豪園餐廳 (已結業)

2008年12月10號 - 下午1點15分左右今日要幫公司去屋宇處辦事。 辦左之後就在太子找野食。 步出始創中心就看到豪園茶餐廳。 就決定試試la。 入左去就找個位坐la。 但是因為lunch時間, 好像無位。 要搭抬。 不過不緊要la。 照坐la。 看看有什麼食先。 他們有米線或飯。 但是我最終揀左一個常餐。 火腿俺列+方包, 叉燒意粉&奶茶。 奶茶來先。 Um。 奶茶好好飲。 味道好好。 然後個火腿俺列+方包來la。 俺列好味, 但是比較肥膩。 落左好多油來煮。 方包就OK。 最後個意粉來la。 試試先。 Um。 叉燒幾好味, 但是覺得煮得不熟。 意粉就覺得無味。 總括來講都OK。 但是偏向失望。環境都OK。 餐廳好大&衛生。

11月29日(星期六)同亞仔唔知食乜，又好鬼肚餓，就是是但但入咗豪園，亞仔叫咗西冷扒配羅宋湯及熱檸茶($45)，我就要咗師傅煲仔飯加凍檸茶($42+$14)。個飯比扒更怏到，羅宋湯好重茄汁味，個扒一般，有牛味但係太鬆~可能用咗好多梳打粉，白飯就奇奇怪怪，用個中式飯碗裝俾你，要茄汁，就攞個豉油碟裝 ~ 哈，好一餐中西合壁！！反而師傅煲仔飯，好足料有好多臘味粒粒瑤柱同蝦乾，好香噴噴！！不過$$貴咗D,嘢飲要正價。

去玩夜行之前想食 d 野, 九點半入去坐低, 環境尚算乾淨.叫左個蔥油雞套餐, 朋友鍾愛拍青瓜, 叫左一個.蔥油雞套餐 $45蔥油雞餐湯味精味超重. 好難飲.蔥油雞、飯 都係凍的, 飯也是硬的. 菜 有黑邊.. 勉強揀左兩條食之後放棄. 拍青瓜 $12朋友說拍青瓜唔掂.. 青瓜係本地貨, 完全唔新鮮整既時候亦都冇用鹽水浸過... 完全冇誠意.. 雖然地方服務尚可接受，但食物唔得, 下次不會再來了

一星期都有去一兩次, 除了方便, 其次是很喜歡那個早餐 A (火腿煎蛋, 加鮑魚雞絲通,加餐飲) , 第一次叫來吃, 便已覺很好味, 因為其他茶餐廳, 只得普通的火腿通, 就算是雞湯底, 也不夠這個"野"味, 鮑魚明知是假, 但也做得很似, 以一般茶餐廳的水準, 算不錯了.不足之處, 煎蛋不能改炒蛋, 遲了些去食,雞絲或鮑魚會賣完, 還有些服務員的服務態度不太友善, 總括來說都可以.

李基於本人極愛食豬軟骨，所以一見到餐牌有關豬軟骨的，當然唔放過，要試勻啦，最終嗌左個，豬軟骨上海面，同我最愛'香港仔魚蛋粉'的豬軟骨口感不同…總叫試過嘛…一般啦。雞扒撈公仔面：嘩…咸到暈…鐘意食濃味既人實岩囉完整的''魚''湯米線：勁多豆腐囉…絲瓜都唔少…………排骨煲仔飯：飯呢家野唔關我事…但就有人辣親手…(關事)~~低!!

星期六落大雨無咩地方好去...2個人行完街就來這裡食個TEA..我叫左雞翼薯條, 友人要左個豬頸肉炒烏冬, 每人一杯熱好立克..雞翼都炸得好金黃; 最喜歡係佢地D薯條厚厚有口感, 炒烏冬偏油但味道唔錯...不過這店真係有好多食物選擇, 下次我都想試下佢地既芝士/咖哩汁撈丁先..應該唔錯

又係電車男二人組出動時間，由於總總原因，度度都逼滿人，結果逼於無奈去呢間茶記醫肚。好求其叫了個海南雞飯套餐同油雞套餐。每個餐$45...包湯、飯、雞、菜，相比大解樂，呢個價真係貴。至於食物質素，只可以咁講，配角好過主角，首先湯係足料大碗、菜亦大碟新鮮。唯獨主角阿雞就真係好唔得，賣相差都算啦！你唔俾雞脾都算啦！但都拜托唔好斬到好似o既雞頭雞尾咁...咬落啖啖骨！！總之就好似係o的頭尾咁...死未！最可憐朋友o係番書仔，唔知價錢就叫杯凍奶茶，又加多$14...一睇就知係行貨，仲要係超細杯(同平日果杯洗筷子o既茶杯一樣size！！)...唉...如果唔係貪一時方便，打死都唔會入去食...

我是太子前金都員工,放工成日一班人去食!!呢間野最得係個紅湯(羅宋湯)!!講真有時好唔好食呢家好難評!!因為大家點既野唔同,所以我通常我都用最好個二三樣黎講!!不過,我都係個金都做左一段長時間!呢間野係個紅湯令我覺得好之外!!其他都普通~OK既水平!!價錢就貴左D啦!!唔係成班人放工話去食我都唔想去!!反而我想講,印象中佢有小菜,其中既蒸肉餅可以唔洗叫!!成日蒸出黎都已經變左!!(唔知呢間有無,因為佢有分店的,係地鐵另一個出口!!)整體黎講,環境一般!!味道一般岩求求其其一餐為醫肚而醫肚既人士,服務都OK,因為人多所以佢地係無電視,根本無諗住比你傾計!!人多佢地會主動叫你走!(通常搵熟客開刀,所以...)抵就一定唔抵食!乾淨分二個部份,食物食咁耐無出過事,點解比4分!餐廳普遍問題,廁所唔得!

晚餐來了這裡，一入去，好污糟，被安排去了一很近廚房的兩人卡位坐，餐牌上的食物價錢以這裡這卡士偏貴。後來點了兩個比較便宜的菜飯同凍檸茶，突然一個阿姐服務員由廚房拖左個大桶出黎，哇，入面全是餿水﹗﹗她竟然擺在我們桌旁的地上，然後沒洗手就去個櫃度拎左ｄ餐具擺去我地檯，然後又繼續拖佢個餿桶﹗我地一睇ｄ餐具，有ｄ殘渣痴住對筷子﹗﹗oh no!唁知係咪佢隻手污糟high番黎﹗無哂胃口﹗跟住黎左兩杯凍檸茶，一飲，哇﹗好苦．．．好似ｄ怪水味咁．．．兩個菜飯，賣相已經麻麻，食落口都係麻麻，加上胃口先前已經受到重創，好辛苦先捱哂碗飯﹗﹗唉﹗

星期六同女朋友黎呢度食晚飯,我見佢新promote 自己係"魚湯專家",新出魚湯米線/泡飯好似好有魚鮮味,就叫黎試下,試過之後發覺原來唔掂o既.....首先,我係叫炸魚餅泡飯o既,點知黎o左炸魚餅米線,我都算啦,點知試下啖湯,真係唔係好覺有魚湯味囉!可能落得唔夠多魚/料,或者拗得唔夠耐。個炸魚餅就浸到個"脆皮"淋晒,都無炸過無分別囉,好心佢炸野就另上啦。食完覺得好口渴,似乎魚鮮味不足,卻用味精搭救呢....

今次係第二次鈬 食№ , 上一次感覺好差, № 食唔好味. 今次因為新年無得揀, 所以焗住鈬 食.新年無餐都算, 散叫仲要加價, 略厭過份, 都算啦! 我坐鰟 位, 飱 飱 係d 伙計整№ 食隔里, 睇住佢整№ 食好求其, 亂鈬 咁樣, d № 又點會好食呀!茶餐廳d奶茶應該穏陣, 點知食完№ 都仲未鈬 , 問完再問先飲到杯唔知似咩鮋 奶茶, 無奶味鮋 !d服務又唔好, 地方又非常污糟wo! 唉...

睇朋友踢完波，來這裡吃。不用考慮，是叫常餐，有大大碗紅湯螺絲粉，好好味，食半碗都覺有點飽。

師傅飯無得頂~$37 一個煲仔飯餐送一個湯...價錢算比其他餐廳貴d d如果佢加埋餐飲感覺上就抵喇~叫左個師傅飯~ 第二度真係好少好少見到有師傅飯只聽媽媽講舊時先有師傅飯食!好味道!!! 師傅飯其實係粒粒臘味煲仔飯味道好香~唔會感覺到好油呢度既煲仔飯好食~ 因為佢d 飯真係粒粒都乾身唔濕而且飯焦仲好正~ 好夠乾但唔燶真係好好味喎~仲食左個豬軟骨撈上海面好耐無食過呢種上海白面喇~yummy ~其實都唔係第一次食豪園喇不過其實佢每樣野都做得好味難怪佢咁多人不過... 有次我叫左份炸薯條$12 , 但個份量真係少得可憐!!!一定無中薯個份量囉

昨晚和男友來吃飯，吃了梅菜肉碎飯，不錯，幾大碗..仲有豬軟骨撈河粉..豬軟骨幾好味，但撈河粉確有點怪

薯餅係小弟另一種至愛小食,見佢有薯餅早餐,為其他茶餐廳小見,所以幫襯.可惜佢喱隻薯餅係市面上所賣質素最低一種,而且炸得好"窿",唔掂.煙肉反而煎唔夠"窿",好肥膩,生食肥肉咁,又係唔掂,喱個早餐較失敗.