次去泰國菜餐廳都必點的是椰汁鮮雞湯，酸酸甜甜，好開胃，湯料十足，有雞肉和各種菇類！這份量大概夠四至五碗。之後是青咖喱雜菜，加飯食是一流！青咖喱不辣，偏甜，加蔬菜食是剛剛好，又有口感又易餸飯～三味爐魚不得了！是類似酸甜排骨的製法，把與切件再炸，再連番茄、三色椒、菠蘿一齊炒，酸酸甜甜， 好滋味。最後是甜品，南瓜布丁，外貌好趣致，把布丁釀在南瓜上，外觀而加分！布丁是類似燉蛋的味道，再加上清甜南瓜，不會太甜，不錯。餐牌如下

自從役情之後，都甚少出街食飯，今日出嚟入貨，當然要順便食下野🤭🤭GOGO Mall食肆很多，泰菜一向都係至愛，象泰就最合口味😊一入去已經有 🤩酒精搓手液 供客人使用，好窩心呀😍😍食物質素頗高，夠地道！店員服務也細心，不時主動換碟👍泰式菠蘿海鮮炒飯用上鮮菠蘿🍍夠乾身，而且材料很足，青口大大隻，仲有尤魚，蝦🦐、腰果，肉鬆，好豐富☺☺網包鮮蝦炒金邊粉賣相💯打卡一流，鮮蝦大隻，鮮甜，夠晒地道😁有花生碎、韭菜撈埋一齊食好惹味😋😋沙嗲串燒半打沙嗲汁好正！香茅味突出，燒得很香，沙嗲汁完全唔辣，反而多一份香🤪天氣凍胃口特別大，幾多碗油飯有驚喜喎，乾身夠香芒果沙冰很足料食到粒粒芒果肉，飲埋個鮮椰青就Perfect拉🤩🤩食物，服務都吾錯，價錢大眾化，仲要全日免+1添🥰🥰

餐廳環雖然沒有豪華的裝修， 牆上泰國飾物好雅緻， 充滿泰式風情， 食物質素不錯 ，價錢親民。香蔥蒜蓉包六件$42法包烤得十分香脆可口 ， 外脆內軟， 入口充滿誘人蒜香， 香濃牛油味， 令人吮指回味。海南雞飯半隻配油飯$98海南雞雞皮， 油光亮麗 ，彈牙緊緻 ，平時唔食雞皮的我 都食埋了， 雞肉嫩滑， 沾上 泰式醬汁，滋味無窮， 配埋 雞油香飯 ， 香味濃郁，帶有啖啖誘人香茅味， 齋食飯都可以吃完整碗飯！馬拉盞豬頸肉煮通菜煲$76豬頸肉爽彈， 火候控制剛好， 通菜翠綠爽甜 ，好有鑊氣， 配上鹹香的馬拉盞， 不會太鹹， 帶微辣，十分惹味， 拌飯一流。香芒軟殼蟹米紙卷$78用大米製成的米卷， 薄身晶瑩通透， 煙煙韌韌，富彈性， 包著炸到金黃香脆， 令人垂涎的軟殼蟹， 配上大量爽口檬粉、 甘筍絲、 熟透香甜芒果， 加埋特製醬汁， 感覺健和清新，一點也不覺油膩， 好有泰式風味。象泰芒果椰汁糯米飯$68糯米飯鋪滿滑溜的椰漿， 椰香 誘人， 糯米飯入口黏糯、煙韌，與椰漿非常搭配 ，芒果肉蜜甜多汁，夾合糯米飯享用， 不愧泰式人氣甜品 ，令人忘不了。百香芒芒$36芒果沙冰， 冰爽蜜甜， 還有 啖啖芒果肉

話說之前我喺屯門食泰國嘢嘅話，好多時都會去小曼谷。不過由於最近經常都會去打拳，拳館隔籬就係雅都商場，所以好多時都會同朋友打完拳之後上嚟搵食。食得最多嘅餐廳都可以話係呢間象泰，質素都幾滿意。所以今次就帶埋媽媽嚟試下佢嘅泰菜晚餐。首先睇睇環境。都幾企理，而且有卡位，座位之間都鬆動嘅，坐得幾舒服。餐牌普遍都有做折扣。加上佢星期一至五有個特惠二人餐，又都幾抵嘅喎。例牌海南雞配油飯呢個可以話係性價比之選。海南雞全部都係去骨嘅，食落非常淋身，雞皮都好爽。再配上海南雞辣汁。可以話係越食越開胃。泰式炒通菜。每次食泰國菜必點嘅，今次貼通菜都炒得幾靚仔，而且辣辣地噉樣，送飯一流。冬陰功湯麵。由於好想飲冬陰功湯，但我又冇主食，噉不如就叫個冬陰功湯粉，上菜時見到碗麵真係好大碗，冬陰功湯非常入味，亦會見到落咗好多蝦頭，少少辣好過癮。另外海鮮非常多，兩隻大大嘅青口係重點，同時亦有魷魚蟹柳大蝦等等，值得推介。小食拼盤。雖然我哋只係叫咗一個細嘅小食拼盤，但份量都可以話唔講得笑。咁多人入邊我最鍾意係蝦餅，因為大大件好鬆脆，鮮蝦味十足。其次就係串燒，兩條串燒有豬有雞，份量好大串，而且落咗沙爹醬非常惹味。青檸梳打。基本上成

<香港·屯門>泰國正唔正宗未必最重要😺最重要係煮得岩唔岩口味😻今次搵到可能屬於香港人口味既泰菜🤩🤩🤩同行一共6人但只有小妹食得辣🥺🥺🥺（我需要食得辣既朋友！） 大家一致舉高雙手🙌🏻12隻手贊成呢間泰菜既野食超出預期好食！Pad Thai 都唔係做花瓶，蝦仁爽口新鮮，夠鑊氣之餘，夠惹味！！！份量仲好多！ 唔洗好似食船麵食10幾小碗先夠飽ahahahah!!!🤪🤪象泰 (屯門)屯門屯門鄉事會路112-140號雅都花園1樓商場118-127號舖

係屯門凱都戲院睇完戲 當然要食個靚飯~ 泰國餐廳象泰會係一個唔錯的選擇👍🏻價錢合理 味道也令人滿意😋先來生菜包😋生菜包份量十足 👌🏻肉碎滋味， 配上新鮮生菜 。美味而不膩泰式經典明爐烏頭明爐烏頭魚一路有燭火保持魚的溫度， 慢慢吃也不會涼掉。啖啖肉的烏頭魚配上泰式香料等都十分唔錯。小吃方便我們點了青咖哩流心蝦球😍 推薦給各位 剛剛炸起的蝦球，香脆可口 。切開蝦球入面，有著惹味的青咖哩，配蝦肉一流👍🏻最後仲有椰青海鮮焗飯😍好食😋椰香十足 海鮮料也十足。 每口飯也有香濃椰香 蝦帶子魷魚青口等海鮮分量絕不欺場👍🏻大家睇完戲絕對可以黎試試👌🏻

今晚約咗朋友喺屯門食飯，兩個都係泰菜忠粉，千挑萬選揀左呢間😀入到去覺得裝修唔錯，幾高格調同企理👍仲播埋泰文歌，好有feel 😂 我哋叫咗個明爐烏頭走辣，蛋網雞絲金邊粉， 馬拉盞炒椰菜苗同埋椰汁芒果糯米飯😍條烏頭都幾大條，肉質肥美，無泥味無腥味👍 食到啲配菜例如薑同唐芹都好新鮮，原來底下仲內有乾坤收埋咗啲粉絲😱 索晒啲湯好好味😋😋金邊粉賣相都好吸引，份量多，個汁酸酸甜甜好開胃～馬拉盞炒椰菜苗有輕微嘅辣，但係好香口好惹味👏 喺街食嘅炒菜嚟講唔油膩👍👍個糯米飯比較軟身，幾黏幾煙韌，係我鍾意嘅口感😁 以前好唔鍾意食椰汁，而家食得多芒果糯米飯，對椰汁嘅接受程度都高左，覺得會滑啲香啲～四道菜都冇令我哋失望，推薦😁

今日咁啱嚟到屯門，見到呢個商場有一個類似Food Court既地方，不過呢間泰國餐廳就最吸引，望到入面好多客人，而且位置都幾舒服，咁就入去試吓啦。一開始我哋就叫咗個生蝦，估唔到佢嘅賣相咁靚啊。將逐隻生蝦放入shooter杯度，唔單止好睇，而且生蝦仲索哂啲辣汁，大大隻嘅生蝦真係好好味。呢個海南雞飯真係極度推介，啲雞無骨，而且又嫩又滑，唔使點汁都好好味。而佢個飯就係黃油飯，夠晒濃味，親埋海南雞食真係一流。食泰國嘢梗係要飲泰象啤啦，佢即場開咗支泰象啤，係我地面前倒入呢個泰象度，真係好有風味啊。呢個牛仔骨都非常值得一試，記得價錢唔貴，但係勁多舊牛仔骨，而且烹調時間啱啱好，個牛肉唔會太硬亦都唔會太稔，夠晒惹味最啱送飯啦。朋友叫咗呢杯芒果特飲，佢話仲好味過許留山，我試咗一啖，的確好重芒果味，但係又唔會太甜，消暑一流呀。呢間餐廳價錢唔貴，嘢食又高質，雖然屯門唔近我，但有機會一定會再嚟食呀。

屯門食泰國菜，水準照舊。👨‍🍳👩‍🍳食物質素：🍜馬來喇沙米粉椰香味好出，唔辣，米粉唔嚡口，仲吸晒椰香喇沙味。🥗酸辣鳳爪沙律好惹味，而且辣味十足。完全係開胃菜。鳳爪係冇骨，方便進食。🥰蟹肉炒粉絲大愛，粉絲軟熟，唔硬。蟹肉都多，夾埋粉絲一齊食，配搭合宜。食多多都得。🥖蒜蓉包大大條，好脆口。剩食都好香口，另配咖喱就一流。海南雞肉質嫩口，唔腥，雞皮爽口。紅咖喱羊排會將羊排分左骨同肉，方便進食。咖喱唔辣，但惹味。

朋友介紹一間抵食嘅泰國菜，就不妨去試吓雖然門口不起眼，7點入坐，食到9點，但都不停番抬，証明已經有熟客，多人幫襯😚而且有早鳥優惠，7:30前結帳，會有8折，但不適用於套餐🤭🤭午市套餐都好抵食😋😋😋味道尚算ok,但價錢非常貼地，而且有2人、4人、6人套餐，多款菜式選擇，套餐一定已回本，抗拒唔到嘅泰國菜蝦醬炒通菜~十分惹味，大碟抵食👍🏻如果加少許辣味就更好月亮蝦餅~推介👍🏻,不似平時食嗰食，用麵包槺炸，係用類似春卷皮包住炸，所以無咁油膩，而且較脆，但蝦肉略多馬蹄,所以不夠彈牙，不過配埋2款醬料配搭可加分，一款係泰式甜酸醬，另一款有d似話梅醬，所以食時減油膩感，而且十分開胃😋😋泰式明爐香檸汁尖吻魚~味道很好，有點微酸辣，十分開胃，但明爐要分開加2次熱才夠，而且檸檬煮太耐便有點苦味之外，魚質都夠鮮甜，好食😋泰式南瓜布甸🍮~圖片以為整個上，但最後上碟已切好，有點失望，布甸味道帶點椰汁味，而南瓜好軟棉，皮都可食😋不過份量過多，有點太飽百香芒芒~芒果味，但欠芒果味，只飲糖水咁😢😢碧深映紅~火龍果味，幾清甜柚子蝦🦐沙律~柚子份量十足，味道剛好，但蝦及其他配菜較少，有點單調

剛去完新加坡和馬來西亞的友人想給我們手信，順道來頓新年飯聚，我們選了象泰用餐，因為這裡美食琳琅滿目，不遑多讓，每次吃畢我們都滿足地嘴角上揚，東西太好吃了。橙紅的冬蔭海鮮湯光看已經覺得精彩，酸酸辣辣的湯頭不會令人卻步，香氣十足，一喝就會上癒，想多喝幾口。冬蔭海鮮湯用料豐富，滿滿的青口，魷魚，原隻大頭蝦，非常合我們的胃口，喝上一口，有一秒回到泰國的感覺。泰式肉碎生菜包味道地道，肉碎以香葉，辣椒粒等拌炒，吃來酸香帶辣，萬分開胃，一次過征服我們三張嘴。肉碎可以伴飯吃之餘，亦可包著生菜吃，生菜清脆富水份，與肉碎一起吃好不清爽。泰式馬拉盞炒椰菜苗香噴噴的，椰菜苗經鹹鮮的馬拉盞助威真的不得了，翠綠的椰菜苗鑊氣十足，蠻幼嫩的，吃來極之順口，很快被我們吃光。朋友最近吃泰國菜都迷上喝椰青，椰青水冰涼香甜超解渴，而且最棒的是裡面的椰青肉可以給她慢慢挖著吃，增添口感和滿足感。青咖哩流心蝦球超有趣，札實的厚度，香脆的外層包覆彈牙的蝦球，吃得到蝦肉的鮮甜彈牙，還有惹味的青咖哩在蝦球湧出，美味程度瞬間爆升，單吃已好吃，當然有些人會喜歡沾點蝦球旁的甜酸醬。我知道朋友是雞控，故特意為她點了泰式芭堤雅燒雞給她吃。泰式芭堤